امتحـــــــــــان ميكانيــــــكا ابـــن ميكانيــــــــــكا

[! FiRe !]

المشاركة الأصلية كتبت بواسطة ~soon~ عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

تصدق يا راجل انا كنت فاكرك موضعي وغير متعصب في النقاش انما بعد الكلام دة كله غيرت وجهة نظري .... معلش اسمحلي بس اسئلك سؤال هو مش بردو ربنا قال ((ولا يسخر قوم من قوم عسي ان يكونوا خيرا منهم )) ؟؟ وبردو النبي عليه السلام قال في ما معناه ((ان اتاكم رجلا ترضون خلقه ودينه فزوجوه)) ما اظنش انه قال شهادته ايه صح ؟؟ وبعدين حاجة تانية هي البنت هتجوزني انا ولا الشهادة ؟؟ لو بتحبني فعلا هتجوزني حتي لو مبعرفش اقرا ولو قالت لي مقدرش اتجوزك عشان الشهادة ومش عارف ايه تبقي مبتحبنيش وقدر الله وما شاء فعل وبعدين انت بتقول المجتمع بيبص للطبقة الاجتماعية والتفاهة دي مش هو دة اللي عايزين نغيره ؟؟ ولا انت خلاص بنت السفير لازم تتجوز علي الاقل وزير او ابن سفير ... خلاص رجعنا للطبقية .... خلاص احمد مبقاش ينفع يتجوز انجي عشان هو ابن الجنايني .... مش دة بردو بيخالف الدين الاسلامي ؟؟ وبعدين يا اخي مش يمكن ربنا يشاء ان انت تسقط ومتنجحش وتبقي فاشل وهو يبقي مليونير وصاحب اكبر فنادق البلاد ويجي ابنك عشان يتقدم لبنته ... هيبقا شعورك ايه لو قالك لا ماينفعش عشان مستوانا الاجتماعي ... ولو انت بتقول في عشرات من خريجي سياحة وفنادق علي الرصيف العشرة بشلن احب اقولك في الالاف من خريجي الهندسة وطب اعدين علي القهاوي ال100 بقرش واحب اقولك حاجة كمان تخيل لو العالم كله دكاترة ومهندسين تتخيل العالم هيمشي ؟؟ اخر حاجة احب اقولك ان انا معرفش الراجل دة خالص وولا في سياحة وفنادق ولا حاجة انا بس استفزني كلامك عشان بتقلل بكلامك من قيمة ناس انت متعرفهمش وارجو ان انت متكنش زعلت من كلامي انا بكلمك زي اخويا

طيب يا سيدى
خلينى وراك للآخر
مع انى مش شايف تعصب ولا حاجة انا بقول وجهة نظر واقعية جدا
يعنى تتصور ان انا مش نفسى نبقا زى مجتمعات اوروبا ، ان حتى الزبال وظيفة تحترم ؟
بس الواقع بتاعنا حاجة تانية
الآية الكريمة وكلام النبى لا يتناقضان خالص مع اللى بقوله
انما
احنا لا نقدر غير العلم
والنبى شرط فى الزواج تقارب المستويات
واقربها قصة السيدة زينب بنت جحش مع سيدنا زيد بن حارثة
لما طلقهم الاتنين من بعض لتباعد المستوى بينهم
السيدة زينب من بنى هاشم ومن اشراف مكة
بينما سيدنا زيد كان عبد واعتق
وكان ذلك سبب مشاكل كتير بينهم وانتهت بالطلاق مع ان ده سيدنا زيد ، يعنى من اكبر الصحابة وأوائلهم
وكان الكلام ده فى صدر الاسلام
وبين يدى النبى عليه الصلاة والسلام
وده دليل آخر على كلامى
وانا مش بقول العالم يبقا دكاتره ومهندسين
بس برضو نراعى المتغيرات اللى بيفرضها علينا العصر والحالة فى الدولة
وانا بكلامى مكنتش بسفه من سياحة وفنادق او بقول انهم متسولين
هما فعلا كتير ، والمهندسين كمان كتير ،لكن هل من سبيل للمقارنة؟
وانا عارف مليون فى المية إن (إن اكرمكم عند الله أتقاكم)
لكن فى مجتمع متحول
ومحيط دولى رأسمالى
وضغط الحياة الصناعية بكل ما فيها اللى بيؤثر على طبيعة الانسان الشرقى الروحية بطبعها
بيدفعه للبحث عن الفلوس واهمال الدرجة العلمية
ولكن سبحان الله خلاف الظنون
نفس الرأسماليين ، اذا خرجوا للحياة ، صار العلم هو السيد الاول ، وتسخر له اكبر اقتصاديات العالم زى امريكا والمانيا واليابان
وستصعق لو عرفت ان ميزانية التعليم فى امريكا لعام واحد
قد ميزانية مصر كلها فى 6 اعوام
ومتنساش ان ربنا فضل العلماء ( هل يستوى الذين يعلمون والذين لا يعلمون )
وخصهم بالخشية والتقوى ( إنما يخشى الله من عباده العلماء )
وقال النبى ( اطلبوا العلم ولو فى الصين ) و (اطلبوا العلم من المهد الى اللحد )
اظن كل دى ادلة تقوى من موقفى
واشكرك على نقاشك النادر
لأنى مش بلاقى نقاشات زى دى كتير فى المنتدى هنا ^_^