صور و دلائل على ان silkroad بيستهزءو بالمسلمين !!!!!!!!!!!!!!!!

[hos_thebadboy]

ماشى انا معاك بس فين الصور

[MSoliman]

المشاركة الأصلية كتبت بواسطة 123mmn عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

هههههههههههههههههه انت فاكر انك هتعمل حاجه لما تبعت الموضوع ده لمحمود سعد

انا متأكد ان محدش هيسيب سيلك رود عشان الحكايه دي متوجعش دماغك

بص حضرتك انا عن نفسى فاكر انى اقدر اعمل حاجة و مؤمن بربنا و بلحاجة دى يبقى حتتعمل

الكلام ده تقوله لنفسك , انت اكيد مش هتاقدر تسيب اللعبة دى لانهل سيطرت عليك

الله اكبر..

المشاركة الأصلية كتبت بواسطة wolf421 عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

يا جماعة دنتوا بتشوفوا البنت فى الشارع لبسا محزق و ملزق بتمشوا وراها تعكسوها جين تقوفة على ديه

اه البنت بنمشى وراها ونعاكسها بس مش لبسا بنطلون مكتوب عليه <بسم الله الرحمن الرحيم>


الله اكبر ...

[HESOCA]

الموضوع منقول الى قسم المناقشات
لتوسيع نطاق المناقشه

[elteger]

حرام لازيم حل ل الناس دي يا نـــــــــــــــاس

[mido19991]

انا مقرتش كل الردود الصراحة
بس احب اوضح حاجة
ان الناس دية فعلا متعرفش الحضارة الاسلامية كويس
وزى مقال بعض الاعضاء انهم فى اسيا المسلمين متحررين شوية
غير كدة حوار انهم حاطين كلمات دينية وكدة هما على ما اظن حطنها عشان يبينولنا هما عايزين يتقربوا منا اد اية
لاكن
دة ميمنعش ان احنا نطالبهم انهم يشيلوا البنت الى قعدة عالستورج دية
ويشيلوا الكلام الى على البنطلون بتاع ال Blacksmith
الخ...
ملحوظة:اكثر من 75% من لاعبى ISRO مسلمين.

[Ğ_Unit0]

حسبى الله ونعم الوكيل
Sparta معظم الناس بيشتموا على ربنا و العياذ بالله
اخرة اللى يلعب sro

[lovelyag1]

شباب ممكن حد يبعتلى رابط الصور الى بتدلل على الكلام دا ؟؟ يستحسن على رساله ف المنتدى هنا

او بالمراسله على الايملات المتاحه و شكرا

[_M_E_D_O_]

"يا ايها الذين ءامنوا من رئ منكم منكراً فليغيره بيديه فمن لم يستطع فبلسانه فمن لم يستطع فبقلبه"


اقل حاجه يا جماعه ابعتوا رسائل لجوى ماكس اطلبوا يغيروها

وياريت حد فى الانجليزى كويس يكتب موضوع ويعمل الرساله ال ان شاء الله كلنا نبعتها
وده اقل حاجه ممكن تتعمل

[محمدمصطفىجودة]

حسب الله ونعم الوكيل

[محمدمصطفىجودة]

بس هنعمل ايه

[حوده كريس]

انا متضامن معاك بس فى حاجه ان اللى عاوز يشتم مش بيكتب لفظ الجلاله وبس ده بيكتب شتيمه بعدها لفظ الجلاله وسيلك رود عاوزه تضم جميع الحضارات بس احنا من ساعة الدنمارك واحنا متحاملين ضد الاجانب انا معاك انه لازم نقاطع الدنمارك بس سيلك رود ماتقصدش الاهانه

[Project_I]

أى حاجة يعملها غير مسلمين يحاولوا يرضوا المسلمين بتكون غلط لإنهم جهلة بالإسلام وميعرفوش عن المسلمين أو أخلاق المسلمين شىء.( المفروض) كان بما إنهم هيذكروا الحضارة الإسلامية يكون فى ستاف المؤسسين بتاعهم متخصصين فى الحضارة الإسلامية مسلمين يا إما ميذكروش الإسلام ولا المدن الإسلامية.

لكنها لعبة وبما إن فيها مسلمين ومصريين كتير يبقى لازم نثبت وجودنا ونكون الأفضل. فيه ناس كتير مش هيسيبو اللعبة لإنها فعلاً لعبة ممتعة ودورهم فى الوضع ده إن يمثلوا مجتمعهم ويحاولوا عدم الخروج عن أخلاق دينهم فى كل مناسبة وشتيمة الناس.
واللى يشتم اللى خالقه اللى خالقه هو اللى هيحاسبه وهيكون حسابه عسير.. ده كفاية عليه. لأن الرد عليه ذنب عليك.

دينا بيقولنا يا أيها الذين آمنو إنا خلقناكم من ذكر وأنثى وجعلناكم شعوباً وقبائل لتعارفو. إن أكرمكم عند الله أتقاكم
مش غلط نستمر فى اللعبة بسبب المغالطات من غير المسلمين لإن اللعبة نفسها مش قصدها تغالط فى الدين ومبتغالطش أساساً لإنها مش قايلة دول مسلمين ولا غير مسلمين. هم مشكلتهم فى جهلهم بالسمات الحضارية بالحضارة الإسلامية وده محتاج متخصصين وهم طبعاً معندهمش المتخصصين دول. لكن التعارف فى اللعبة لازم يكون بمسئولية وإن أكرمكم عند الله أتقاكم. هو ده دورنا الحقيقى لو عندنا غيرة على دينا
وكذلك إذا رأيت الذين كفروا يخوضوا فى آياتنا فلا تقعد معهم. بمعنى لو إتلقت الناس دول بيألفوا على الإسلام ويحاولوا يشوهوا صورته أو يستفزوك فسيبهم يكلموا نفسهم. متكونش شريك معاهم فى الكلام وتخشوا فى مهاترات. وهم لو عايزين يعرفوا عن الإسلام هيروحوا للمكان المناسب ويسألوا. كل واحد لما يختار يعرف الأمور على حقيقتها بيدور فى المكان الصح. أما اللى مصر على الجهل فإن الله غنى عن العالمين.

[Project_I]

أنا عاجبانى فكرة كتابة IloveAllah فى كل رسالة على فكرة :)

[Magic_nuker]

اولا كون ان فيه ناس بتشتم في اللعبة دا ميعبش حاجة في اللعبة نفسها دا يعيب في مجتمع غربي يهودي متشدد بيكره الاسلام والمسلمين وطبعا محدش فينا بيتوصي في الرد عليهم جوة اللعبة وشتيمتهم و و و واعتقد ان دي اكتر حاجة نعرف نعملها
ثانيا موضوع كلمة (بسم الله الرحمن الرحيم) و(هذا من فضل ربي) لو ربطته بالحضارة الاسلامية اللي هتنزل جديد _واللي هتكون اول حضارة ليها علاقة بالدين_ هتعرف ان الغرض من ده هو التكريم وليس الاهانة
ثالثا شركة جوي ماكس باعدة اللعبه عن اي ارتبطات و واخدة كل حاجة من الاساطير والحاجات القديمة عشان تبعد نفسها عن اي تيار في العالم لان غرضهم الاول و الوحيد هو المكسب المادي و مش من مصلحتهم يعادو اكبر زباين ليهم في العلالم

نقدر نقول ان موضوع الاهانه والكلام الكبير دا حاجة ممكن تكون جوه عقولنا اللي بدور علي اي حاجة تنشغل بيها بسبب حاله الفراغ اللي كلنا بنعيشها وطبعا مش هنلاقي غير شركة بينا وبينها الف سنة ضوئيه نتهمها ونحكم عليها عشان نقول احنا كدة ادينا حق الاسلام علينا
طب الاخ صاحب الموضوع دا مواظب علي الصلاه و بيأدي حق ربنا الحقيقي عليه ولا مفيش غير التدين ضد اللعبة
قبل منهاجم اللعبة نصلح المجتمع بتاعنا بما فيه من انحلال وسفور يسئ للاسلام اكتر منهم
كل واحد يصلح من نفسه الاول ويحاول يصلح اصحابة واخواته و بعدين نفكر في اللعبة
زي مبيقولو الاهم ثم المهم مش العكس

[mamomoro]

شكرا جدا على الردود انا اسف مكنتش متابع الموضوع علشان النت كان قاطع عندى

و كل اللى اقدر اقوله







حسبى الله ونعم الوكيل