ازاى تبقى رذل فى المواصلات

[gstar21]

ازاى تبقى رذل فى المواصلاتــ


1_لو راكب فى باص أو ميكروباص وجنبك حد نايم اوعى تسيبه نايم
كل شوية اقعد قول وصلنا عشان يصحى مخضوض لو عمل اهبل صحيه وقوله مش انت نازل هنا بيتهيألى

2_لو مش نايم متسيبوش فى حاله برضه عيب عليك متجيش
ركز على سؤال واقعد اسألهوله كل شوية زى أنت نازل فين طب انت دفعت ولا لأ
لو قاعد هو جنب الشباك جوه وقالك عدينى قوله رجلى منملة مش قادر وخليه ينط زى القرد
أو قوله ماتنزل من الشباك

3_لو انت فى أتوبيس وقاعد على كرسى وجنبك ناس واقفة استمتع بقى وخد وقتك
اتمطع بقى وقول ياسلام على الراحة الواحد مكنش عارف هيعمل أيه لو مش قاعد

4_لو العكس بقى اقعد اسأل كل واحد انت نازل فين واقعد قول بصوت عالى
ياجماعة محدش نازل قريب أصل انا عايز اقعد طول مانت واقف قول كده لحد مايقعدوك

5_لما الكمسرى يجى ياخد منك الاجرة اسأله على تمن كذا مكان
يعنى قوله هو لغاية الحتة الفلانية بكام طب لغاية الحتة دى بكام
اسأل على تمن كل الاماكن اللى تعرفها لحد مايقولك ياعم خلصنى رايح فين
قوله مانا عشان ابقى عارف بس وتقل فى العيار يمكن يسيبك ويمشى

6_لما يدى حد تذكرة قوله ورينى كده لو سمحت واقعد اتأمل فيها
لحد ما صاحبها يزهق ويشدها منك

فى مفتش بقى ساعات بيطلع يفتش على التذاكر وبيطلع على السريع كده وينزل
أنت بقى اوعى تديهاله علطول كده أزعل منك والله
دور عليها ساعة حط ايدك فى جيوبك مية مرة هيقولك خلص يا استاذ قوله ثوانى كانت معايا والله
واقلع الجذمة ودور فيها وفى الاخر طلعها من بوقك بعد مايكون هو مات من الملل وقوله مش قولتلك

8_كفاية كده بقى حرام المفروض تنزل قبل الناس ماتموت منك
أستنى رايح فين أنت نازل عادى كده ولا كأنك رذل ولا حاجة
وأنت نازل هيبقى فى ناس واقفة أعمل نفسك مش عارف تعدى
وحاول تجاهد على قد ماتقدر وتضيع الوقت اللى تقدر عليه
لحد الناس ماتشيلك وترميك بعد ماتكون جبتلهم السكر ورفعت ضغطتهم

[abdoo1995]

:eek::eek::eek::eek::eek::eek::eek::eek::eek:

[abdoo1995]

mesh 3aref a2ol eeeeeeeeeeeeeeeeeeeeh .... 3aref enak bethazar bas ely haya5do gad fahowa da hezar .. sa7 wala eh ?

[GM]7oDa]]

l0l0l0l

[™ShildEgypt™]

مكرر للاسف :(

[شريف الشرس]

لاسف مكرر بس بردو مشكورررررر

[BOM]

بلاش حد يجربها عندنا فى مصر لحسن يطلع عينو

[HaMaDaOnLiNe]

يبقي انت اكيد في مصر ^^

[Pink]

هههههههه

تقبل مروري

[ۣۜGènèraŁ~A]

شكرا على الموضع

[TheLionKing]

مكرر يا برنس

[omar007]

ههههههههههههههه
ده ايه الرخامه دى

[Ghost_Arrow]

ولو طاع واحد ارزل منك واداك علي وشك هتعمل ايه ساعتها

بس مش هيكون لوحده هو والاوتوبيس كلو

[love_allah]

المشاركة الأصلية كتبت بواسطة ghost_arrow عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] ولو طاع واحد ارزل منك واداك علي وشك هتعمل ايه ساعتها بس مش هيكون لوحده هو والاوتوبيس كلو

نفس السؤال الي كنت عايز اسئله بس مش حيبقي واحد ده مش بعيد السواق يركن ويعمل فيه زي ميلودي تتحدي الملل

[Omar.Khaled]

هههههههههههههههههههههه

دانا ممكن اموت فيها