[درس] بدأيات التعديل علي ملفات pk2...

[goosa]

بدأيات التعديل علي ملفات PK2



أول حاجة قبل أما تفكر تعدل علي ملفات PK2

لازم تاخد نسخة من الملف إحتياطي بحيث إنك تقدر ترجعها لأصلها لو حصل فيها حاجة غلط



أ- إستخراج الملفات من الـPK2

حمل برنامج S4A_PK2 Tools من عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

بعد التحميل و فك الضغط هتلاقي عندك برنامجين

S4A Extractor

داه علشان تستخرج الملفات علشان تعدل عليها

S4A Editor

أما داه علشان ترجع الملفات بعد التعديل عليها



1- S4A Extractor

لازم تكون اللعبة مقفولة

هتفتحوا هيبقي بالشكل داه



1- داه علشان تفتح منه الـPK2

2- داه بتقفل منه الملف

3- داه عنوان الفولدر اللي أنت فيه (زي مثلاً لما تفتح فولدر اللعبة بيبقي مكتوب عندك في العنوان "C:\Program Files\Silkroad Online" و هكذا)

4 و 5 و 6

داه علشان تتنقل بين الفولدرات و الملفات

4- ترجع للفولدر اللي قبلوا

5- داه بيبقي فولدر (بيبقي أسموا بين قوسين مجموعة " [ ] "

6- داه بقي ملف و بيبقي مكتوب جمبوا مساحته كام (بالبايت)

7 و 8 لأستخراج الملفات

7- لأستخراك كل الملفات اللي في الفولدر اللي أنت فتحوا

8- لأستخراج الملفات اللي أنت محددها

(ممكن تستخرج الملفات باردوا بأنك دوس عليها مرتين ورا بعض كأنك هتفتحهم)

9- داه الـLog (السجل) هتلاقي فيه الملفات اللي أنت أستخراجتها و اللي أنت فتحتوا و كل حاجة هتعملها



يبقي علشان تستخرج الملفات من الـPK2

هتفتح الملف و تتنقل بين الفولدرات لغاية لما تلاقي اللي أنت عايزوا بعدين تدوس عليه مرتين هتلاقي في فولدر البرنامج إتعمل فولدر جديد بأسم ملف الـPK2 فيه الملفات اللي أنت إستخراجتها



2- S4A Editor

بارضوا لازم تكون اللعبة مقفولة

هتفتح البرنامج هيكون بالشكل داه



1- فيها Open و Close زي الـExtractor

2- تختار منوا الفولدر اللي أنت معدل فيه الملفات (لازم يكون الملف في فولدروا الأصلي يعني لو كان الملف في الميديا مكانوا كدة "Media\server_deep\textdata" لازم يكون الفولدر اللي أنت مختاروا فيه فولدر أسموا server_deep و جواه فولدر أسموا textdata و جواه الملف اللي أنت معدل عليه)

3- تدوس Import بعد أما تختار الفولدر

4- هيكون مكتوب فيه عنوان اللي فولدر اللي أنت مختاروا

5- الـLog (السجل)



كدة أنت عرفت إزاي تستخرج الملفات من الـPK2 File و تضيفهم تاني

نيجي بقي لمرحلة التعديل

أغلب التعديلات بتم علي ملف Media.pk2 لأنوا بيضم أغلب الملفات اللي قابلة للتعديل

طيب إيه فايدة ملفات اـPK2 التانية في اللعبة

1- Media.pk2

داه قولنا بيتم عليه أغلب التعديلات لأنوا فيه أغلب البيانات اللي فيها اللعبة

اللملفات فيها أشهر أنواعها كالأتي:

أ- DDJ و داه عبارة عن صورة متشفرة بتحول صيغتها الأول من DDJ لـDDS بعدين بتحولها من DDS للصيغة اللي أنت عايزها (JPG BMP GIF PNG)

ب- TXT ز داه عبارة عن ملفات Text (ملفات كتابية) هتفتحها عادي خالص ممكن بالـNotebook لكن أنا بفضل Notebook 2 لأنه أسرع و تقدر تحملوا من عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

ج- DATA بعض الملفات بتكون عبارة عن ملفات BMP و لكن معملها أعادة تسمية

2- Data.pk2

داه اللي فيه صور الاسلحة و الشخصيات و الحيوانات و صور السكيلات و كلوا

الملفات فيه أشهر أنوعها كالأتي:

أ- BSR و داه الحاجة نفسيها

ب- BMS و داه الأيقونة اللي بتبقي ظهره في الشنطة

3- Music.pk2

وداه الملف المسؤل عن الأصوات في اللعبة بس لازم تكون بصيغة ogg علشان تحول من ogg لأي صيغة تانية هتستعمل برنامج JetAudio و تقدر تحملوا من عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

4- Particles.pk2

و داه الملف المسؤل عن الإيفكتات اللي في اللعبة زي مثلاً التحويلة (Zerk) و تأثيرات الضرب زي مثلاً (Blizzard العاصفة اللي بتظهر هو داه) أغلب التعاملات مع الملف داه بيبقي عبارة عن أعادة تسمية

5- Map.pk2

و داه الملف المسؤل عن الأماكن زي مجسمات البيوت الشجر ملهوش أي لزمة التعامل معاه



ديه فوائد ملفات الـPK2 للعبة نيجي بقي للتعديل علي الملفات



1- DDJ

بعد الأستخراج من ملفات الـMedia هتحولوا لـDDS الأول ببرنامج DDJ To DDS Converter و تقدر تحملوا من عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

فتفتح البرنامج هيكون بالشكل داه



1 و 2 عبارة عن زرارين اللي فوق من DDJ To DDS و اللي تحت من DDS To DDJ

1- هتختار منوا الملفات

2- هتدوس عليه بعد ما تختار الملفات علشان تحولها

3 و 4 و 5 هتختار مابينهم رقة إختيارك للملفات

3- ملفات منفردة

4- فولدر فيه الملفات

5- فولدر فيه الملفات و فيه فولدرات فيها ملفات تانية



كدة أنت حولت الصور لصيغة DDS بس أنت عايزها بصيغة تقدر تفتحها علي الفوتوشوب

فهتحمل البرنامج داه Right Click Image Converter من عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

بعد ماتسطبه و تعمله الكراك

هتفتح البرنامج بالشكل داه



1- بتضيف منوا ملفات الـDDS

2- بتحذف منوا الملفات

3- بتختار الصيغة اللي هيتحولوا ليها (خليها BMP علشان الفراغات و علشان كل الصور تتحول

4- الملفات اللي أنت ضيفتها

5- بتدوس عليه علشان يبتدي تحويل الملفات

ملحوظة

الملفات المتحولة هتلاقيها في نفس فولدر ملفات الـDDS



كدة عندك الصور جهزة للتعديل عليها بالفوتوشوب تقدر تحملوا من عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

و لو ليك أي سؤال في الفوتوشوب تقدر تسأل عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]



بعد أما تخلص تعديل علي الصور و قبل ما تضيفهم للميديا لازم ترجعهم لصيغتهم الأصلية الـDDJ

هنا هيجي دور الـNet Paint. تقدر تحملوا من عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

بعد ما تسطبوا هتفتح بيه الصور اللي أنت عدلتها



1- بتفتح منوا الصورة (أو ممكن تسحبها و تحطها في البرنامج)

2- بتختار File --> Save As

3- بتختار منها DDS

4- بعد ما بتختار المكان اللي هتحط الصورة فيه بتدوس Save

5- هيظهرلك مربع تاني هتدوس Ok و خلاص



بعد كدة هتحول من DDS لـDDJ الطريقة فوق و بعد كدة تضيفها للـPK2 و الطريقة في الأول خالص



كدة يبقي التعديل علي الصور خلص

ندخل علي الأصوات



طبعاً كل أصوات اللعبة في Music.pk2 موجودين بصيغة Ogg

و أنت عندك أغلب الملفات الصوتية بتبقي mp3 أو wav

فهتحولهم ببرنامج JetAudio تقدر تحملوا من عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

بعد أما تحملوا و تفك ضغط الملفات هتفتح

JetAudio علشان تحول الأغنية من صيغة للتانية

أول ماهتفتحوا هتختار "Converstion" أول تدوس علي "Ctrl + 2"



1- علشان تضيف الملفات

2- تختار الفولدر اللي يتحفظوا فيه بعد التحويل (الأولي في نفس الفولدر و التانية بتختار سواء كان My Music أو Desktop أو My Documents أو أي مكان تاني)

3- بتختار الصيغة (هتختار منها "OGG - Ogg Vorbis")

4- علشان يبتدي عملية التحويل.

[™_Paskota_™]

يشرفنى انى اكون اول واحد يرد على الموضوع
بصراحه موضوع جميل وهجرب تقبل مرورى

[Hussein Alwr]

موضوع فى قمة الروعة منتظرين باقى الدروس
استمر يا زعيم

[xD4RKH3R0x]

Nice Topic Continue

[Crặžy O'oǷs Xð]

تسلم ايدك يا كبير

[! ● No_Comment ● !]

تسلم الايادي انا كنت محتاج الموضوع دة

[Ultra Games]

Thanks

[°•.♥ The Uploader ♥.•°]

مية مية يا معلم منتظرين الباقى

المشاركة الأصلية كتبت بواسطة hussein_alor عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

موضوع فى قمة الروعة منتظرين باقى الدروس
استمر يا زعيم

يا رب يا حسين تكون طلعت بحاجة هههههههههه

[Delivery]

تسلم

[Mohamed.com]

شكرا
بجد موضوع رائع

[Fire_Snake]

فنان ^^

[goosa]

يا سلام علي الردود اللي تفتح النفس

[commando133]

يا مان موضوع اكثر من رائع و تسلم ايدك

بس اناعندى مشكلة ارجوا ان يكون ليها حل انا لما باستخرج ملفات المديا مش بتطلع بصيغة DJJ
بتبقى بصيغة Txt وطبعا مش عارف اتعامل معاها فياريت لو فيه حل تبلغنى بيه شكرا

[goosa]

txt داه عبارة عن ملفات text (ملفات كتابية) هتفتحها عادي خالص ممكن بالـnotebook لكن أنا بفضل notebook 2 لأنه أسرع و تقدر تحملوا من عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

أما الـddjديه صور

هتلاقيها في فولدرات تانية

[GeZzZ]

انا اول مره اشوف القسم واول موضوع ادخله في القسم الموضوع دا انا مش فاهم حاجه خالص يعني اه PK2 من الاساس طب واه تعديل الصور صور اه بالضبط انا بقرا وعامل زي الاطرش في الزفه