شـريـط الاهـداءات |
|
 |
|
|
أدوات الموضوع | انواع عرض الموضوع |
11-06-2010, 11:12 PM
|
#1 | ||||||||||
  
|
قمت من النوم فجأة في عيني نور غريب وقوي جدا أستغربت النور ده كله جي منين واندهشت لما لقيت الساعه بتشاور على 3 صباحا وأن مصباح الأوده مطفي طيب النور ده كله جي منين وانفزعت لما لقيت نص ايدي جو الحيطه شديتها بسرعه خرجت وانا ببصلها بكل اندهاش رجعتها تانى لقيتها دخلت جوه الحيطه استغربت ايه اللى بيحصلي ده وسمعت صوت ضحك بصيت نحيته لقيت اخويا نايم جمبي ولقيته بيحلم بيحلم انه راكب عربيه اخر موديل وانه رايح حفلة كبيره قوي لناس اغنيه قوي وانه لابس اغلى واشيك لبس عشان يكون احلى واحد في الحفلة وكان بيضحك وفرحان ابتسمت بعدين اتفزعت من اللى بيحصل وقمت من على السرير وجريت على اودة امي وابي قعدت اصحى فى امي واطبطب عليها وانديها بس هى مش بتستجيب قعدت انديها كتير واطبطب كتير ولقيتها فجأه قامت كانت مخضوضه قوي وبتبص يمين وشمال قولتلها يا ماما انت مش شيفانى لقيتها مش بترد ولا بتبصلي قعدت انادى ماما......ماما كانت حاطة ايدها على قلبها وبتقول بسم الله الرحمن الرحيم ولقيتها بطبطب على بابا وبتصحيه وقام قالت له قوم نطمن على الاولاد ده وقته قالتله معلش قلبي مش مطمن في حاجه غريبه وانا واقف مستغرب قعدت اقولها يا ماما انا اهو يا ماما انت مش شيفانى ياماما قامت ومشيت حاولت امسك هدومها لكن الهدوم مش بتتمسك جريت وقفت قدمها عدت من جوايا ملقتش غير انى امشي وراها وبابا كان وريا محاولتش ابصله عشان ما يتجاهلنيش برده دخلت امى الاوده وفتحت النور مكنش عندى فرق لأن الدنيا كانت منورة اصلا انفزعت لما لقيتنى نايم على السرير وقعدت ابص لجسمى وايدى وانا مستغرب انا ازاي بقيت اتنين انا مين ومين اللى نايم على السرير ده ان مكنش انا وقطع استغرابي جملة بابا استريحتى يا ستى اهم نايمين اهو لكن هي قالتله معلش انا عاوزه أطمن على محمد ولقيتهى بتقرب مني قصدى من الشخص اللى نايم مكانى وبتطبطب عليه كانت بتقوله يامحمد لكن هو مش بيرد وكانت بتطبطة بشويش وبدأت تهزه جامد جريت عليها وقلتلها يا ماما انا اهو رودي عليا لكن صوتها كان بيزيد خوف وكان بيعلى كانت بتنادي محمد.....محمد وفجأة صرخت ولقيت الصرخة بتوجعنى قوي كانها بتضربنى بكيت وقلتلها ما تصرخيش وهى بتقول محمد وبابا جري علي وحط ايده على وشى وصرخ وبكى وحسيت بالوجع تانى محمد مش بيرد والبكاء بيزيد وانا مش عارف اعمل ايه صحي اخويا على الصوت وهو بيسال في ايه ماما صرخت اخوك مات يا احمد مات وانا بقولها ببكائي لأ والله ياماما انا هو شوفيني شوفينى انت مش سمعاني لكن ما فيش امل بصيت للسما وقلت يارب ايه اللى بيحصل ده لكن ما لقتش سقف وشفت ناس ولما شوفتهم مشيوا وحسيت بطعنه غريبه وحجات بتقطعنى بصيت لأحمد لقيته بيصرخ قلتله اسكت انت بتعذبني لكنه كان بيزيد فى الصراخ وماما بتبكي فى حضن بابا والنحيب بيزيد وقفت قدمهم عاجز ومزهول رفعت راسي تانى وقلت يارب ايه اللى بيحصل يارب فى ايه وسمعت صوت من كل حته كان جي من بعيد ركزت معاه لقيته بيعلا وبيزيد كأنه قرآن أيوا قرآن والصوت بدأ يقوى يقوى قوي هزنى من شدته كان بيقول لَقَدْ كُنتَ فِي غَفْلَةٍ مِّنْ هَذَا فَكَشَفْنَا عَنكَ غِطَاءكَ فَبَصَرُكَ الْيَوْمَ حَدِيدٌ زهول الصوت لقيت ايدين بتطبق عليا اتنين شكلهم مش من البشر بيقوليلى تعالى م انتم مين وعاوزين منى ايه شدونى صرخت سيبونى ما تخدونيش من اهلى اهلى فكرنى مت قالولى ما انت مت فعلا قلتلهم ازاي ما انا شايف اهو وبتكلم وحاسس بكل حاجه ابتسموا وقالوا عجيب امركم يا بشر كلكم فاكرين ان الموت نهايه الحياة وما تعرفوش ان حياتكم موت وحلم طويل هتصحو منه على اليوم ده على العالم ده سألتهم انا فين وانتو واخدنى على فين قالولي احنا حراسك لحد القبر اتفزعت قبر ايه انتوا هتدخلونى القبر ردو كل انسان لازم يدخل القبر بس انا عمرى ما دخلت القبر ده مكتوب على كل البشر طول عمرى كنت بكره الكلمه دي مبحبش اسمعها بستعيذ بالله منها بحاول انسها مكنتش بقدر اتخيل نفسي فى المكان الصعب ده سألتهم بخوفي هتسيبونى قالولي مع عملك طيب وعملى ده كويس سكتم ولقيت واحد بيصرخ وبيبكي وواحد تانى سعيد قوي وكل واحد فيهم واقف معاه اتنين بردة زى اللى معايا سألتهم ده بيبكى ليه قالوا ده عارف مصيره طول عمرة كان من اهل الضلال قلت يعنى رايح النار واللي بيضحك ده رايح الجنه طيب انا رايح على فين قولولي ردو عليا هما كانو عارفين هما ايه فى الدنيا ودلوقتى عارفين هما فين فى الاخره وانت عشت طول عمرك تايه متردد شويه تمشي صح وشويه تمشي غلط شويه تتوب وترجع تعصي تاني ما كنتش واضح هتفضل بردة انهاردة تايه مش عارف حاجه اتفزعت وقلت ايه يعنى ايه انا رايح النار قالولى رحمة ربنا واسعه ولسة الرحلة طويلة بصيت وريا لقيت عمي وابويا واخويا ماشين وراهم امي واهلي بيبكوا شايلين صندوق جريت عليهم ناديت محدش بيرد ناديت على امى قلتلها يا امى ما تبكيش ادعيلى ناديت على بابا قلته يا بابا خلى بالك من امى واخويا ناديت على احمد قلتله يا احمد خلى بالك من نفسك سيبك من الدنيا ومتاعها دي رخيصة قوي >صدقنى مش هتنفعك ناديتهم كلهم بس كانو مشغولين بالبكاء ومحدش سامعنى مكنتش بتمنى حاجه فى اللحظة دي الا انهم يسمعونى وشدنى الملكين ونزلونى القبر ونيمونى فوق الجسد عشان اشوف ابويا وهو بيرمى التراب عليا بنفسه علشان اشوفهم وهما بيودعونى وخوفى عليهم انهم مش حاسين باللى انا حاسه وحسدى ليهم انهم لسة فى الدنيا بس للأسف كنت ببكى وهما بيبكوا كنت خايف عليهم من الدنيا قوى واتمنى لو اصرخ ولو يسمعونى وخرجم كلهم وقفلوا الباب والنور تحول سواد لا اله الا الله محمد رسول الله الناس نيام اذا ماتو انتبهوا اذا كان نشرها سيرهقق فلا تنشرها فأنك لا تستحق ثوابها منقول من القسم الدينى باسم (رئيس التحرير) |
||||||||||
|
| إعلانات google |
|
|
|
11-06-2010, 11:13 PM
|
#2 | ||||||||||
|
اشهد ان لا اله اللا الله محمد رسول واستغفر الله العظيم واتوب اليه
|
||||||||||
|
|
|
11-06-2010, 11:15 PM
|
#3 | ||||||||||||
  
|
مشكووووووووووووور علي المجهود
بس ده مكرر من زمان |
||||||||||||
|
|
|
11-06-2010, 11:21 PM
|
#4 | ||||||||||
|
انا عملتوا للتذكير وشكرا على المرور
|
||||||||||
|
|
|
12-06-2010, 12:10 AM
|
#5 | ||||||||||
|
مشكووووووووووووووووووووووووووووووور فينك من زمااااااااان يا وديع |
||||||||||
|
|
|
12-06-2010, 12:26 AM
|
#6 | ||||||||||||
|
لا اله الا الله محمد رسول الله
|
||||||||||||
|
|
|
12-06-2010, 12:34 AM
|
#7 | ||||||||||
  
|
والله أنا قشعرت و دمعت شكراً اللهم أسكنا فسيح جناتك وأغفر لنا وإرحمنا أنت مولانا فأنصرنا على القوم الكافرين |
||||||||||
|
|
|
12-06-2010, 12:37 AM
|
#8 | |||||||||||
|
اقتباس:
أنا ما شفتهوش أولاني يا صاحبي و كلمة مكرر دي بتضايقني أوي يعني منها سبام و منها إستفزاز لصاحب الموضوع إن لم يكن يعلم إن موضوعه مكرر بس عموماً أنا بنبهك علشان محدش يتضايق منك إكسب محبة الناس اللي حواليك و اللي مش بيشتغل شجعه مش تقوله مكرر و قديم و وحش و الكلم ده تحياتي |
|||||||||||
|
|
|
12-06-2010, 12:42 AM
|
#9 | ||||||||||||
|
مشكــــــــــــــــــور اوي
|
||||||||||||
|
|
|
12-06-2010, 01:15 AM
|
#10 | ||||||||||
  
|
انا شوفتها قبل كدا و عجبانى اوى و ياريت بقى كل الناس تصحى من الى هم فية بجد خلاص يوم القيامة قرب اوى انا سمعت الشيخ محمد حسان بيقول ان خلاص العلامات الصغرة كلها بتاعت يوم القيامة انتهت و مستنين اول علامة كبرى تظهر و اول ما تظهر مفيش توبة هتتقبل من حد و مفيش حد هينفع حد و لما نيجى نفتح المصحف مش هنلاقى فية كلام نقراة و القيامة هتكون يوم جمعة يعنى كل جمعة الارض ممكن تتنسف فى لحظة باشارة واحدة من ربنا بجد احنا غيبنا عقلنا و سمعنا كلام الصهاينة الى ماقدروش يدخلوا ارضنا بس قدروا يدمروا عقلنا ماحدش فكر مرة اللعبة الى احنا بنلعبها ددى بتفيدنا فى اية طيب بضرنا فى اية حاجات كتير اوى لازم نتجنبها طب انا عاوز اعرف و دة سؤال بسؤلوا لنفسى كل يوم ازاى انا بصرف فلوس على لعبة و كل ما اجى ابطلها ارجعلها تانى و ازاى كنت بشتم زمان ازاااى اسئلة كتير اوى ......عارفين الصهاينة دول ماعرفوش يدخلوا الارض بتاعتنا قالوا نعمل حاجة نخلى بيها عقل الشباب مغيب زى سلك رود دى حرب مش تسلية انا بكلم جد و الكمبيوتر و التليفزيون اة فى حاجات مفيدة بس بتفيدنا بس الالعاب الى جواها مش بتفيدنا خالص (كل ما ينهى عن ذكر الله فهو حرام يعنى اى حاجة تعملها و تلهيك عن ذكر ربنا فهى حرام راجعوا نفسككوا خلاص اليوم دة جاى جاى و يوميها ماحدش هيعرف يتوب ولا يصلى و ماحدش هينفعك غير عملك الطيب فى القبر و حاولوا تقلوا شوية من السب فى الدين انا بشوف ناس سب الدين دة لبانة فى بقهم كل شوية يسبوة والله حرام عليكوا يا مسلمين حرام بجد الحقوا نفسكوا قبل ما تقع الفاس فى الراس و تقولوا يا ريت الى جرا ما كان ......شكرا
|
||||||||||
|
|
|
12-06-2010, 02:00 AM
|
#11 | ||||||||||||
  
|
شكرا
انا اشعرت ياريت كلة يستغفر ربنا |
||||||||||||
|
|
|
12-06-2010, 03:25 AM
|
#12 | ||||||||||
|
حقيقة لا كلام
|
||||||||||
|
|
|
12-06-2010, 10:39 AM
|
#13 | ||||||||||||
|
لا اله الا الله محمد رسول الله |
||||||||||||
|
|
|
12-06-2010, 10:49 AM
|
#14 | ||||||||||||
|
لاحول ولا قوه الا بالله العلى العظيم
|
||||||||||||
|
|
|
12-06-2010, 10:54 AM
|
#15 | ||||||||||
|
اشهد ان لا الله الا الله و ان محمد عبده و رسوله والله والله والله انا و امي بكيت بكيت علي القصه دي و يا رب الناس تفوق من الغفله اللي هي فيها دي و السلام ختام |
||||||||||
|
|
|
| يتصفح الموضوع حالياً : 1 (0 عضو و 1 زائر) | |
|
|
المواضيع المتشابهه
|
||||
| الموضوع | كاتب الموضوع | المنتدى | الردود | آخر مشاركة |
| مهم لكل لاعبي سيلك رود (لو مدخلتش إنت حر) | Saloo7a | Feronia | 13 | 11-03-2011 10:31 PM |
| مهم جداً لكل لاعبي سيلكرود (لو مدخلتش انت حر) | egyptionguy | Bellona | 26 | 18-08-2009 04:12 PM |
.gif){kind=icon}
العرض العادي
