كيفية تفعيل الـ Remote Desktop Connection شرح مصور

[3ashek El7ozn]

طبعا الموضوع باين من عنوانه وهو ,,
كيفية تفعيل Remote Desktop Connection
الشرح مصور وسهل بس عايز شوية تركيز من سعادتك
بسم الله
1- اول حاجة هنعملها ,, اضغط على My Computer واختار Properties .

*-.-**-.-**-.-**-.-**-.-**-.-**-.-**-.-*
2- هنختار بعديها Remote settings .

*-.-**-.-**-.-**-.-**-.-**-.-**-.-**-.-*
3- ركز معايا فى الجزئية دى مهمة ,,
* اول حاجة هتحدد Allow ,
* لو الجهاز اللى هيدخل عليك Remot معاك فى الشبكة سيب الاختيار متحدد لو برة الشبكة بتاعتك هنكتفى بالاختيار التانى بس ,
* بعديها هنختار Select Users .

*-.-**-.-**-.-**-.-**-.-**-.-**-.-**-.-*
4- هيظهرلك القايمة دى هتختار منها Add .

*-.-**-.-**-.-**-.-**-.-**-.-**-.-**-.-*
5- هيظهر بعدها قايمة تانى هنختار منها Advanced .

*-.-**-.-**-.-**-.-**-.-**-.-**-.-**-.-*
6- هنبتدى نحدد اليوزر الـ Administrator بتاع الويندوز ,,
* طيب ازاى هنحدده هقولك يا باشا ,,
* هندوس على Find Now .

*-.-**-.-**-.-**-.-**-.-**-.-**-.-**-.-*
7- هيعمل بحث حوالى 10 ثوانى او اقل وبعدها هيطلعلك نفس المنظر ده مع ملاحظة ان SlowDown ده اسم جهازى يعنى حضرتك هتلاقى اسم جهازك انت .

* هنحدده ونضغط OK .
*-.-**-.-**-.-**-.-**-.-**-.-**-.-**-.-*
8- هيظهر قدامك بالمنظر المتحدد ده وبكدة انت انتهيت من الخطوة دى هتدوس OK .

*-.-**-.-**-.-**-.-**-.-**-.-**-.-**-.-*
9- هنا زى عملية تاكيد بعد ما تضغط على OK هتاكد اختيارك تانى وتدوس OK بردو .

*-.-**-.-**-.-**-.-**-.-**-.-**-.-**-.-*
خلاص كدة خلصنا من الجزء الاول من الشرح وهو تفعيل خاصية الريموت هننهى العملية بالضغط على OK .

*-.-**-.-**-.-**-.-**-.-**-.-**-.-**-.-*
الجزء التانى من الشرح وهو اضافة الريموت للفاير وال ..
* هنبتدى نفتح كنترول بانل ونتابع الصور ولو صادفتك مشكلة انا موجود فى الخدمة -:) .
1- بعد ما نفتح كنترول بانل هنختار System and Security .

*-.-**-.-**-.-**-.-**-.-**-.-**-.-**-.-*
2- بعديها هنختار Allow a program through Windows Firewall .
* فى بعض النسخ هتلاقيها Allow An App through Windows Firewal مافيش مشكلة بس انا بشرح على Windows 8 فـ هتلاقى اختلاف بسيط جدا وزى ما قولت اللى تصادفه مشكلة مايترددش انا موجود هنا لخدمتك ,,

*-.-**-.-**-.-**-.-**-.-**-.-**-.-**-.-*
3- هيظهرلك قايمة فيها كل البرامج اللى على جهازك منها المتفعل ومنها اللى لا ، هنبتدى ندور على اللى احنا عايزينه وهو Remote Desktop .

* هنلاقيه مش متفعل !!
طيب طريقة التفعيل ازاى ؟؟
هقولك زى ما انا محدد فى الصورة اللى فوق وبعيدها تانى اهو هنختار Change Settings .

*-.-**-.-**-.-**-.-**-.-**-.-**-.-**-.-*
اظن كدة تمام وبعد الضغط عليها هتكون بالشكل ده ,,

كل اللى عليك تعمله انك تعلم (√) قدام Remote Desktop وتدوس على OK او Done .
*-.-**-.-**-.-**-.-**-.-**-.-**-.-**-.-*
وكدة نكون خلصنا الجزء التانى من الشرح ..
وفاضل الجزء النهائى اللى هو التالت وهو اننا نعمل باسورد للويندوز علشان اللى داخل على جهازنا من خلال الريموت يقدر يكتبه ويدخل على الجهاز بددون مشاكل ,,

نتابع مع بعض -:) .
*-.-**-.-**-.-**-.-**-.-**-.-**-.-**-.-*
1- هنفتح كنترول بانل ,,
ونختار منها User Control .

*-.-**-.-**-.-**-.-**-.-**-.-**-.-**-.-*
2- بعدها هتفتح قدامك صفحة جديدة هتختار منها User Account .
تابع معايا الصور ,,

* لو انت عامل باسورد لجهازك خلاص ده هيكون باسورد الريموت لو مش عامل كمل معايا الخطوة النهائية .
*-.-**-.-**-.-**-.-**-.-**-.-**-.-**-.-*
3- هنختار Manage Another Account .
ونتابع مع بعض ,,

*-.-**-.-**-.-**-.-**-.-**-.-**-.-**-.-*
4- هنختار اليوزر اللى حددناه ساعة لما كنا بنفعل خاصية الريموت وهو SlowDown مع العلم ان SlowDown ده اسم جهازى هتلاقى مكانه اسم جهاز حضرتك ..

*-.-**-.-**-.-**-.-**-.-**-.-**-.-**-.-*
5- هتظهر ليك قايمة تانى هنختار منها Create A Password .

*-.-**-.-**-.-**-.-**-.-**-.-**-.-**-.-*
6- طبعا مش محتاجة شرح ,

*-.-**-.-**-.-**-.-**-.-**-.-**-.-**-.-*
هتكتب الباسورد اللى انت عايزه وهتدوس OK او Done .

ومبروك عليك يا معلم تم تفعيل الريموت ديسك توب الحمد لله .

كدة فاضل اخر حاجة وهى ايه البيانات اللى هديها للى هيدخل على جهازى عن طريق الريموت
هقولك يا سيدى
عندك حاجة اسمها Full Computer Name ,,

ده فى حالة لو معاك فى الشبكة بتاعتك لو برة الشبكة عن طريق الاى بى .
اتمنى ان اكون قد افدتكم

لو فى اى استفسار انا موجود متابع الموضوع بشكل دايم
*-.-**-.-**-.-**-.-**-.-**-.-**-.-**-.-*
وفى النهاية

هذا عمل بشري ,, لا يخلوا من الأخطاء , فإن أصبت فمن الله .. وإن أخطأت فمني ومن الشيطان .
*-.-**-.-**-.-**-.-**-.-**-.-**-.-**-.-*

[merazz012]

تمام تسلم ايدك :] بس في حاجه اللي هي اخر حاجه :] full computer name ?

مش لاقيها :]

[3ashek El7ozn]

المشاركة الأصلية كتبت بواسطة merazz012 عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

تمام تسلم ايدك :] بس في حاجه اللي هي اخر حاجه :] full computer name ?

مش لاقيها :]

اعتبرنى ماقولتهاش وخليه يدخل عن طريق الاى بى اصل انا شارح على ويندوز 8 وقولت كدة هتلاقى اختلاف بسيط بين 7 و 8 -:)

[U Are Mine]

شغل عالى فـ السما

هـسميك المبدع خلاص

فـ انتظار مواضيعك يـ حبى

[3ashek El7ozn]

المشاركة الأصلية كتبت بواسطة ™ JusT SmiLe ™ عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

شغل عالى فـ السما

هـسميك المبدع خلاص

فـ انتظار مواضيعك يـ حبى

حبيبى ده شرف ليا

[●¤●DarK-ShadowS●¤●]

+1

[3ashek El7ozn]

المشاركة الأصلية كتبت بواسطة ●¤●DarK-ShadowS●¤● عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

+1

[goher]

عوزك تتصل بيا باى طريقه على شان انا واقف فى مشكله
اسكابى m,goher,mohamed

[sherifelmasi]

رائع شرح ممتاز اخى العزيز شكرا لك