فضائح وزارة التربية والتعليم فى الثانوية العامة

[kurapica]

اولا انا مش بدافع عن حد بس الحق لازم يتقال
بلاش نحكم على الناس بالمظاهر



موضوع سخيف و مهم جداً انتشر في اليومين الي فاتوا دول

فضيحة… طالب يلتحق بـ"هندسة عين شمس" بمجموع 87%

واحد اسمه احمد اكرم دخل هندسة عين شمس بمجموع 87% و الكلية المفرض بتاخد 95% الخبر ده صفحات و مواقع كتير تناولته ابرزها صفحة رصد و بيقولو انه دخل الكلية عشان الواسطة و كلام سخيف و لا اساس له من الصحة

طب مين احمد أكرم ده و دخل إزاي هندسة عين شمس

أحمد اكرم ببساطة هو سباح النادي الاهلي و منتخب مصر و بلا مبالغة هو من احسن السباحيين في تاريخ مصر و الوطن العربي علي الرغم ان عمره 18 عاماً فقط

احمد اكرم يحمل اكثر من 35 رقماً قياسياً (National Record) متسجلين بأسمه

احمد اكرم حصل علي المركز الخامس ببطولة العالم للناشئين

احمد اكرم هو من حطم ارقام مصرية ظلت صامدة لأكثر من 15 عاماً ابرزها الرقم المصري في سباق ال1500متر الذي ظل صامداً منذ منذ تسعينيات القرن الماضي و لم يستطع احد ان يحطمه سوي احمد اكرم و اول من كسر حاجز الدقيقتين في تاريخ مصر في سباق ال200م فراشة

احمد اكرم قبل امتحانات الثانوية العامة بشهر كان في بطولة دورة الالعاب الافريقية ببتسوانا و فاز بأكثر من ميدالية ذهبية و رفع اسم مصر في الوقت الي معظم الطلبة مكانتش بتعمل حاجة غير انها قاعدة في البيت بتذاكر عشان فاضل عالامتحان اقل من شهر

احمد اكرم عنده بطولة أولمبياد الشباب الشهر القادم و هو واحد رايح يجيب ميدالية و ينافس عليها مش رايح يشارك بس و يتفسح و كان بيتمرنلها وقت امتحاناته و دروسه

احمد اكرم اخد 8% تفوق رياضي مش 4% عشان كسب ميدالية ذهبية ببطولة افريقية كل الانجازات الي عملها فوق دي و هو لسة عنده 18 سنة بس و هي بعض و ليس كل ما عمل ... و مش عاوزينه ياخد كام درجة زيادة عشان الوقت الي راح منه في السباحة و انه يرفع اسم مصر !!

الاكتر من كدة ان احمد اكرم مش هيدخل هندسة عين شمس و لا اي جامعة من الجامعات الي عندنا عشان جامعات عريقة في امريكا ابرزها ميتشجن و جنوب كارولينا و هم افضل من جامعة عين شمس بمئات و ألاف المرات عارضين عليه منحة مدفوعة التكاليف عشان يروح يتعلم و يتمرن هناك سباحة

ممكن يكون باقى الطلبة ليهم اعذار مختلفة بس الاكيد مش كلة واسطه و كوسه