| بـعـيـدآ عـن سـيـلـك رود [ هذا القسم مخصص لمختلف المواضيع البعيدة كليا عن مجال الألعاب ] |
 |
|
|
أدوات الموضوع | انواع عرض الموضوع |
13-07-2009, 02:31 AM
|
#1 | ||||||||||
  
|
يا جماااااااعه ازيكواااااااا الموضوع دا متجدد ماسى ماااااسى احنا فتحنا اذاعه هنا ومن الاخر مش هتقدر تغمض عينيك (علشان خلاص هتتعمي) تردد الاذاعه ::اربع اصفار صفر 2 زيرو منتدى ضحك * ضحك وانت داخل كده علي ايدك اليمين ورجلك الشمال يعني بعون الله هتوصل بس انت قول يا رب اذاعة نجوم اف تف بعيد , مزيكا ومواقف و كلام فى الحب وعن الحب واى حاجة تخطر على بالك أو ماخطرتش لسه هتلاقيها هنا معانا احنا بس فى كاست نجوم اف تف بعيييييييييد هذه الاذاعة برعاية عصير بست مشروب العيال الشاطرين وجبنة براميلى دومتى بسم الله نبدا الافتتاح وطبعا نسمع مغنينا الكبير اوى المتألق دايما النجم الشاب الاموووور اوى اوى اوى عبد البااااااااااااااسط حموووووده .................................................. .................................................. ........................ قائمة البرامج 1- اصطبح وقول يا صبح " برنامج الاصطباحة على الصبح , وكل عضو كده يصطبح ويقول يا صبح , ونحب نعرف اصطبحت بوش مين النهاردة ,ويا ترى اصطباحتك عامله ايه , وهتصطبح معانا وتقول يا صبح ولا ايه نظامك " مقدم هذا البرنامج : وحش النحس ابو الخير مواعيد البرنامج : أول ما تصطبح على الصبح , هتلاقينا احنا كمان اصطبحنا وقاعدين مستنيين جنابك تصبحنا !!!!! 2- وانت سايق خليك فايق لحسن تلبس فى تريلا ولا حاجة !!!!! مقدم البرنامج : الواد ميمى والبت جاكى شان " هى اسمها كده ,اعمل ايه يعنى" مواعيد اذاعة البرنامج : الضهر كده ويمكن العصر على حسب التساهيل 3-سوبر صعيدى على الهوا برنامج للصعيد وعن الصعيد ومن الصعيد من الاخر برنامج صعيدى صعيدى صعيدى وفى نحب نعرف انت سوبر صعيدى ولا ايه عاااااد ونحب نعرف أخبار الحب معاك عاد , ومشاعيرك الرومانصية وكل حاجة تعباك يا صعيدى ويا صعيدية مقدم البرنامج هريدى عنايات الباشا مواعيد اذاعة البرنامج المغرب كده , ويمكن تلاجينا على العشا , بس انت يا بوى خليك ويانا واوعى تنام لحسن يطخوك المطاريد 4-البرنامج ده بتاع أم نبيل كل حاجة تحب تعرفها , اسأل الحاجة أم نبيل وأكيد مش هتعرفها , بس لازم تجاوبك مقدم البرنامج الحاجة أم نبيل " أم نبيل بتسلم عليكوا كلكوا يا أحلى اعضاء وبتقولكوا ما ألاقيش فصين توم !!!" مواعيد البرنامج أى وقت الحاجة ام نبيل فاضيه فى , وعلى الله ما تلاقيش حد !!!!!!!!!!!! 5-أحلى 7 الساعة 7 ونص الا تلت وهذا البرنامج برعاية , زبادى ام الخير وشركاه مواعيد اذاعة البرنامج ما قولنا الساعة 7 ونص الا تلت ياغبى مقدم البرنامج شلبية المهلبية 6- اتمسى وقول يا مسا برنامج بنشوفك بتعمل ايه وبتتمسى ازاى ونحب نتمسى ونتعشى ونتغدا معاك واياك تتمسى من غير ما تكون معانا فى اذاعتك واذاعتنا اف تف بعيييد مقدم البرنامج أبو الليل هريدى ابو الليل ماهو مسا بقى " هو صعيدى بس دماغه مفتحة ماتخافوا مش مجفل خالص " مواعيد البرنامج لما هريدى يجى من الغيط يا رخم 7- بتضحك وفاتح خشمك على ايه!!!!!!!! برنامج فى ممكن تحكى كل حاجة بتضحكك وبتبسطك مقدم البرنامج أم الخير أبو الخير والاسرة الكريمة بالكسترد مواعيد البرنامج أى وقت انت فطسان على نفسك فى من الضحك , هتلاقينا احنا كمان فطسانين على نفسنا ويااك 8- ليه يا بوووى ؟!!! برنامج يناقش كل حاجة عايز تعرف هى موجودة او معموله او مكانها هنا ليه مقدم البرنامج الاستاذ :سؤال مالوش اجابة مواعيده لما تلاقى نفسك بتقول ليه , تعاللنا قوام ونقولك احنا ليه ؟!!!!!!!!! 9- ما تنام بئه !!!!!!!!!! برنامج يذاع لكم , فى حالة شعوركم بالارق والتنبلة قدام الكمبيوتر والنت والمنتديات اللى لحست عقولكوا دعوة للنوووم مقدم البرنامج النعسان ابو الليل النعسان " ولد عم هريدى ابو الليل , و زيه بالظبط مش مجفل خالص" ويالا قوم غفل يا ولد منك ليه , لحسن أطخك بالبندقة !!" يذاع لكم البرنامج فى الاوقات التاليه أى وقت متأخر من الليل , والنوم طار من عينيك , تعالى بس عيندينا واحنا هنيموك علطول تشششششششششششششششششششش ششششششششششششششششش .................................................. .................................................. ..................................... نعيد بجى الموال الاخبر ده لما تقوم من النوم وتصطبح وتقول يا صبح على الله الاذاعة تكون عجبتكوا البث المباشر سيبدأ مع اول فجر لطلوع شمس الغد اللي شايف منكم نفسه انه ممكن يكون مذيع علي الاذاعة يقدم طلب ليا وانا ان شاء الله مش هوافق قصدي باذن الله هوافق منتظر المذيعين الجدد اللي مش هيتوافق عليهم لو الموضوع عجبكوا قولولى واحنا هنعمل حلقات للاذاعة ونعمل كمان مذيعين من الاعضاء الممتازين اللى بيعرفوا يكتبوا يلا مستنيا الردود يا شباب ويا بنات انتظروني قريبا جدا في اول برامج اذاعه اف تف بعيد """ ده لو الموضوع عاجبكوا """ هلاقي تفاعل معايا ولا ايه بقي ؟؟؟؟؟؟؟؟؟؟؟؟؟ استر يااااااااا رب يااااا رب يعجبكوا ============================== ================================================= ================== اهلا بيكوا يا حبايبى ازيكوا دى اول حلقة من برنامجكوا متنام بقى هذه الحلقه .. برعايه ... "هات تليفون ... متفوتش لقمه" ""يعنى فودافون متفوتش لحظة"" اسيبكم مع الحلقه و مقدم البرنامج النعسان ابو الليل النعسان مقدم برنامج متنام بقى اللي هو يعني " اسامه منير" مستمعينا الاعزاء من تانى رجعنالكم وازاعتكم الجميله نجوم اف ... تف بعيد والنهارده بنتكلم عن موضوع مهم جدا وهو ان من حج كل واحد انه يحب ودا موضوع انا بعتبره حيوى ولازم اناجشه بجديه ومش هاروح غير وانا مخلصو من الاخر معانا تليفون و نقول الوووووووو المتصلة: اثيك يا نعثان اخبارك ايه النعسان: انا تمام ومليح جوى جوى جوى ... مين معايا المتصلة: انا ثوثن يا نعثان و بحبك جدا جدا انا عندى عشر ثنين وبحب احمد جدا جدا النعسان: مين احمد ده يا سوسن زميلك فى الحضانه؟ المتصلة: اها هو كده فعلا وبنحب بعض بقالنا خمث ثنين النعسان: بسم الله ما شاء الله احساس جميل جووووى اننا نحب وكمان الحاجه لما تبجى بدرى بتكبر مع الايام واصل وانا شايف انكو كده ممكن تتجوزو كمان سنتين والا حاجه و نعمل فرحكو بجى فى اقرب مدرسه اعداديه ونفرح بيكو بس يارب نلاجى فستان على جدك ونلاجى بدله لاحمد او ممكن نلبسه برموده المتصلة: بس يا نعثان انا زعلانه من احمد عشان هو شويه انانى كتير بيجيب لنفثه شيبسى بالكباب ومش بيرضى يجيبلى معاه و خايفه لما نتجوز يفضل كده و الموضوع يكبر وانت عارف الجواز مثئوليه النعسان : لا لا يا احمد كده عيب وانا بوجهلك رساله و بجولك وحيات امك ابقى اكل سوسن معاك لما تجيب شيبسى يا احمد وبلاش تجيبلها بالشطه ربنا يوفقكو وانا متاكد ان احمد جد المسؤليه وعنده الخبرة الكافيه وباهديلك اغنيه( ماما زمانها جاااااااااايه ) و زى ماسمعنا من شويه ان سوسن رغم انها لسه بترضع الا انها تمسكت بحبها رغم ما واجهته من صعوبات فى التكيف مع انانيه احمد تجاه الشيبسى بس برضو على رائى المثل ماحدش بياكلها بالساهل والى اللقاء فى حلجة جادمة معلش اصل الاذاعه اتفتحت بالليل كان لازم نجيب حاجة مسائية يارب الحلقة تكون عجبتكم ومستني رايكم عشان اشوف بقي اجيب الباقي ولا لاء سلاااااااااااااااام ================================ ============================ ================== ============ اهلا بيكم فى حلقة جديدة أعزائي مستمعين برنامج (احلى سبعه الساعه 7 ونص الا تلت) ... نسضيف اليوم المطرب العالمي المشهور صاحب الصوت الجهور .. إللي بيطلع من تحت الماجور ... أقوى من خوار الطور ... وأحسن من تغريد الصقور .. مطرب ركب الحنطور .. ووقف طابور .. لحد ما جه عليه الدور .. وبيتكتب عنه سطور .. مطرب بجد شكله يحير ... ولما تسمعه وشك يتغير ... كان طويل وفجاة بقدرة قادر أصبح قصّير .. كان كبير .. ودلوقتي بقى صغّير .. يا ترى عرفتوه .. المطرب ....... في أخر البرنامج إذا عرفت إحنا بنتكلم مع مين .اتصل على زيرو زيروهين اربع اصفار ونص تكسب معان جايزة البرنامج وقيمتها جاموسة بس ابقى شربها لبن .. المذيع : أهلا وسهلا بيك منور برنامجنا ( إللي اختشوا نامو) قصدي اللي اختشوا ماتو المطرب : أهلا بيك يا باشا . المذيع : يا ترى إيه آخر أعمالك ؟ المطرب : أغنية لسه بسجل فيه حاليا هاتكسر الدنيا إسمها ( يا دنيا بربشي وضحكيلى وفرفشى ) المذيع : إيه رأيك في مطربين الزمن الجميل زي أم كلثوم وعبد الوهاب وفريد الأطرش . ونجاة وأسمهان وعبد الحليم وغيره .. ؟؟ المطرب : الزمن إللي إحنا فيه هو الزمن الجميل , لأن المطربين إللي سعادتك ببتكلم عليهم ما بيعرفوش يرقصوا زينا , وكانت الأغنية تقعد بالساعات لما كنا بنمل منها . المذيع : إيه رأيك في ناس بيقولوا إني كلمات أغانيكم هابطة لكن كلام أغانيهم موزونة ؟ المطرب : الناس دول لا مؤاخذة ما بيفهموش لأننا ماشين مع الزمن كان في حد بيغني على أيامهم للحمير ولا للفوكه زي المانجا والبلح والعنب , بلاش كده حد فيهم غنى للبانجو .. يا باشا ما فيش مقارنة بينا وبينهم المذيع : نشكرك جدااااااااا حكمه اليوم اللى ياكل لوحده يشبع واللى اختشوا ناموا يا ترى مين المغني اللي كان معانا النهارده ؟ .. ياللا جاوب عشان تكسب جايزتنا مستنين مكلامتكم على زيرو زيروهين اربع اصفار ونص وخلى بالك من النص  :D وابقوا قبلونى لو كسبتوا حاجة |
||||||||||
|
| إعلانات google |
|
|
|
13-07-2009, 02:35 AM
|
#2 | ||||||||||
  
|
هههههه |
||||||||||
|
|
|
13-07-2009, 02:48 AM
|
#3 | ||||||||||
 
|
ههههههههههه جاااااااااااااااامدين |
||||||||||
|
|
|
13-07-2009, 02:54 AM
|
#4 | ||||||||||
|
heheheheheheheheh |
||||||||||
|
|
|
13-07-2009, 03:23 AM
|
#5 | ||||||||||
 
|
هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههه طب و الله العظيم اذاعه جامده جدا ودمها خفيف اوووووووووووي شكرا ع المجهود انت اكيد تعبت فيه جامد |
||||||||||
|
|
|
13-07-2009, 03:27 AM
|
#6 | ||||||||||
 
|
هههههههههههههههههههههههههههههههههههه بس انا لما اجيب المحطه اتف على راديو يجبلى المحطه على طووول :p |
||||||||||
|
|
|
13-07-2009, 03:34 AM
|
#7 | ||||||||||
  
|
لووووووووووووول جامده |
||||||||||
|
|
|
13-07-2009, 03:40 AM
|
#8 | ||||||||||
 
|
ههههههههههههههه جاااامده turbo |
||||||||||
|
|
|
13-07-2009, 03:41 AM
|
#9 | ||||||||||
  
|
موضوع تحفه بس فين بقى اسامه منير ده راجل جاااامد جدااااا |
||||||||||
|
|
|
13-07-2009, 03:45 AM
|
#10 | ||||||||||
 
|
هههههههههههههههههههههههههههههههههههه اذاعة جاااااااااااااااااااااامد اوى وى ناخد اتصال تلفونى تانى وى نقول الوووووووة الووووة |
||||||||||
|
|
|
13-07-2009, 03:53 AM
|
#11 | ||||||||||
|
ههههههههههه واللة عسل يا مان بجد جامدة ازاعة اف تف بعييد |
||||||||||
|
|
|
13-07-2009, 03:58 AM
|
#12 | ||||||||||
|
شكرا |
||||||||||
|
|
|
13-07-2009, 04:31 AM
|
#13 | ||||||||||
 
|
ههههههههههه جاااااااااااااااامدين |
||||||||||
|
|
|
13-07-2009, 05:38 AM
|
#14 | ||||||||||
|
ههههههههههه مشكور يا مان و بجد الموضوع هايل |
||||||||||
|
|
|
13-07-2009, 05:45 AM
|
#15 | ||||||||||
  
|
ههههههههههههههههههههههه الله عليك يا جميل && |
||||||||||
|
|
|
| يتصفح الموضوع حالياً : 1 (0 عضو و 1 زائر) | |
|
|
المواضيع المتشابهه
|
||||
| الموضوع | كاتب الموضوع | المنتدى | الردود | آخر مشاركة |
| في حد سمع الكلام دا ولا دي اشاعه؟...!! | ToRBeD0 | قسم المواضيع المكررة و المخالفة | 2 | 29-12-2011 03:20 PM |
| اشاعه مغرضه ام حقيقيه | xwarrior | أخـبـار سـيـلك رود أون لايـن | 12 | 03-03-2011 10:02 AM |
| لعبه جامد اووى (اخر اشاعه) | omar007 | بـعـيـدآ عـن سـيـلـك رود | 25 | 28-09-2008 01:49 AM |
| اشاعه خبر الوفاه وتاكيدها | love_allah | بـعـيـدآ عـن سـيـلـك رود | 15 | 18-08-2008 08:52 PM |
.gif){kind=icon}
العرض العادي
