كل حاجة عن كابال العالمية من الالف لل z

[t2t]

بسم الله الرحمن الرحيم

اول حاجة انا بشكر كل اللى قرا الموضوع بتاعى سواء اشترك او لأ والحمدلله اللعبةعاملة صدى حلو فالمنتدى هنا بس الناس لسه بتسأل اسئلة فحاجات كتير عشان كده فكرت انى اكمل الموضوع على قد ما ربنا يقدرنى انشاء الله عشان كده هرتب كل اللى انا قلته فالموضوع بتاعى وهكمل عليه.

يلا نفتكر اللى فات(وياريت الناس تقرا الكلام ده تانى عشان اللى بيسألو عن الstat points و ال skills)

يا شباب اللعبة دى بجد تحفة وكانت معمولة لأمريكا واوروبا بس واتفتح موقع عالمى ليها (متهيألى فى ناس هنا عارفين الكلام ده )

(سيبنا من قصة اللعبة عشان منمثلش ونخش فالمهم):
اولا الشخصيات:

1)ًwarrior:



ومتهيألى كده باين من لبسه وسلاحه انه الغول بتاع اللعبة دى ليه اقوى دفاع وهجومه جامد برضه بيمسك سلاح بسم الله عليه طوله كدا فتخيل ضربته عامله ازاى جميل فالتلفيل او فال pvp من الاخر مش محتاج كلام كتير هوا التانك او الدبابة بتاعت اللعبة دى


2)Blader:



وده بقى حبيب قلبى اشيك واحلى واسرع ضربات ممكن تلاقيها فلعبة بجد تحب تتفرج عليه وهوا بيلفل بيمسك سيفين اسمهم katana او blades و ممكن يمسك واحد من ده وواحد من ده وعلى فكرة الاتنين مبيفرقوش فقوة الضربة بس بيفرقوا حسب ال stat point اللى انتا حاططها ودى لسه هنشرحها.... وعلى فكرة الشخصية دى بتلفل بسرعة مش معقولة (انا بقيت لفل 36 فى 4 ايام) واللى بيلعب سيلك رود هيعرف الفرق بين بلادر وبلادر وعلى فكرة بيتميز فاللعبة دى بأنه بيقدر يفلت من ضربات الوحوش كتير فلما بتكون مظبط لبسك تقريبا مش هتتضرب منها لكن مشكلته انه ضعيف (شوية) فال pvp


3)ًWizard:



وطبعا ده الويزارد ومعروف بقوة الضربات بتاعته لكن فاللعبة دى انا اما شفت شكل الاسكلات بتاعته اتوهمت (ليه سكلة كده بتخلى واحد زيك يضرب معاك بس شكلها تحفة بس معرفش فانهى لفل عشان مكدبش)
وده بيبقى ماسك ستاف او حاجة كده حوالين ايده اسمها orb بتخليه يعمل الاسكلات بتاعته معظم اسكلات بتخليك تجمد او توقع اللى قصادك وده بيعوض نقط الضعف عنده.



:10: :10: :10: :10:
التلت شخصيات الجايين صعبين شوية فخليكو معايا كده واحدة واحدة



4)Force archer:



الشخصية دى بقى عقدة باين من اسمها طبعا انها Archer او بتضرب اسهم ودى ليها كريتيكال يخليك تموت الوحش ko او من الاخر من ضرية واحدة وده ممكن يبقى كمان فال pvp او وانتا بتلاعب واحد زيك غير انه ممكن يبقى healer يعنى يزود فال hp وال mp بتوع اللعيبة اللى معاه فالبارتى من الاخر بيتطلب بالاسم فالكويستات التقيلة وبجد شخصية جميلة قوى


5)Force blader:



الشخصية محدش لعب بيها الا وشكر فيها فعلا انا عن ذات نفسى لسه مجربتهاش بس هيا شخصية متوازنة فال stat point بتاعتها تسد معاك سواء كنت بتلعب pvp او بتلفل كمان ده بيسمحله انه يلبس مختلف انواع اللبس وكل واحد بيتميز بحاجة زى مهنشرح


6)Force shielder:
عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]


وده ليه نوعين sword force shielder و magic force shielder :

ال sword بيبقى احسن فالتلفيل عشان ضربات السيف هنا بتضرب فاللى
حواليها يعنى ممكن تضرب فاربع خمس وحوش من اللى حواليك وكمان بيلبس لبس ال Warrior وكمان اسكلاته شكلها حلوز

اما ال magic فده بيبقى احسن فال pvp عشان قوة ضربته وكمان بيبقى دفاعه حلو عشان لابس لبس Warrior غيرانه بيعمل حاجة اسمها DPS'S او damage per second يعنى بيضرب اسكله تفضل تقلل فاللى قصاده


ثانيا:stat point او نقاط بناء الشخصية:


بعد كل لفل بتاخد 5 stat point ودول بيزودوك ف3 حاجات:

str ودى اللى بتزودلك الدفاع بتاعك ضد الضربات ودى بتبقى اساسى تزودها لل Warrior

Dex ودى اللى بتخليك تفلت من ضربات اللى بيهاجمك ودى بتبقى اساسى تزودها للبلادر

int ودى اللى بتقوى ضربات الماجيك والدفاع ضد هجمات الماجيك برده واكيد دى اساسى للويزارد

التلت شخصيات التانية بتعتبر مزيج من الشخصيات التلاتة الاساسية ومش معنى كده انك تحط ال 5 stat point فال str مثلا ....لأ انتا ملزم بعدد معين من ال stat point فال 3 اماكن عشان الشخصية تبقى مظبوطة معاك ومتهيبرش ودى بتعرفها اما تلفل تدوس C بتلاقيها اول حاجة من فوق وتحتها بتلاقى الخمس نقاط اللى المفروض تزودهم فالتلت اماكن والمطلوب منك بيتغير كل عشر لفلات لحد متوصل للفل 60 او 90 بعديها انتا حر تزود زى منتا عايز ..



فى ايه كمان؟؟؟فى ايه كمان؟؟؟؟!


اه

انواع اللبس:


كل شخصية بيبقى ليها لبسها اللى بتتميز بيه وفى 3 انواع:

Martial: وده بيزود فالDef rate اللى بيخليك تفلت من الضربات
Armor : وده اللى بيزود فال Def بتاعك اللى بيخليك تستحمل الضربات القوية
Battle : وده بيبقى وسط مابين الاتنين

وانتا فالنص هتلاقى نفسك تقدر تلبس اى واحد من التلاتة حسب ال stat point بتاعتك مبتكون متظبطة (اللبس فاللعبة دى بيبقى حسب ال stat point مش اللفل ) ده غير ان فى شخصيات تقدر تلبس اللى هيا عاوزاه زى ال Force blader



بالمناسبة اللعبة دى فيها حاجة جميلة اوى اسمها Auto attack يعنى اما بتحط الاسكلات فالبار تحت وتضرب بتكمل مع نفسها يعنى مش لازم تفضل تدوس على واحد واتنين وتلاتة لحد مصوابعك تورم والاسكلات بتكمل يعنى مش اول السكل متخلص الشصية تقف ومتضربش اى حاجة




كمان فى حاجة جديدة فاللعبة اسمها combo mode ودى زى سكل بتاخدها بعد متوصل لاول مستوى (وده بعد متبقى لفل 10 وتعدى كويست تخليك بدل novice تبقى apprentice ) ودى بتخليك تضرب كذا سكلة ورا بعض وبيظهرلك مؤشر كده المفروض انك تضرب الاسكلة قبل المؤشر ميوصل للأخر وهكذا على قد متقدر ودى بتنفعك قصاد الوحوش التقيلة بتجيبلك sp او سكيل بوينت اكتر ودى اللى بتعديك من مستوى فاللعبة لمستوى تانى , فانتا مثلا بتبتدىnovice المستوى اللى بعديه apprentice عشان توصل للمستوى دى محتاج 21 sp ومع كل sp بيتقالك تحت انك جبت sp ودى بتسمحلك انك تزود السكلات بتاعتك وتعليها فاللفل وكل متستعمل سكلات سريعة فالتلفيل كل مهتجيب sp اسرع ...... كل ده هيبان احسن اما تشوفوه فاللعبة انشاء الله .




أخر حاجة موقع تنزيل النسخة العالمية اللى ممكن نلعبها :

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]


وادى كمان الرابط اللى يخليك تعمل اكونت للعبة:

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

الاول بتدخل الميل بتاعك وتختار الخانة اللى على يمينها ٌRequest E-mail validation بعدين تروح للميل بتاعك فال In Box هتلاقى رسالة مبعوتالك من اللعبة فيها كود تحطه فالخانة اللى تحت اللى حطيت فيها الميل بتاعك وتختار Confirm و شكرا كده




بعد مبتنزل اللعبة وتعمل الابديت بتاعها وتدخل بتجيلك الصورة دى ولحد دلوقت مفيش غير السيرفر ده بتدوس على علامة + اللى على شمال mercury



بعد كده بتلاقى الاربعة تشانيل دول سيبك من اخر واحد لان ده للبريميوم واختار اى واحد من اول تلاتة ولو حصل وانتا كنت فتشانيل وطلعت واول متدخل تختار تشانيل تانى هتلاقى نفسك فنفس المكان اللى كنت فيه



بعد كده انتا ليك انك تعمل لحد 6 شخصيات بعد ما تعمل شخصيتك اختارها ودوس ستارت (معلش انا متأكد ان كل الناس عارفة الكلام اللى بقوله بس قلت امشيها من الاول عشان فرحان بالبرنامج اللى بياخد صور من عالجهاز)



خلاص كده ياباشا انتا دخلت الحمد لله وندخل احنا كمان فالمهم :
انتا ايه اللى بيحصل فاللعبة بالظبط والسكلات بتيجى ازاى؟ اكيد دا سؤال عند اى حد بيلعب لعبة اونلاين لاول مرة . . . .
التلفيل هنا كل عشر لفلات وعند رقم 1 اللى فالصورة دى ال stat point اللى المفروض توصلها عند لفل عشرة (دى بتيجى اما تدوس C). . . طب ليه؟ لان انتا كل عشر لفلات بتروح لواحد فالمدينة بتاعتك اسمه ال officer ده بيديلك سكلة مهمة كل عشر لفلات غير ان ده بيساعدك تبنى الشخصية بتاعتك صح حسب الحد الادنى ..... برضه ازاى؟ يعنى انتا مثلا بتلعب ويزارد مفيش هنا حاجة اسمها بيور int او انتا بتلعب warrior مينفعش تلعب بيور str لان هنا اللبس والسلاح بيعتمد عالستات بوينت مش اللفل وده بيسمح بفروق ما بين كل بيلد والتانى انما اما الناس كلها تعمل بيور str مش هيبقى فى فرق غير حسب قوة اللبس اللى انتا لابسه انما هنا صعب قووووى تلاقى اتنين لابسين نفس اللبس و ماسكين نفس السلاح لان كل حاجة ليها الستات بوينت بتاعها . . . . . . مش معنى كده انهم بيتحكموا فينا لأ ده بيبقى فالفلات القليلة بعد كده انتا هتلاقى نفسك جايب النقط المطلوبة منك قبل متوصل للعشر لفلات اللى جايين وانتا هتكون فاهم النقط اللى انتا بتحطها دى رايحة فين وكل واحد حسب شخصيته وده بيسمح بفروق اكتر بين كل بيلد والتانى .
- فانتا فرقم 2 هتلاقى ال state points اللى معاك يعنى مثلا انا هنا معايا 12 str وزيهم int و 11 dex يعنى انا محتاج 13 نقطة فال str و زيهم int و 15 نقطة فال dex
ومحدش يتخض عشان هوا كده محتاج 41 نقطة عشان يوصل للمطلوب منه فلفل 10 لا



باين هنا انه مع كل لفل انتا بتاخد 5 stat points يعنى انتا محتاج 9 لفلات عشان تجيب 45 نقطة انتا محتاج منهم 41 يعنى يتبقالك 4 نقط تحطهم زى منتا عايز وكل متعلى فى اللفل تلاقى النقط اللى باقيالك اكتر وانتا برضه حر تحطهم زى منتا عايز عشان كده بقول فى فرق بين كل بيلد والتانى


نيجى لتانى اهم حاجة فاللعبة وهيا السكلات :



ودى تقدر تجيبها اما تدوس K وزى محنا شايفين فى حاجة اسمها sword exp ( عند الويزارد بتسيب اول خانة من فوق وتختار الماجيك يعنى بدل ال sword exp هتلاقى magic exp ) ودى الخبرة اللى انتا بتاخدها كل مبتموت وحوش وكل اما ال sword exp دى تتملى للأخر بتاخد 1 skill point تقدر تحطها فالاسكلة اللى انتا عايزها عشان تعملها upgrade طب انتا ازاى تجيب السكلات الجديدة ودى بتفتح امتى؟ السكلة بتفتح كل متوصل لعدد معين من النقط فال sword exp شايفين فوق ال sword exp فى نقط مكتوب 21/ 10 وكل سكل بتفتح فعدد معين من النقط
اما نجيب السكلات منين :



برضه هتلاقى فكل مدينة واحد اخره instructor ده اللى بيديك السكلات الجديدة اول مبتدوس عليه بتلاقى القائمة دى :



ودى بتختار منها السكلات اللى انتا عاوزها فمثلا لو انتا عايز ال sword skill :



فى سكلات لونها احمر لسه دى مينفعش تفتحها الا اما توصل لنقط sword exp اللى مطلوبة منك مثلا يعنى :



انا هنا محتاج 12 نقطة فال sword exp عشان اقدر افتح السكل دى وانا فالصورة اللى قبلها معايا 10 يعنى محتاج 2 كمان ودول مبيخدوش وقت زى منتا فاكر دول بييجوا وانتا بتلفل او بتعمل كويستات
. . . . طب هل معنى كده ان انا معايا الكام سكيل دول؟؟ اكيد لأ انا قلتلك انك اول مبتجيب كل النقط اللى مطلوبة منك فال sword exp هتلاقى كويست تطلعلك اول متخلصها بتعدى المستوى بتاعك . . . . . طب وايه المستوى ده؟ احنا عندنا هنا كذا مستوى فى ال novice وده اللى بتبتدى بيه بعديه ال apprentice وبعديه ال regular وبعديه ال expert وكذا مستوى كدا وعمالين يزيدوا وادى الصور :







من هنا بقى نكمل عللى فات وهوا موضوع مهم عن ال combo skill:

الcombo mode ده سكل انتا بتاخدها اما توصل لفل 10 وتعمل الكويست بتاع اللفل بيديهالك

[t2t]

وده شكلها اما بتاخدها :
عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

واول اما بتحطها تحت فالسكل بار وتعلم على وحش وتدوس عليها بيظهر الشكل ده :
عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]
وتلاقى البار ده بيتملى وحسب سرعتك والدقة بتاعتك بتحدد مستوى السكل (بعد مبتدوس عالكمبو بتختار ايه السكل الى هتضرب بيها من الاسكلات اللى انتا فاتحها اصلا)فمثلا يعنى:
ده معناه انك دست عالسكل بدرى قوى فالcombo هيروح منك وتضتطرانك تبتدى من الاول فلازم تستنى وبالتدريب هتعرف تظبطها ;)
هنا بقى انتااتأخرت قوى يا معلم بس هتتحسبلك برده بس الضربة مش هتبقى قويه اوى وبيقولك bad
هنا بقى انتا ابتديت تظبط السكل معاك وبتاخد good يا باشا
وهنا بقى انتا قربت تبقى برنس وبتاخد good برده
هنا بقى انتا برنس بجد وتاخد excellent

انا ايه اللى بيخلينى اقولكو على حوار bad و good و excellent ؟ لأن انتا كل مستوى من دول بيحدد قوة الضربة بتاعتك ولو اتعلمت تظبطها فالاكسلنت هتجيب كريتيكال:eek: وده اللى بيفرق فال pvp عشان كده الكومبو مهم ده غير ان ليه اهمية تانية فال pvp انه مبيخليش miss تجيلك يعنى كل اسكلاتك هتتضرب فاللى قصادك غير انه اهم حاجة بيعملها مبيخلكش تقع ;) . . . . . . طب انتا كده خلاص بقيت تعرف تستخدم الكومبو ؟اه بس كل مبتوصل لععد اكبر فالكومبو كل ماهيبقى صعب . . . .إزاى؟ اقولك :
انتا هنا قدرت توصل لخمسة كومبو ناجحين ورا بعض يعنى من واحد لخمسة كومب شكل البار هيفضل كده طب لو انتا واد فيرود وعرفت تجيب اكتر :
هنا بقى انتا يا كبير وصلت لستة كومبو لغايه عشرة كومبو ناجحين ورا بعض وطبعا انتا لازم تظبطها من او البارالتانى من اليمين والسكل بتتملى اسرع من الاول عشان كده هتبقى اصعب
هنا بقى انتا وصلت للى انا مش هوصله :D عشان اللاج عندى غبى شوية و الشكل ده بيبقى من اول الكومبو ال12 لفوق وفى ناس بتوصل لحد 21 كومبو وكله بالتمرين
و أاااااااااادى صور للكومبو اما بتتعمل كمان عشان محدش يبقى له حجة :D :


والصورة دى مهمة جدا (وهيا منقولة للأمانة ) عشان فيها شرح الكومبو بيتم ازاى جوه اللعبة :

1- لازم يكون معاك sp والبار ده بيطلعلك من بعد لفل 10 ويبقى فيه مربع واحد بتملاه اما بتتل الوحوش وكل 10 لفلات تاخد مربع زيادة لحد ميوصلو خمس مربعات زى الصورة
2-هنا ده البار اللى انا شرحته فوق وبيظهر اما تدوس عالكومبو سكل
3-هنا بقى بتكون انتا استخدمت الاسكلات بتاعتك وبيظهر مستوى وقوة الضربة بتاعتك
4-هنا بقى بتظهر عدد الكومبوهات اللى انتا نجحت تعملها

[t2t]

يا جماعة ارجو عدم الرد الا بعد الانتهاء مالموضوع عشان يكون مترتب وسهل انشاء الله :p

[mohamedneo2]

والله العظيم برنس و شكرا و انا اعجبت باللعبه ده و ان شاء الله هلعبها معاك و انا عهمل الشخصيه froce archer

[t2t]

نيجى بقى للشخصيات وهعمل دليل كامل بإذن الله لكل شخصية(وربنا معايا) ونبتدى:

اولا: البلادر Blader



وانا اللى خلانى ابتدى بيه انى لقيت معظم الناس اللى داخلة دخلت بالبلادر واحب اقول انه الذ شخصيات اللعبة سواء فالتلفيل او شكل السكلات وده عشان ال def rate بتاعه عالى جدا فتقريبا مش بيضرب من الوحوش واسكلاته كلها aoe او (area of effect) ودى اللى بتخليك تضرب كذا وحش مع بعض ودى احسن طريقة فالتلفيل وبالنسبة لتوزيع النقط للبلادر فى نوعين:
1- normal blader : وده البلادر العادى وبتزود النقط فيه حسب اللى بيبقى مطلوب منك واللبس والزيادة بيتحط فال dex
2- heavy blader : وده بقى بتاع ال pvp وبيلبس ال osm armor وده لبس قوى وحلو فالبى فى بى وعشان البلادر يلبسه لازم يوصل ال strبتاعته 283 بس فالمقابل بيخسر ال def rate بتاعه اللى كان بيتميز بيه عشان كده التلفيل بالنسبة له هيبقى صعب شوية وفى ناس معاها فلوس بتجيب لبس لل pvp ولبس للتلفيل ;)

نيجى للسكلات بتاعتنا واول حاجة ال sword :

دى تعتبر اول سكل انتا بتقدر تجيبها فى لفل 12 novice ومنصحش حد انه يعمل upgrade ليها دلوقت عشان ضعيفة وهيشيلها لما يجيب سكلات اقوى

دى اول سكل عندك فال apprentice ولما بتعمل كريتيكال بتزيد قوتها 10 % وبتبقى زى ضربتين كده ودى برضه متزودهاش

ودى زى اللى فوقيها بالظبط بس ضربتها اجمد وبرضه متتزودش

دى بقى من الاسكلات القوية جدا واللى هتحتاجها فال pvp مش التلفيل حتى لو انتا لفل 100 وده عشان ال cool time بتاعها قليل فتتعمل بسرعة فالكومبو ودى انصح ان انتم تزودوها لفل 18

اول سكل محترمة تاخدها ليها كريتيكال حلو وكمان بتوقع اللى قصادك بس منصحش انكم تزودوها عشان فى احسن منها بكتير بعد كده ودى كده اخر سكل فالمستوى ال regular

السكل دى فى ناس بتقول عليها حلوة اوى عشان بتخليك تنط من مكانك وتضرب الوحش بس هيا ضربة ضعيفة ولوحش واحد وممكن تكون جامدة فال pvp لو بتلاعب واحد بيضرب من مسافة
بأمانة من اقوى السكلات عند البلادر ودى ممكن تزودها لحد لفل 9 عشان فى برده اللى اقوى منها بعد كده :D ودى بتخليك تشرح اللى قصادك بجد والله مش هزار;) وكمان بتوقع اللى قصادك
دى بقى سكلة لازم تمكسها وقتى يعنى تخليها لفل20 ودى هتفضل معاك وتلعب بيها pvp كمان ودى انتا بتختفى ويظهر مكانك دخان اسود وهوب تنزل عللى قصادك من فوق بجد مشكله ;) لا وايه كمان كريتيكال عالى وبتوقع اللى قصادك قلق يعنى
والسكل دى كمان حلوة وتتمكس ودى بقى بتخليك تشوط فكل اللى حواليك وبتوقعهم كمان
ودى بقى السكل الوحيدة اللة بتضربها من بعيد وفى ناس بتوصلها لفل 9 عشان تبقى اقوى وبيستعملوها لو انتا عايز تجيب وحش من بعيد او فال pvp لو اللى قصادك عايز يجرى
يا باشا السكل دى بتاعت ال stun اللى عندك يعنى اللى بتدوخ اللى قصادك وتثبته مطرحه وتتمكس يعنى تتمكس
السكل دى هتتخض من ال damage بتاعها بجد مرعبة وبتوقع وليلة كده انتا بتلف حوالين نفسك بسرعة وبعدين بيحصل انفجار و . . بصوا تتمكس
برضه سكلة قوية جدا بس الكل بيسيبها عند لفل 9 عشان ال cool time بتاعها كبير قوى
ودى كده اخر سكل عندك وتخليها فى لفل 20 يا معلم

وبكده نكون خلصنا ال sword skills نخش عال sword buff skills :
انا عن ذات نفسى شايف ان السكل دى مهمة جدا خصوصا فاللفلات العالية وانتا فى dungeon ولا حاجة ودى بتزود دقة الضربات بتاعتك فى ناس مبتحبهاش بس انا شايفها مهمة
السكل دى بتزود قوة الضربة بتاعتك وهتيجى اللى اقوى منها واللى اقوى من اللى اقوى منها عشان كده سبها لغايه لفل 6 او 9 ولما تيجى اللى اقوى منها شيل دى وحط التانية مكانها وهكذا
السكل دى مهمة جدا جدا جدا جدا وتتمكس بسرعة يعنى تجيب سكل بوينت عشان تلفل السكل دى ودى بقى بتقوى الديفنس بتاعك وبتكون محتاجها علطول
تانى سكل لتقوية الضربة بتاعتك وطبعا عارف هتعمل ايه .... تشيل اللى قبلها وتحط دى برده للفل اللى انتا عايزه بس متزودش اوى عشان كل مبتعلى فاللفل كل مالسكل متيجى تشيل النقط اللى انتا حاططها فيها مبتبقى اغلى
برضه سكل مهمة جدا ولازم تتمكس ودى بتزود ال def rate بتاعك .. . . .ماله هوا زياده اصلا؟؟ وايه يعنى زيادة الخير خيرين انتا اما انشاء الله هتوصل لفل عالى هتلاقى الوحش بيضربك ب 400 و 500 (فال dungeon)بعد مكان اخرهم 50 فانتا محتاج السكل دى عشان تريح دماغك واى ضربة عليك تبقى miss يا كبير
[

[t2t]

دى تانى سكل تزود الديفنس بتاعك بس بتزوده اكتر من الاولانية كمان عشان كده اول متوصل للسكل دى تبفف نفسك بيها وبال rock skin ومش محتاج اقولك انها لازم تتمكس;)
ودى بقى debuff يعنى لو حد جه يعملك stun بتشيله عالاقل بنسبة 15% ودى ملهاش لازمة . . . . اه ملهاش لازمة عشان هتجيلك اللى بتشيل اى حاجة عليك بنسبة 100% يا بومبو :D
دى اخر سكل لتقوية الضربة بتاعتك و اكيد هتشيل اللى قبلها وتحط دى وتمكسها كمان
دى بقى سكلة الاسكلات اللى بتشيل اى تأثير توقيع عليك بنسبة 100% واكيد هتحطها وتتمكس غصب ;)
سكل بتزود ال def rate اكتر (معرفش اكتر من كده انتا هتبقى دبانة محدش عارف يضربها) وانتا حر انك تاخدها او لأ
دى لازم تتمكس بتزود ال damage بتاعك يبقى تتمكس
معلش يا جدعان تتمكس برده . . . .اعمل ايه ماهى سكلة بتزود قوة الضربة بتاعتك + 6% منها عالاقل فتخيل اما تمكسها ؟؟؟!!:eek:
برده تتمكس بتقلل دفاع اللى قصادك 74 عالاقل يبقى تتمكس ولا تتمكس؟

اوووووووووف يا نهار ابيض انا بكح تراب :eek: نكمل بقى ال special skills :



انا نقلتلكو الجدول عشان هوا شارح نفسه بنفسه بس اهم حاجة انكو تاخد بالكو انكو اول مبتعملو battle mode 2 بيبقى شكلك زى وولف رين بتاع x-men وبتضرب زى ماتريكس:eek: اه والله اللى انا قاصدى عليه بقى انكو اول مبتعملو ال battle mode 2 وتعلمو على وحش هتلاقو اخر سكل ال crushing blow دى نورت (منتا حاططها قدامك عالسكل بار) يعنى من الاخر السكل دى مبتتشتغلش غير اما ال BM2 يكون شغال وبجد اول متعملها اللى قصادك هيدعى عليك انتا بتضربه ب 750% كريتيكال لا وايه نسبة الكريتيكال 50% يعنى من الاخر كل الشخصيات التانية بتحسد البلادر عال BM2 بتاعه

وبكده تكون ال skills لأول شخصية خلصت ووالنبى ليا طلب صغير عشان ميتكررش اللى حصل فموضوعى اللى فات ياريت ياريت يا رجالة زى ما نبينا (صلى الله عليه وسلم )قال :من كان يؤمن بالله واليوم الآخر فليقل خيرا أو ليصمت
صدق رسول الله (صلى الله عليه وسلم)
يعنى بجد اللى مش عاجبه موضوعى يناقشنى بأسلوب محترم وانا اقسم بالله العظيم مش هزعل لان دا الصح واحنا فالاخر بنفيد بعض فوقت فراغنا فياريت الاعتراض يبقى بشكل حلو وانا اللى عايز منى اى حاجة انا بجد تحت امره ولو فى حد مالناس اللى دخلو اللعبة يشهدو ويارب الموضوع يعجبكو وانتو اطلبو ايه الشخصية التانية اللى تحبو اكمل فيها وتقبلو تحياتى


والله الموفق ,,,

[t2t]

المشاركة الأصلية كتبت بواسطة mohamedneo2 عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

والله العظيم برنس و شكرا و انا اعجبت باللعبه ده و ان شاء الله هلعبها معاك و انا عهمل الشخصيه froce archer

يا باشا العفو وانا يشرفنى انك تيجى معايا وال force archer من اقوى الشخصيات فاللعبة وال pvp

[Lethal_ViPeR]

والله أنا أرفعلك القبعه على الموضوع الروعه ده :) الواحد فهم منه حاجات كتير مكنش واخد باله منها

[quped]

مان أنا لأسه جديد ف Mercury لو بتلعب هناك يا ريت تقول your game name و سوري أنا مختصر عشان بكتب عربي بطىء و خايف أكتب فرانكو والله يجازي الكان السبب lol .....ويا ريت شرح ال Force Blader

[quped]

أه ونسيت ......الموضوع روعه والله يا مان

[t2t]

يا رجالة انا اللى بشكركوا عالردود الحلوة وبجد انا لقيتنا عملنا موضوع عن كل حاجة الا اهم حاجة . . .الشخصية اللى هتلعب بيها :o انا عايز المصريين اللى يدخلو يبقو فاهمين عشان اما يلاعبو حد pvp يبقو عارفين هما بيعملو ايه عشان اللعبة دى مش انك تدوس على سكلات وخلاص لأ دى والله فيها شغل اكبر من كده والعيال الاسبان اللى فاللعبة قرود عارفين كل حاجة عشان كده انا انشاء الله ربنا يقدرنى واشرح كل شخصية وياريت تقولولى بسرعة عشان انا عايز اشرح الفارم اللى فاللعبة ومش هينفع اشرحه الا اما الشخصيات تتشرح عشان الموضوع يبقى مترتب و يارب بقية الشرح تعجبكو

[mido7297]

الله عليك فعلا معلم من يومك
ربنا يخليك لينا
وفعلا الواحد استفاد كتييييييييييييير انت عارف انى بلادر فانا اكتر واحد استفدت
وشكرا

[t2t]

واحنا هنكمل بال force blader:




-دى بقى الشخصية المتوازنة اللى فاللعبة سكلات شكلها حلو وجامد جدااااا فال pvp وانا الصراحة اتقالتلى كلمة فيه ثبتتنى واحد فاهم يعنى قالى ان force blader عنده دفاع اقوى من الblader و def rate (ده اللى احنا اتفقنا انه اللى بيخليك تقلت من اى ضربة عليك وتبقى miss) اعلى من الwarrior وعشان بيزود فال int فضرباته جامدة مش وحشة .
-بالنسبة للبس هوا بيلبس اى حاجة تيجى على بالك :D عشان بيزود فالتلت حاجات اللى عنده str ,int ,dex بس فى نقطة بالنسبة للforce blader النقطة اللى بتحطها فالdex بتزودلك فال def وال def rate اما لو حطتها فال str هتزود ال def قد اللى هتزوده ال dex بالظبط بس مش هتزود فال def rate يبقى بحسبة بسيطة كده ال dex احسن لل force blader عن ال str عشان هوا برضه فى منه نوعين:
1- heavy froce blader او heavy FB: وده بيزود فالstr لحد 283 وال int لحد 227 عشان برضه يلبس ال osm armor اللى بيبقى جامد فال pvpبس بيقلل برضه من ال def rate بتاعه (بس انا معرفش حابب النوع ده )
2-normal FB: وما دام normal يبقى بيزود حسب اللى مطلوب منه (صحيح من اول لفل60 انتا هتزود براحتك اللى مطلوب منك فوق هتكون انتا وصلتله) واللبس اللى معاه والباقى بيرميه كله فال dex
-اللبس اللى المفروض يلبسه هوا ال battle suit واللبس اللى بيميز الشخصية دى ومينفعش اى شخصية تانية تلبسه غير الارشر هوا ال teregrace زى البلادر انا نسيت اقول ان اللبس اللى بيميزه هوا ال mystic (هوا والويزارد)

نييجى بقى لل skills (معانا يارب) :
-Sword Skills :
الFB بيعانى من نقص حاد فال skill points عشان كده بيقولو انه من اصعب الشخصيات فالتلفيل انما اول مبتخلص تلفيله بجد بيستاهل التعب اللى تعبته فيه عشان مليان buffs وdebuffs وDPS(ودى يعنى damge per secondيعنى بيضرب ضربة تفضل تاخد من ال Hp بتاع اللى قصادك) ويالا نشوف :

دى اول سكل انتا هتشتريها وملهاش لازمة غير فتلفيلك وتشيلها بعدين
دى بقى اول سكل انتا هتمكسها انشاء الله اول متتمكس هتاخد من اللى قصادك 69 hp متفتكرش انهم قليلين عشان في منها تانى :D
برضه سكل ملهاش لازمة غير ان ضربتها اقوى شوية من اللى قبليها وهتشيلها بعدين
السكل دى معقولة شوية سواء فالpvp او التلفيل ضربتها حلوة وبتوقع اللى قصادك بس متتمكسش
السكل دى بقى حيرت الناس كلها عشان سكل و debuff فنفس الوقت يعنى بتقلل من دفاع اللى قصادك 10 على الاقل فى ناس بتحبها وناس تقول لا سيبها فى لفل 1 وشيلها بعدين وعالعموم احنا بنعمل الشرح ده عشان كل واحد يبقى فاهم الليلة وهوا يقرر بعدين (انما فى حاجات لازم تتعمل ) وهيا الصراحة شكلها حلو مش وحش بتضرب اللى قصادك فنفس المكان 4 او 5 مرات شبه ضربة عند dante فى devil may cry
دى برضه لازم تتمكس وقتى عشان بتاخد من ال hp بتاع اللى قصادك
دى برضه debuff بتقلل من الatt rate بتاع اللى قصادك (يعنى بتقلل من دقة الضربات بتاعته وتبقى miss) بس محدش حبها عشان بتشتغل عالmobs بس
السكل دى جامدة جدا ليها نفس تأثير اللى فاتت بس قوتها اكبر طبعا غير انها بتوقع فى ناس بتقول تتمكس وناس بتقول تتساب عند 18 بس المهم انها جامدة ولازم تاخدو بالكو منها
من اقوى السكلات عند ال FB بتعمل stun وبتقلل من قوة ضربة اللى قصادك ياعم الحاج :eek: بس تتساب عند 18 حلو ليها ولو عايز تمكسها براحتك بس عشان ال stat point اللى عندك
دى بقى تتمكس يا باشا عشان بتقلل من الdef rate بتاع اللى قصادك واكيد انتا عارف طالما بتعمل كده يعنى هتخليه ميعرفش يعمل miss لضرباتك كتير
دى يا رجالة برضه تتمكس (عشان تعرفو قد ايه هوا متعب فالتلفيل وكل دى sp هوا محتاجها) عشان بتقلل من ال hp بتاع اللى قصادك
دى بقى كوكتيل دمار اه والله بتوقع وبتقلل ال att وdefو hp يعنى ملكش حجة بس تتساب عند لفل9 عشان يكون ده اقل cool down time واحنا قلنا ده لازمته ايه فالكومبو
دى عشان اقوى ضربة عندك856% فممكن تخليها لفل 9 او 12 بالكتير ولو معاك زود

وبكده نكون خلصنا ال sword skills ;)

[LEGENDMU]

شكرا جزيلا

[t2t]

-نخش بقى عال Magic Buff Skills :

دى بقى buff عشان تزود الاتاك بتاعك وزى البلادر فى منها كذا واحدة فانتا متحطش فدماغك انك تمكسها اوى تحط فيها نقط زى منتا عايز واعمل حسابك انك هتشيلها بعدين
نفس فكرة اللى فوقيها :D
دى بقى يا معلم تتمكس عشان دى buff الديفنس اللى حيلتنا
برضه نفس فكرة السكلتين اللى فوق
دى تتمكس علطول بتزود ال att rate وال def rate بتوعك
دى اخر سكلة بتزود الاتاك بتاعك (الحمد لله انا عارف انكو زهقتوا) واكيد ما دامت دى اخر واحده يبقى تتمكس :D
السكلة دى مشكلة تتمكس الاول وبعدين اشرح : دى بتزود الhp و ال mp وبيتخليهم يزيدوا وانتا واقف او بتضرب restore يعنى

وبكده تكون الMagic Buff Skills خلصت الحمد لله ونخش على:-


-Magic Debuff Skills:
معنى debuff يعنى تأثيرها بيكون عاللى قصادك اكتر مهو عليك وهنشوف ازاى :

فى ناس بيحبو السكل دى عشان بتنفعهم قدام الوحوش التقيلة او bosses فى انها بتقلل ال def rate بتاع الوحش فيقتله اسرع بس مبتأثرش فال pvp وانا عن ذات نفسى مبحبهاش اوى فى اسكلات تانية ليها نفس التاثير واقوى فال sword skills
نفس فكرة السكل اللى فوق بس دى فال att rate
مهمة جدا ولازم تتمكس ومن اسمها هيا بتقلل ديفنس اللى قصادك ;)
هيا السكل دى عجيبة شوية هيا بتقلل لفل اللى قصادك 4 لفلات يعنى لو بتلاعب لفل 100 كأنك بتلاعب لفل 96 بس لغاية دلوقت معرفش دى شغالة فال pvp ولا لأ عالعموم هيا لواحد بس فى بعد كده لمجموعة فاللى عايز يجربها ماشى واللى عايز يستنى برضه ماشى بس اللى يجيبها ميلفلهاش
دى برضه بتثبت اللى قصادك لمده 10 ثوانى ونص وبتبقى لواحد بس وبعدين بتبقى لمجموعة وبرضه ليك الحرية فإنك تشوفها او تستنى
والله السكل دى محيرانى هيا المفروض بتقلل من الكريتيكال اللى ممكن ييجى عليك فى ناس كتير بتقول ملهاش لازمة وناس قدهم بتقول تتمكس عالعموم انا هتأكد منها واقولكم
دى فعلا ملهاش لازمة :D
دى بقى لازم تتمكس بتاخد عالاقل 1050 من ال mp بتاع اللى قصادك حتى لو فى pvp
نفس ال enervation بس بتبقى على مجموعة مش واحد بس وبيقولو انها حلوة خصوصا فال war (لسه هتتفتح ) وممكن تمكسها
برضه نفس ال execration بس على مجموعة

نيجى بقى لل Special Skills :




ال BM1 للFB ده حكاية انتا بتبفف نفسك عن طريق حاجات اسمها الcanons ودى هتجيبها اما تبقى expert ودول ماجيك سكل :
1-Lighting cannon وده تخليه لفل20 ودى بتخليك تزود الاتاك بتاعك
2-Stone cannon وده برضه لفل 20 عشان يزودلك الدفنس
3-Aqua cannon وده برضه لفل20 عشان يزودلك ال hp وال mp recovery
4-wind cannon وده ممكن تسيبه عند لفل 18 بيزود ال att&def rate

طب ازاى بيشتغل ؟انتا بتكون حاطط السكل بتاعت ال BM1 فالسكل بار عندك تدوس عليها الmode يشتغل واى باف انتا مبففها لنفسك بتروح ولا يهمك تقوم بعديها تشغل الcannons اللى فوق دول هتلاقى الشخصية بتاعتك بتبفف نفسها بنفسها ولو دست C هتلاقى ال HP & MP فالسما والديفنس بتاعك فوق ال 3000 :D وعيش يا معلم وادعيلى ;)

اما بالنسبة للBM2 فهوا عبارة عن حركات حلوة وبيزودك فالدفاع عن ال BM1 (من غير بافات طبعا) كان زمان الشخصية بتضرب بمدفع :eek: بس دلوقتى بقت حركات شكلها حلو والناس بتقول دى احلى وانا الصراحة مجربتش اللى قبلها عشان احكم :D


اخر حاجة اقولها للى بيلعب او عايز يلعب FB انه ياخد باله من السكل بوينت بتاعته عشان انتا مليان بافات وسكلات كلها محتاجها فانتا مثلا :
-اى سكل من اول لفل1 لحد لفل 9 بتاخد سكل بوينت واحد عشان تعليها فى اللفل
-من لفل 10 لحد لفل 12 بتاخد 2 بوينت
-من لفل 13 لحد لفل 15 بتاخد 3 بوينت
-من لفل 16 لحد لفل 18 بتاخد 5 بوينت
-من لفل 19 لحد لفل 20 بتاخد 10 بوينت :eek:
يعنى بحسبة بسيطة كده السكل الواحدة بتحتاج عشان تتمكس 58 سكل بوينت فكله ياخد باله وميضيعش السكل بوينت بتاعته عالفاضى



وفالاخر يارب الشرح ده يعجبكو واللى عنده اى اضافة ياريت يقولها انا مش حريف اوى فالFB مع انى بقيت العب بيه دلوقت وهوا عاجبنى الحمدلله فاللى عنده حاجة يقولها واحنا كلنا بننفع بعضينا واقابلكو فشرح تانى انشاء الله