نـــكت بلا حــدود (ارجــو التثبيت )

[TheLionKing]

واحدصعيدى راح امريكا واحد خبطه بالعربية واداله 10000 جنيه فخاد الفلوس
ونزل بلدهم صاحبه بيقوله جابت الفلوس منين فحكاله فصاحبه راح قدام القطر وبقوله خش عليه يا ابو الملايين

سألوا الحانوتى ما هى اغنيتك المفضلة قال "انا فى انتظارك"

مرة واحد غبي راح يخطب فوالد العروسة بيقولة احنا عايزين مهر عشرين الف جنية قام الغبي قالة لية دا انا قدامي واحدة على خمس تلاف وحامل

واحده وحشه قوى بتقول لجوزها يا رااااجل مش تصلح شباك الحمام علشان وانا بستحمه الجيران مايشوفونيش قالها: خليهم يشوفوكى علشان يصلحوه على حسابهم

مره واحدجاى من الجيش لقى امه عندها 20 سنه قالها مين انتى قالتلو ابوك اخترع دواء اللى يشرب ملعقه يصغر 20 سنه قالها امال مين ده اللى على كتفك شايلاه قالتلو ده ابوك شرب القزازه كلها

واحد نايم جنب مراته فسمعت صوت، بتقوله يا راجل فى حرامى فى الصاله، قالها يا شيخه نامى جنبك سبع، قالتله يا راجل فى حرامى فى اوضه النوم قالها يا شيخه نامى جنبك سبع، وبعدين قالتله يا راجل حرامى شالنى وماشى قالها روحى ماتخفيش سايبة فى البيت سبع

مرة واحد ماشي في الشارع لقى واحد عمال يقول:الحقوني الحقوني قاله: في ايه قله: حماتي عايزه ترمي نفسها من الشباك قاله :أنت حمار ماتسبها ترمي نفسها قاله:ما هو الشباك مش عايز يفتح

ياعوضين بنتك ماتت قام الصعيدى وبسرعة رمى نفسه من الطابق العاشرلما وصل الطابق الثامن تذكر انه ما عندوش بنت لما وصل السادس تذكر انه مش متجوزلما وصل للرابع تذكر انه مش عوضين ولكنه حسنين لما وقع عالارض ماحصلش حاجة

بيسألوا واحد صعيدي بيقولوله المصري بنى الأهرامات والياباني بنى إيه .... قالهم بنا سونيك

ولد يسأل ابوه .... هل الحب اعمى ؟؟؟ رد عليه ابوه .. وقال : شوف امك وانت تعرف
طفل صغير سأل امة ازاى انا جيت الدنيا قالت له حطيت شوية سكر تحت السجادة لاقيتك جيت ... راح الطفل حاطط شوية سكر تحت السجادة... يومين و لاقى صرصار فقال له لو مكنتش ابنى كنت قتلتك

واحد غبي عنده ارق ومش عارف ينام....قال له صاحبه عندي لك طريقة للنوم مؤكدة...عد من واحد الى خمسميه... أخونا مكدبش خبر... وأول ما الدنيا ليلت راح للسرير وبدا يعد .. واحد .. اثنين .. ولما وصـل الى ميه وتسعة وتسعين ...كبس عليه النوم … قـام جري غـسـل وشه ورجــع للـسـريـر يـكـمـل الـعـد

مرة واحد غبى ماشى فى الشارع لقى قرد خده و مشي بيه قابل عسكرى مرور سألوا اودى القرد ده فين العسكرى قال له وديه جنينة الحيوان تانى يوم معدى بالقرد العسكرى قال له مش قلتلك وديه جنينة الحيوان قال له ما أنا وديته امبارح ، النهاردة بقى هاوديه السينما

بعد بحث دام عدة سنوات وقف العالم أمام حشد كبير من الناس ومن بينهم علماء العالم :وأخيراً وبعدعدة سنوات إليكم ما توصلت إليه وضع العالم على منضدة أمامه عنكبوتاً ثم قال للعنكبوت : امش للأمام خطوتين ،ففعل العنكبوت ثم قال :ارجع للخلف خطوتين ، ففعل العنكبوت ذلك ثم أخذ العنكبوت وخلع يديه ورجليه كلها ، ثم وضعها على المنضدة مرة أخرى وقل : امش للأمام خطوتين ،فلم يفعل العنكبوت ثم قال مرة أخرى : امش للخلف خطوتين ،فلم يفعل ذلك أيضاً وهنا نظر العالم للجمهور بكل ثقة وافتخار وقال :أرأيتم ذلك ،هذا ما توصلت إليه ،بأن العنكبوت إذا فقد أرجله يفقد حاسة السمع

مرة اتنين اصحاب بيقولو ابعض تصدق انا الخدام بتاعى غبى اوى فالتانى قالوه لا ده انا الخدام بتاعى اغبى فقالوه الاولانى تعالى نشوف فجه الاول ونادى الخدام بتاعه وقالوه خد الربع جنيه ده وروح اشترى ليه عربيه مرسيدس والتانى نادى الخدام بتاعه وقالوه روح النادى وشوفنى هناك ولا لآ فراحوا الخدامين و اتقبلو فى السكه فواحد منهم قال للتانى تصدق الراجل اللى انا بشتغل عنده غبى اوى تصور بعتنى اشتريله عربيه و ما يعرفش ان النهارده الاحد والمحلات قافلة فالتانى قاله لا ده انا بشتغل عند واحد اغبى من بتاعك تصور بعتنى النادى اشوفه هناك يعنى مش قادر يرفع سماعة التليفون و يسأل على نفسه


بلديتنا عايز يعلم ابنه انجليزى راح ابتدائي منفعش، راح ثانوى منفعش، راح الجامعة منفعش، قال لازم اوديه انجلترا واجوزه واحدة من هناك عشان يعرف يتكلم انجليزى، راح فى الصباحية بيقولها "مستر هريدى موجود؟" قلتلوا "نجولو مين؟"

واحدصعيدى طلع يرمى نفسه من فوق البرج قابله واحدشيخ وقاله ليه هترمى نفسك قال عشان غبى قاله طب اناهسالك سؤالين وهشوفك غبى ولا ايه.حاجة اسمها زى جسمها تبقى ايه قاله معرفش قاله يعنى بيضه يابنى.طب هى ساعات بنسلقها وساعات بنقليها تبقى ايه قاله دى واعرة عليه.قاله يعنى بيضة يابنى . طب بص بقى حاجة ليهااربع رجول وديل وبتنونو تبقى ايه قاله يعنى البيضة قام الشيخ رماه من فوق البرج...

طيار بيقول يا جماعة الطيارة هاتقع علشان الوزن تقيل ممكن تلاته من الركاب يضحوا بنفسهم علشان الباقى يعيش قام الامريكى وفتح الباب وقال امريكا رمز الحريه ورمى نفسه قام بعده الفرنساوى وقال فرنسا رمز التضحيه ورمى نفسه قام الصعيدى بعدهم وفتح الباب وقال مصر رمز الفهلوة ....... وراح رامى المضيفه

مره واحده بتقول لجوزها "تصدق إن أنا كل يوم بحلم بيوم جوازنا" قالها "هى لسه الكوابيس دى بتجيلك

مسطول بيقول لصاحبه تصدق إن بوش جاي مصر بكره قاله علي الطلاق الأهلي يغلبه 4

صعيدي بالغلط دخل متحف للفن الحديث توقف عند احد اللوحات وسأل أحد المنظمين جنبه ايه الشكل المرعب ده، هو ده الفن اللي بتسموه حديث؟رد المنظم : دى مراية يا أستاذ

الأمريكان والروس بيترسموا على بعض الأمريكان يقولوا احنا أول ناس طلعنا القمر والروس يقولوا لا أحنا أول ناس طلعنا القمر واحد مصري كان واقف اضايق أوى قالهم انتوا لما طلعتوا القمر لقيتوا إيه هناك ؟ قالوله طوب ورمل وزلط قالهم احنا اللي مطلعينه

سواق تاكسي قعدت جنبه بنت حلوة قوي قاللها : تعرفي تسوقي؟ قالتله : لأ قالها : أنا تسوقي

مرة واحد غبى واقف في الشارع و بيتكلم في المحمول و عمال يزعق و يقول: بس دوري تاني ، دوري كويس. ام واحد معدي في الشارع جه قال له: في إيه ؟؟؟؟ راح واخدالمحمول منه وبيسمع ... لقى .... (الرقم الذي طلبته غير موجود في الخدمة)

مرة 4 دخلوا يحيو فرح راح الاول نقط بخمسة جنية وضرب طلقة في الجو راح التاني منقط بعشرة جنية وضرب طلقتين في الجو راح التالت منقط بعشرين وضرب ثلاثة طلقات في الجو جه ابوهم وحب يعمل مجاملة نقط بمائة جنية ورمي قنبلة علي الفرح

مرة واحد بيحلم كل يوم بماتشات كتاكيت... راح للدكتور... فقاله هديلك حقنة دلوقتي ومش هاتحلم بيهم تاني خالص... قاله خليها بكرة يا دكتور علشان النهاردة ماتش النهائي

واحد رخم قرصه ثعبان قعد يضحك يضحك الثعبان قاله مالك بتضحك ليه دانا قرصتك قاله اصلي أنا عندي الايدز

خبيث دخل أحد المطاعم وطلب صحن فول، وبعدما أنتهي من آكله سأل الجرسون: كم تريد ثمناً للفول، اجابه: 13 قرشاً..مد الخبيث يده في جيبه وأخرج ال13 قرش ورماها على الارض.. وتكرر المشهد 3 أيام متتالية. وفي اليوم الرابع دخل المطعم وما معاه صرافة فاعطى الجرسون ربع جنيه(25) قرش وقال له واحد فول، طبعا الجرسون حب ينتقم منه فاحضر الباقي(12)قرش ورماهم على الارض وقال له خذ الباقي، فاخرج الخبيث قرش من جيبه ورماه فوق ال( 12) قرش وقال للجرسون كمان واحد فول لو سمحت

مرة كان في أرنب مريض وراسه يوجعه فقالت السلحفاة له انا راح اجيب لك بندول وبالفعل طلعت. ومر الوقت والارنب مريض ساعة ساعتين ثلاث خلص اليوم وفي اليوم الثاني صحا الارنب من النوم والسلحفاة لسة ما رجعت فطلع يتحرى وشافها لاقها لسة على بعد 100 متر فصرخ عليها وقال انا الغلطان اللي اعتمد على واحدة زيك فردت السلحفاة" احترم نفسك أحسن والله ما اروح

واحد اخترع حبوب للحامل علشان المولود يطلع مؤدب وكل مولود فعلا نزل مؤدب . واحده اخدت الحبوب ومولدتش في المعاد فراحت للدكتور عملها ولاده قيصري ، لقى توام كل واحد بيعزم على التاني وبيقول له " اتفضل " التاني بيقوله " لا اتفضل انت الاول "

واحد بيقول لصاحبه تيجى نركب اتوبيس؟؟ قال له : يا عم لأ ، احنا نجرى جنب الاتوبيس ونوفّر النص جنيه .... فرد وقال له طب ما نجرى جنب تاكسى ونوفّر خمسة جنيه

بلدياتنا مفتاح عربيته ضاع ميكانيكي جه فتحهاله بطفاشه تاني يوم عمل نسخه من الطفاشه

مسطول قابل واحد صاحبه متغاظ من امريكا، المسطول حب يهدي صاحبه قاله شوف امريكا من غضب ربنا عليها خلاها هناك فى آخر الدنيا لكن مصر يادوبك ساعتين بالبيجو

واحدة ست مسكت حرامى فى المطبخ ،فقالت لابنها روح إنده ابوك من على القهوة جه ابوه ولما فتح المطبخ لقي الحرامي صغيّر فقال له انت اسمك ايه؟ قالوا كريم ،فقعد يضرب فيه لحد ما عجنه .... تاني يوم الست بتفتح باب المطبخ لقيت حرامي قالت لابنها روح يا وله نادي ابوك من على القهوة جه الراجل ولما دخل المطبخ لقي واحد طول بعرض ....... بص لمراته وقال لها امال فين كريم

البنت: لما نتجوز أنا عاوزة أشاركك فى كل مشاكلك و متاعبك و أخففها عنك.
الولد : لكن أنا ما عنديش مشاكل. البنت: أيوه لإننا لسة ما اتجوزناش

مرة عريس مسطول على الاخر في ليلة فرحة بعد ما المعازيم مشيت دخل غرفة النوم لقى العروسة قاعدة قال انا عارف في الزحمة دي هينسوا حد
ندل بيوصي عياله يكونوا في الحياة أندل منه ، تعب وهو في غرفة الإنعاش جت روحه تطلع وعاوز يودعهم قام واحد من عياله قفل بقه

الزوج الجديد لزوجته: كنتى هتتجوزينى لو ما كانش بابا ساب لى كل الثروة دى
الزوجة: يا حبيبى أنا كنت هتجوزك بغض النظر مين اللى ساب لك الثروة

الزوجة : إنت دايما شايل صورتى معاك و رايح بيها المكتب ...ليه؟
الزوج: لما بلاقى مشكلة مهما كانت معقدة ببص لصورتك ألاقيها اتحلت على طول.
الزوجة: شايف أنا أد إيه مهمة بالنسبالك. الزوج: أيوة...ببص فى صورتك و أقول لنفسى " إيه المشكلة اللى ممكن تكون أكبر من دى؟

الصحفى للمليونير: لمن تعزو نجاحك كمليونير. المليونير: أنا أعزو كل شيء لزوجتى. الصحفى: يا لها من امرأة!!
ماذا كانت حالتك قبل زواجها؟ المليونير : ملياردير

مرة واحدة قالت لحبيبها البخيل (اكلها معاك بدقة اعيش معاك فى جحر)راح قال لها شكلك داخلة على طمع يا حبيبتى

مره واحد بخيل قوى خبط فى حيطه اتعور جامد اوى وقعد ينزف شافه واحد عسكرى قاله اشوفلك دكتور قاله لا شوفلى حد يشترى الدم اللى نازل دا

مسطول راح المحكمه القاضى بيسأله انت متجوز مين؟قاله متجوز واحده ست القاضى:انت بتهرج هو فى حد بيتجوز واحد راجل المسطول:اه اختى

رئيس دوله صغيره راح زياره للصين رئيس الصين بيقله احنا عددنا 900 مليون نسمه
انتو عددكم كام رد رئيس الدوله احنا 30 ألف راح رئيس الصين قاله يا راجل طب مجبتهمش معاك ليه

صعيدي سألوه ماهو السيفون؟؟ قال:صندوق بحبل لما تشده يا تلحق تشرب يا متلحقش

واحد يدخن سجارتين مع بعض سألوه ليش؟ قال: وحدة عني ووحدة عن صديقي المسجون
... بعد فتره صار يدخن سجاره وحده قالوله:أكيد صاحبك طلع من السجن . . . قال : لأ أنا بطلت التدخين

ذهب جحا للصلاة في المسجد فسرق اللص حذائه فصاح مهددا (والله لو لم يرجع الحذاء لأفعل مثلما فعل والدي عندما سرق حذائه )ثم
مكث قليلا فإذا باللص يعطيه الحذاء وهو يسأله في رعب وماذ فعل والدك عندما سرق حذائه فقال له جحا((ذهب الى البيت حافيا

واحد ومراته متخانقين فبطلوا يكلموا بعض فكتب ورقه صحيني الساعه 6:30 علشان عندي شغل وحط الورقع ع السريرونام صحي الساعه 10:00 فلقى ورقه مكتوب عليها الساعه 6:30 يلا اصحى


وفى نكت اكتر واكتر ارجو التثبيت عشان انا اخدت مجهود جامد وكل واحد يكتب النكته اللى عجبته

[TheLionKing]

مفيش ردود ليه thx :))

[Ğ_Unit0]

ههههههههههههههههه
هههههههههههههههههههههههههه
مشكور بجد
ي كبييير :d:d:d:d
تقبل مرورى ^_*

[xXOverHellXx]

هههههههههههههههههه شكرا على النكت

[_ShicO_]

÷ههههههه لا حلوة أوى شكراً يا بوب

[Hawkaaa]

حلوة شكرا و تسلم

[asfora99]

هههههههههههههههههههه يا خبر ابيض على دى نكت
وربنا نكت جامدة اخر حاجة

[alidndn1]

نكت جامدة اوي يا مان

دي احلى واحدة

واحد رخم قرصه ثعبان قعد يضحك يضحك الثعبان قاله مالك بتضحك ليه دانا قرصتك قاله اصلي أنا عندي الايدز

[TheLionKing]

شكرا ليكم كلكم انا كل يومين هجيب نكت جديده اكتر من دى بس انا نفسى يتثبتلى موضوع:(

[alex_staf]

هههههههههههههههههه
جامده

[TheQueeen]

Nice Bro00o

[mody_movi]

انا عاوز حد يحل الفزورة دي لو سمحتو ميت مكفنينو النار ايدا في 2 مسكينو 3 بيتفرجو عليه ايه هوا

[mody_movi]

:(:(:(:(:(:(:(:(؟؟؟؟؟؟؟؟؟؟؟؟؟؟؟؟ مش عارف احلها انا كدة لما في حاجه بشغلني مش بنام غير لما اشفها

[mody_movi]

بس مشكوووووووووووووووور يا مان علي النكت الجميله دي
تيتيتيتيتيتيتيتيت تيييييييييييييييييييييييييييييت

[TheLionKing]

zoro2010 السيجاره