رحلة فى الأسلام الحديث الأخير

[داعيه اسلامى]

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]



بسم الله الرحمن الرحيم والصلاة والسلام على خاتم الرسل والنبيين ورحمة الله للعالمين سيدنا ومولانا محمد وعلى آله وصحبه وسلم

بسم الله الذى لا يضر مع اسمه شئ فى السموات ولا فى الأرض وهو السميع

بسم الله نستفتح والحمدلله نختم والصلاة والسلام على رسول الله فى الأولى والأخرة

اخوتى واحبتى هذا هو الحديث الأخير هيبقى مختلف عن بقية الأحاديث شوية

هيتكون من جزئين مراجع عامه على الى اتعلمنا فى الاحاديث السابقة

والجزء التانى الحديث الأخير

بسم الله



الحديث الأول : اخذنا الصلاة

الله على الصلاة الله على الصلاة لقد كانت اخر بسمة لرسول على الصلاة فقفوا وتشجع ممكن تروح تلعب بلايستيشن ساعة متقدرش تقف 5 دقايق ولا 10 مع الى خالقك صدقونى يا جماعة الصلاة يوم القيامة هتقول يا ليتن قدمت لحياتى تيجو تيجو توعدونى ان من انهارده هتفتح صفحة جديده فى حيتاك تيجى نوعد بعض تيجى بس الى يوعد يبقى راجل لأنه بيوعدنى انا مش مهم انما انت بتواعد الى خلقك فخليك لا تنقد الوحد حتى لا ينقد الله رحمته منك





ثانى حديث : الغنى

ابقى دايماً غنى بنفسك وعزتك اوعى اوعى مره تطاطى ربنا عطيك غنى نفسك فمترخصهاش مترخصهاش ازى اوعى تشرب حاجه تضرك والعادات الى بيعملوها الشباب دلوقتى اوعى دا انتَ غنى بنفسك اوعى الحاجه الى عطيهالك ربنا علشان تحافظ عليها تهملها اوعى تيجى نوعد نفسنا كمان فى دى خليك راجل راجل فى نفسك راجل فى عزتك وأوعى اوعى تبقى رخيص




ثالث حديث : الدنيا

اتعامل مع الدنيا اكنك مش عايش فيها اوعى تخطلط بزخارفها وشهاوتها هتغريك زى ما اغرت الى زيك اوعى اوعى اكتب جدول فى دماغك انا مش هعمل دى ماهما تعمل فيا الدنيا وعيش عيش بس لأخرتك لأن الدنيا زائلة ومره تانية هقولك اوعى تيجى نوعد نوعد نفسنا الحديث الأخير اسمه الوعد اوعدنى واوعد ربنا لانك إذا وعدت فهو لا يخلف يخلف الميعاد



الحديث الرابع : الحق

اوعى والحق لأن ثمنه كبير اوى عند ربنا اوعى اوعى اوعى ده الميزان الى هنتوزن عليه مكتوب عليه كلمة الحق والسماوات قايمه بالحق اؤمن بالحق الحق مش ان الحاجه تكون صح وبس لا لو حد جه يحلفلك على حاجه وانت مش مصدق قول انه حق لأنه حلفلك بعد كده تبقى تشوف الكلام صح ولا غلط واحنا قولنا قبل الكده لو الحق مش من مظنة الحق
تعالى نوعد نوعد نفسينا لأننا لما نتمثل فى الحاجات دى هنعلمها للى بعدينا فخليك قدوة واوعد ربنا وخليك راجل



خامس حديث : السر والجار

اوعى تتلصص على اسرار الأخرين احنا عندنا قاعد كما تتدين تدان اوعى حافظ على سر من أأتمنك على سره لو عرفت سر بالصدفة ما تزعهوش هو صاحب السر لو قالك اعلنه تبقى تعلنه لكن اوعى تيجى نوعد نوعد نفسينا منبقاش حرميين فى الاسرار
اكرم جارك وهو هيكرمك انت مطلوب منك وهو زى ما مطلوب منك مطلوب منه هو الى هيساعدك فى الدنيا وفى الأخرة مره واحد مات وقف عند باب الجنه ومدخلش كل ده علشان كان مستلف أبره من جاره ومات قبل ما يرجعها شايفين امر بسيييييييييط اوى لكن مايغركش عذابه تعالى نوعد نوعد اننا نكرم الجار وبفكرك تكون راجل فى وعدك



الحديث السادس : العدل

مش هقول حاجه انت افهم بقى هقولك آيه وحده بس
"العدل اساس الملك" شوف نفسك انت بقى بس تعالى نوعد تعالى نوعد ان العدل يكون اول حاجه نستعملها فى حياتنا لأنها لو بسيطة ممكن تعفى عن مظلوم اوعك والحق خليك راجل فى وعدك فى دى بالزات ده العدل ولو مش عارف يعنى ايه العدل ارجع للآية تانى وبص فيها وانت هتعرف



الحديث السابع : الصدق

لما سألوا الرسول المسلم يزنى يسرق يقتل يعمل كل الجرائم الى فى الدنيا لكن يكذب لا وبقولهالك تانى لا لا لا لا
إن كذبت مره ولو صغيرة اعرف انك لا تدل للأسلام بصفة ومش انا الى بقول ده الرسول الأسلام يا جماعة مش الشهادتين واقامة الصلاة وكده وبس
لا الأسلام صفات ومعانى ووعد اوعد نفسك قول يارب انا من انهارده مش ناوى اكذب ولو حتى مش قادر هيقويك اوعد انت بس وشوف سابع مره بقولها خليك فى وعدك راجل



الحديث الثامن : القسم والحب

اوعى تقسم فى اى شئ حتى لو كذب كلمة الله مش لعبة مش لعبة والله مش لعبة كلمة الله بتحمل الكون كله واوعى تحلف بغيره انا ساعات بسمع ناس تقولى والنبى والقرآن مينفعش انت بتتزلل لله عز وجل فخليك راجل وأوعد اوعد انا بكلم الراجل الى هو يقدر يتحكم فى كلامه وافعاله
الحب : خلى بالك من الحب اوعى تقول لأنسان انا بحبك وانت يكون جواك لا اوعى تجعل الحب نفاق اوعى اوعى اوعد قول يارب قويى انى مانفقش اى حد من خلقك وخليك راجل



الحديث التاسع : طيب النفس الماء

اجعل نفسك صافية ماتملأهاش بالحقد والكراهية والله هتسلم وهتلاقى الحياة حلوه شايفين الأسلام مفيش احلى منه اوعد علشان انتَ الى بتمثل الأسم ده " الأسلام " عندك الرجوله انك تحمل الأسم ده لو عندك يبقى اوعد وخليك قد وعدك
الماء : ماتبذرش فى النعمة التى انعم بها الخالق ومنها خلقك وخلق غيرك فمتخدهاش سخرية وعلموا علموهم معنى انك تحافظ على نعمة من نعم الله



الحديث العاشر : القوة والجنازة

القوة : اوعى تفترى على الى اصغر منك او الى اضعف منك وذكر نفسك ان كما القوة دى جاتلك ممكن تتسلب بلحظة تيجى نوعد يالا نوعد يا رب اجعلنى لا استقوى بما رضيت لى من نعمة على غيرى
الجنازة : صلى بضمير للميت لعل الله يرحمك ويجل لك ناس تصليلك بضمير وحذروا حكاية ان النساء تمشى فى الجنازة لأن الرسول نهى عن ذلك


الحديث الحادى عشر : الكون

تأمل وتتدقق وتفكر لكن لا تنشغل عن الدنيا
واى حاجه واقف فيها فى الدين استشير الأسلام مش لازم تكون شاكك فى حاجه ومش عيب ممكن حاجه ما تعرفهاش روح اتأكد واعرف ايه هو الأسلام


الحديث الثانى عشر : الرسول

اوعى تتكبر ده لو اتكبرت على حد فقير فذكر رسولك الذى كان يلبس الثياب مقطعة والنار ما كنتش بتدخل بيته لدرجة ان مفيش حجار وارضى ارضى واوعد وابقى راجل بقى كفاية خليك راجل زى ما رسولك كان راجل مش بتقول انا بحبه وبتاع الحب مش كده حب الرسول تاخده قوة فى كل حاجه وتكون راجل فى كده زى ما هو كان راجل



الحديث الثالث عشر : المخلوقات

اوعى تأذى مخلوق وتذكر انه يخدمك فمن دونه ماتسطعش تعيش اوعى تقول ده أأقل منى حتى الجماد بيخدمك فلا تتكبر



الحديث الرابع عشر : المسيكن

ابقى ديماً مسكين لله وأوعى تتكبر لله حاشة لله اوعى اوعى ادعيله واوعى تكفر تقول ده مدنيش ولا ده ماتنساش انه عززك ولو بصيت للمسيكن وهو بص سيجد ان الله اراد ان يسيده على كل قادر اوعد كل صفة اوعد وقول يا رب قوينى



الحديث الخامس عشر : العمل

اعمل بأتقان واذكر الله لأنك طالما ذكرت الله فسوف يوفقك فى عمله واوعى تغش فى العمل الى مش ليك تقول ده مش ليا قولنا كما تدين تدان والوعد الوعد يا رجاله يا رجاله الوعد



الحديث السادس عشر : التوبة

اوعى تستهزئ بربنا وترجع فى توبتك اوعى احذر احذر لو استهزات بربك انسى دا انت لو استهزأت بأباك مش هتدخل الجنة او امك ما بالك رب العالمين يا الله يالا يا جماعة ماتكسلش اوعد من غير ما اقول اوعد ربنا قوله يارب انا مش هقصر فى كل الى امرت بيه بس قوينى يارب



الحديث السابع عشر : الضخك ، السلام ، العهد

" اضحك" فى ناس بتقولك الضحك حرام ليه الضحك حرام الرسول كان بيضحك بس اضحك تبسم وضحك مش تسخر من حد لا اضحك عادى
السلام : فى بعض المصطلحات الى تقولك هاى هاللو ومش عارف ايه عيب عليك انت مش عايز تاخذ ثواب على الصبح حسنه جتلك من الهواء فيها ايه لما تقول السلام عليكم فيها ايه يعنى عايز افهم فمك هيتشل قولها عادى مش لغتنا التانية هالوو وهاى دى لغتنا دى اللغة الى علمهلنا القرآن
العهد : اوعى تنقد عهد بتقل ثقة الناس فيك ومحبة ربنا فيك
فى ايه مستنى ايه اوعد يالا يارب ان ان شاء الله مش هكون ناقد لعهودى



الحديث الثامن والتاسع : الصله والرضا

الصله : اياك وصلة الرحم فى العيد فى الماوسم مش لازم كل يوم فى المواسم خدلك طبق التمر وانت داخل الجنة ولو كترت يبقى ليه بحيرة من التمر ولو كترت يبقى بحر من التمر وانت وشطارتك بقى ها شايفين جمال الأسلام يا حبيبى يا رسول الله اوعد اوعد اوعد
الرضا : اوعى تتمرض عما رضاه الله لك اوعى وإلا هيكون عذابك اليم اوعى لأنك لن تكون من الناس الفائزون بالأخرة



واخيراً الحديث العشرون : " ** الوعـــــــد ** "

ياااااااه مانت كنت عمال تقول عليه من شوية لا ماقدرتش اوصف
كل الصفات دى ترتبط بده الوعد بالله عليك يا شيخ اوعى تخلف الوعد لو حتى مع نفسك اوعى اوعى تخلف وعدك مع رسوله ولا مع ربك ولا مع اى مخلوق ولا حتى قطه واحد كان بيوعد انه يأكل يوم يوم قطة موجودة فى الشارع ففى فى يوم كسل وقال مش رايح ومات الرجل منع من دخول الجنة إلى ان تأتى القطة وترضى عنه!!!! ازاى قطة ترضى عنه مش قولتلك قولتلك اوعى تسخر من مخلوق الله سبحانه وتعالى عززه اوعى





احبائى فى الله والله العظيم لو عرفنا نمسك كل الصفات دى اقسملك هندخ الجنه على سجاده من حرير وكل واحد يسكن قصر متخيلين يا اخونا والله حاجه سهل بس انت عود نفسك وقرب واوعد وربنا يتقبل ويقويك

الحمدلله والصلاة والسلام على رسول الله

امام الله قد فعلت كل يوم صفة يبقى عيب عليك دخلت على الموضوع ومأمنتش بيه وانا قدام ربنا

اللهم بلغت اللهم فشهد

هى دى الرحلة يا ترى استفدت منها

والصلاة والسلام على سيدنا رسول الله

تم بحمد الله

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

[Kemo Eagle]

بجد مجهود جبار ماشاء الله
جزاك الله كل خير وايانا :)


يُثبـــت .. تم نقل الموضوع الشامل لـ كل المواضيع السابقه لـ " ارشيـف المواضيع المميزه"

[داعيه اسلامى]

المشاركة الأصلية كتبت بواسطة kemo eagle عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

بجد مجهود جبار ماشاء الله
جزاك الله كل خير وايانا :)


يُثبـــت .. تم نقل الموضوع الشامل لـ كل المواضيع السابقه لـ " ارشيـف المواضيع المميزه"

الله يكرمك يا كيمو

[☜ ĂиTaKą ☞]

الله عليكـ بجد

ربنا يباركلك

مجهــود جبـــار

شكــرا ليكـ

[داعيه اسلامى]

ربنا يكرمك

[The_Mask]

كدا مفيش سؤال ماشى يا عم ماشى زعلتنى منك ولا انتا ادتنا اجازة ولا ايه .


تسلم ايدك على هذه السلسلة .

[داعيه اسلامى]

هههههههههههههههههههه

الله يكرمك ان شاء الله يا عمى لما نعمل سلسلة تانية ابقى اشيل لك مكانك

[Real Human]

بجد جزاك الله خير ويجعله فى ميزان حسانتك بإذن الله :)
أول مشاركه ليا هنا فى منتداكم الجميل وحبيت إنها تكون هنا فى القسم الدينى وأتمنى الخير ديماً ويهدينا الله وإياكم الحسنات الجاريه بإذن الله والعلم النافع :)

[MịηaTσ]

جميل جداااا

جزاك الله كل خير

#

[C.A.Я.B.O.N]

جزاك الله كل خير