التصميم و الهتى

[~Soon~]

بسم الله الرحمن الرحيم ..

تنبيه : المقال دا حاد جدا فى كل تعبيراته .. ياريت محدش يزعل بس فى غالب الاوقات .. الكلام دا حقيقى ..

النهارده حابب اشاركم اسواء و احقر حجات بشوفها من خلال كل الفتره اللى اشتغلت فيها فى مجال التصميم ..
هو مبدئيا بس .. الموضوع لملم .. لملم لدرجه بشعه بصراحه .. سواء فكريا , ابداعيا , من ناحيه التقنيات ! من ناحيه حتى الفهم و العقليه اللى بتتحاور ..
انا موش المصمم سوبر مان ولا حاجه .. بس فى عيوب تنفع تكون موجوده .. و فى عيوب بوجودها الافضل انك “تسيب المجال” دا موش تكبر ,, بس فعلا انت موش هتجيب قدام ! ماهو اما تسيب المجال و تريح و تستريح .. اما تصلح الاخطاء دى .. لان المفروض ان فكرتك فى العموم , انك بتحاول توصل للكامل فى شغلك ! هتوصله ازاى بقى !!! فهمنى ! ..
عامه , نبدأ فى اسواء الاخطاء واحده بواحده كده ::

١. الالوان ..

عمى الالوان انتشر بشكل غبى ما شاء الله . محدش فينا اتولد فنان ولا معجزه فى اختيار الالوان .. بس الموضوع دا له حل واحد : اتفرج بعينك اللى ربنا اديهالك على الالوان اللى بيطلع بيها المصممين الكويسين فى المجال ,, قبل ما تعمى عيونا بألوان سيادتك ..

٢. ”بغض النظر عن كذا” ..

مجرد انك تقول كلمه زى دى فى محاولتك لاخذ فيد باك عن تصميم “نهائى” .. فدا فشل .. راعى ان التصميم النهائى اللى هيتعرض على الناس يكون بالعربى كده بيقول “دورلى على غلط” .. ممكن تقول الكلمه دى فى مراحل الهستريا “يعنى وانت بتصمم و شغال فى التصميم كده توريه لحد تبعك تقوله ايه رأيك و يكون فى الجمله بغض النظر” لان التصميم مكتملش .. غير كده فأنت بكل فخر “فاااااااشل” و راضى بفشلك كمان ! كل عمل بالنسبه ليك تحدى للعالم .. خليك فاكر دى كويس ..
٣.الاساسيات باقيه ..
للاسف انت “فنان” و المطلوب منك دايما “الابداع” بس موش معنى كده سيادتك .. انت تخبط القوانين كلها فى الحيطه بغباوه ! لا راعى وحياه الغاليين عندك اصول الفن دا ! متخلينيش احس انى بشوف اعمال فضائيين .. هترجم بقى .. يعنى “التزم بالمعايير القياسيه الاساسيه .. التزام كامل , سواء تصميم ويب او مطبوع او فنى او او او .. ” و مساحه ابداعك مصونه بالفكره , و حرفيه التنفيذ , و اللمسات الجماليه الفريده .. الموضوع موش معقد .. ليه هتهتى ! و تبقى عامل فكره كويسه , و تنفيذها طين !!!

٤. لكل مقام مقال ..

جميل جدا انك تدمج بين نوعين من التصميمات .. يعنى مثلا ” Dark designs + Emotional ” فى حاجه فنيه .. بس السؤال هنا ! هل اللخبطيطه اللى طلعت دى .. طالعه بزوق ! لو موش طالعه بزوق ارجوك احذف الملف و معودتش تعمل كده تانى .. لما بتدخل حاجتين ببعض .. لازم تحكم بنفسك على الناتج الاول .. بس طلع نفسك من فكره انك اانت اللى مصمم و انك تعبت فيه .. و انتقد نفسك بشده .. لو لقيت انه الشغل دا كويس .. كمل و على بركه الله . وربنا يكون فى عونا لو نظرتك من الاساس لخبطيطه !

٥. الانتقاد ..

الموضوع دا بصراحه موش عارف ازاى اسهلهولك .. بس فى توضيح .. الفريندز اللى عندك موش كلهم فنانين مخضرمين .. و المستخدم العادى .. او رجل الشارع يعنى . ممكن يعجبه هتى كتير جدا .. ودا اللى بيحصل .. حاول تاخد الفيد باك الاولى قبل نشر شغلك من ناس قريبين منك و بيشوفوا على الاقل اعمال لناس مخضرمه فى المجال .. و لو تعرف حد مستواه عالى .. خليه برده ينتقد تصميمك قبل ما يطلع للنور .. اللى يهم فى النهايه انك تطلع بحاجه كويسه .. على الاقل ! ..

٦. سوبر مان ..

صدقنى انت موش سوبر مان .. ولا مطلوب منك انك تكون سوبر مان .. بس تعالى نفترض انك عاوز تكون سوبر مان فى التصميم .. يعنى عاوز تبقى مصمم ويب جرافيكس , و بتعمل ديفيلوب منت , و بتعمل تصميمات فنيه , و بتعمل مطبوعات , و و و و .. دا جميل .. بس هل انت قادر على دا ؟ الاجابه المنطقيه اللى هتطلع منك “اه” .. احب اقولك اه يا لا لا لى .. بص يا سيدى .. علشان تكون سوبر مان فى التصميم .. انت لازم الاول تتخصص .. بمعنى .. انك هتمسك فى تصميمات الويب مثلا .. لحد ما يكون مستواك فشيخ .. بعدين . تبدأ تتشغل على نوع تانى و فى نفس الوقت موش ناسى انك لازم تحدث نفسك لحظه بلحظه فى مجال التصميم .. و هكذا .. لكن صدقنى عمرك ما هتكون كويس فى مجالين الا لو كان من الاساس مستواك فى المجال اللى انت متخصص فيه “جاحد” .. لان ببساطه .. قبل ما تطلع شغل فى المجال الفرعى او الاضافى .. هتراعى ان مستوى شغلك فى المجال اللى انت متخصص فيه عالى . ولازم متقلش عن المستوى دا فى المجال الفرعى .. حسبه بسيطه ..

٧. انت شايف كده ..

لو متخيل ان فى حد فى الدنيا دى عاوز نهايه سيادتك فى المجال ! تبقى تافهه ,, فى كتير موش عاجبهم شغلك .. دا وارد .. بس لو فى المجال نفسه و مستواهم عالى .. اعرف منهم ليه ؟ هتفيدك على فكره موش هتضرك بحاجه ..
انا لحد كده و تعبت من الكتابه .. الموضوع هكمله فى المستقبل ان شاء الله .. اتمنى ان محدش يكون زعل من الموضوع . بس حاولوا تلاقوا فيه اللى فيدكم .. ليه لا !!!?

[iZexo]

لالا موضوع حلو قريبتو كلمة كلمة . . بصراحة صنايعية التصميم كتره أوي . .

فيه 3 شخصيات . .

هاوي - ده بيصمم للفن . . بيصمم لأنه هاوي المجال . . بيصمم لأن الناس بتشجعه علشان هو بيقدم فعلا الفن مش بيأخره . .

صنايعي - ده بيصمم عشان الفلوس . . بيصمم عشان لازم يجيب فلوس بغض النظر عن الهيقدمه . . مش مهم أي حاجة أهم حاجة ياخد فلوسه . .

المحترف - و ده تطور من نوع الهاوي . . بمعنى . . بدأ بيصمم للفن . . و ما زال بيصمم للفن . . و مع ذلك بيعرف يطلع فلوس من الفن ده . . و بتبقى آخر حاجة بالنسباله لو العمل ده مش هيطلع كويس و إنه أهم . .

[~Soon~]

لالا موضوع حلو قريبتو كلمة كلمة . . بصراحة صنايعية التصميم كتره أوي . .

فيه 3 شخصيات . .

هاوي - ده بيصمم للفن . . بيصمم لأنه هاوي المجال . . بيصمم لأن الناس بتشجعه علشان هو بيقدم فعلا الفن مش بيأخره . .

صنايعي - ده بيصمم عشان الفلوس . . بيصمم عشان لازم يجيب فلوس بغض النظر عن الهيقدمه . . مش مهم أي حاجة أهم حاجة ياخد فلوسه . .

المحترف - و ده تطور من نوع الهاوي . . بمعنى . . بدأ بيصمم للفن . . و ما زال بيصمم للفن . . و مع ذلك بيعرف يطلع فلوس من الفن ده . . و بتبقى آخر حاجة بالنسباله لو العمل ده مش هيطلع كويس و إنه أهم

نفس رايي بالظبت

بس ايه رايك في نوعية المواضيع دي ؟؟ عشان لسا في دماغي كام واحد زيهم

[iZexo]

فل و حلويين تحب أنزل معاك ؟

[MyRȝturn]

موضوع رائع

[The_Mask]

موضوع مهم جدا

[~Soon~]

فل و حلويين تحب أنزل معاك ؟

نزل يا اخويا ^^

[Tau]

مقال اكثـــر من رائــع والله .. استمر فى الحوار دا

[X-T!GeR]

جميل

[TOOP5050]

مقال مفيد فعلا

[Kenkoz]

###