الموضــوع الرسمى للـرد على أستفسارات الأعضـاء للعبـه SilkRoad ارجو التثبيت :]

[King_Of_Wizzards]

.::الفهرس::.

1. ما هى طرق دخول اللعبة من اول مرة

للاسف فى نوعين بس الى تخليك تدخل من مره واحده
1_ انك تجيب بريميم وده بفلوس حقيقى بحوالى 120 جنيه
2_ انك تدخل اللعبه بليل من بعد الساعه 11 كده
3_ لو فى سيرفر بابل يبقا لازم بريميم لان السيرفر ده مش بيفضى أبدا

2. ما هية فايدة الاكسيسوريس

فايدتها انها بتمتص جزء من قوة الضربة الى جاية عليك فابتخلى الرقم الى بيجى عليك من الضربة اقل

3. ما هية افضل بيلد لل Pure STR Glavie


ال STR Glaiver
البيلد بتاعه المفروض
glive lvl 90
fire lvl 90
light lvl 90
cold lvl 30


4. للاسكلات اللى بتتحط تحت فى زرار مكتوب عليه M الزرار ده بيشتغل ازاى

ممكن أجاوب أنا ؟ ^^
بتدوس X في keybored أو الزرار اللي في النص في mouse

5.إزاي أعمل إيميل (حساب) Account في اللعبه ؟

بكل بساطة خش على الرابط الي جاي عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]
و حا تلاقي كلمة اسمها create free account دوس و اتبع التعليمات :]

6. ما اسم الاسكل الى بيخلي الواحد يضرب نيزك بينزل على اللي قدامه من السماء

فى منها اتنين واحده عند الصينى والتانيه عند الأروبى
أولا بتاعت الصينى
موجوده فى الFire
أسمها Flame wave-Wide
وبتتفتح فى لفل 56
والأسكيله دى ضربه من ضربات الINT

والتانيه عند الأروبى
فى wizerd
وأسمها Meteor
وبتتفتح فى لفل 60

7. لية لما بعمل تجارة ال Exp بتاعى مش بيزيد ولية المكسب مش كبير

التجارة مش المفرود تزود ال Exp بتاعك التجارة بتزود ال Exp بتاع التاجر و الفلوس
و ربح التجارة من jangan الى Donwhang بيكون حوالى 50% من الى انت اشتريت بية ياعنى انت اشتريت ب 50 الف مثلا يبقى انت هاتبيع التجارة ب 75 او اكثر او اقل بقليل فى الحدود دية ياعنى!

8. الستورج بتاع ال Ability Pet بيكون كام صفحة؟ وهل قابل للزيادة؟

ال Apility Pet مابيكونش عندو غير صفحة واحدة ومينفعش تزيد شبة صفحة الاستورج العادى الى عندك

9. ال Special Goods اللي بتظهر لنا دي للتاجر المفروض نعمل ايه ومن عند مين ؟

بالنسبه لل spical goods ده لما بتظهر معنى كده انك ممكن تشترى تجاره من عند التاجر الى فى الbandit montin لان ده اصلا بتوديله التجاره بس مش بتاخدها منه لاكن لما بيظهر الرساله بتاعت الspical good معنى كده ان فى الوقت ده ينفع تشترى تجاره منه عادى

ولما توصل 100% فى التجاره حتبقى بعد كده لفل 2 فى التجاره هوه لحد لفل 7 وناس قليله الى وصلت للفل ده

10.لية لون اسم الجيلد بيكون سعات برتقالى او ازرق او اخضر؟

ممكن تشوف الجيلد بلون اخضر فاتح دة فى حالة انو كان فى اليونيون بتاعك
الناس الى مكتوب فوقيها برتقالى دول من نفس الجيلد بتاعك و اللون الازرق ده الناس الى فى الجيلد التانى وعلى فكره كل الناس شايفه الجيلد بتاعك ازرق :D

11. هل ممكن حد يوضحلنا مكان ال Npc بتاع الاسبيشيال جوودز دا ؟؟؟

بيكون في janjin في bandet mountin من فوق!!12.

ازاى استخدم السكلز اللى هى بتخلينى امشى 10 متر ديه كل مااستخدمها يرجعنى 10 متر؟

حضرتك لما تحب تستعملها تكون عامل الكاميرا بتاعت الجيم على حسب الأتجاه الى انت عاوز تروح فيه يعنى مثلا لو عاوز تمشى على ادام تروح عامل الكاميرا على قدام وتخلى ظهر الشخصيه ليك وتروح دايس على ألأسكيل (حاول تحطها على زرار الماوس الى فى النص عشان تعرف تستعملها بسهوله )
أما بالنسبه للبوت فدى البوت مبيعرفش يقراها ومبتستعملش فى البوت

13. اية المكان الى اعمل فية ال Return Scroll بتاعت الثيف لانها بتاخد وقت طويل وبموت قبل ما تخلص؟

هو ده الطبيعى للبانديت أسكرول بتاخد 10 دقايق على مابترجعك للبانديت
ودى بتعملها فى اى مكان ملهاش مكان معين (بس حاول لما تسرق تريده تروح تعملها فى مكان بعيد ويكون فيه بوتر كتيير وقف بعيد عن أى طريق رائيسى عشان مفيش هانتر يشوفك )

14. اية لزمة ال Storage بتاع الجيلد؟

بالنسبة لل Storage بتاع الجبلد دة زى ال Storage الى فى اى مدينة الى بتشيل فية حاجتك ياعنى معمول لشيل الاشياء بردو ودة بيكون موجود لما يكون الجيلد لفل 2 مش من لفل 1 وبيكون صفحة واحدة فى لفل 2 على ما افتكر وكل وما الجيلد يزيد لفل صفحة فى ال Storage تتفتح زيادة بس كدة

15. ما هية طبيعة الحرب بين جيلد وجيلد اخر واية مكانها وزمانها؟

بالنسبة للجيل وار او ال GW دة اختصار ليها دية بتكون حرب ما بين الجيلدين يقوم رئيس كل جيلد من الجيلدين المشاركين فى الحرب بتحديد مكان وميعاد الحرب لان مفيش مكان ومعاد ثابت لا اصحاب الجيلد هما الى بيحددو الكان و الزمن وكمان بيحددو الجايزة اذا كانو عايزين ياعنى فى GW بتتعمل بجولد بمعنى الجيلد الى يكسب ياخد الجولد الكلام دة الى بيحددو صاحب الجيلد و الحرب بتكون زى ال PVP العادى بس بدون كاب انت نفس ال PVP بالظبط بس الفرق ان الجيلد كلة بيعمل PVP مع جيلد تانى

16. كيف ازود خانات الانفنتورى بتاعى الى صفحتين ؟ كيف ومن اين احصل على هذة المهمات؟

من عاند بتاع الجواهر (الي مرسوم عليه خاتم) في janjin or costanteneble

17. هل هناك علاقه بين الجاب و واضافة او عدم اضافة نقط ال STR و ال INT

زود نقط ال STR او ال INT عادى دول ملهمش علاقة بالموضوع

18. ما المقصود بكلمة بور ليفل?

دة معناة ان الناس كل الى بتعملة انها بتاخد Taxi عالطول مقدينها Taxi وبس

19. هل لابد من ان اضع لاكى علشان اعمل السلاح من +3 الى +4؟

عايز تستخدم لاكى يكون احسن واضمن على الاقل لحد ما توصل الى +4 و بعد كدة جرب تعملة +5 حتى لو فشل وانت +4 هايفضل +4 بسبب لاسترال الى انت حطة على السلاح بس لازم تكون حاطط الاسترال و الامورتال على السلاح الاول علشان متنزلش من +4 ال +0 و على فكرة ممكن بردو تفشل الى +4 حتى لو معاك لاكى على السلاح اصلها حظوظ بس ربنا يسهل وتعملة +5

20. عايز اعرف ازاى اعمل جيلد وعايز اعرف كل شىء عن الجيلد?

في موضوع ليا عن السؤال ده :D

21. ما معنى كلمة repair invalid الى بتبقى موجودة على السلاح او اللبس احيانا

دة معناة ان السلاح دة مابيتصلحش لو باظ انت مش كل شوية السلاح او اللبس بتروح تصلحهم بتعملهم Repair ياعنى دة بقى الى مكتوب علية repair invalid 400% ميتصلحش لو باظ علشان كدة بيتباع برخص التراب

22. متى احط الاسترال و الامورتال على السلاح

انت تحط الامورتال بعدين تجيب الاسترال وتحطة بعد كدة تحط الالكسر والاكى بودر وتعمل +4 او +5 وعلى فكرة انت مينفعش تحط كلة فى نفس الوقت لازم كل حاجة لوحدها انت بس امشى بالترتيب الى قولت لك علية امورتال بعدين استرال بعدين الالكسر مع لاكى بودر

23. لقت قتلت لاعب و طهرت على الشاشة صورة جمجمة على الجنب متى تنتهى

سبها شوية و هيا هاتروح لوحدها متقلقش ومتموتش حد تانى لونة احمر فاتح موت الى يكون لونهم احمر بس لاكن لو لاقيت حد لونة بمبى متجيش جامبة

24. ما هوة ال private server

ال private server دة سيرفر ملهوش علاقة بجوى ماكس
وبص مميزاتة
مفيش اى بج زى السيرفرات بتاعتنا
التلفيل فية اسرع كتير من عندنا
الفلوس و الايتمز الى بتوقع اكتر من هنا بمراحل
لفل موجود 90 زى عندنا
مفيش ديسكونكت يجيلك كل شوية
اسعار الايتم مول بتاعتة اقل من عندنا بكتير

عيوبة
مفيش اوربى بس فى كلام انهم هايضفوة
الاسكلات بتاعتك اخرها لفل 70 بس فى احتمال انها تزيد الى 80
مفيش وولف بس بيقولو انهم هايصلحو العيب دة
مفيش اوتو بوشن ياعنى ال HP و ال MP مابيتملوش اتوماتك لازم يدوى بس فى برنامج بتضيفة بيحل الموضوع دة
دة باختصار شرح السيرفر الخاص بس ملحوظة انا عارف الكلام دة من حوالى 4 او 5 شهور ممكن بعض هذة المعلومات تكون اتغيرت وممكن لاء

25. ما هية مميزات وعيوب ال 2H بشرح بسيط

مميزات ال 2H
*-*-*-*-*-*-*-*
1 هجوم عالى
2 شخصية صعب تموت وانت بتلعب ضد الوحوش على عكس الويزارد
3 ممكن يعمل Stun و Knock Back و Knock Down
4 بيعمل دامج اكبر من ال 1H و ال Dull Axe

عيوب ال 2H
-*-*-*-*-*-*-
1 بطىء وهوة بيعلى فى الفل
2 دفاع ضد الضربات الماجيكال قليل جدا
3 بعض ضرباتة بطيئا نسبيا
4 سرعتة بطيئه

انت ممكن تصحى الميت بالكليرك وانت 2H عادى ودة مش هايئثر على ال 2H فى حاجة بس هاتضر تمسك السلاح بتاع الكليرك تصحى بية الميت بعدين ترجع تستخدم ال 2H تانى عادى

26. ما هوة شرح الجاب والفارم ؟؟؟

معنى فارم انك تفضل مدة معينة وانت عامل جاب معين حسب احتياجاتك ومزاجك
و معنى الجاب هو الفرق ما بين المسترى لفل بتاعك وبين لفلك الاصلى
طبعا انت مفهمتش حاجة من العك الى انا قلتة صح اصبر انا هافسرلك الكلام دة من الاخر الى الاول حلو
احنا قلنا الجاب هوة الفرق ما بين المسترى لفل و الفل بتاع صح طب ما هوة المسترى لفل انت طبعا عارف ياعنى اية الفل بتاع الى هوة لفل الشخصية سواء 10 و لا 15 او ايا كان حلو نيجى بقى للمسترى لفل المسترى لفل هوة لفل الاسكلز بتاعتك او لفل المهارات الى عندك وماذا تعنى المهارات المهارات هية انت لو بتلعب ب 2H مثلا حلو يبقى انت فاتح فى مهارات الواريور او المحارب لفل المحارب الى هوة الواريور دة هوة المسترى لفل بص بطريقة تانية انا هاحطلك صورة للمسترى لفل فى الصينى نفس الكلام ماشى على الاوربى

بص فى الصورة هاتلاقى جنب كل اسم كلمة مسترى بالانجليزى جنب الفاير كلمة مسترى وجنب اللايت كلمة مسترى وادام كل واحدة رقم اهة الرقم دة هوة الفل بتاع المسترى فا احنا لما نقول المسترى لفل يبقى احما بنقصد الرقم الى ادام الاسكل الاساسى الى فوق ملناش علاقة بالى جوة ياريت كدة تكون عرف اية هوة المسترى لفل
نرجع للجاب احنا كدة عرفنا معنى الجاب الجاب معناها الفرق ما بين المسترى لفل و لفلك الاساسى ياعنى لو انت لفل 20 و المسترى لفل بتاع 15 حلو يبقى انت جاب 5 واعلى جاب ممكن توصلة هوة جاب 9 اى حاجة بعد جاب 9 مش هاتزود ال SP وفايدة الجاب ان كل الجاب ما زاد ال SP الى انت بتاخدة زاد بس بردو كل ما الجاب زاد ال EXP الى بيجيلك بيقل

27. انا احترت اريد بيلد قوية للشخصية النيوكر

سلاح 90 فاير 90 كولد علشان انت مينفعش تلعب من غير الكولد
مميزات ال 90 سلاح 90 كولد 90 فاير
عندك دفاع فيزكال عالى
عندك دفاع ماجيكال عالى
عندك اقوى Imbue فى اللعبة بتاعت الفاير
عندك النيوكرات بتاعت الفاير الى بتكون فى قوة نيوكرات اللايت وسعات اقوى

الى انت استغنيت عنة فى اللايت +18% زيادة فى قوة الضربة وانت لما تعمل اللايت 30 هايديك 7% ماجيك اتاك زيادة ياعنى انت هاتضحى ب 11% بس و ال Parry Ratio الزيادة وحتة ال Parry Ratio بتتعوض فى اللبس حلو

واكتر ما يميز البيلد الى انا بقولك علية هايكون عندك دفاع ماجيكال وفيزكال فى نفس الوقت ودة هايفيدك كتير خصوصا ادام الويزارد او اى شخصية بتضرب INT
ناس هاتقول لك انت كدة كدة معاك دفاع ماجيكال مش قليل بسبب انك INT معاهم حق لكن الماجيكال دفينس الزيادة الى بتدهولك الفاير هاينفك قصاد اى شخصية INT وانت كدة كدة معاك الكولد بيحميك من ال STR وحاجة تانية كل الشخصيات الصينى بتضرب ماجيكال وفيزكال فى نفس الوقت عكس الاوربة الى بيضرب فيزكال او ماجيكال فايدة الفاير مع الكولد معاك انك لما تقوف ادام واحد صينى هايعمل عليك اقل دامج ممكن لانك معاك حماية فيزكال وماجيكال فى نفس الوقت مش فيزكال بس
دة السبب الى مخلينى افضل البيلد دة عن اى بيلد للنيوكر تانى مش اكتر ومستنى رايك فى البيلد دة عجبك ولا لاء
وممكن لو فضلت جاب 6 تعمل الاسكلز بتاعتك ماكس اة ممكن يكون الفرق بسيط لكن معظم الضربات المهمة تقدر تخليها ماكس بجاب 6
حاجة تانية نسيت اقولها الفاير فى لفل 100 احسن من اللايت بكتير بسبب النيوكر الجديد الى هاينزل وهايكون عندك فى الفاير 3 ضربات اساسية فى لفل 100 عكس اللايت 2 وانا بتكلم على الضربات الى بتكون من لفل 95 الى 100 وضربات الفاير لما لفل 100 ينزل اقوى من ضربات اللايت

28. ماهوة ال SP

ال SP معناها Skill Point او سكل بوينت ودية النقط الى انت بتاخدها علشان تقدر تفتح بيها الضربات بتاعتك
كدة الى انت عاملة فى الصور صح بس سؤال انت لية عامل الفرق 11 لفل انا مش قولت لك متزودش الفرق عن 9 لفلات كل الفرق ما زاد عن 9 انت مش هاتستفيد حاجة بالعكس انت هاتعلى ابطىء ونفس كمية ال SP الى انت كنت بتاخدها فى جاب 9 هيه هية الى بتخدها فى اى جاب فوق جاب 9 لازم الفرق ما بين المسترى لفل والفل بتاعك ميزدش عن 9
وحاجة الكلام الى انت عاملة دة غلط لسبب الجاب مابتتعملش فى الاول كدة انت اصبر لحد ما توصل الى لفل 20 وبردو تعلى المسترى لفل الى لفل 20 وتثبت المسترى لفل على 20 ومتزودوش وانت تفضل تعلى الفل بتاع الشخصية لحد ماتعمل جاب 9 ياعنى لحد لفل 29 وبعد ما توصل الى لفل 29 تقفل الجاب وطريقة قفل الجاب انك تعلى المسترى لفل بتاعك لحد ما يوصل الى لفل الشخصية بتاعتك

29. اريد البرنامج او الموقع الى بيخلينى اعرف هاخد SP اد اية لما اخلص الجاب

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

30. ما هية الكويستات ؟؟؟

الكويستات دية عبارة عن مهمات بتاخدها من ال NPC الى فى اللعبة ولاما تخلصها بتاخد جوايز سعات فلو ساعات SP ساعات EXP ولو عايز تعرف كل المهمات الى فى اللعبة خش على الموضوع دة انا حاطط فية كل الكويستات الى فى اللعبة

31. اريد معرفة المزيد عن ال Cumulated Buff الى باخدها وانا فى الاكادمية

كل ده في موضوع تاني انا عملتو :D

32. ما هية مميزات النيوكر؟

النيوكر مميزاته أنه عنده قوه ضرب بس أستحماله ضعيف نسبيا ده غير انك بيكون كويس جدا فى الفل أب وسريع

33. ما معنى ان الشخصية تكون FF ؟؟

الFF معناها(full farm) يعنى بدل ماتعمل كل شويه جاب 5 أو أكتر لأ بتعمل FF لحد لفل معين انت بتحدده بحيث تقدر تمشى لحد الفل ده وأنت جاب صفر (النيوكر هيحتاج FF على الأقل لحد لفل 30 ولازم كمان أى واحد يلفلك لحد 30 لأن اول ضربه نيوكر بتتفتح عندك بتكون فى لفل 30 )

34. ما معنى كلمة Noob

معناها مبتدئ

35. ما معنى الكلام الى بيظهر بلون بمبى او احمر فاتح على الشاشة فى اللعبة؟

الكلام دة الشركة بتكتبة كل كام ساعة علشان تحظر الناس من انها ماتديش الباسورد واليوزر نيم بتوعك الى اى حد تانى علشان متتسرقش وبتحظر بردو من انك متشحنش بفيزا مضروبة علشان الاكونت بتاعك مايجلوش بلوك وبيقولو بردو متصدقش اى حد يقولك انو من الشركة ويسالك على الباسورد واليوزر نيم بتوعك لان الشركة عمرها ما حد فيها هايعمل كدة بس كدة


36. انا لفل 61 Staff ووحوش لفل 49 بتضربنى ب 600 لية؟؟؟؟

لا دة العادى بتاع الويزارد وخصوصا عند وحوش ال Mujij الى هما لفل 49 و 50 لانهم بيضربو فيزكال وكريتكال كتير فصعب انك تقرب منهم لان دفاع الويزارد دفاعة الفيزكال قليل جدا اذا مكانش منعدم ياعنى متقلقش دة مه مش عيب منك دية الشخصية الى معاك هية كدة

بصراحة انا عملت الموضوع ده علشان انا في يوم من الايام ما كنتش فاهم اللعبة زي اي حد في اللعبة لسا مبتدئ و ارجو التثبيت لاني تعبت بجد في الموضوع ده و ارجو الردود الحلوة :):D:o

[King_Of_Wizzards]

يا ناس يا هوووووووووووووووووووووووووووووووووو

[™ Black Dream ™]

واللة موضوع جميل و فوق الرائع بس مكانة مش هنا مكانة في قسم التعليم للعبة

[King_Of_Wizzards]

thx but i need more to meke me stronger hahahahaha