يارب الاستاذ مصطفي واخواتي الاعضاء يساعدوني .....

[mafia200]

السلام عليكم ورحمة الله وبركاتهه
في البداية اود ان اشكر حضرتك يا استاذ مصطفي علي جهدك لزياده حبنا للدين ولله وارضاء الله تعالي...يارب يجعله في ميزان حسناتك ....بصراحه الموضوع ده سبحانه من اعطاني الشجاعه اني اطلب منكم المساعده فيه لاني فعلا حسيت اني زهقانه اوي من نفسي خصوصا بعد حلقة النهارده (انا عارف ربنا كويس)حاسسه اني عايزه حد يساعدني اوي وحاسسه اني خجلانه جدا من ربنا....انا مشكلتي فظيعه جدا ومش عارفه معناها ايه؟ الحمد لله اني كنت من العباد اللي ربنا انعم عليهم بنعمة الاحساس بحلاوة الايمان...بحب اوي افررح ربنا بيا واعمل كل حاجه اقدر عليها تخللي ربنا يحبني...وف رمضان وحتي غير رمضان لما اكون رايحه اصللي قيام مثلا او اقرا ف المصحف ابقي فرحانه جدا وجوه قلبي سعاده كبيره اني بحس اني حاصللي لربنا...ودايما افكرر نفسي انه ربنا اللي هداني لحب العبادات وانه ذلك ليس فضل مني...ولكن الاحساس الغريب جدا اني لما بحس اوي اني قرربت من ربنا بيجيلي دايما فكر انه ربنا لازم يبتلي عباده المؤمنين عشان يختبر ايمانهم ((مع اني لو بحثت سوف اجد من يفعل ما هو اكثر مني بمراحل كثيره من اجل ارضاء الله وحمده وشكره)))..الاقي نفسي خايفه اتعبد اكتر من كده...والاقي نفسي قاعده مستنيه الابتلاء ده؟؟؟واسئل نفسي ياتري حافضل مؤمنه واللا مش حتحمل الابتلاء...والاقي نفسي خايفه اعمل حاجه كويسه زياده من خوفي من الابتلاء..والشيطان يقوللي اني مش حاقدر احمد ربنا مثلا(((واستغفرك ياربي)))) بعد الابتلاء....والله هذا الموضوع يبكيني كثيرا ولا اعرف كيف اتغلب علي نفسي...خايفه يكون ايماني ناقص لاني بذلك اكون غير مؤمنه بالقدر خيره وشره؟؟؟ مع ان والله العظيم احب جدا ان اتعبد الي الله واحمده واشكره علي نعمه التي لا تحصي...ياتري ليه بحس ده؟؟؟وهل ده بيقلل رضا ربنا عليا....او بيقلل ثوابي من هذه الاعمال؟...حلقة اليوم من برنامج خدعوك فقالوا خلليتني لازم اقف مع نفسي واددور علي من يساعدني...ازاي ربنا يغفر كل السئ اللي بنعمله وانا ف الاخر الاقي نفسي خايفه اتعبد من خوفي من اختبار ممكن يضعني فيه؟؟؟؟؟يااارب سامحني لو كلامي كان به اي خطأمني من دون علمي او قصدي.....يارب اجد من يساعدني علي التغلب علي نفسي
وجزاكم الله كل خير

[OnlyHer]

و الله انا مش عارف أقول أيه .. أو أقول أصلا ولا لأ ..
عموما أكتر حاجه فى الدنيا بتريح .. ان الواحد يدعى بقلب صافى ..
و إذا سألك عبادى عنى فإنى قريب . أجيب دعوة الداع إذا دعانى .. صدق الله العظيم ..
مش عارف ..
بس ربنا يثبنت قلبونا على الإيمان و يقويه فيها و يرحمنا من شرور انفسنا و سيئات أعمالنا ..
ده كل اللى عندى و رأيى انك تستنى رد استذتنا الكبار