شايف الادارة ازاي !

[ღ♥Franky♥ღ]

المشاركة الأصلية كتبت بواسطة totti600 عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

اه والله

بس dark_divel بتاع قسم pref هو كويس وكل حاجه بس اما يجى عضو يعمل موضوع عشان عندو مشكلة يروح قافل الموضوع وقايلو فى موضوع لاستفسارات تمام لحد كده يروح العضو كاتب مشكلة فى الموضوع المثبت ميلئيش حد يرد عليه ولا رد بيكون من الاعضاء يبقى كده

مفروض من وجهة نظرى البسيطة يرد عليه فى الموضوع الى يعملو وويفلق الموضوع وبعد 12 ساعه يمسح الموضوع لو انا غلطان نشوف حل تانى!:ermm:

بص انا عارف ان سمسم حامي شوية ع الناس بس صدقني لو دخلت موضوع القوانين..
هتلاقي القانون دة ..

4 - مــمــنــوع كــتــابــه مــواضــيــع اســئــلــه واســتــفــســارات .. يــوجــود قـسـم مـخـصـص لــمــشــاكــل وحــلــول اللــعــبــه ..

فا لو سمسم مقفلش الموضوع المراقب السيرفر الخاص .. هيقولو انتا مش شايف شغلك كويس.. يبقا انتا كدة جبتلو الكلام .. دة يرضيك !!
بس انا بصراحة في اوقات لما بلاقي موضوع عن استفسار بقولو الحل + اني كتبلو المرة الجاية في موضوع مخصص للأستفسارات .. يغلق دة الي انا بعملو .. فا ياريت متزعلش منو لأن والله هو بيعمل الشغل الي مفروض يعملو ..

[™~Mody~™]

زى الفل

[MrGiant]

الواد Paranoid ده عامل شغل عالي

[SnipZz]

No_Rulez و متسألش ليه ... هو كده غلاسة ..

[mhmed2012]

الصراحة انا بقول ان المنتدى دة بالنسبة لى سيلك رود الاول على العالم والادارة 1000000000% مفيش احسن من كدا يامعلمين

بالتوفيق لجميع اعضاء الادارة الكرام واعضاء المنتدى ان شاء الله

وعيد سعيد على الكل وكل عام وانتم بخير

[حسام سرور]

اداره محترمه بس فى بعض الاعضاء مش محترمين

[UnderCover!]

صباح الفل يا رجاله


الصراحه ان عندي انتقادات كتير للاداره
( يارب ما يضربوني )


اول واحد بنتقدوا

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]
عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]الادمين
عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]
عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]المراقب العام
عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] المراقب العام
عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

داخل علي التقيل انا صح ؟

انا بس بنتقد شيء واحد فيهم
نظام الاسبام

افهمكم ازاي
دلوقت يا جماعه المنتدي ده زي شيء كبير بنتلم فيه كلنا
يعني حاجه Social
يجي هما يقولوا لا الرغي في المنتدي حرام عشان ده اسبام
يعني مفروض الواحد لو حاطط موضوع مهم
يجي التاني يسأل سؤال
و اللي حاطط الموضوع يجاوب
و هيهيهيه
ايه ده يا جدعان
هو ايه شغل الناس الاليين ده


عيب تاني برضوا في الحته ديه
انا عرفت ليه عملوا حاجة اسمها اسبام او قانون منع الاسبام
انهم دلوقت بيحطوا المشرفين حسب عدد مشاركتهم
مش حسب مجهودهم و مواضيعهم المميزه
و لله ليا واحد صاحبي جدا مشرف ( بدون ذكر اسماء ) هو اللي قايلي بعضمه لسانه
انه عمروا ماحط موضوع مميز
و لما دخل الترشيح بتاع المشرفين خلوا مشرف عشان عدد مشاركته

انا راضي ضميركم ده حرام ولا لأ ؟

انا يا جدعان عندي الحل
و بسيط اوي

المشرف يبقا مشرف بمواضيعه المميزة و خدمه للاعضاء
مش بعدد مشاركته

و سعتها مش هيبقا عدد المشاركات ليه اي ستين لازمه
و سعتها برضوا هيتلغي كلمة اسبام
لان عمري في حياتي كلها مشفت كلمة اسبام في منتدي
عربي او اجنبي
طول عمرهم بيقولوا اللي هما عاوزينوا من غير ما مشرف ينطلهم و يقلووهم
اوعععا ياد ده اسبام
هطردك
هعملك مخلفه
همسحلك الموضوع

و نيجي هنا بقا للنقطة التانية

نقدي التاني
للمشرفين اللي بقوا شايفين نفسهم عشان بقوا مشرفين
نصحتي ليهم انهم بس ميشفوش نفسهم علينا


و زي
مانقدت لازم اشكر عشان مبقاش ظالم

بشكر كل مشرف اتعامل معايا او معا غيري
كأنوا واحد صاحبي
رغم انو حتا ميعرفنيش



انا عارف ان ممكن اكون اتعصبت شوية
بس دية حجات ميتسكتش عليها
و لازم تشوفلها حل


و شكرا


::::::::::::::::::::::

Updates

ان معظم المشرفين اصحاب بعض وحتي لو ليك حق كلة بيهجم عليك لأنهم تبع بعض

دية الحقيقة اللي انا شايفها من ساعت اما دخلت المنتدي من 2009

منكرش ان الاول كان احسن لاكن دلوقتي لأ


انا عملت موضوع حل مشكلة في سيرفر برفكشن كان في مشكلة عند الناس ومنهم انا بس عرفت احلها ازاي تاني يوم لقيتة ممسوح
وبعديها
لقيت موضوع( الناس اللى مش عارفة تشغل اللعبة ! الحل هنا)

متمسحش..... لية بقي؟ عشان اللي عمل الموضوع

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

الموضوع طبعا حضرتك قلت مفيش زعل

اهوة انا معاك في كل حتة بتقولها
+
اضافه صغيره
لو مشرف عمل اسبام
عمر ما اي حد يقدر يقولوا انتا بتعمل اسبام
+
اضافه صغيره تاني
المشرفين مستحليين الاسبام
ايوووووه هيا دية الحقيقه
لو دورتوا كويس
هتلقوا اكتر ناس بتعمل اسبام هما المشرفين
عشان بيقعدوا يلكوا و يعجنوا في اي كلام و يرغوا ولا كأنوا Yahoo or facebook
ولا انا بتبلي عليكوا ؟

انتوا اللي قولتوا قولوا كل حاجة بصراحة
حلوه الصراحه ؟

وفى بصراحه مشرفين سعات كده بيرخموا فى ردود .المشرف من المفروض انه اكثر شخص فى قسمه

مؤدب جداً وردوده عاقله ورزينه وفى الموضوع

لكن احياناً بيبقى فى ردود بصراحه مش بتعجبنى بتبقى ردود مستفزه تخلى الى حاطط الموضوع

يخش شمال فيه ويجى فى الاخر يغلطوه

خفوا على بعض شويه

ههههههه
اهي ديه اكتر حاجة بتحصلي

كل معمل موضوع شرح لأي لعبة اونلاين جديده

و يحصل اي مشكلة او سوء تفاهم

و القي المشرفين ردودهم مشاء الله
تحرق الدم

يلا ..... منهم لله بقا اللي شايفين نفسهم علي الناس


معلش تاني يا جماعه محدش يزعل مني
عشان الحق مفهوش زعل
و لو اتعصبت شوية معلش استحملوني

[حسام سرور]

اداره 200% بصراحه

[koko000009]

زي الفل

[ToxiCity]

كل الأراء تحترم مفيش أى مشاكل من الأنتقاد بأحترام

1- دلوقتى يا رجاله المشرفيين أو المراقبيين بشر وعندهم ظروف وفى ناس مبتقدرش تفتح غير وقت قليل بتمسح فية المواضيع المخالفة ألخ ألخ

2- بالنسبة لموضوع الأسبام .. تعريف الأسبام ان تلاقى ردود ملهاش اى علاقة او معنى فى الموضوع ودة بيضايق صاحب الموضوع نفسة مش شرط احنا ..

3- بالنسبة للمشرفين ألى بنختارهم ع حسب مشاركاتهم فا دة وارد نغلط فى اختيار مشرف او اتنين مفيش مشاكل لكن لما بيبقى فى قسم حيوى بيتشال بعد فترة لان الغير مميز بيتعرف بردو

4- ان شاء الله بعد العيد هيتم فتح باب الترشيح ع الموقع كله بنظام جديد انا اخترته علشان ميبقاش فى اى ظلم لأى حد ولا هيكون بعدد المشاركات نهائى

5- للأسف ان الأدارة بتبقى حلوة لما بتيجى مع العضو فى مشكلة وبتبقى وحشة لو جات علية مع اننا بمنتهى البساطة بنتعامل مع الكل عادى جدا

6- قسم الشكاوى أتعمل لما يبقى فية شكوى ضد اى حد فى الموقع ان كان مشرف او مراقب اقسام لأن احنا مبنجيش ع حد علشان خاطر حد وجرب يكونلك حق وعملت موضوع فى قسم الشكاوى ومجالكش سعتها انا اتصرف

7- زى ما فى مشرفيين كبار فى السن فى مشرفيين صغيريين بردو فامينفعش اى غلط يحصل يتقلب بهجوم ع المشرف لأن زى ما بنقدركم بنقدرهم برده وفى الاخر ألى لية حق بياخده

8- بعد كدة العضو زى المشرف نفسى الناس تتعامل كدة ولما تشوف حاجة غلط بيعملها عضو تانى متسكتش لأن احنا مش مقسمينها فرق .. الاعضاء لوحدهم والمشرفين لوحدهم

9- أفتكرو ان كلنا بنخدم موقع بيجمعنا وعايزين نرتقى بية ودة الهدف الأساسى

يارب مكنش طولت عليكم

[UnderCover!]

2

- بالنسبة لموضوع الأسبام .. تعريف الأسبام ان تلاقى ردود ملهاش اى علاقة او معنى فى الموضوع ودة بيضايق صاحب الموضوع نفسة مش شرط احنا ..

متزعلش مني يا ريس بس لما صاحب الموضوع يشتكي ابقا امسحوا اللي انتوا عاوزينوا

لما واحد يشكر صاحب الموضوع ده ميضيقوش

اللي يضيقوا ان رد الشكر ده يتمسح

3- بالنسبة للمشرفين ألى بنختارهم ع حسب مشاركاتهم فا دة وارد نغلط فى اختيار مشرف او اتنين مفيش مشاكل لكن لما بيبقى فى قسم حيوى بيتشال بعد فترة لان الغير مميز بيتعرف بردو

يا باشا دول مشرفين
يعني ايه نغلط في اختيار مشرفين
يعني المووضوع مش صعب اوي عشان تغلطوا فيه
و بعدين انا اعرف ناس عمرهم معملوا موضوع مميز و بلسنهم هما اللي قلولي
و لسا مشرفين لغاية دلوقت

- بعد كدة العضو زى المشرف نفسى الناس تتعامل كدة ولما تشوف حاجة غلط بيعملها عضو تانى متسكتش لأن احنا مش مقسمينها فرق .. الاعضاء لوحدهم والمشرفين لوحدهم

يا باشا المشرفين واقفين معا بعض حتا لو واحد فيهم عمل حاجة غلط
( مش كلهم )

و بعدين المشرفين متزعلش مني زي ما بيقولوا ( عاملين رجاله علينا )
و ده عيب اوي
( مش كلهم )
مفروض زي مانتا بتقول كلنا ناس عاديين خالص
مفيش حد يستعلي علي التاني


متزعلش من كلامي لو ضايقك بس انا في الحجات دية ببقا ناشف شوية
و الحجات اللي انا معلقتش عليها انتا معاك حق فيها

[ToxiCity]

لا يا جميل أزعل منك لية بس فى فكرة غلط انا بوضحهالك مش اكتر

1- مش هنستنى صاحب الموضوع يشتكى .. غير كدة هتلى موضوع عادى اتمسح فية شكر لصاحب الموضوع والمشاركة اتمسحت والسبب : اسبام وانا هتصرف

2- اية المشكلة لما الناس تغلط فى اختيار مشرفيين مش قصة حتى لو الوحوار من وجهة نظرك سهل فـــ جل من لا يسهو

3- لما تلاقى ان المشرفيين عاملين رجاله عليك وواقفين مع بعض فى الغلط عليك سعتها عندك قسم الشكاوى وعندك انا وبعد كدة ليك الحق انك تتكلم لو مجالكش حقك

[UnderCover!]

- مش هنستنى صاحب الموضوع يشتكى .. غير كدة هتلى موضوع عادى اتمسح فية شكر لصاحب الموضوع والمشاركة اتمسحت والسبب : اسبام وانا هتصرف

معلش يا باشا بس ده من قاونين معظم المواضيع او المسابقات او الحجات دية
ان محدش يقول ( شكرا / مرسي / nice / الخ ....... ) و جنبيها بيبقا مكتوب بالخط العريض
لان ده اسبام
و علي فكرة ده مش من وجهة نظر صاحب الموضوع
هوا لو عليه يقول خير و بركة
بس هو المعروف ان كلمة الشكر في المنتدي هنا = اسبام
فا لو هيا مش كده ياريت تفهم المشرفين عشان تلت تربعهم بيعتبر كلمة الشكر اسبام

اية المشكلة لما الناس تغلط فى اختيار مشرفيين مش قصة حتى لو الوحوار من وجهة نظرك سهل فـــ جل من لا يسهو

لما تلاقى ان المشرفيين عاملين رجاله عليك وواقفين مع بعض فى الغلط عليك سعتها عندك قسم الشكاوى وعندك انا وبعد كدة ليك الحق انك تتكلم لو مجالكش حقك

الموضوع يا معلم انهم بيسوئوا صورة المشرفين
يعني لما تحصل مشكله ولا حاجة والقي المشرف بيرد عليا رد مستفز جدا ولا كأنوا المدير بتاعي في الشغل ساعتها اعمل ايه ؟

لو اشتكيت انا عارف ان المشرفين هيدخلوا في المشكلة و يطلعوني غلطان او حتا مش غلطان
بس مش هيتكلموا علي رد المشرف المستفز
اللي ممكن انهم ذات نفسهم يكون مستفزين منهم
بس مبيتكلموش عشان ميخبطوش في بعض

انا بس نفسي المشرف يتعامل معانا كاننا ناس طبيعين
يعني ميحسس انوا في مركز قوة

انا مثلا السنه اللي فاتت اكتشفت اني اللي قاعد جنبي في الديسك في المدرسة مشرف في سيلكر رود فور عرب
فا عادي في مشرفين صغييرين و كبار
لما مشرف صغير يتعالي و يتكبر في حد كبير ده اللي بيزعلنا

لا يا جميل أزعل منك لية بس فى فكرة غلط انا بوضحهالك مش اكتر

صدقني انتا اللي جميل

[♥ T๑ty♥]

مفروض حضرتك مراقب يعنى على الاقل بتبوص على الاقسام كلها كل يومين مثالا وبالنسبة اقسام السرفرات الخاصة اكتريت Gms مش متعاونين معانا على الاقل دولا مصريين زينا واكترهم P2P وحتى ام حد يتنصب عليه فى حاجه ومعاه صور تظبت انو اتسرق اققل كلمة من Gm مش مشكلتى

وبالنسبة لباب الترشيح يا ريت السن يكون مناسب .... ومراقبة المشرف بعد الترشيح مثلان لمدة شهرة عشان نص المشرفين بيبقو فيهم حماس فى الاول عشان يبقى مشرف وبعد كده فى الطناش

ارجو مكونش اتعديت حدودى :flag_austria: حرية بئا ^_^

[ToxiCity]

المشاركة الأصلية كتبت بواسطة $angel$ عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

معلش يا باشا بس ده من قاونين معظم المواضيع او المسابقات او الحجات دية
ان محدش يقول ( شكرا / مرسي / nice / الخ ....... ) و جنبيها بيبقا مكتوب بالخط العريض
لان ده اسبام
و علي فكرة ده مش من وجهة نظر صاحب الموضوع
هوا لو عليه يقول خير و بركة
بس هو المعروف ان كلمة الشكر في المنتدي هنا = اسبام
فا لو هيا مش كده ياريت تفهم المشرفين عشان تلت تربعهم بيعتبر كلمة الشكر اسبام




الموضوع يا معلم انهم بيسوئوا صورة المشرفين
يعني لما تحصل مشكله ولا حاجة والقي المشرف بيرد عليا رد مستفز جدا ولا كأنوا المدير بتاعي في الشغل ساعتها اعمل ايه ؟

لو اشتكيت انا عارف ان المشرفين هيدخلوا في المشكلة و يطلعوني غلطان او حتا مش غلطان
بس مش هيتكلموا علي رد المشرف المستفز
اللي ممكن انهم ذات نفسهم يكون مستفزين منهم
بس مبيتكلموش عشان ميخبطوش في بعض

انا بس نفسي المشرف يتعامل معانا كاننا ناس طبيعين
يعني ميحسس انوا في مركز قوة

انا مثلا السنه اللي فاتت اكتشفت اني اللي قاعد جنبي في الديسك في المدرسة مشرف في سيلكر رود فور عرب
فا عادي في مشرفين صغييرين و كبار
لما مشرف صغير يتعالي و يتكبر في حد كبير ده اللي بيزعلنا



صدقني انتا اللي جميل

المشكلة ان فى ناس بتخش كل المواضيع فى نفس اللحظة تكتب شكراّ وتطلع بس انا بحاول الفترة ألى جاية اشوف قانون مناسب علشان بردو محدش يتظلم

بالنسبة لسن المشرفيين دى حاجة صعب نعرفها بالظبط بس لو حصل اى حاجة وانت خدت بالك واجب عليك تعمل موضوع فى قسم الشكاوى وانا هتابعة بنفسى

وبالنسبة لموضوع ان مشرفيين اتجمعو عليك وطلعوك غلطان لو حصل حاجة زى كدة اوعدك ان هعزل كل المشرفين دول

المشاركة الأصلية كتبت بواسطة totti600 عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

مفروض حضرتك مراقب يعنى على الاقل بتبوص على الاقسام كلها كل يومين مثالا وبالنسبة اقسام السرفرات الخاصة اكتريت gms مش متعاونين معانا على الاقل دولا مصريين زينا واكترهم p2p وحتى ام حد يتنصب عليه فى حاجه ومعاه صور تظبت انو اتسرق اققل كلمة من gm مش مشكلتى

وبالنسبة لباب الترشيح يا ريت السن يكون مناسب .... ومراقبة المشرف بعد الترشيح مثلان لمدة شهرة عشان نص المشرفين بيبقو فيهم حماس فى الاول عشان يبقى مشرف وبعد كده فى الطناش

ارجو مكونش اتعديت حدودى :flag_austria: حرية بئا ^_^

فى مراقبين اقسام دى وظيفتهم يا جميل

بالنسبة لموضوع ال gm مقدش اقولك ان مجبر اخلية يبص فى صور ويشوف مين نصب ع مين
كل واحد ياخد باله من حاجته وان احنا مسؤلين لأى حاجة تخص الموقع غير كدة لا