تحذير الى كل من يلعب سيلكرود . لا يفوتكم

[7osso]

انا برضو ادمنت اللعبة بس اهلي قالولي سيبها والعبها بعد المتحانات براحتك
خااالص قمت لاغيها ولسة واخدها من واحد صاحبي امبارح

[kilwa]

فعلن يا سامح عندك حق انا من كتر ادماني للعبه مش بنام الي سعتين في اليوم وان شاء الله هحاول ابطلها وشكرا علي النصيحه

[samsoom812]

اولا شكرا على مروركم على الموضوع وانا شايف ان فى ناس كتير علقوا على الموضوع ده واكتر التعليقات بتؤيد كلامى
وفى بعض الناس ليها اعتراض زى اللى بيقول انه هو اللى بيتحكم فى اللعبه مش هى اللى بتتحكم فيه اوكى طب جرب كده اتحكم فيها وسيبها اسبوع واحد بس وساعتها هتشوف مين اللى بيتحكم فى التانى .
وفى ناس تانيه بيقولوا انها مصدر رزق السيابر ليه هى السيابر قبل سيلكرود مكانتش بتشتغل ؟؟ وثانيا دى ارزاق .
وفى ناس تانية مش مصدقه انها تمويل يهودى اسال وادخل مواقع البحث زى جوجل ودور وشوف مين ليه نسبة 51% من شركة جوىماكس .
وفى ناس تانية بتقول انها بوت 24 ساعة ومبتصرفشى فلوس على اللعبة علشان عندها كمبيوتر فى البيت وخط انترنت
ه البوت ده مش بفلوس برده ولا ايه ؟ والكهرباء ؟ وهل البوت ده انت مش كل 1 ساعه تسي كل اللى فى ايدك وتجرى تبص عليه ؟
وفى ناس تانية بتقول انها عمرها ماتخسر اصحابها بسبب اللعبه . طب قوللى كده لو انت اديت الاكونت بتاعك العز اصحابك وتانى يوم الامونت بتاعك اتسرق وهو حلفلك بالله انه مايعرفشى حاجه عن الموضوع ده . يا ترى رد فعلك ونظرتك لصاحبك هتكون ايه ؟
وفى ناس تانيه بتقول انها مش ادمااااان امال هى ايه اشرحلنا لو سمحت .
عموما انا كل اللى اعرفه عى تجربة ان اللعبة دى بتخسررر الاصحاب من بعضهاا
ياريت نشغل التلفزيون ونشوف اليهود بيعملوا ايه فى اطفال ونساء غزه ونقول لبعض ان الدنيا دى مالهاش لازمه وسيلك رود ايه وزفت ايه اللى مضيعانا دى
وفى النهاية شكرا على مروركم وانا بحترم جميع اراءكم وحاولواا تشوفواااا حلللل.

[ramygad]

انا كنت في ال اول اعرف ابطل سلك رود اما دلوكتي .......... ادمانننننننننننننننننننننن بفبف معاك 1مليون :d

[moro2051]

شكرا وعندك حق

[ميسون]

بص يا سيدي الفاضل انا عملت زي ما حضرتك قولت وروحت ودورت في جوجل شوف يا استاذ بالنسبة انك تنصح اللاناس انهم يبطلوها انا معاك 100 % لكن مش كل واحد يحب ينصح حد او يحب ان الناس تكره اللعبه او تكره اي حاجه مثلا يقول انها تمويل يهودي احنا كده كل حاجه لازم ننسبها لليهود ليه يعني اللي عاوز يبطل يبطل واللي مش عاوز خلاص انما اقول تمويل يهودي لا غلط يا صاحبي خد عندك ؟
اولا المصمم كوري وصمم اللعبة ولعبها هو واصحابه وبعد ما بدأت تتعرف في كوريا والصين اتدخلت شركة جوماكس وعرضت تشتري حق التسويق وطبعا دي شركة كورية 100 % ومقرها كوريا وكانت في الاول شركة صغيرة للتصميم والتطوير وحجز نطاقات لكن اتطورت بعد كده ودخلت مجال الالعاب وحاولت انها تعمل العاب اون لاين في الاول لكن ما نجحتش زي سيلك روود لغاية ما لقت في سكتها الاستاذ اللي صمم اللعبة وكان من شروط الاتفاق ان الاستاذ المصمم هو اللي يفضل ماسك التطوير والتصميم يعني مفيش يهود .

ثانيا كان من ضمن الاتفاق ان السرفر الكوري لا سلطه للشركمة عليه من قريب او بعيد ليها الاشراف وبس لكن ما لهاش حق فيه خالص وكده كل حاجه بتنزل في الكوري الاول وبعد كده ينزلوها على النسخة العالميه .
يبقى فين اليهود اللي بيمولوها يا استاذي الفاضل
انا معاك انها ادمان لكن مش علشان انصح حد يبطلها ان اقول انها تمويل يهودي .
كان الاولى نبطل نشرب بيبسي وسفن اب اهما دول اللي بشهادة العالم كله تمويل يهودي 100 % وكمان كنتاكي وماكدونلز وبيتزا هت دول كلهم يهود حتى ولو على ارض مصرية .
هتقول دي شركات اي نعم معاك حق لكن الترخيص والتجديد لازم تدفع للشركات الام في امريكا علشان تجدد .


وعلى فكرة انا بالعب وورد كرافت من قبل سيلك روود وبالعب سيلك روود من زمان والحمد لله بصلي واقرا قرآن وبصوم وكمان بدرس في كليتي و عمر الالعاب دي ما عطلتني عن اي حاجه من دول .

مع احترامي ليك ولكلامك هي ادمان فعلا لكن مش يهودية .0...

[_M_E_D_O_]

معنديش تعليق والله كل كلامك صح
وشكرا على مجهودك

[momin99]

والله عندك حق

[samsoom812]

المشاركة الأصلية كتبت بواسطة kides عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

بص يا سيدي الفاضل انا عملت زي ما حضرتك قولت وروحت ودورت في جوجل شوف يا استاذ بالنسبة انك تنصح اللاناس انهم يبطلوها انا معاك 100 % لكن مش كل واحد يحب ينصح حد او يحب ان الناس تكره اللعبه او تكره اي حاجه مثلا يقول انها تمويل يهودي احنا كده كل حاجه لازم ننسبها لليهود ليه يعني اللي عاوز يبطل يبطل واللي مش عاوز خلاص انما اقول تمويل يهودي لا غلط يا صاحبي خد عندك ؟
اولا المصمم كوري وصمم اللعبة ولعبها هو واصحابه وبعد ما بدأت تتعرف في كوريا والصين اتدخلت شركة جوماكس وعرضت تشتري حق التسويق وطبعا دي شركة كورية 100 % ومقرها كوريا وكانت في الاول شركة صغيرة للتصميم والتطوير وحجز نطاقات لكن اتطورت بعد كده ودخلت مجال الالعاب وحاولت انها تعمل العاب اون لاين في الاول لكن ما نجحتش زي سيلك روود لغاية ما لقت في سكتها الاستاذ اللي صمم اللعبة وكان من شروط الاتفاق ان الاستاذ المصمم هو اللي يفضل ماسك التطوير والتصميم يعني مفيش يهود .

ثانيا كان من ضمن الاتفاق ان السرفر الكوري لا سلطه للشركمة عليه من قريب او بعيد ليها الاشراف وبس لكن ما لهاش حق فيه خالص وكده كل حاجه بتنزل في الكوري الاول وبعد كده ينزلوها على النسخة العالميه .
يبقى فين اليهود اللي بيمولوها يا استاذي الفاضل
انا معاك انها ادمان لكن مش علشان انصح حد يبطلها ان اقول انها تمويل يهودي .
كان الاولى نبطل نشرب بيبسي وسفن اب اهما دول اللي بشهادة العالم كله تمويل يهودي 100 % وكمان كنتاكي وماكدونلز وبيتزا هت دول كلهم يهود حتى ولو على ارض مصرية .
هتقول دي شركات اي نعم معاك حق لكن الترخيص والتجديد لازم تدفع للشركات الام في امريكا علشان تجدد .


وعلى فكرة انا بالعب وورد كرافت من قبل سيلك روود وبالعب سيلك روود من زمان والحمد لله بصلي واقرا قرآن وبصوم وكمان بشتغل والحمد لله عمر الالعاب دي ما عطلتني عن اي حاجه من دول .

مع احترامي ليك ولكلامك هي ادمان فعلا لكن مش يهودية .0...

_______________________________________
يا سيدى مع احترامى الشديد لكلامك ومعلوماتك الجيده بس اتاكد تانى شوف مين اصحاب جوىماكس
وما عليك من نقطة يهود او اسرائيل مع انهم هما سبب اى نصيبه فى العالم كله وحضرتك بتقوللى مش كل حاجة على اليهوود لا انا بقولك هما سبب الحروب فى العالم فى ال 50 سنه اللى فاتت
اليهود متحكمين فى امريكا وامريكا متحكمه فى معظم العالم وبلدنا اولهااا
عموما ده مش موضوعنا انت راجل بتعرف تتحكم فى وقتك وفى اللعبه معنى ذلك ان الموضوع مش موجه ليك الموضوع ده موجه للناس اللى اللعبه شبه ضيعتها
وانا اؤيد كلامك بمقاطعة كل المنتجات اليهودية ومنتجات اى دوله تسىء للمسلمين
ودعواتنا لاهالى غزه وربنا ينصرهم على القوم الكافرين وربنا يخسف بحكامنا الارض ومنهم لله يمهل ولا يهمل

[the_vampire2006]

وباء بعيد عنك

[samsoom812]

شكراااااااا على مروركم

[ميسون]

لاء يا سيدي انا اتأكد من كل اللي حضرتك قولته والشركة اللي اسمها جويماكس كورية 100 %

وزي ما قولتلك ياريت نبطل نربط كل حاجه باليهود ماشي هما السبب في الحروب وهما اللي متحكمين في امريكا والعالم ماشي لكن مش كل ما احب اكره الناس في حاجه معينه اقول انها صناعة يهوديه

طيب من حاول احنا نعمل حاجه غير كده

وعلى فكرة وورد كرافت زي سيلك روود لكن الفرق انها بفلوس متهيألى لو بقت مجانية الناس كلها هتلعبها وكده هنقول انها صناعه يهودية لكن مش صحيح

انتا تقدر تقول للناس على اخطار اللعبه وانها بتسرق الوقت وانها وانها وانها ............ الخ !!!!! لكن ما العبش على مشاعر الناس لان كما هو معروف الناس بتتحرك على اي حاجه تخص الموضوع ده

وعلى فكرة مفيش حد بيكره اليهود اكتر مننا في لبنان

وانت عارف احنا عملنا معاهم ايه في 2006
وهما عملوا معانا ايه .....
تحياتي

[etsh_etsh]

.فعلا تمــام بس انا بلعبا في اوقلت فراغ بس

[no_neam]

ربنا يبركلك يا مان انا ليفل 90
بس اقسملك بالله ان اللعبة دية فعلا دمار شامل لكل شخص يلعبها فعلا الربح اولا والدمار ثانيا
انت هتخسر نفسك ثم كرامتك ثم رجولتك علشان لعبة زبلاة
اتركها قبل ما تخسر احلامك

[ellempi]

واللهى يا مان انا معاك جدا فى كل كلمه بتقولها مناول كلمه لاخر كلمه
و انها فعلا ادمان و اللى بيقول انها بتملا وقت فراغ فا هو بيضحك على نفسه علشان
يلاقى الحجج و يلعبها اكتر
اللعيه فعلا ادمان بدليل صغير اللى انت ىحتى لو فى امتحانات
تقول: <<<< انا بس هفتح اللعبه بس خمس دقايق اشوف العيال صحابى و ايه الاخبار واجيب بتاع خمسه فى الميه و اقفل >>>> و تلاقى نفسك الخمس دقايق بقت ساعه و اتنين
و تروح تانى يوم الامتحان تتروق و تعمل احلى جاب فى ورقه الاجابه
اللعبه انا مدنها زىى زيكوا و مش عارف ابطلها و مش اضحك عليكوا مش عاوز ابطلها
بس نفسى فى اليوم اللى ابطلها فيه غصب عنى مش ازعل انى بطلتها



انا حصل معايا موقف يدل على ان اللعبه دى ادمان
انا الجهاز بتاعى باظ بتاع حوالى 10 ايام على ما صلحته
و النحس انو كان فى ايام الامتحانات اللى فاتت دى
اقسملكوا ان فى ال10 ايام دول كونت بهرش من قله لعب سلك رود
كونت عاوز انزل والعب فى اى حته و فى اى مكان
بس الحمد لله كانت الامتحانات اللى كنت فيها كانت مساعدانى انى اقدر اقاوم شويه
و اوال ما جت الاجازه بقيت بجرى فى كل مكان علشان اصلح الجهاز بسرعه و العب اللعبه
ف اللعبه ادمان و كل واحد فينا متاكد منكده من جواه بس بيطلع الحجج و الاعذار و بيقول كلام الشعارات



اما بالنسبه لموضوع اليهود ده فا انا مش هقدر افيدك علشان انا مش عارفوا و اول مره اسمعوا
معلش انى طولت عليكوا بس دى الحقيقه اللى كل واحد فينا لازم يعترف بيها
علشان الاعتراف بالغلط جزء من تصحيحه