للمبتدأين فقط ( تعليمات )

[muhammadalaa]

بسم الله الرحمن الرحيم


انا عامل الموضوع ده للمبتدأين لسا في حاجات لازم تاخد بالك منها في ناس كتير وقعوا فيها اول حاجة طبعاً انت حلمك انك تجيب أي Champion بـ 6300 طبعاً هتحاول تختار عينيك هتتحط علي Aartox



و ده بلاش عشان كل ضربة بتضربها بياخد دم منك و لازم تكون فاهم في اللعبة اكتر عشان تعرف تلعب بيه

اكيد طبعاً انت اول اما تلعب اللعبة بتبقي مش فاهم حاجة و تكره اللعبة بس هي والله مسألة وقت و هتتعود في ناس احب انصحك انك تلعب بيهم

1- Master yi


ال Champion ده للمبتدأين حلو هتعرف تلعب بيه كويس و كمان معظم الناس بتجيب بيه Penta kill بس لو معاك حاجات اقوي شوية و ده رخيص تمنه 450 بس


2- Teemo


ده بقي جامد مفيش حد مبيعرفش يستخدمه عنده قوات جامد اوي و ده بردو كويس للمبتدأين و ده سعره 1350

------------------------------

دول الي انا افضلهم بصراحة احسن و ابسط اتنين للمبتدأين

حاجة كمان انت لما تعمل اكونت جديد بيجيلك RP يعني Riot points بيجيلك 400 rp انا افضل انك تشتري بيهم XP Boost عشان تسرع الاكسبريم و تاخد لفلات احسن بدل اما تصرفها علي Skin و ميبقاش ليها لزمة و كمان خلي بالك من ال Mastries
عشان تظبطلك قواتك شوية طبعاً انا هقولكم ازاي تعملوا ال Mastries

1- افتح جوجل
2- اكتب League of legends How to use Teemo ( بدل كلمة Teemo اختار الي انت هتلعب بيه )

3- افتح اول واحدة الي هي موقع MobaFire هتلاقي Build كتيير كدة اختار الي يعجبك او اختار اول واحدة و دوس عليها و هتلاقي كل حاجة مشروحة بالتفصيل عن الي هتلعب بيه



صورة لل Mastries عشان الي مش عارفينها



بس كدة دي الخطوات الاولي ليك في اللعبة و ياريت تخلي بالك من الشخصية الي هتلعب بيها لو كانت بتضرب من بعيد انا بس هبسط معناها تبقي Mid الي هو الخط الي في النصف غير كدة ممكن Mid او Top

علي فكرة Teemo يبقي في Mid

و كمان لما تحب تشتري واحد يا ريت تشوفه علي اليوتيوب كويس جداً تفتح اليوتيوب و تكتب
League of legends Teemo Champion Spolight هيعرضلك قواته كلها و لو سمحت متحكمش علي ال Champion من الناس الي بيلعبوا بيه معاك يعني مثلاً شفت واحد بيستخدم

1- Fiora







2- Ezrael



في ناس بيعرفوا يلعبوا بالناس دول اكيد هيدخلوا معاك تقول انت الـ Champions دول جامدين انا لازم اجيبهم و طبعاً لما تجيبهم و تصرف في دم قلبك مش بتعرف تسخدمهم و تندم اذا يا ريت شوفوا علي اليوتيوب اول


------------------------------------


انا كدة خلصت الموضوع ارجو التقييم

[LegenDKilleR191]

كلام حلو اوى تسلم ايدك ..... بس طبعا لو فى ناس حتى لو مبتدئين مركزين فى الChampion Spotlight او عملوا Spectate كتير هيعرفوا يلعبوا بAatrox مثلا طبعا ده مش فى lvl 1 xD شوف عقبال ما يجمع 6300 IP هيكون لعب اد ايه و دليل على كده انا تانى Champion ليا كان Talon قرأت عنه فى MobaFire و Champion Spotlight و Spectate اول ما أشوفه و النتيجة 3 Game جبت Quadra Kill فهى معتمدة على اللى بيلعب دماغه ازاى مش مبتدأ او كده ;)

[thesoldir1]

جميل اوي انا بنصح محدش يشتري شامبيون الى لما يجربه في free champions

وبنصح بي Ashe للمبتدئين في لفل 1

عن نفسي كنت بلعب بيه في كل الlanes توب ميد بوت

[™MetaLHead™]

تسلمـ على الموضوع
شغل عالى والله !

[ShehaB]

كلام تمام

[muhammadalaa]

شكراً

[☜ ĂиTaKą ☞]

Ashe حلو اوى ع فكره للمبتدئين
تسلم يا ريس

[HandSome]

تـــسلم

[! - WarCrew - !]

تسلمـ على الموضوع
شغل عالى والله !

[GeZzZ]

دا للمبتدئين ؟؟ متاكد
بص من الاخر انا بلعب سلكرود وسالك فيها فيها بس زهقت من البوتات
مش هاسيب سلكرود بس والبوت شغال هالعب دي انا شفتها كتيير في السيبرات واتشهرت اليومين دول
انا ميييييييييح انا اول احاجه عملتها نزلت العبه واشتركت في الموقع بكتب الاي دي والباص مرضيش يدخل اصلا دا اولنا
ومش تقلي قصه العبه اه اصلا ونظامها انا زي مقلتلك مييييييح ومعنديش صحاب خالص بيلعبوه ا اتمني انك تعمل موضوع للمييييح اقل من المبتدئي بكتيييير