هتموت على نفسك من الضحك

[a7mad63]

السلام عليكم ازيكم يا اخونا عاملين ايه جبتلكم حلقتين من شاب صعيدى فى الكليه بيكلم بنت استايل كده وشوفو الحوار وقولولى رايكم ولو عجبكم نكمل بقيت الحلقات
الحلقة (1)




احمد: لو سمحتي حضرتك...ممكن براية

نور: ههههههههههههههههههههههههههه

احمد :حضرتك بتضحكي على ايه ممكن اعرف يعني لو سمحتي

نور : مش عيب شاب في سنك يطلب براية ..ده احنا في جامعة

احمد : طيب معاكي شفرة...عشان المحاضرة هتبدأ خلاص

نور : ايييييه..ايه شفرة دي..ممكن تسكت لو سمحت

احمد : حد معاااااااه براااااااااية....او قلم زيااااااادة..ردوا

نور: انت اكيد مجنون وطي صوتك الطلبة كلها بتضحك عليك

احمد :ويضحكوا ليه ولاد الدزمة دووووووووول

نور: خلاص خلاص انا هنقل المحاضرة وبعدين اديلك تصورها

احمد :شكرا بس انقلي كويس ..وياريت تنظمي الكراسة

(اثناء ما المحاضرة شغالة ونور شغالة كتابة واحمد هيموت عشان مش معاه قلم)

احمد: يا انسة خطك زفت زفت..انتي مش مسطرة الصفحة ليه ...وفين التاريخ الهجري ... يادي
النيلة عليا وعلى الجامعة
نور : انت مالك ومال خطي مش كفاية هديلك تنقل مني وهتعطل انا

احمد : ليه وانتي عربية اصلك علشان تتعلطي..هما البنات متعطلين خلجة

نور : انت انسان قليل الادب...وبجد مش بتعرف تكلم البنات ازاي

احمد : لأ يا شيخة والنبي المرة الجاية تبقي تجيبيلي الكتالوج بتاعك

(نور عشان رقيقة سكتت وماعرفتش ترد على احمد وانتهت المحاضرة )

اثناء خروج الطلبة من المدرج...احمد حب يستظرف بس بطريقة غبية شوية

احمد وسط حشد من الطلبة بنات وولاد

وكأنهم قطيع من المواشي

هررررررررررررررررررر...وضحكته سمعت كل اللي ماشي

(نور بتحكي مع زميلتها من كلية تانية على احمد )

نور : بصي يا هالة الولد ده....فضيحة فضيحة يعني...وحكتلها على اللي حصل

هالة : تلاقيه شاب تحفة...مش باين عليه استايل خالص..ده لابس بدلة وكرافت

نور : بس تعرفي شكله وسيم اووووي...حاسة انه طيب وعلى سجيته

هالة :اوووو...ده وسيم؟...ده مش حاطط نقطة جيل على شعره حتى..شعره منعكش جدا

نور:يا ستي سيبك

هالة: على رأيك

خلص اول يوم في الجامعة وقبل النهاية بدقايق

احمد: يا استاذة يا انسة فين المحاضرة عايز انقلها هاتيها يلا يلا بسرعة

نور : تنقل ايه يابني دي عشر ورقات غير في رسومات وجداول

احمد :ومالهم يعني عشر ورجات انتي هتخلفي وعدك ولا ايه

نور : انا مقلتش كده بس في حاجة اسمها تصوير..اسرع يعني

احمد: هههههههههههههههههه اصور ايه بخطك الزفت ده..شوفي ...زفت

نور: حقيقي انا غلطانة وكلام هالة باين عليه صح...بعد اذنك..اوف

سابته ومشيت .....وقال

احمد: عليكي يا شيخة وعلى هالة وعلى الجامعة كلتها....وبرضه خطك زي الزفت



الحلقة (2)



وجه اليوم التاني....ولسة الحياة الجامعية لم تؤثر على تلاميذ الثانوية العامة...بس مع بلدياتنا احمد ...

ماشية عكس خالص...مش عارف يتأقلم عليها

وتعالوا نشوف الايام والحياة الجامعية هتعمل ايه في احمد وهيتعامل معاها ازاي

كان ميعاد المحاضرة الساعة 8 صباحا...كان احمد واقف قصاد المدرج من

6 الصبح مش عارف ليه ونبتدي الحلقة التانية يا جامدين


احمد: ديب ديب ديب انتوا يا ناس يللي هنا...افتحوا الباب

الساعي : يا فتاح يا عليم يا رزاق يا كريم

احمد: ماترش ميا يا راجل قصاد المدرج عشان تستفتح

الساعي:يا كابتن المحاضرة لسة الساعة 8 مفيش دخول دلوقت

احمد:هدخل يعني هدخل..عليا النعمة هدخل هاااا

الساعي: قفل الباب في وشه ودخل جوا

احمد : يا ابن الدزمة انت هتضيع عليا المحاضرة شكلك

احمد: اما اروح اجيب كوباية شاي سخن مولع

الراجل: تؤمر بأيه يا فندم

احمد : شاي خمسينة بنعناع

الراجل: ايه ايه...مفيش نعناع

احمد: ومفيش نعناع ليه

الراجل : هو كده مفيش نعناع على الشاي ..النعناع لوحده

احمد :طيب هات نص كوباية شاي ونص كوباية نعناع

الراجل: خد فلوسك اهي

احمد:طب والشاي ابو نعناع فين

الراجل:اوووف

احمد:اوووف على دماغك...ابن دزمة صحيح


كان فات حوالي ساعة ونص وهو واقف في الكافتيريا عشان يشرب شاي

قرر انه يرجع للمدرج عشان يلحق مكان وبالفعل حجز مكان وخرج تاني عشان

يجيب شاي من كافتيريا تانية...ونجح انه يجيب المرة دي ..دخل المدرج وفجأة

لقى مين اعد مكانه ...مين مين مين....لقى نور فارشة كل حاجتها وبتشرب

كابتشينووووووووووووووووو

احمد : بصوت لا يطاق....ايييييييييه ده يا هانم...هي وكالة من غير بواب

نور :وطي صوتك من فضلك انا بتكلم بهدوء وبأدب

احمد:هي دي طريجتي..عاجبك ولا مش عجباك

نور:طيب انا مش هقوم

احمد: هروح للعميد يجي يقومك

نور:ههههههههههههههههههه

احمد:بتضحكي على ايه يا باردة

نور: لم نفسك

احمد: شايفاني مبعتر في الارض ولا اييييييييه

نور: مش هتحضر...هههههههههههههه

احمد :عليا الطلاج لأحضر غصب عنك وعن عين اهلك....



الحلقه 3
احمد داخل المدرج وشاف نور قاعده راح قعد جنبها تعالو نشوف الحوار هيكون ازاى

احمد: السلام عليكم ،ازيك يا نونو

نور:نونو ايه نونو دى ؟

احمد:يوووه بجا يستى الكل بدلعك

نور:ماشى يابوحميد

احمد:ماشى يا دزمه

نور: لم نفسك بقى الله

احمد:طب بقولك ايه كنت عايزك فى موضوع سرى كده يعنى بينك وبين الناس

نور:سرى وبينى وبين الناس ارحمنا يا رب

احمد: بصراحه انا مكسوف اتكلم فييه بس قولت لازم اوجهك بالحقيقه

نور:ومكسوف ليه؟

احمد:علشان الموضوع سرى يعنى بينك وبين الناس فتكسفت اتكلم قدام حد منهم

نور:ههههههه اكيد بتهزر صح

احمد: واهزر ليه يا غبيه

نور :والنبى ما فى حد غبى غيرك

احمد:لم نفسك بدل ما اقوم اتغابه عليكى

نور: ممكن سؤال؟

احمد :قولى صدعى امى بقى

نور:انته عمرك ما اتعملت مع بنات قبل كده؟

احمد : لا اتعملت عندك امى وامى وامى وامى

نور : اده اده انته عتهملهم اكشن

احمد: يا غبيه انا والدى الله يخلينى ليه متجوز اربعه عقبال ابوكى بقى هههههههههه

نور:لا ابويا كفايه امى عليه،المهم قولى كنت عيزنى فى موضوع ايه؟

احمد:يا ستى موضوع تافه زيك كده كنت عايز برايه

نور:لم نفسك قولتلك وبعدين ده موضوعى تقولى عليه

احمد: انا عارف ومتاكد ان دماغك راحت لحته تانيه انتى فكرانى ياما هقولك معجب بيكى ومش عارفت ايه على ايه يحسره دنتى منتنه وريحت شرابك هافه على وشى اهى

نور:انته انسان مش محترم وانا هنادى للحرس يجى يخدك

احمد :تنادى للحرس تنادى للترسانه وحيات امك لاقعد غصب عنك

احمد:ال حرس ال اجرى العبى فى منخيرك اجرى

الحلقه الرابعه: نور قامت من جنب احمد وزعلت منه وطلعت من المدرج وراحت تقعد فى الكافيه واحمد ماشى وراها وقاعد يناديها وهى مش عايزة ترد عليه تعالو نشوف ايه اللى هيحصل المرادى

احمد: يا نور يا نور انتى زعلتى ولا ايه طب اقفى شويه رجلى وجعتنى يوووووووووه بجى يا بنتى حرام عليكى اقفى بجى

(نور طبعا مش عايزة ترد عليه وهى دخلت الكافيه وقعدت واحمد دخل وراها وقعد معاها)

احمد:انتى زحلانه منى صحووووو والنبى لتردى؟

نور: اه طبعا زعلانه

احمد:خلاص انا اسف حقك عليا يا ستى وامسحيها فيا بس يا ريت تغسلى ايدك علشان بتقرف

نور:ههههههه والله انته دمك خفيف بس سعات بتتغابه فى كلامك

احمد:دمى خفيف هههههههه وانتى ايش عرفك انتى كنتى وزنتيه

احمد: خلاص اكده بجى مش زعلانه دلوقت صحووووووو

نور:لا مش زعلانه خلاص

احمد: ما تزعلى ولا تتفلجى انا مال امى انا

نور:هههه تانى

احمد: خلاص يا ست انتى هتمسكلنا على الوحده بجى

احمد:ها تشربى ايه؟

نور:لا انا جعانه اكل الاول وبعد كده اشرب

احمد:خلاص تطفحى ايه؟

نور:اممممممممممممم هاتلى اتنين بورجر وواحد سوسيس

احمد:ما تقولى يا بنتى عايزة تطفحى ايه انتى طرشه؟

نور:الله منا قولتلك مره اتنين بورجر وواحد سوسيس

احمد:نعم يختى الحاجات دى بتتاكل زى الفول والطعميه كده

نور:ههههه اه

احمد: جرسون ،انته ياض ياللى واقف انته

الجرسون :طلباتك يا باشا؟

احمد : عندكم فول

الجرسون :عندنا يا باشا

احمد:عندكم طعميه

الجرسون:عندنا يا باشا

احمد :طب بقولك ايه؟

الجرسون : ايه

احمد: هاتلى واحد بطاطس واتنين بيض واتوصا بالصفار وحيات اللى جابو ابوك وهات كمان اتنيين بوجررر ده وواحد سوسو

احمد: يلا شد بقى من هنا

نور:طب بتسال ليه بقى عن الفول والطعميه

احمد: تناحه بقى وبعدين انتى لازم تحشرى منخيرك فى كل حاجة يا ساتر على دى بت

الجرسون: طلباتكم اهى تحبو انزلكو مشروبات ولا حاجة


احمد:مشروبات ده على اساس ان المدرج كله قاعد معانا كفايه مشروبين يجدع ويلا اجرى هاتلنا اتنين حلبه حصى


نور:احمد انا عايزة مانجه ممكن


احمد: من عيون امى يا قمر واحد مانجه فتله وواحد حلبه حصى يلا بسرعه

الجرسون: ماشى يا باشا

وهما قاعدين احمد شاف قائمه الاسعار وقعد يبص عليها وشاف اسعار اللى هما كلوه مانجه بى 4 جنيه ، بورجر بى 2 جنيه ، سوسيس بى 2 جنيه ، بطاطس بى جنيه ونص ، بيض بى 2 جنيه ، حلبه بى جنيه

نور:معندكش موضوع نتكلم فيه يا احمد

احمد: عندى امال ايه؟

نور :طب ما تقول

احمد: مانجه بى 4 اتنيين بورجر يبقى 4 جنيه وواحد سوسيس يبقى 2 جنيه ، نور حسابك 10 جنيه لو معكيش فلوس ولا حاجة انا ممكن ادفعلك وتبقى تدهوملى بكره عادى يعنى

(نور بترد بستغراب ورخامه كده)

نور: لا معايا فلوس الحمد لله

احمد: طب كويس علشان بس ممكن تنسى بكره وانا طبعا هتكسف اقولك

نور: يلا نمشى علشان عايزة اروح انام

احمد:يلا يا غاليه

(وهما ماشين مروحيين قابلو محل لب وسودانى)

احمد: تعالى اعزمك على لب يلا يا ستى علشان متقوليش انى حارمك من حاجة

نور: ماشى مردودالك

احمد:لو سمحت بنص جنيه لب كل ربع لوحده

احمد:اتفضلى يا كبيره احلى واجمل واكبر كيس لب لنور

نور:مرسى اوى ربنا يخليك

احمد: يلا تعالى اركبك اتوبيس بقى علشان تروحى

نور:لا انا بركب تاكسى علشات الاتوبيس زحمه

احمد:اوقفلك تاكسى مش هنخسر حاجة

احمد:تاكسى

نور :التاكسى وقف اهو يلا انا ماشيه بقى مش عايز حاجة

احمد:لا ربنا يخليكى بس متنسيش وحيات امك تدفعى حق الموصله
ازيكم يا اخونا وكل سنه وانتم طيبين جبتلكم الحلقه الخامسه اهى يا رب تعجبكم

الحلقه الخامسه:نور شافت احمد واقف لوحده قامت رايحه تقف معاه تعالو نشوف ايه اللى هيحصل

نور:بخ

احمد:يمى يمى استنى كده يمكن اتخض ايه يا بت الرزاله دى

نور:ههههههه بهزر معاك يا عم المهم قولى عامل ايه؟

احمد:عامل محشى تاخدى صابع

نور:لا شكرا لسه واكله

احمد:ومين اصلا قالك انى هديكى يا بنت المفاجيع

نور :الله يسمحك

نور:مش يلا ندخل بقى المحاضره هتبدا

احمد:لا بلاش ندخل النهرده علشان عايزك فى موضوع

نور:خير اللهم ما اجعله خير

احمد:تعالى بس نترزى نقعد فى الضل

نور:تعالى

احمد:بقولك ايه يا نور

نور:ايه

احمد :تتك اوه اسمها نعم يا دزمه

نور:يا نعم

احمد:الا انتى مرتبطه ببنئادم او بكلمه او باى حاجة مقرفه زيك كده

نور:هههههههه لا مش مرتبطه

احمد:وحيات امى ولا هترتبطى مين الدزمه اللى يفكر انه يبصلك يبصلك ايه يلمحك حتى

نور:ماشى اتريق براحتك ،بس انته بتسال ليه يعنى؟

احمد:مزاجى

نور:مزاجك بالجزمه

احمد:مش هرد عليكى علشان لو رديت ايدى هتطول ولو طولت هقسمك نصيين

نور:ماشى يا عم المؤدب

احمد:طب بذمت اللى جابو ابوكى ايه رايك فيه كبنئادم

نور:ههههههه ما بلاش لتعيط وانته قاعد

احمد:بلاش ليه يختى فيه حاجة غلط لسمح الله ولا ايه

احمد:اى نعم شعرى خشن وباجى بجلبيه وبلبس شبشب ووشى اسود شويه بس ده كل ميمنعش انى ابقى وسيم وواد جنتل

نور:اه انته هتقولى

احمد:مش عارف عندى احاسيس انى بتتريقى يا بنت العابط

احمد:قومى يا بت نشرب حاجة سجعه ريقى نشف منك

نور:يلا يخويا

احمد:اخوكى فى البيت يا روح امك

(احمد ونور رايحيين يشربو حاجة ساقعه يلا بينا نشرب معاهم قصدى نشوف ايه اللى هيحصل)

احمد:لو سمحت ياض واحده جوجاجولا

نور:قوله اتنيين انته مش عامل حسابى معاك ولا ايه

احمد:هو انتى اتشليتى ما تقوليله انتى

نور:ماشى يا ندل

احمد:انتى عارفه لو مكنتيش لمضه كنت سبتلك بؤقين فى الاخر

نور:بؤقين اخص اخص

احمد:عليكى وعلى اللى جابك

نور:الله يسمحك مش هرد عليك

يا رب تعجبكم وفى نهايه الحلقه احب اهدى اغنيه يا ست الحنانه يا حنانه نينه لمطرب الاجيال القادمه (محمد سعد) للى كتب رده ولى لسه هيكتب

ازيكم يا اخونا جبتلكم الحلقه السادسه ويارب تكون عجباكم ومعلش على التاخير فى تقديم باقى الحلقات
الحلقه السادسه : احمد بقاله يومين مش بيروح الكليه علشان عنده ظروف او تعبان الله اعلم ده اللى هنعرفه من المكالمه اللى ما بينه وبين نور &موبايل احمد بيرن وقبل ما بيفتح السكه بيقول مين ربنا يشفى ما علينا تعالو نشوف ايه اللى هيحصل

نور: الو

احمد: جالو

نور:ازيك يا احمد

احمد: طب مش قبل ما تسلمى يا دزمه اعرف انتى مين

نور:اده انته مش عارفنى ولا ايه لالالالالالالا كده انا ازعل


احمد: لالالالالالا كده انا ازعل يحرق تناكه امك فى الارض يا شيخه هتجولى انتى مين ولا اقفل السكه فى وشك

نور: احمد انا نور انته نستنى ولا ايه

احمد:ههههههههههههه يا بنت العابط منا عارف انك نور بس جولت استظرف حبتين

نور: تستظرف ايه دنته كنت بتكلم جد انته مش واعى باللى بتقوله ولا ايه

احمد: يوووووووووووه بجى يا حجه انا قولت بتستظرف هتقعدى بجى تتكلمى كتير ولولولولولولوك وتروشى دماغ امى مبحبش ماشى يا بنت الحلال

نور: ماشى يا احمد اما نشوف ايه اخرتها

احمد: اخرتها سواد على دماغك ودماغ اللى جابك

نور: الله يسمحك مش هرد عليك ولو سمحتى بقى متكلمنيش بالطريقه دى تانى

احمد: اده اده اده انتى زعلتى ولا ايه كل ده علشان قاعد اهزقك مع انك عارفه انى بهزر على العموم بكلامك اكده هتخلينى مهزرش معاكى تانى

نور: لا هزر بس باحترام ومن غير قله ادب

احمد: تقصدى ايه يا دزمه تقصدى انى مش متربى يعنى عليه النعمه عليه النعمه كمان مره انا متربى احسن من اللى جابو ابوكى

نور: يعنى انته شايف كده

احمد: لا للاجسف انا مش شايف حاجة علشان النور قاطع عندنا النهرده

نور:طب ماشى يا احمد سلام وانا غلطانه انى اتصلت بيك من اصله

( نور قفلت السكه فى وش احمد يسوادى دى ليلتها سوده ومتينه بطيين الليلادى)

احمد: اما انتى بنت دزمه بصحيح صدق اللى قال عليكى دزمه فعلا ايه الغباء اللى انا فيه ده منا اللى بقولها كده

(احمد بجى انا اتعديت من احمد ولا ايه بقى مش عارف يعمل ايه ومحتار يبعتلها رساله ولا يتصل بيها تانى ولا يعمل ايه ده اللى هنشوفه مع بعض) لا تصدقو قرر انه يبعتلها رساله تعالو نشوف بيقول ايه فيها

الرساله: نور ياريت متزعليش منى اى نعم انا اتغبيت شويه بس للاجسف دى الطريقه اللى تمشى مع الاشكال اللى زيك وعايز كومان اشوف بكره فى الجليه انا بعمل اكده والله علشان لسه باجى عليكى وبحبك ايوووو والله

(وفعلا نور سمعت كلام احمد ونزلتله الكليه واتقابلو )

احمد: ياهلا يا هلا والله وحشانى موت

نور: ههههههه بعد اللى عملته ده وتقولى وحشانى موت

احمد: تعالى بس نقعدلنا فى الجهوه ساعه اكده ونظبط دماغنا ونتكلم برحتنا

(قعدو فى الكافيه )

احمد: جرسون جرسون جرسون جرسون انته يا حيوان

الجرسون: اهلا باحمد باشا طلباتك يا معلم

احمد: ايه يابا كل ده انته عامل صوتى عندك سيلنت ولا ايه

الجرسون: والله واتطورنا وبقينا بنقول سيلنت

احمد: ليه شيقنى فلاح زيك تتك الجرف اجرى ياض هتلنا اتنيين برتقان

( الجرسون بصوت واطى الله يرحم لما كنت بتشرب من القله بالشفاطه)

احمد:بتقول حاجة سعتك؟

الجرسون: لا ابدا ثوانى والبرتقان يكون عندك

نور:احمد ما تخليه يجبلنا بالمره اتنيين شليمووه

الجرسون: اتفضلو وادى البرتقان

احمد: لا خلاص شيل البرتقان وهات اتنيين شليمووه

الجرسون:ههههههههههههههههههههههه

احمد: الضحك من غير سبب قله ادب هو فى حاجة تضحك عليها يا بارد

الجرسون: معلش حقك عليا يعنى انته عايزنى اشيل البرتقان واجيب اتنيين شليموه

احمد: ده لو مش هيضايق حضرتك يعنى

الجرسون: ماشى يا روش

الجرسون: وادى الاتنيين شليموووه

احمد: هههههههههههههههههه هو ده الشليمووه

الجرسون: بالظبط كده ناقصلك القله ويبقى كده انا عندى حق

احمد: بطل لطافه يا رخم ويلا اتجر من هنا مش عايزين من وشك حاجة دلوقت

الجرسون :هههههههههههه ماشى

احمد: لازم يعنى يا نور تطلبى البوطاس والصوديوم ده

نور: والله معرف انك مش عارف يعنى ايه شليمووه

احمد: ما كنا نطلب اتنيين شاى ارحم

نور: خلاص اطلب اتنيين شاى بس يكون بتاعى شاى فتله

( احمد فى سره برتقان ومعاه شليموه وشاى ومعاه فتله الله الله)

احمد : ومين اصلا قالك انى بحب الشاى احنا احسن حاجة نشرب اتنيين حلبه حصى
وادى الحلقه السابعه ويارب مكونش اتاخرت فى تقديمها

الحلقه السابعه: طبعا احنا عارفين ان الحلقه اللى فاتت كانو قاعدين فى الكافيه ومشربوش حاجة خالص علشان الالغاز اللى قاعده تطلع لاحمد باشا يلا بينا نشوف الحلقه السابعه

احمد:انته يا حيوان فين الحلبه الحصى

الجرسون : اتفضل يا باشا تامرونى باى حاجة تانيه

احمد: لا غور فى داهيه تشيلك وتشيل اهلك

نور: براحه يا احمد مش كده

احمد:تعرفى تسكتى انتى ولا اقوم اخدك جور اقلام على اصداغ اهلك

نور:تانى دحنا جاين هنا علشان نتصالح

احمد: معلش نسيت

نور:ماشى سماح المرادى

احمد: انته يا حيوان

الجرسون:بتنادى يا باشا

احمد:انا قولت يا حيوان على العموم كويس انك عارف نفسك

الجرسون:اممممممممم ماشى يا برنس هااا تعوز حاجة

احمد: ايه غباء ام سعتك ده هعوزك ليه يعنى كام الحساب يا دزمه

الجرسون : 4 جنيه سعتك

احمد:نعم وحيات امك 4 عفاريت لما يركبوك دى المانجه ب 4 جنيه يبقى الحلبه ب4 هى كمان

الجرسون:حضرتك انا بتكلم عن الحساب كله 4 جنيه

احمد: ااااااااه انا بحسب خد يخويا الاتنيين جنيه بتوعى اهم

الجرسون:طب لسه باقى اتنيين جنيه كمان

احمد:انته بتتغابه كتير ليه يا عم هو انا لوحدى اللى شربت الكوبايتين

(نور بقى قاعده مش متخيله الموقف ده ومندهشه اوى من اللى احمد عمله ،الله يكون فى عونها بجد)

نور: خد خد الاتنيين جنيه اهم

(الجرسون فى سره ايه البنئادم الواطى ده شكلنا مش هناخد تبس)

احمد:ما تتفضل تغور بقى انته مش خت حسابك

الجرسون: ههههه طب فين التبس بتاعى طيب

احمد:ههههههههه التبس بتاعك هو انته ادتهونى قبل كده التبس ده

الجرسون:هههه تبس تبس يا احمد بيه

احمد:نور عندك فكره عن التبس ده

نور:هههههههه يعنى عايز بقشيش يا احمد

احمد: اااااااااااااااه فلوس ليك يعنى هههههههه وعايز كام بقى يا تنح

الجرسون:انته وزقك بقى يا احمد بيه

احمد:نور معاكى ربع جنيه فكه

الجرسون: نعم نعم

احمد:ايه فى اعتراض يعنى بتشحت وبتتامر كمان دى ايه كميه الغلاسه واللماضه دى ياض

الجرسون:خلاص يا عم مش عايزين حاجة انته هتفضحنا

(الجرسون سابه ومشى عنده حق وربنا)

احمد:ااااااه يا ابن ال*** يا ***

احمد:ما علينا كنا بتكلم فى ايه

نور:الحمد لله بقالنا ساعه ونص قاعدين ولسه متكلمناش فى اى حاجة

احمد:طب كويس يبقى احنا كده ماشين صح

احمد:بقولك ايه

نور:هاااااااااااااااا

احمد:معاكى رصيد

نور:اااااااااه

احمد:ايه يا حجه انتى واكله برسيم على الفطار ولا ايه

نور:ههههههه ماشى

احمد: طب وحيات امك رنى عليا اكده

نور: ليه يعنى؟

احمد: عايز بس اشوف النغمه اللى حاططها شغاله ولا لا

نور:وانته بقى حاطط نغمه ايه؟

احمد:يا حجه انتى هتفتحيلى محضر ،حاطط نغمه الواد الجلنف اللى بيلزق شعر دقنه فى شعر صدره ده

نور: اه تامرحسنى

احمد:ايوه تامر بوسنى وال ايه وانا جنب حبيبى بجد مش عارف اجولك ايه طب مهو مش عارف يجولها ايه بيقعد جنبها ليه ولا هو شغل يا زنقنى وجنب فاضى ازنقنى كمان وكمان

نور: خلاص بقى هو مضايقك فى حاجة يعنى

احمد:ياااااه دنا مخنوق منه الواد ده وله لما يعملك حفله يقعد يتنططلك على المسرح ساعه ساعتيين زى القرد

احمد:ورنى بقى

نور: اهووووووو

احمد:النغمه اتشغلت اهى بصى كده على الموبايل بتاعى

نور: ماله يعنى؟

احمد: ماله يعنى عندك انتى يا فالحه خاصيه اظهار رقم الطالب

نور:ههههه
احم احم يا رب يا ساتر، ازيكم يخونا عاملين ايه مش هطول عليكم بقى واقصد اقضيها مجاملات المهم جبتلكم الحلقه التامنه اهى علله يطمر بس

الحلقه التامنه:برده احمد ونور لسه قاعدين فى الكافيه

نور: ما يلا يا احمد ندخل نحضرلنا محاضره

احمد:هو مين الجلنف اللى هيدينا دلوقتى؟

نور:دكتور

احمد:بجد والله تصدجى بحسبه بياض محاره

احمد:يا حبيبت جلبى انا عارف انه دكتور بس دكتور اسمه ايه بيدينا ايه اكده يعنى

نور:ههههههه اسمه زغلول كوارع بيدينا عربى

احمد: اه الدكتور الاقرع وطلعله شعرتين وعامل بيهم فرح ده

نور: ايوه

احمد:اللى مره جه بشبشب وكان ريحت رجله طالعه

نور:ايوه

احمد:اللى انتى رجعتى علشان البلاعه اللى كانت طالعه من رجله

نور:هههه ايوه

احمد: لا معرفهوش

نور:هههههه

احمد:والله حلوة عليا النعمه انا واد عسل

نور:هااااااا يلا ندخل

احمد:مقدرش يا حبى ارفضلك طلب

نور: يا سلام

احمد:اه وحيات اللى خلفوكى

نور:طب يلا ندخل
(وهما خلاص بقى داخلين المحاضره طالب كده وقف نور وكلمها)

طالب: لو سمحت هو حضرتك نقلتى المحاضره اللى فاتت

نور:اه نقلتها

طالب:طب ممكن انقلها منك يا جميل

احمد:بس هى مش معايا دلوقتى بكره هجبهالك من عنيا

طالب :تسلم عيونك يا قمر

احمد: ايه يجدع ما تحترم نفسك بجى هو انته مش شايفنى واقف ولا كيس جوافه واقف قدامك مثلا

طالب:هو انا كلمتك يبرنس

احمد:هو انا هستناك تكلمنى ده كفايه بس انك كلمت البت بتاعتى

طالب:هى الانسه تبعك

احمد:لا تبع هيئه الامم المتحده

طالب:معلش اصلى شايفك مش ماشى معاها خالص وماشى انته قدام وهى وره

احمد: معلش بنعمل تجربه للحب عن بعد

طالب:وعلى العموم انا طلبت انقل محضرات مش اكتر

احمد:مش عليا الحركات دى يابو الليالى يا غالى اهو محاضره هتجيب كلام لطيف زيك كده والعمليه تحلو وعلى العموم حصل خير اتفضل شد من هنا بجى

(خلاص دخلو المحاضره)
الدكتور: بعد كده يا استاذ منك ليها مينفعش تدخلو بعدى طبعا كلامى واضح

احمد:ماشى يا دجتور

الدكتور:وايه يبنى البنطلون الضيق اوى ده ليه عامل فى نفسك كده يحبيبى

احمد:معلشى بجى يا دجتور انته فاهم سن المراهقه بجى

الدكتور: الواد ده شاذ ولا ايه ادخل يا عم ادخل
(قعدو اخيرا فى مكان وفى نص المحاضره الدكتور قوم احمد)

الدكتور:قوم يبنى يحبيبى

احمد:انا

الدكتور:لا انا

احمد:خلاص اقعد انا بقى

الدكتور:انته هتهزر ،قولى انا كنت بقول ايه دلوقتى

احمد:ليه هو سعتك نسيت

الدكتور:كلمه زياده وهعتبرك ساقط فى الماده دى

احمد:من غير ما امحن الماده يا دجتور

الدكتور:ايوه

احمد:وكمان من غير ما اشوف ورجه الاسئله حتى

الدكتور: بالظبط كده

احمد:يا سلام على التكنولوجيا

الدكتور:هااا كنت بقول ايه من شويه؟

احمد:كنت بتقول كل خير يا دجتور بصراحه يا دجتور انا مكنتش مركز معاك

الدكتور:وايه بقى اللى يخليك مش مركز اكيد البنت اللى قاعده جنبك صح؟

احمد:يا سلام عليك يا دجتور لما تفهمها وهى طايره

الدكتور:قولى كنتو بتتكلمو فى ايه؟

احمد:لازم تحرجونا يعنى

الدكتور:لخص بدل ما اشيلك الماده

احمد:والله كنا بنتكلم فى موضوع مقرف كده وريحته وحشه

الدكتور:وايه هو بقى الموضوع ده ؟

احمد:ابدا انا شميت ريحه مش طبيبعيه كده فانا بقى بحسبها نور قالتلى لا مش انا

الدكتور:انا مش فاهم منك حاجة انته عبيط ياض

احمد:لا محسوبك احمد يا دجتور والدلع جوز نور

احمد:فمعلش بقى يا دجتور لازم كلنا نعرف مين اللى فسا فى المحاضره

الدكتور: مين ايه؟

احمد:فسى يا دجتور جيص يعنى اه علشان مينفعش يقلبلنا بطننا كده ولا انته ايه راى سعتك؟

الدكتور: ههههههه الله يخرب عقلك انته منيين يبنى

احمد:من الصعيد

الدكتور:منيين من الصعيد

احمد:عارف انته اسوان

الدكتور:اااااااه

احمد:واكيد طبعا عارف الاقصر

الدكتور: هههه طبعا

احمد:هو المفروض اكون عايش دلوقت فى قنا بس مش عارف بقى نقلونى لسوهاج ليه هههههههههههههههههه والله حلوة عليه الطلاق بالتلاته لانته ضاحك يا حج ابو كوارع

الدكتور:ههههههههه

احمد:بس امانه عليك يا دجتور تشوفلى الموضوع ده؟

الدكتور:موضوع ايه

احمد:مين اللى جيص فى قلب المحاضره دى يبيه موضوع ميتسكتش عليه دى بطننا اتقلب وتخيل انته بقى لما سرت بطنك تبقى فى ظهرك يسوادى

الدكتور :خلاص بقى بطل قرف

احمد:ماشى بس انا هجيبه برده اللى فسا ده

احمد:بت يا نور الا انتى واكله ايه على الفطار

نور:فول وبيض
(احمد رفع ايده للدكتور علشان كان عايز يكلمه)

الدكتور:ايوه يا احمد فى حاجة؟

احمد:انا عرفت مين اللى ضرب النووى يا دجتور وهقولك بعد المحاضره علشان مش هينفع افضح البت اللى ماشى معاها

الدكتور:طب وانته ايش عرفك ان هى اللى عملت؟

احمد: واكله فول وبيض سعتك ده مش من حقها تفسى ده من حقها تفتح شركه

(اففففففففففففففففففففففى على الحلقه المقرفه دى معلش بقى اهى حلقه وهتعدى)
السلام عليكم ازيكم يا اخونا عاملين ايه؟ معلش اتاخرت بالحلقات شويه بس مش مهم بقى فدايا يلا نشوف الحلقه التاسعه

الحلقه التاسعه: احمد ونور لسه قاعدين فى المحضره اللى كانت ريحتها مقرفه شويه

الدكتور: طب اتفضل اقعد يا احمد دلوقتى ونشوف الموضوع ده بعدين

احمد: ماشى يا محترم

نور: ايه اللى انته قولته ده؟

احمد: ايه ايه هى الحجيجه تزعل ولا ايه

نور: يعنى انته شايف ان كده صح مع انى معمتلش حاجة اساسا

احمد: يا ست الكل انتى واكله فول وبيض يعنى من حقك تفسى براحتك انتى متعرفيش ان الفسا اصلا بينظف البطن اه وحيات امك

نور:طب نتكلم فى الموضوع ده بعد بعدين علشان انا مخنوقه منك

احمد:انتى شيفانى متشعلج فى زماره رقابتك يا بت انتى ما تحترمى نفسك بجى امال

نور: ماشى

نور: قولى جبت كارت النتيجه؟

احمد: بيبقى فيه اد ايه رصيد ده

نور:ههههه كارت النتيجه بقولك انته متعرفهوش

احمد:لو سمحت يا نور متحسسنيش انى جاهل قوليلى ان فى شبكه بعد اتصالات نتزلت واسمها النتيجه انما متكلمنيش بالطريقه دى

نور: اااااااااه يا جاهل الكارت ده يبنى بنجيب بيه نتيجه الترم الاول من على النت

احمد: اااااااااااااه لا لسه مجبتهوش انتى جبتيه؟

نور: لا لسه برده

احمد: طب تعالى نروح نجيبه سوا ، بس النت ده ساكن فين؟

نور: ههههه عندى فى البيت

احمد: اوعى تقوليلى بينام جنبك اكيد انتى اوضه وهو اوضه مش اكده بردو لانه لو نام جنبك يبقى اكده ابوكى يبقى راجل خربؤ

نور: هههههه هبقى احكيلك على النت ده بعدين يا احمد

احمد: اه والنبى لاحسن النت ده موجود عند الناس كلاتها انا مش عارف هو مقضيها ولا ايه

نور:طب مش يلا بينا نمشى علشان نجيب الكروت

احمد: يلا يعسل اسود
( احمد ونور خرجو من المحضره علشان يشترو الكروت)

احمد: وهو بجى الكارت ده يعمله كام؟

نور: هنسال بقى يا احمد ونشوف
( راحو فعلا للمحل اللى بيبيع الكروت)

احمد: السلام عليكم

صاحب المحل: وعليكم السلام ورحمه الله وبركاته

احمد: الاقى عند سعتك كارت النتيجه؟

صاحب المحل: موجود يا باشا

احمد: وبكام بقى الكارت ده؟

صاحب المحل: والله هى بتختلف بقى يعنى عندك فى بى اتنيين ونص وفى بخمسه وانته طالع بقى

احمد: وانا طالع فين؟

صاحب المحل:وانته طالع فوق

احمد: لا معرفش حد فى العماره دى هههههههه والله حلوة

صاحب المحل: هههه هااااا اجيبلك كارت

احمد: ماشى هاتلى واحد

نور: هو ايه ده متجبلى انا كمان

احمد: خلاص انتى هتبلعينى هاتى فلوسك يا موكوسه

نور: خد هاتلى ابو خمسه ، انته هتجيب ابو ايه؟

احمد: انتى مال اللى خلفوكى بجى اجيب ابو تريكه ابو العلا ملكيش فيه

احمد: طب هو سعتك ايه الفرق ما بين ابو اتنيين ونص وابو خمسه ؟

صاحب المحل: الفرق ان ابو اتنيين ونص بيجيب نتيجه واحده وابو خمسه بيجيب نتجتيين

احمد: وابو تريكه بيجيب اجوان هههههههههههههه

صاحب المحل: مش حلوة حاول تنساها

احمد: طب ادينى ابو خمسه

صاحب المحل: ماشى اتفضل

احمد: خدى يا ستى ابو خمسه اهو وبيجيب نتجتيين معنى كده انك وفرتى عليا الاتنيين ونص اللى كنت هدفعهم

نور: دنته ندل

احمد: قوليلى بقى هتروحى للنت ده امتى؟

نور: هدخل على النت على الساعه 3 بالليل كده

احمد: هو بيبقى فاتح ل3 بالليل

نور:ههههههه اه

احمد: بخراااااااااااه، ده نظام ورديات ونبتشيه بقى

نور: ايه اللى انته بتقوله ده هى مستشفى

احمد: انا غلطان انى خايف عليكى

نور: من ايه بقى؟

احمد: للحرس يمسكك وياخدك تحرى ولا حاجة

نور: طب اسكت اسكت والنبى دنته عبيط خالص

احمد: ههههههه
ازيكم يا احلى اعضاء انا جى النهرده وجايب معايا الحلقه العاشره يلا نشوفها مع بعض ويارب تكون حلوة علشان تنول اعجابكم يلا 21 هوبااااااااااا

الحلقه العاشره: (نور دلوقتى فى البيت وبتجيب النتيجه من على النت )

نور: يسوادى انا شلت ماده واحمد شال اتنيين ووحده رفع اعمل ايه دلوقتى اتصل بيه واقوله ولا ايه خلاص خلاص هتصل بيه وامرى لله

( وفعلا نور هتتصل ب احمد وتقوله على النتيجه )

ترن ترن ترن ترن

احمد : جالوووووووووو

نور: الو

احمد: الصوت ده مش غريب عليا

نور: انا نور

احمد: عاشت الاسامى ، منيين يا نور؟

نور: نعم، انا نور يبنى اللى معاك فى الكليه

احمد: اااااه نور ازيك يا بت وازى امك

نور: الحمد لله بخير

احمد: لسه كنت بفكر فيكى اهو يبت

نور: بتفكر فيا ومش بتفكر فى النتيجه

احمد: لا منا كنت سايب النتيجه للدور الجى

نور:وبعد ما تفكر فى النتيجه بتفكر فى مين تانى ؟

احمد: لا بقى هى شغلانه مكنتش هفكر كنت هدخل انام

نور:طب قبل ما تيجى تنام مش بتسحر بخيالك كده هاااااااا؟

احمد: اسحر بخيالى الساعه 2ونص باللييل ليه شورعجى انا

نور: طب خلاص تتك الارف

احمد:لمى نفسك يابت الراجل الواطى علشان متعصبش على اهلك

نور: طب اسكت ، عارف انا متصله بيك ليه اساسا؟

احمد: مش محتاجه فقاقه دى يعنى

نور: طب قول يا وكسه ؟

احمد: اكيد علشان وحشتك

نور: احمد يا عمر ، وحشتنى ايه يا مصدى

احمد: يبقى علشان وحشك صوتى مثلا

نور: صوتك ، ليه يعنى من نعومته

احمد: لا من خشونته يا بنت اللطخ

نور: طب اخرس ، جبتلك النتيجه يخويا

احمد: بجد والله يابنت اللعيبه طمنينى عملت ايه بسرعه علشان افرح ابويا ؟

احمد : اكيد جبت جيد صح يبت

نور: لا طبعا

احمد : اشطه يبقى جيد جدا

نور:ههههههه لا برده

احمد: لالالالالالالالا متقوليش انا جبت امتياز ياااااااااااه لما الواحد بيبقى واثق فى نفسه

نور: بجد والله

احمد: خدى يا نور ابويا معاكى قولهاله هو وفرحيه

ابو احمد: جالووووووو

نور: الو

ابو احمد: الصوت ده غريب عليا ههههههه

( نور فى سرها يسوادى دنتو عيله رخمه بالوراثه )

نور : هههههههههه عسل يا عمو

ابو احمد: جولى وربنا

نور: اه صدقنى

ابو احمد: ربنا يكرمك يبنتى

ابو احمد: هااااااا الواد ده عمل ايه؟

نور:والله يعمو مش عارفه ابدا الكلام منيين ؟

ابو احمد: سهله يبنتى لو هتكلمى عربى يبقى من على يمينك ولو انكليزى من على شمالك ، يحرق غباء اهلك

نور: طب بص يعمو احمد شال مدتيين ووحده رفع يلا بقى

ابو احمد: طب طمنينى يبنتى شالهم على ايده ولا فى كيسه

نور: للاسف يعمو ولا ده ولا ده هو شالهم للسنه الجايه

معلش بقى يخونا الحلقه النهرده قصيره

متعوضه المره الجايه بقى ان شاء الله

تحياتى لكم

[Black Evil]

هههههههههههههههههه
جمدا جداًَ
وعاوزين شويه حلقات كمان
بس نصيحه
(بلاش لما تدخلو الجامعه تعملو زي أحمد أحسن مش هتحبو طول حيتكم)

[Black Evil]

أحسن أنا مثلاًَ هخلص السنادي وهتكون أول سنه ليا في الكليه (وشكلي هكون زي أخينا ده)

[a7mad63]

المشاركة الأصلية كتبت بواسطة one2one2020 عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

هههههههههههههههههه
جمدا جداًَ
وعاوزين شويه حلقات كمان
بس نصيحه
(بلاش لما تدخلو الجامعه تعملو زي أحمد أحسن مش هتحبو طول حيتكم)

انشاء اللة
الحمد اللة انا فى 1 كلية للمرة 2 على التوازى:d

[omar007]

معلش يا ماااان الموضوع ده مكررررررررررررر
اللى كان عامله مصطفى ريد ديفيل هو اللى كان مالفها اصلا

[ThE_InViSibLe]

هههههههههههههههههههههههههههههههههه

على فكرة انا سبت كل حاجة بعملها عشان اقرا كل الموضوع

هههههههههههههههههههه

ومستني الباقي بقى :d

[echo]

يخربيتك الموضوع جامد جدا انا والله العظيم بطنى وجعتنى من كتر الضحكككككك دة الواد احمد دة طلع تحفةةة

[a7mad63]

المشاركة الأصلية كتبت بواسطة omar007 عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

معلش يا ماااان الموضوع ده مكررررررررررررر
اللى كان عامله مصطفى ريد ديفيل هو اللى كان مالفها اصلا

انا معرفش واللهى بس انا واحد صحبى كان بعتهولى على الايميل وقولت اجيبو

[asfora99]

هههههههههههههههههههه
احمد ده رغاى اوى

[mizo0]

هههههههههههههههههه بجد موضوع تحفه مشكور يا مان

[altorkey]

منقول ومكرر وشكرا وبس

[OmadO]

ههههههههه جامد يا برنس