فكرة للناس الحبيبة

[مش لاقي حاجه اكتبها]

السلام عليكم و رحمه الله و بركاته ..

عايز اشكر الباشا صاحب الفكره ي لأنها فكره جامده تقربنا من بعض و تشيل الحواجز ..

انا بقي حكايتي اني كنت و مازلت متصاحب علي شلة كلها حبيبا كبهم بتوع بنات بطريقه فوق الفظيعه بس كله تسليه .. يعني مقابلات و تليفونات و كلام من ده ..

و انا لما كنت بقعد معاهم و يجي سيره الموضوع ده اغير الموضوع لأني كنت اليتيم اللي فيهم و كنت بحس بخجل لما الاقيهم كلهم يقولوا انا كلمت دي النهرده و انا هقابلدي بكره و انا قاعد مش لاقي كلام اقوله ..

و لما كنت احب اصبر نفسي كنت احط الغلط علي نفسي و اقول انا اللي طالب مواصفات خياليه يبقي لازم اصبر و كلام من ده يعني ..

لغايه مجه يوم فرح واحد قريبي ( يوم اللقاء )

و انا كان بالنسبه ليه كان فرح عادي خالص مفهوش فرق ..

قمت لابس و متشيك و رايح الفرح طبيعي و انا في الفرح كل حاجه عاديه و كله تمام ..

لغايه ملقيت ..

مش عارف اقول القمر ولا اقول ايه ..

عيني راحت عليها و لقيتها و انا مش عارف حصلي ايه ساعتها ..

و انا بقي سبت الفرح و لا كنت راضي اقوم ارقص و اتنطط مع اصحابي و لا كنت عايز اعمل حاجه غير اني اقعد باصصلها كده..

قاعد مبلم بتفرج عليها و هي بترقص مع صحباتها ..

و فضلت كده لنهايه الفرح لغايه و احنا ماشيين

لقيتها جايه بتسلم علي قرايبي اللي كنت رايح معاهم الفرح و عرفت انها قريبتي و انا معرفش

و هي بتسلم علي قرايبي لغايه موصلتلي و جت اللحظه التاريخيه المفروض اني اسلم عليها عادي بصتلها و هسلم عليها خلاص جت العين بالعين و لقيتها مشيت مع قرايبها و مسلمتش ..

و انا مقولكمش كان منظري عامل ازاي ساعتها

هسيبكم تتخيلوا ^^..

و بعد كده و انا مروح البيت مع قرايبي جابوا سيرتها و عرفتها هي مين و بنت مين و عرفت بيتها و الكلام ده ..
و ده اللي اقدر اكتبه عشان بالرغم من انكم متعرفونيش مش هقدر اتب الباقي لأن انا نفسي هتكسف ..
و توته توته مستمره الحدوته..
و بقول للطبيب النفسي ايه نظام حالتي دي ؟
و يا جدعان مش عازين هزار مش يقولي تامر و هي اللي قالتلي عايزه النغمه و لا التاني اللي يفول زر البطاط اما بتاع السجاير انتا اجدع واحد لأنك حكيت و ربنا يتمملك بخير
ياريت كل واحد يكتب اللي جواه طلما مفيش ردود غلسه او تريقه او استفزاز..
و السلام عليكم
و اسف للأطاله
اسف علي الازعاج