اللي اختشوا ماتوا!!

[Solitary]

طول عمرنا بنسمع مثل بيقول " الى اختشوا ماتوا " بس حد يعرف يعنى ايه او ليه اتقال ؟ نقول احنا ليه ...



زمان ايام محمد على والناس دى, كان لو حد عايز يستحما بيروح الحمامات, هى كانت فى مكان مخصص فى الشوارع وكده,
بس مش حمام شخصى ده كان حمام جماعى ( الى بنقول عليه احنا دلوقتى " السونه " او " حمامات البخار " )




كانت الحمامات دى فى منها رجالى وفى منها حريمى ... وكانت طريقه تشغيلها كده ...



بالحطب والأخشاب والنشارة لتسخين أرضية الحمام,
وبنفس الشئ يتم تسخين المياه لتمرير البخار من خلال الشقوق . وكانت قباب ومناور وارضيات معظم الحمامات من الخشب



وفى يوم من الايام فى حمام حريمى من الى قولنا عليه فوق ... شب حريق هائل فى الخشب والجدران وكل شئ



وعشان ده حمام حريمى فالنساء متعودين يدخلوا ويبقوا عريانين مافيش هدوم مافيش حاجه تسترهم الا البخار
الكثيف ...



النار هنا وهنا وبتزيد عشان الحمام كله مواد بتساعد على زياده النار , والنار شديده فلازم كل الحريم يمشوا بره بسرعه قبل مايموتوا كلهم



الى لابسين هدوم والى لحقوا هدومهم من النار لبسوها وجريوا, لكن الى عريانين ومافيش حاجه تسترهم فضلوا
يقعدوا فى النار والنار تاكل جسمهم ويموتوا احسن مايطلعوا بره الحمام وهو عريانين وعيون الناس تاكلهم وتحرقهم ...



اما رجع صاحب الحمام وسأل الحارس فى ايه, قالوا كان فى حريقه , سأله : فى حد مات ؟
, رد الحارس وقال : الى اختشوا ماتوا |لا اله الا الله| ... وهو ده السبب فى المثل ده ^^




شكرا على القراءه
وللامانه منقول من موقع تانى , بس ياريت كل واحد يتخيل لو هو بنت او ست, كان عمل ايه ساعتها ؟
لو سحمتم جميعا ياريت الى يرد يقول كان هيعمل ايه او هو فى مكان البنات او الحريم دول وهو كمان بنت او ست قولوا بصراحه كنتوا هتعملوا ايه
مش يقول شكرا وخلاص ^^ ... شكرا ^^