هذا الموضوع لعملاء شركة لينك adsl

[totolay007]

السلام عليكم

انا حبيت اوضح للناس اللى بيعانوا من بطء فى التصفح والدونلود ولاج فى لعبة سيلك رود سبب المشكله اللى اكيد فى ناس حولت كتير تعرف السبب بس للأسف لغاية دلوقتى محدش وصل للسبب .
وعن طريق تتبعى للمشكله لمدة أسبوعين قدرت اعرف سبب المشاكل اللى بيعانى منها عملاء شركة LinkDontNet

نبدا القصه من الأول :)

انا مشترك فى شركة لينك بقالى سنه ونص ومن فترة قريبه قامت الشركة بتخفيض اسعار الانترنت وتحويل السرعه اوتوماتيكياً إلى الضعف
بمعنى اللى كان مشترك بسرعة 256 اتحول تلقائى الى 512 واللى كان مشترك فى 512اتحول الى 1 ميجا

وبعد التحويلى للسرعة الجديدة ابتدت عيوب الخدمة تبان بمعنى انى اجد الدونلود والتصفح من الساعة 4 الفجر لغاية الساعة 10 تمام ومفهوش اى مشاكل
والسرعه عندى بتوصل الى 64 اى السرعة القصوه للاشتراك ال 512 ولكن بعد فترة الظهر
سرعة الدونلود بتنزل لغاية 5 كيلو الى 18 كيلو فى الثانيه علماً بأنى مشترك بسرعة 512
فقمت بالاتصال بخدمة عملاء شركة لينك

وقلتلهم ان السرعه عندى فى فترة الظهر لغاية الساعه 12 بليل بتبقى (ضعيفه جدا)

فقلولى يا فندم احنا هنعمل قياس للسرعة اللى انتا بتعمل بيها دونلود فى الفترة دى وهنحل المشكله فى ساعتين زمن

قلت طيب تمام اتصلت بيهم بعد ساعتين وقلتلهم المشكله اتحلت ولا لسه

قلولى يا فندم انتا السرعه عندك طبيعية والدونلود بيوصل 64 كيلو فى الثانية

قلتله الكلام ده فى الفتره ما بين الساعة 4 الفجر لغاية الساعه 10 الصبح بعد كده السرعة بتوصل من 5 كيلو الى 15 كيلو الحد الاقصى للسرعة
وكان ردهم ( ده نتيجت الضغط اللى على السنترال فسرعتك بتقل فى فترة بعد الظهر

فقلتله طيب حضرتك انا المفروض مشترك بسرعة 512 وانا ملتزم ادفع للشركه الاشتراك الشهرى وانتم المفروض تدونى مقابل اللى انا بدفعه حقى كامل من الخدمه

يعنى المفروض سرعتى توصل كامله وانا مليش دعوه بالضغط اللى على السنترال او المشاكل اللى عندكم زى ما بدفع ماقبل الخدمه انتم كمان تدونى حقى فى السرعه اللى انا مشترك فيها
رد عليه وقلى هو ده نظام الشركه يا فندم ونظام كل شركات ال ADSL فى مصر

قلت معلش ممكن يكون الموظف ده غبى ومشبيفهم عربى او انا مش عارف افهمه مشكلتى رحت اتصلت بخدمة العملا تانى ورد عليه واحد تانى غير الأولانى

وقلتله نفس الكلام اللى قلته فى الاول النصيبه ده طلع العن من الاولانى
وقلى يا فندم السرعه مش ثابته ومتوسط السرعه عندك من 22 كيلو الى 64 كيلو

قلته تمام الله ينور عليك بس انا مش بنزل فى فترة بعد الظهر غير بسرعة 5 لى 15 كيلو يعنى مجبتش متوسط السرع قلى يبقى السيرفر اللى انتا بتحمل من عليه بطىء
وحاول تجرب تنزل من على سيرفر تانى وانا هعمل معاك اختبار للسرعه من عندى

قلته طيب انا هعمل دونلود من على موقع Yahoo وانتا تشوف السرعه اللى بنزل بيها كام

قالى ماشى

وهنا المفاجاه الكبرى رحت فاصل الراوتر وقلتله انا بعمل دونلود دلوقتى هى السرعه ظهره عندك كام دلوقتى

قلى يا فندم انتا بتنزل بسرعة 64 كيلو قلتله بجد والله :D

قالى ايوه يا فندم اللى ظاهر عندى على الشاشه اللى انتا بتنزل بسرعة 64 كيلو دلوقتى

قلته طيب بعد اذنك حولنى بمدير القسم اللى هو Supervisor وهو ده بقى زعيم العصابه الكبير
كلمته وطلع انه عنده نفس العدوه اللى عند الناس اللى كلمتهم قبل كده وقلى نفس الكلام اللى اتقلى قبل كده بالحرف الظاهر ان السوفت وير اللى نزلهم كله واحد :D

قلتله على العموم انا متشكر جدا على الخدمه اللى انتم بتقدموها وانا متأكد انى مش هلاقى خدمه احسن من عندكم وان شاء الله انا جيلكم النهارده وهلغى التعاقد معاكم عشان ما اسببش ليكم ازعاج تانى
ورحت قافل معاهم واتصلت بشركة Tedata وحكتلهم القصه قلولى ان مفيش حاجه اسمها ضغط على السنترال وان السرعه اللى انا بتعاقد عليها بنوصل كامله وان متوسط الدونلود الطبيعى من 40 الى 64 كيلو
وان لو حصل مشكله فى الخدمه وده نادر بتبقى حاجه خرجه عن ارادتهم وانهم بيحولوا يصلحوها فى اقرب وقت
بس المشكله الوحيده اللى هتقبلك ان التركيب بياخد فتره من اسبوعين لثلاثه وده حسب السنترال اللى انتا مشترك فيه .

قلتله مفيش مشكله بس اهم حاجه الخدمه تكون كويسه ومتكونش زى لينك كده قالى ان شاء الله مفيش اى مشاكل عندنا .

والصراحه عجبنى فى Tedata صرحتهم وانهم مش زى لينك ملوعين وبيحوله يوهموك ان العيب من عندك


ومن هنا استنتجت امر مهم جدا :D

1- ان 99% من موظفين شركة لينك عباره عن كتله من الغباء المجوف تتحرك !!! يعني عندما تخاطبه لا تنظر له كبشر ولا تسمع له كبشر ... اعتبره كتله من الغباء تتحرك !!!

2- جميع السرعات المتعاقد عليها لا تصل للعميل بنفس السرعه المتعاقد عليها

3- الدعم الفنى للشركه يحاول بجميع الطرق ابعاد المشكله عنه وايهامك ان سبب المشكله من جهازك

4- والاهم ان التقطيع اللى فى لعبة سيلك رود ناتج عن عيب بأجهزة الشركه اللى فى السنترال وان الاجهزه دى مش بتتحمل كمية الضغط اللى عليها فالسرعه بتقل وينتج ا عدم ثبات الباند ويث وده اللى بيخلى اللعبه تقطع

واخيراً نصيحه للى عايز يشترك فى خدمة DSL يتاكد الاول من ان الشركه اللى هيشترك فيها معلهاش ضعط على السنترال التابع ليه لأن ده بيقلل من كفاءة الخدمه