اعظم نصاب فى العالم

[Flameable]

بس يا ترى لما وقعت على معهده السلام كانت صورتها بهذا الجمال؟

المعاهدة دى كنا مجبرين عليها و زى ما قولت قبل كده لو حرب أكتوبر كانت استمرت اكتر من كده كانت الامور مش هتمشى فى مسارها الصحيح و كان فى أحتمال نخسر الانجاز اللى احنا عاملناه وكان لازم برضه ننهى حالة اللا سلم واللا حرب اللى كان أستمرارها كان يعنى تدمير مصر خصوصا بعد ارتفاع نسبة الدين العام نتيجة الحروب اللى خضناها (48 و 67 و 56 و حرب اليمن و1973 ) فالاقتصاد المصرى مكنش هيستحمل ولغاية دلوقتى لسه بيعانى من أثار الحروب دى :(

الموضوع التانى (المعابر) و تهريب الاسلحة
انا معاك أن حجة مصر كانت ضعيفة شوية بالموضوع ده بس ممكن يكون تأمين حدود مصر من دخول أى سلاح بالعكس زى ما حصل فى تفجيرات طابا (كان مصدر الاسلحة والمتفجرات كان متهرب من فلسطين للاسف) و زى ماشفنا برضه لما الحكومة المصرية فتحت المعابر قبل كده بالكامل امام عبور 700 الف فلسطينى للتزود بالمؤن من العريش ورفح وكانت النتيجة مقتل و إصابة عدد من ضباط و جنود حرس الحدود ! ) و كمان الدولارات المزورة اللى دخلوها مصر ساعتها فالكلام ده طبعا بيهدد أمن مصر القومى يعنى عمرنا ما شوفنا دولة فى العالم تسمح بمرور الكم ده من السكان وبدون تفتيش او اى رقابة غير مصر فى حاجة أسمها حدود ولازم نحافظ عليها عشان أمن مصر هو الاولوية القصوى

تالت حاجة بالنسبة للقضاء على أسرائيل موضوع طبعا مش سهل زى مابتقول بالعكس ده موضوع صعب وهياخد وقت كبير وارواح كتير من الطرفين

حزب الله و الفصائل الفلسطينية و افغانستان بيحاربوا حرب عصابات اما احنا كدوله عندنا جيش نظامى و طبعا مش هنخليه يحارب حرب عصابات عشان الخسائر المدنية متكونش كبيرة وكمان لازم نفكر ونعيد التفكير فى أتخاذ القرار بالحرب يعنى مثلا لما مصر اتحدت إسرائيل عام 67 بإغلاق خليج العقبة كلنا شوفنا الرد الاسرائيلى كان عامل أزاى مقتل حوالى 50000 من قوات الجيش المصرى و تدمير 80 % من المعدات وتدمير سلاح الجو بالكامل وأحتلال سيناء ده طبعا غير الخسائر المدنية والبنى التحتية فاتخاذ قرار بالحرب لازم يتعاد النظر فيه مرة واتنين وتلاتة
لو أمريكا دخلت الحرب قصاد اى دولة عربية فى الوضع الحالى أمريكا قادرة على انهاء الحرب فى ساعات معدودة بس مش هتكون حرب هى هتكون عملية عسكرية كدة سريعة بس شوف هيحصل فيها ايه
القوات الامريكية خلصت دور الجيش العراقى واحتلت بغداد عام 2003 فى حوالى اسبوعين !
امريكا دولة عظمى والا مكنتش مارست ضغوطها علينا بالشكل ده