| بـعـيـدآ عـن سـيـلـك رود [ هذا القسم مخصص لمختلف المواضيع البعيدة كليا عن مجال الألعاب ] |
 |
|
|
أدوات الموضوع | انواع عرض الموضوع |
19-01-2009, 04:16 PM
|
#1 | ||||||||||
  
|
بسم الله الرحمن الرحيم أنا حر... يا جدع !! الحياة مملة وروتينية و"اللي بنبات فيه بنصبح فيه".. القعدة على القهاوي والكافيهات ما عادش ليها طعم.. والتليفزيون "خنيق" والبرامج تافهة ومكررة ودمها تقيل ومش لاقي حاجة إيجابية ممكن أعملها في حياتي غير إني أصوت -بفلوسي- لصالح البنت "زيزي" في ستار أكاديمي عشان أبقى وطني و"وطنطن"! طب الحل إيه؟! الإنترنت.. أخبار.. وترفيه.. وشات.. ومعارف.. وأصحاب.. وعلاقات.. كل اللي انت عاوزه في مكان واحد.. ده"سوبر ماركت" عالمي فعلا.. مش بس كده.. ده أنا على الإنترنت حر.. حر خالص.. حر 1000 %.. لا حد هيقول لي عيب.. ولا حرام.. أدخل على أي منتدى.. أو غرفة من غرف الدردشة.. وأقول اللي أنا عاوزه.. من غير ما حد ممكن يعرف حتى أنا مين.. بس برضه فيه حاجة ناقصة.. حاسس إن عندي قدرات مستخبية مش عارف أطلعها ازاي.. ولا أطلعها فين.. يعني أنا أعرف كتير في خبايا وأسرارالكمبيوتر والإنترنت ومع ذلك حاسس إن زيي زي أي واحد ما يعرفش يكتب على الكي بورد.. صحيح إيه الفارق..؟! النهارده قابلت الواد "شيكو" في السيبر وكان مبسوط قوي وبيضحك ومتكيف على الآخر سألته: "إيه سر البهجة اللي إنت فيها دي؟!" رد عليَّ وهو مش قادر يمسك نفسه من الضحك: "الواد شريف.. بتاع كلية التجارة عملت فيه حتة حركة.. موت طحن!" إيه.. ضحّكنا معاك؟ أصل اللي إنت ما تعرفوش إن أنا "هاكر" قديم.. امبارح وأنا باكلمه على الشات.. بعت له وصلة.. وقلت له ادخل عليها هتعجبك قوي.. هاهاها.. والعبيط صدق.. بس دخل من هنا وبس.. من خلال البرنامج اللي عندي قدرت أدخل على الإيميل بتاعه.. وشفت كل الرسائل اللي عنده.. حتى رسائل البنت "سالي" اللي معاه في الكلية شفتها.. وبعدين.. هاهاهاها.. عملت حركة بقى الواد يا عيني هيموت منها.. غيرت "الباس وورد" بتاعته.. وهووب.. طردته من الشات كمان.. هاهاهاها! طيب وهو عمل إيه؟! ولا حاجة.. اتصل بي النهارده ومش فاهم إيه اللي حصل.. ومش شاكك فيَّ خالص.. هيتجنن عشان مش عارف يدخل على الإيميل بتاعه.. مش عارف بافكر ما أقول لهوش على اللي حصل وأخلي الإيميل بتاعه معايا؛ لإنه ابن الإيه.. مليان إيميلات بنات!! حلوة اللعبة دي.. واد يا شيكو.. تعرف تقول لي عملت الحركة دي إزاي؟! ستوب.. حصل لك حاجة زي كده.. جربت مرة تسرق إيميل حد تعرفه ولا ما تعرفوش.. لمجرد إنك تقول لنفسك.."أنا.. جدع"! لقيت موضوع منشور في موقع على الإنترنت مش على هواك قمت نازل شتيمة في الموضوع واللي كاتبه والموقع واللي عامله.. واللي بيدخل عليه كمان! طلبت معاك مرة تدخل على خدمة S.M.S الموجودة في بعض المواقع وإنك تبعت رسالة لأي رقم عشوائي تهدد فيها مثلا باختطاف ابنه على اعتبار إنك عضو فعال في عصابة "اللهو الخفي"! - "أنا حر يا جدع.. إنت مالك.. يعني حتى على الإنترنت هتعملوا عليّ رقابة؟!" - "احنا معاك.. إنت حر يا باشا.. بس يعني تحب إنت شخصيا واحد يسرق إيميلك ويعرف كل أسرارك.. تحب وإنت والدك قاعد معاك تيجي له رسالة من مجهول تهدده بإن ابنه "اللي هو إنت" هيتخطف ويتحط "السيخ المحمي في صرصور ودنه!"..تحب وإنت بتتكلم على الشات مع واحد لسه عارفه من دقيقة واحدة أول ما عرف إنك بتحب النادي المنافس لفريقه في الكورة.. يكتب ويقول لك "إنت حمار ما تفهمش حاجة"... زمان فيه حد قال (مش عارفين مين اللي قالها بس أهو قالها وخلاص): أنت حر.. ما لم تضر.. أول ما حريتك تجرح حد تاني.. تتحول مباشرة من حرية إلى.. ضرب تحت الحزام.. ومن ناحية تانية.. اسأل نفسك سؤال.. "إيه اللي أنا هاستفيده لما أعرف الباس وورد بتاعة إيميل واحد صاحبي وأعرف أسراره وخصوصياته.. إيه الفايدة اللي هتعود عليَّ لما أشتم على الشات أو أبعت رسالة لواحد ما عرفهوش أرخم عليه فيها.." لو لقيت فايدة واحدة قول لنا.. وعقبال ما تلاقي.. مستني رأيك.. في الصندوق اللي تحت ده.. مع تحيات : ( * angel2022 * ) زيــــــــاد خــــــالــــد |
||||||||||
|
| إعلانات google |
|
|
|
19-01-2009, 04:35 PM
|
#2 | ||||||||||
 
|
والله بجد موضوع جميل اللحريه مش انى اتهجم على الناس وا اشتم من غير سبب واقول انا احر فعلا انا حر بس حر من غير مازى حد او اشتم وفعلا موضوع جاااااااااااااااااااامد |
||||||||||
|
|
|
19-01-2009, 04:47 PM
|
#3 | ||||||||||
  
|
تسلم ايدك يا غالى على الموضوع بجد مفيد جدا انا فى راييى ان النت ده شئ عمل مشاكل كتير او وخرب بيوت اللى بيدخل النت وينسى ربنا ودينه ويدخل شات علشان بنات او يشتم او يستخدمو فى اى شئ بعيد عن الادب والاخلاق والدين .. فده شيطان طبعا مش هنبعد عن النت لاكن نفضل باخلاقنا وتفضل عندنا المبادئ اللى اتربينا عليها .. ونتقى الله فى كل شئ بنعملو اشكرك جدا يا غالى وتسلم ايدك |
||||||||||
|
|
|
19-01-2009, 04:56 PM
|
#4 | ||||||||||
 
|
والله معاك حق فكل واحد حر بس ميضرش غيره أو يعمل جدع عليه عشان يعرف يسرقوه ومشكور يا باشا |
||||||||||
|
|
|
19-01-2009, 05:04 PM
|
#5 | ||||||||||
|
انت فعلا برم بس انا حاسس انك عاوز تئول حاجة غير كل الى انت الته ده فى حاجة جواك عاوز تئولها صدى لموقف معين بس انت مش عارف تجبها ازاى وشكرا:eek: |
||||||||||
|
|
|
19-01-2009, 05:09 PM
|
#6 | |||||||||||
|
اقتباس:
أقولك حاجه يمكن فى شويه أعضار عارفين ( الى بعرفونى من زمان ) انا بلاك هاكر بس الحمد لله تبت و بطلت هاك بقالى سنه و نص و البلاك هاكر ده نوع من الهاكر متخصص فى الهاك على الشركات بس الحمد لله عشان كده انا عملت الموضوع ده ;) |
|||||||||||
|
|
|
19-01-2009, 05:18 PM
|
#7 | ||||||||||
  
|
تسلم ايدك ....موضوع جميل |
||||||||||
|
|
|
19-01-2009, 05:40 PM
|
#8 | |||||||||||
|
اقتباس:
|
|||||||||||
|
|
|
19-01-2009, 05:53 PM
|
#9 | ||||||||||
|
اولا مشكور بس نقطة الهاك بذات انا كنت ببقى على ياهو روومز مسيحية تمام ابقى مثلا فى رووم 21 الاقى واحد مبوت الروم ومقفل محدش يدخل طب لية ياعم عشان فى واحد متخانق معاة فى رووم 20 وهو كمان قافل الرووم فهى مسالة ان انا مسيطر ملهاش علاقة باى حاجة تانى الرووم كلة تحت رحمتى وبصراحة انا حاولت اتعلم هاك الميل لان فى ناس مستفزة لما واحد سامحنى انا مش بتكلم فى نقاش دينى بس لما واحد يخش يسبلى الدين هسبلة انا كمان الدين يبقى بقيت زية عايز ارد ومش قادر فلازم افكر فى ضرب الميل بتاعة صح معلش انا كتبت كتير اوى:eek::eek::eek: ومشكور تانى على الموضوع;);) |
||||||||||
|
|
|
19-01-2009, 11:59 PM
|
#10 | ||||||||||
|
فعلا لو الواحد فكر هيلاقى انو مافيش اى أستفاده بل بالعكس دى فيها أضرار او مصايب كمان تخيل مثلا الواد ده عرفك و رنك علقه محترمه :D او البنت عرفت و فضحتك شكلك ايه بقى (ده اصلا لو حد شافك تانى:p) او ابو الواد قفشك صدفه الله يبقى يرحمك أقل واجب :D:D:D و بعدين كده يا سيدى انا هتعود على الموضوعات الجامده دى و انا بالذات مٍدمٍن الموضوعات دى مشكوووور. |
||||||||||
|
|
|
20-01-2009, 12:07 AM
|
#11 | ||||||||||
 
|
والله انتا عندك حق الناس مبقتش تحس علي دمها |
||||||||||
|
|
|
20-01-2009, 12:58 AM
|
#12 | ||||||||||
|
مية مية و كلامك كله تمام و مشكووررررررررررررررر |
||||||||||
|
|
|
20-01-2009, 01:05 AM
|
#13 | |||||||||||
|
اقتباس:
|
|||||||||||
|
|
|
| يتصفح الموضوع حالياً : 1 (0 عضو و 1 زائر) | |
|
|
المواضيع المتشابهه
|
||||
| الموضوع | كاتب الموضوع | المنتدى | الردود | آخر مشاركة |
| أنتا أبن .. خالتك ( أدخل و شوف العرب ) | EmptySentinces | بـعـيـدآ عـن سـيـلـك رود | 29 | 20-11-2011 05:16 PM |
| أنتا int ؟ دلوأتي تقدر تموت ال europe | Tareq tito | الـقـسـم الـتـعـلـيـمـى | 27 | 24-06-2008 03:36 PM |
.gif){kind=icon}
العرض العادي
