|
||||||
11-07-2009, 06:17 AM
|
#1 | ||||||||||
  
|
عن الصاعيدة واحد بلدياتنا في مسابقة من سيربح المليون اتصل بصديق وقال له الو محمدين معانا 30 ثانية رايك احذف اجابتين ولا استخدم الجمهور واحد بلدياتنا وقع في خلاط الأسمنت طلع منه قال الله يخرب بيت الملاهي سئلوا صعيدى : ليه قتلت أبوك كانوا عاملين رحلة للأيتام , كنت عايز اروحها طب ليه قتلت عمك ؟ كنت عايز ابن عمى يسافر معايا طب ليه كنت عايز تنتحر أصلهم لغوا الرحلة ثلاثة صعايدة قرروا أن يعملوا مزرعة كتاكيت فحفروا حفرة ورموا فيها الكتاكيت وردموا الحفرة واستنو يوم .. يومين.. ثلاثة وشجرة الكتاكيت مطلعتش، جربوا مرة تانية ومفيش فايدة فقررو يبعتوا أخوهم اللى بيدرس في أمريكا و بيحضر دراسات عليا. فقال لهم ابعتو لي بعض العينات من التربة عشان احللها صعيدي سافر امريكا شرب من حنفية اوتوماتيك معرفش يقفلها قام رجع ف اول طيارة لمصر..قام سالوا: ازي امريكا؟ قالهم :اسكتو زمانها غرقت يا بوووي واحدصعيدى راح يشترى لمراته جزمة فراح لمحل وقال لصاحب المحل عايز جزمه من غير كعب وخفيفه شويه ورخيصه صاحب المحل قال ماشى وجاب الجزمه فقالت مراته ده مينفعش انا عايزه بكعب ودبت خناقه فصاحب المحل قرف منهم فقال للصعيدى متخدها بكعب هو انت الى حتلبسها قال لع من غير كعب هو انت الى حتنضرب بيها مرة اتنين صعايده دخلو كليه الطب واحد اتخرج محامى والتانى محاسب واحد صعيدي رايح حفلة تنكرية .. بعت اخوه احد صعيدي دخل جنينة الحيوانات ودخل راسه في قفص الاسد، الحارس جري عليه قاله انت بتعمل ايه، قاله ايه يابا يعني هناكله. واحد بلديتنا حب يعمل ارهابى خطف ابنه محدش سال عليه قتله مرة واحد بلدياتنا حب يطور الهليكوبتر فك المروحة وركب تكيف صعيدى عمل عملية .. نجحت راح عملها مرة تانية واحد بلدياتنا لقى مصباح علاء الدين ،طلعله العفريت شبيك لبيك عبدك ملك اديك تطلب ايه عايز كوبري طوله 1000 كيلو يوصل بين الشرق والغرب لأ دي صعبه أوي شفلك طلب تاني طب عايز الصعايده كلهم يبقول أذكيا انت قلتلي الكوبري رايح جاي والا رايح بس؟! سألوا واحد صعيدي : مين أهم الشمس ولا القمر رد : القمر طبعا, بيطلع ينور لنا بالليل و الدنيا ضلمة, انما الشمس بتطلع بالنهار و الدنيا نور أصلآ فيه صعيدي نط من فوق سور المدرسه ليه؟ عايز يدرس في الخارج واحد بلديتناقاعد في موتمر دولي فواحد فرنساوي قام وقال احنا حفرنا تحت برج ايفل و لقينا اسلاك تليفونات و ده دليل علي ان التليفونات عندنا من 100 سنه فقام واحد ايطالي و قال احنا بقا حفرنا تحت برج بيزا و لقينا اسلاك وده معناه ان التليفونات عندنا من 500 سنه فقام واحد بلديتنا قال و احنا حفرنا تحت الاهرامات و ملقيناش حاجه خالص و ده دليل علي ان من 5000 سنه كان عندنا المحمول مرة جماعه صعايدة حبوا يلعبوا على الطريق السريع اللى العربيه تخبطه مرتين يطلع برة بيقولك مرة واحد صعيدي بيهزر مع مراته رماها من الدور العاشر شوية ولقاها طلعتله وقالتله والله ما نا لاعبه معاك تاني مرة واحد بلديات بيقول لواحد تاني و هو بيجري عليه بسرعة:الحق اخوك عواد غرقان في دمه ، آم اخينا ده قاله ماتخافش ما هو بيعرف يعوم صعيدي واقف مع دوده في الشمس ليه؟؟؟؟الطبيب قال له اعد في الشمس دقائق معدوده مجموعة صعايدة عملوا عصابه و قرروا يسرقوا بنك زعيم العصابه : محمدين يدخل البنك و يستخبى فى دورة المياه لحد ما البنك يقفل .. و بعدين يشيل الجريليه بتاعت التكييف بعد كده نخش كلنا من فتحة التكييف و نكسر الخزنه و ناخد الفلوس لما نطلع من البنك حنلاقى الحارس نروح جتلينه و نهرب بالفلوس .. فاهمين يا رجاله العصابه : فاهمين يا رييس المهم جت ساعة الصفر و فعلا راح محمدين البنك و استخبى فى دورة المياه و فتح لهم .. و دخلوا .. و فتحوا الخزنه .. و لما خرجوا من البنك ملاقوش الحارس .. فضلوا يستنوه ساعة .. ساعتين لكن الحارس ماجاش رئيس العصابه : مافيش فايدة يا رجالة يلا نرجع الفلوس الخزنه الخطة فشلت نكت عشوائيه مره واحد احول سجل في الجيش...... حطوه في قسم القصف العشوائي مره واحدة عجوزة عندها 80 سنه لقت مصباح علاء الدين طلع لها الجنى طلبت منه تصغر 30 سنه بقى عندها 50 سنه وطلبت منه يصغرها 20 سنه بقى عندها 30 سنه طلبت منه يصغرها 10 سنين بقى عندها 20سنه طلبت منه يصغرها 10 سنين جلها الحصبه ماتت واحد ملحن دخل مبنى ماسبيرو علشان يعتمدوه ملحن فقالوله كل جمله نقولهالك لحنها .. فاقالوله..لحن واحد حرامى راح ملحنها.. قالوله اتنين حراميه.. راح ملحنها..قالوله بقه شله حراميه قالهم بلادى بلادى بلادى إتنين طرش واقفين على محطة الأوتوبيس فدار بينهم هذا الحوار -الأوتوبيس ده رايح مصر الجديدة ؟؟ -إيه ؟ على الحديدة ؟؟ ليه إنت طالب إحسان ؟؟ -بذرة الكتان ؟تلاقيها عند العطار -الجزار ! إنت عاوز لحمة ؟؟ -زحمة ؟! معلش أصل ده معاد خروج الموظفين -نور الدين ؟! معرفوش -متشربوش ؟؟ ليه كفا الله الشر -راس البر ! دا مصيف هادى -المعادى ؟؟ دى ضاحية جميلة -بليلة !!! إنت جعان -عيان ؟؟ متروح للدكتور -حنطور ؟! دى مواصلة جميلة توصلك لحاد الباب -هباب !@ و أنا إلى كنت فاكرك محترم -إتخرم ؟؟ هو مين ؟؟ -أسبرين ؟؟ ليه إنت عنك صداع ؟؟ -قراع ؟ دا مرض خطير -فطير ؟؟ده تقيل على المعدة و تمنه غالى -خالى ؟؟ إنت تعرفه ؟؟ دا كبير فى السن -جن ؟!#إنت راكبك عفريت !!!! -كبريت ؟ عاوز تولع ؟؟ -أتدلع ؟؟؟؟!ليه مفيش حد غيرك أتدلع عليه فمر بيهم راجل شرطة لقاهم بيتخانقوا فقالهم : واقفين هنا بتعملوا إيه قالولوا : مستنيين الإوتوبيس فقالهم : يانهاركم إسود . جواسيس ؟؟ طب تعالوا معايا على القسم واحد قعد يعلم ولاده النداله لما مات رموه فى الزباله صعيدي ربنا فاتحها عليه وساكن في الدور الخامس وبعد ما نزل الصبح افتكر انه نسى نظارة الشمس والمنديل فنادى علي زوجته وقالها ارمي النظارة والمنديل فرمت زوجته النظارة فانكسرت فقال لها خلي المنديل انا طالع اخذه مرة واحد مخنوق من الدنيا كلها رن جرس الباب الساعة 10 صباحا فتح الباب لقى وحدة مذيعة بتقله ممكن نعرف بتعمل ايه لما تقوم من النوم قال انا بقوم من ام النوم اروح ام الحمام افتح ام الحنفية اغسل ام وشى اروح ام الغرفة اقلع ام الترنج البس ام البنطلون انزل من ام الشقة اركب ام الاتوبيس انزل من ام الاتوبيس اروح ام الشغل وبعد ما اخلص ام الشغل ارجع ام البيت وخلاص فقالت المزيعة شكرا يا فندم ويلعن ام البرنامج اللى خلانا نشوف ام وشك بيقولك مرة واحد قرر يرشح نفسه رئيس الجمهورية، مسكوه بتوع أمن الدولة و قالولوا أنت عبيط ولا ايه، قالهم هو شرط؟ مرة اثنين بلدياتنا في الجيش فالصول بيسأل الاول: ايه ده؟؛ قال له: البندجيه يافندم، قال له: بندجية ايه ياهريدي دي وطنك دي امك، فراح للعسكري التاني قال له: ايه دي؟، قال له: دي ام هريدي يا فندم. مرة واحد بتاع سمك ابنه مات فماشى فى الجنازة يقول: كان صاحى وبيلعب . محشش سأل واحدة اسمك ايه؟ ردت: أسماء؛ فقال: يعني ما فيش اسم محدد؟! سكران ماسك الفرخة بتاعته .قاعد يضرب فيها يضرب فيها ويقولها: كل يوم بيض بيض مافيش جبنه صومالى ركبه عفريت العفريت مات من الجوع مرة واحد خد مراته جنينه الحيوانات و صورها جنب قفص القرود وعلق الصورة فى الصالون وكتب تحت الصورة: هذه صورة زوجتى مع القرود (ملحوظة: زوجتى الثالثه على اليمين عن الأغبياء مرة واحد راح يخطب واحده، باباها قال له بس البنت لسة بتدرس، قال له خلاص اجلها في الفسحه مرة واحد غبي ابنه قاله انا عاوز موبايل ابوه قاله موافق بس بشرط تركب اخواتك معاك واحد غبي عنده ارق ومش عارف ينام....قال له صاحبه عندي لك طريقة للنوم مؤكدة...عد من واحد الى خمسميه... أخونا مكدبش خبر... وأول ما الدنيا ليلت راح للسرير وبدا يعد .. واحد .. اثنين .. ولما وصـل الى ميه وتسعة وتسعين ...كبس عليه النوم … قـام جري غـسـل وشه ورجــع للـسـريـر يـكـمـل الـعـد مرة واحد محشش لقي كنز قال: كويس فاضل الخريطة مرة اتنين أغبية طالعين رحلة فالسواق نزل استراحة ورجع لقى الفتيس مش موجود قالهم الفتيس راح فين...قالوله لقينك يا عم طول الطريق عمال تشد فيه مش عارف تخلعه قولنا نشلهولك مرة واحد غبى واقف في الشارع وبيتكلم فى المحمول وعمال يزعق ويقول : بس دورى تانى...معلش دورى كويس ..واحد معدى فى الشارع سأله : فيه ايه؟؟ راح واخد المحمول منه وبيسمع .. لقى (الرقم الذى طلبته غير موجود بالخدمة من فضلك اعد المحاوله) ارجوا ان شوية النكت دى تكون عجبتكم وأوعدكم بالجديد واحب انى اشوف ردودكم المشجعه |
||||||||||
|
التعديل الأخير تم بواسطة MEDOHEKAL ; 11-07-2009 الساعة 06:25 AM
|
| إعلانات google |
|
|
|
11-07-2009, 06:58 AM
|
#2 | ||||||||||
|
:eek: اية يا جماعة 17 واحد دخل و 0 مشاركة هو النكت وحشة اوى كدة دة انتوا بتشجعوا الواحد انوا يحط مواضيع بشكل :( |
||||||||||
|
|
|
11-07-2009, 12:57 PM
|
#3 | ||||||||||
  
|
ههههههه حلوين . وعايزين تانى دا احنا اتخنقنا من سيلك وعايزين حاجه تفرفشنا . مشكور |
||||||||||
|
|
 |
| يتصفح الموضوع حالياً : 1 (0 عضو و 1 زائر) | |
|
|
المواضيع المتشابهه
|
||||
| الموضوع | كاتب الموضوع | المنتدى | الردود | آخر مشاركة |
| الموضوع الثالث ممنوع الدخول لضعاف القلوب | KING_ZEUS | بـعـيـدآ عـن سـيـلـك رود | 34 | 18-09-2009 07:01 AM |
| كيفية تحضير الجن (ممنوع لل اقل من 18 و ممنوع لضعاف القلوب) | Un_Wanted | بـعـيـدآ عـن سـيـلـك رود | 18 | 21-07-2009 11:41 PM |
| كيفية تحضير الجن (ممنوع لل اقل من 18 و ممنوع لضعاف القلوب) | silkspider | بـعـيـدآ عـن سـيـلـك رود | 4 | 06-07-2008 10:13 AM |
| ربنا يستر علينا ممنوع لضعاف القلوب | bakaar81 | فـيـديـو سـيـلك رود | 9 | 26-03-2008 07:37 AM |
.gif){kind=icon}
العرض العادي
