شرح كامل للcenter bot + التشغيل + التسجيل

[_TheDevil_99]

شرح الcenter bot كامل


اولا موقع التسجيل عشان تشغل البوت
here
طبعا اول ما هاتفتح دوس agree و امشى مع الشرح

1 اليوزر نيم الى هاتعمل بيه لوجين على البوت
2 ايميل ضامن :) مهم على فكره عشان تعمل تفعيل للايميل من عليه
3 تاكيد الايميل الضامن
4 الباسورد
5 الباسورد تانى
6 اكتب الى هايظهرلك ف الصوره
7 لما تخلص كل حاجه دوس عليها


كده تمام روح بقى للايميل الى كتبته و هتلاقى رساله اعمل منها التفعيل



اخر اصدرا للبوت هو 1.04

ألتحميل من الموقع الرسمى
here



طريقه التشغيل
بعد ما تنزل البوت فك الضغط و افتح البوت عادى جدا
اكتب ال id+pw بتوع البوت ف المكان المخصص
دوس login (لازم يكتبلك تحت login succesfully )
بعد كده دوس login المخصصه للجيم هايجيلك رساله انك لازم تحدد مكان السرو كلينت
حدد مكانه و اللعبه هاتفتح لوحدها



معلومات اساسيه ع السريع كده


1-الاتش بى بتاعك
2-الاكسبيرينس
3-اكسبرينس الجوب
4- الام بى
5- الزيرك
6- معلومات عن الكراكتر زى الاسم و الجايلد و اللفل و الاس بى و الجولد و كدا
7- مش محتاجه اكيد بتبدا منها البوت
8-عشان تخفى الكلينت (مهم لو هاتشغل كذا اكونت و عاوز تخفف الضغط ع الجهاز )




شرح اجزاء البوت
صفحه الlogin


1- ايميل اليوت
2- باسورد البوت
3-علم عليها عشان تعمل اوتو لوجين كل مره تفتح فيها
الجزء الجاى ده انا مش بستخدمو بصراحه
4-اى دى الاكونت بتاع اللعبه
5-الباسورد
6-الباسكود
7-اسم الكراكتر
8-اسم السرفر
9-سبها زى ماهيه
10-تشغيل الكلينت
على فكره بيعمل اوتو لوجين لوحدو لو اخدت دى سى
11-دى هايكون فيها اسماء كل الكراكترات الى ف الاكونت



صفحه الpotion



1-استخدام الاتش بى لما يوصل ل كام %
2-مالهاش لازمه
3-استخدام الام بى لما يكون كام %
4- مالهاش لازمه
5-استخدام الفايجور لما يكون الاتش بى كام %
6- استخدام الفايجور لما يكون الام بى كام %
7- مالهاش لازمه
8-استخدام اليونيفرسال
9- استخدام اليونيفرساال التانى الى لونه على اخضر شويه ده :)
10-استخدام البوشن بتاع البيت لما يوصل دمه لكام %
11-استخدام الHGP لما يوصل كام %
12-عشان لما البيت يموت يصحيه بالريس بتاعته الى ف الاسطبل
13-استخدام الhp لحصان التراد



صفحه الtown


1-لما يرجع المدينه يشترى كام hp و بتحدد اذا كان مديم او صغير او اكس لارج :)
2-لما يرجع المدينه يشترى كام mp
3-لما يرجع يشترى كام يونيفرسال
4- لما يرجع يشترى كام يونيفرسال من التانى البرفكايشن بيل
5-يشترى سكرول الى بترجعك المدينه return scroll و بتحدد كام واحده
6-يشترى حصان و بتحدد بردو كام واحد و كده
7-8-9-10-11- مش عارف ياريت الى يعرف يقول (اعتقد مالهمش لازمه )
11 الى ف الناحيه التانيه (غلطه معلش ) شراء السرعه 50% و بتحدد كام واحده
12-شراء السرعه 100% و بتحدد كام واحده
13-شراء التصحيه بتاعت الولف و بتحدد بردو كام واحده
14- شراء ال HGP و بتحدد كام واحده
15يشترى فايجور و بتحدد كام واحده
16-دى اعتقد اسكريبت معمول مخصوص للناس الى من 1:70 عشان ياخد الفرى بوشن و كده
17- عشان ياخد الhp
18-عشان ياخد الmp
19-عشان ياخد اليونيفرسال



صفحه ال trainplace


1-بد بتحدد رينج الاتاك عشان الاكونت مايسرحش مع نفسه :)
2-دى لما توصل لمكان الاتاك او البارتى دوس عليها عشان تحدد مكانك
3-دى اعتقد لما تعمل الاسكريبت بتحطه ف البوت من هنا
4-اعتقد عشان تبدا الاسكريبت
5-اعتقد عشان لما تخلصه تعمل save
6-اعتقد عشان تمسح الاسكريبت لو غلط ف حاجه
7-8-9- مش مهمين



صفحه ال attake و دى منقسمه ل 3 صفحات
صفحه الاتاك سكيلز


1-دى صفحه الاتاك
2- دى بتجيب منها صفحه البف
3-دى بتجيب صفحه البارتى بف
4-من هنا بتحدد انواع الموبس عشان تظبط معاهم الاسكيل
5-هنا الاسكيلات بتعتك
6-دى الضربات الى انت حطتها عشان يضرب بيها
7-دى عشان تحط الاسكيل الى انت اخترته و يضرب بيه
8-عشان لو غلطت فى اسكيل تعلم عليها و تدوس على السهم ده يشيلها
9-عشان لو عاوز تطلع اسكلايه لفوق و يضربها الاول دايما علم ع الاسكل و طلعها ب السهم ده
10-عشان لو عاوز تنزل اسكلايه لتحت دوس عليها و بعدين ع السهم




صفحه الbuff


1-دى الاسكيلات بتاعتك
2-دى البفات الى الاكونت هايعملها
السهم الى بينهم بتحط بيه البف و تشيلها



صفحه ال party buff


1-دول الناس الى حواليك
ممكن تخلى الى يظهرلك الى معاك ف البارتى بس عن طريق انك تعلم على رقم 2
3-دى البفات الى بتتعمل ف البارتى
عشان تحط بفات لحد
تعلم عليه بعدين تعلم على البف و تدوس السهم الى بينهم هتلاقى الاسم اتحط تحت البف



صفحه ال options


ستخدام الزيرك

1-لما يتملى
-على الوحوش الجاينت
-على الوحوش البارتى
-على الشامبيون البارتى
-على الجاينت بارتى

2-يتحرك حواليه لو مافيش موبس (مهمه جدااااا) علم عليها لو انتا attaker لو buffer شيلها

3
-استخدام الحصان ف الاسكريبت

4-تحتار من هنا تستخدم انهى نوع من السرعه
- ف الاسكريبت
-ف مكان الاتاك


5-تجنب الموبس
-العاديه
-الشامبيون
-الجاينت
-الموبس بارتى
-الشامبيون بارتى
-الجاينت بارتى
-وحوش الايفنت
-الpillar الى هيه لونها احمر و بتنزل وحوش انفى envy


6-يرجع للمدينه لما :
-يموت
-الhp يوصل لعدد معين
-mp يوصل لعدد معين
-لما الدروبابلى بتاعت السلاح تقل و يبقى محتاج تصليح
-نفس الحكايه بس مع الset
-لما الاسهم تخلص (سواء صينى اواوروبى )
-لما السرعه الى معاك تخلص
-لما الHP بتاع الfellow يخلص
-لما الHGP بتاع الfellow يخلص




صفحه الايتم فلتر item filter


1-دى الايتم الى ف السرفر
2-هنا بتكتب اسم الحاجه الى انت عاوزها (يعنى لو كويست اكتب اسمها هنا )
3-8-لو عاوزه يلم الايتم دى او لا
4-9 لو عاوزه يلم الايتم او لا بالبيت pet
5-10 لو عاوزه يبيعها او لا
6-11 لو عاوزه يحط الايتم دى ف الاستورج او لا
7-12 لو عاوزه يحط الايتم دى ف ستورج الجايد او لا



صفحه ال chat (اظن مش مستاهله :)) )


كل الشات
الشات العام فقط
البرافيت
البارتى
الجايلد
اليونيون
اكاديمي
جلوبال
ستال
GM
GM notice اللى بتظهر بعد ما الايفنت او الارينا تبتدى
لما اليونيكات تنزل بيتكتب هنا



صفحه الinfo


1-الوحوش اللى حواليك
2-الانفنتورى
3-ترتيب الايتمز
4-ابحث عن ايتم معين
5-االشنطة فيها مكان فاضى اد ايه
6- الجولد اللى معاك اد ايه
7-الاستورج
8-الاستورج بتاع الجيلد
9-الافاتار
10-ال set jop او لبس الوظيفه
11-الGoods اللى معاك
12-الشنطة اللى فى الGrap pet
13-الFellow او ال attack pet
14 - ال trade pet
15 - الجايلد
16 - الناس اللى حواليك
17 - الايتمز
18 - الكويستات
19- البافات



صفحه الalchemy


1-كل الايتم الى معاك
2-هنا بتحط الايتم الى عاوز تعملها ++
3-بتحدد يستخدم اللاكى ام لا
- الى تحت 3 دى عشان لما يوصل لبلص معين مايعملش +تانى
4-يبدا ال +
5- يعمل ال Attribute بتاع الSet
6-عشان تعمل ستونز الجوب



صفحه الparty و مقسمه ل 3 صفحات
1=البارتى


1-دى صفحه البارتى
2- بتروح منها على الصفحه التانيه بتاعت ال party matching
3-تروح منها على الصفحه التالته بتاعت الظبط
4-اسم الناس الى معاك ف الpt
5-اسم الجايلد الى هما فيه
6-اللفل بتاعهم
7-مكانهم بالx
8-مكانهم بالy
9- ال hp بتاعهم
10- ال mp بتاعهم



صفخه البارتى ماتش party match


1-عشان تعمل join
2-بتعمل منها البارتى
3-عشان تمسح البارتى الى انت عملته
4-تخرج من البارتى
5-ريفريش :)
6-البارتى ماتشينج party matching



صفحه الظبط setting


ف الاول دى نوع البارتى الى هاتعمله
1-عشان تخلى الى معاك يعملو invite لغيرهم او لا
2-الاوتو اكسبت
-يوافق على البارتى لما حد يبعتله
-يعمل اوتو invite لكل الناس الى حواليه
-مش عارف بصراحه اعتقد مش مهمه
3-ده عشان الى عاةو يعمل تاكسى او ltp
-فى title هاتكتب جمبها اسم البارتى الى انت عاوزه
- البارتى يكون من لفل كام لكام الى يدخلو معاك
4-عشان يعمل البارتى تانى لو اتمسح
-دى عشان يعمل البارتى كل مده معينه انت بتحددها
5-عشان يقبل الناس الى بتدخل معاك
6-عشان تعرف تستخدم رقم 7 علم عليها
7-هنا بتختار الناس الى عاوز اوتو بارتى ليها و كدا



صفحه ال events


كانت معموله مخصوص عشان اخر ايفنت
اعتقد هاتتشال مع كل تحديث للبوت



صفحه الextra


1-عشان لما يطلع لفل يعمل اوتو ابديت للماسترى فقط
2- بتختار من هنا البيلد بتاعك
3-بتدوس عليها عشان اسماء الناس الى معاك ف البارتى تظهر
4-بتختار من هنا اسم الى عاوز تعمله trace
ملحوظه ال trace مش مظبوط قوى
5- يبدا trace
6-عشات يقف او يقعد
7-يستخدم الاسكرول الى بتصحيه لما يموت



هاام

تم الاستعانه ببعض الصور من العضو i_yasser_i الله يكرمه
عشان هوه مظبط الارقام شويه عنى
شكر خااص
ل flamearrow الراجل المحترم الى دايما بيجيلنا بالحصريات و افضل البرامج للعبه

تم بحمد الله
_TheDevil_99

[_Majesty_]

Mercii :)

[_Majesty_]

طب ازاى نشغله

[_TheDevil_99]

من عنيا بس اخلص الموضوع

[_HitIer_]

الله ينور يا كريمـ كمل الموضوع بقى ^^

[Xology]

تسلم ايدك على الموضوع
و معلش على سوء التفاهم و عمل موضوعين -.-

لو عايز بقية البوت ممكن اعملوا لحضرتك و امسح موضوعى عادى y.png" border="0" alt="" title="Triggerhappyy" class="inlineimg" />

[_HitIer_]

الموضعين ماشين مفيش حاجة هتتحزف ...

http://www.silkroad4arab.com/vb/imag...jeursmiley.png

[flamearrow]

بكرة إنشاء الله هنزل الشرح بتاعى و شكرا علي المجهود الجميل
هوا بس البوت فية مشكلة ان ال script مش شغال كويس في ال Mirror

[_Majesty_]

انا شغلت البوت وكل حاجة بس لما مش بيضرب لوحده لازم الوحش يضربه عشان الكراكتر يضرب
وكاتبلى فى البوت Can't find correct weapon (cleric)

[flamearrow]

انا هنزل الشرح بتاعى عندك هنا خدوا و نزل الباقى الى مشرحتهوش

[_TheDevil_99]

متشكر‏ ‏يا‏flamearrowعلى‏ ‏مساعدتك‏ ‏
نزل‏ ‏و‏ ‏هاحط‏ ‏الشرح‏ ‏ف‏ ‏الموضوع‏ ‏و‏ ‏اسمك‏ ‏طبعا‏ ‏^ ^
انا‏ ‏مجهز‏ ‏الصور‏ ‏بس‏ ‏لسه‏ ‏كنت‏ ‏برفعها‏ ‏

[™xXDarkNessXx™]

تمــام يا رجالة مجهود عالي :))

انا من اول الناس اللي جربت البوت دة عندي كام ملحظة كدة بس ياريت تضيفها عندك

في Version جديدة نزلت 1.01d فيها مميزات اكتر من 1.01a


الـمشكلة باعة الـ Mirror Teleport هتتصلح في الـ Version اللي جاية ان شاء الله


و هيتم اضفة الـ Auto Ress و Warrior Lure

[osama mansour]

شرح جااامد وبووووت فاجر الصرااحة :D

[osama mansour]

اول بوووت فرى يفتح اكتر من اكونت

[HellBow789]

شكراااا بجد علي الشرح الجميل دا بس هوا البوت دا مضمون اصل انا مش شايف راي مشرف الفحص