اتا اسف يا تامر حسني ظلمناك

[just muslim]

تعرض الفنان تامر حسنى للعديد من الانتقادات التى شنها البعض ضده خلال الأيام الماضية، وذلك بعد إحيائه، لمجموعة من الحفلات بأمريكا فى الوقت الذى تعيشه مصر فى حداد عقب مجزرة بورسعيد والتى راح ضحيتها أكثر من 74 شهيدا .

تامر تحدث إلى "اليوم السابع" هاتفيا من أمريكا ليوضح حقيقية الأمر فقال: "الحفلات التى أقوم بإحيائها، حاليا مؤجلة منذ عام، حيث كان مقررا إقامتها العام الماضى فى نفس التوقيت ولكن احترمى للثورة وشهدائها وقتها قمت بتأجيلها ودفعت الشرط الجزائى وهو مبلغ 200 ألف دولار نتيجة الخسائر التى لحقت بالشركات المنظمة، وقمت بتأجيل حفلى لمدة عام كامل حتى تتحسن الأحوال وتسير للأفضل، وبالفعل كانت الأيام الماضية تسير نحو الاستقرار كما أن الحفلة مباعة بالكامل، وهناك جمهور توافد من ولايات مختلفة إلى نيوجرسى مقر إقامة الحفل، وبالفعل حاولت تأجيل الجولة مرة أخرى، إلا أننى فوجئت بعدم استطاعتى ذلك بسبب العقد المبرم بينى وبين الشركة المنظمة وعدم غنائى كان سيعرضنى للمسألة القانونية من قبل وزارة الخارجية الأمريكية، لحصولى مرتين على فيزا عمل لأمريكا دون الذهاب وهو السبب الحقيقى وراء عدم تمكنى من إلغاء الحفل، كما أن عددا كبيرا من فرقتى الموسيقية والمنظمين كانوا قد سبقونى بالفعل لأمريكا، كما أن حادث بورسعيد وقع قبل الحفل بـ3 أيام فقط، وما استطعت عمله هو إقامة الحفل الأول بعد مرور أيام الحداد الأولى.

وأضاف تامر كان إحساسى صعب عندما دخلت إلى الحفل خاصة، وأول شىء قمت به قبل صعودى إلى المسرح هو مطالبة الجماهير بالوقوف دقيقة حداد على أرواح الشباب الذين راحوا ضحية مجزرة بورسعيد.
كما أننى شاركت فى الأحداث من خلال صفحتى الرسمية على موقع التواصل الاجتماعى فيس بوك، وقمت بإعلانى الحداد عليها وأرسلت الاستغاثة لبنك الدم من أجل أن يتبرع المتواجدون هناك بالدم لإنقاذ المصابين.

وفيما يتعلق بالمتظاهرين الذين هتفوا ضده قال تامر رغم قلة عددهم الذى لا يتجوز الـ 6 أشخاص، إلا أنهم من حقهم أن يعبروا عن آرائهم، ولكن كان يجب عليهم فهم الحقيقة فى البداية خاصة وأنهم بعد وقفتهم ضدى، حضروا الحفل.

وعن سبب دخوله من الباب الخلفى للمسرح أوضح تامر أن دخوله للحفل من باب خلفى يرجع لاستحالة دخول أى مطرب لحفله الغنائى فى أى مكان بالعالم من الباب الرئيسى الذى يدخل منه الجمهور، كما تساءل لماذا دائما يتم الهجوم على بشكل قاس فى كل مرة، فهناك مطربون آخرون قاموا بالغناء فى هذه الفترة ولم يتحدث عنهم أحد أو يذكرهم، وهناك مطربون قاموا بعمل تور فى أمريكا من قبل وكانت أوضاع البلد غير مستقرة ولم يتحدث عنهم أحد فقط؟ فلماذا دائما يتم الحديت عن تامر حسنى؟

وأضاف فرقتى الموسيقية مكونة من 40 شخص، فبالتالى فنحن نتحدث عن 40 أسرة، بخلاف الشركة المنظمة 100 أسرة وجميعهم يؤدون عملهم مثلهم مثل المذيع أو الصحفى أو حتى العامل بشركة التلفونات، وأعتقد بأن الذى يريد أن يأخذ موقف منى يفعل ذلك إذا كنت تعاقدت على هذه الحفلات بعد الأحداث الأخيرة، كما أننى لست منجما ولا أعرف الغيب لكى أتوقع ما سيحدث وأقوم بتأجيل الحفل، وأريد من الناس أن تفهم فقط حقيقة الأمر كاملة قبل الحكم على، وأنا شاب مثل أى شاب تعبت كثيرا طيلة مشوارى الغنائى وكافحت من أجل تحقيق النجاح ولم أولد وفى فمى ملعقة من الذهب، بل أننى كثفت من مجهودى من أجل إرضاء ربنا سبحانه وتعالى، ثم أهلى وجمهورى، وأنا أعلم جيدا بأن هناك الكثير من الناس مش مبسوطين من عملى والنجاحات التى حققتها لذلك فيستغلون أى من المواقف ضدى.

وعن وصفه بمطرب السلطة أكد حسنى: "كيف أكون مطرب سلطة ومازال بدخلى جرح قديم مما فعلوه بى" وما حدث من تفاوت فى الآراء وقت الثورة فخرجت وقتها وشرحت وجهة نظرى، لأننى كنت خارج البلاد وكنت أشاهد إعلام مضلل وعندما عدت علمت الحقيقة كاملة وذهبت للميدان ولكن الناس رفضت أن تسمعنى، وتحدثت داخل نفسى باليقين بأن هذه الأيام ستمر على خير والغاضب منى سيعلم قريبا بأن السبب فى ذلك وجود إعلام مضلل خدعنى مثلما خدع ناس كثيرة وقتها، وأتحدى إذا كانت كل الناس متحدة على رأى واحد أو وجهة نظر معينة وكفاية الحكم على بأخبار مزيفة لا تمس للحقيقة بشىء.

أما عن الحملات الشرسة التى خرجت ضده قال حسنى: "هذه الحملات مدبرة وواضح أنها من جمهور مطرب معين وهم الذين يقمون بمثل هذه الحملات، حيث سرعان ما تتكشف الحقائق بعد ذلك، من خلال آرائهم ضدى وهى حرب فنية تعودت عليها منذ ظهورى وأتغلب عليها بتوفيق من الله ، وأعتقد بأن الجمهور أصبح لديه الذكاء لمعرفة من وراء هذه الحملات والغرض منها".

وعن عدم اكتمال الحفل قال: "هذا كلام غير صحيح بالمرة فالحفل تم فى مكان يتسع لـ 3 الآلف شخص وكان المسرح ممتلئ، وأيضا كانت جميع التذاكر الخاصة بالحفل مباعة قبل قدومى لأمريكا".


وده الفيديو http://www.youtube.com/watch?v=vaPt1...layer_embedded


وده المصدر http://www3.youm7.com/News.asp?NewsI...48&IssueID=168

نبطل بقا يا جدعان نظلم الناس شوية ممكن ؟؟

[Tau]

مش عارف لبة مش مصدق الصراحة انا بكرة الراجل دا من كل البي

[just muslim]

المشاركة الأصلية كتبت بواسطة nuker_man

مش عارف لبة مش مصدق الصراحة انا بكرة الراجل دا من كل البي

علشان انتا من جواك مش عايز تقتنع خالص

تقبل رأي

[™King0FCream™]

تامر ده طول عمره مظلووم

والحاقدين ما بيصدقو يلاقو حاجه ويتكلمو عنها من غير ما يعرفو الحقيقه

[just muslim]

المشاركة الأصلية كتبت بواسطة ™King0FCream™

تامر ده طول عمره مظلووم

والحاقدين ما بيصدقو يلاقو حاجه ويتكلمو عنها من غير ما يعرفو الحقيقه

كلامك صح

[elhaidi]

الى خلاة يأجل الحفلة سنة ماكنش يقدر يأجل كمان اسبوع او حتى كام يوم مش حيجة بردو

[legendd]

Love him ^_^

[just muslim]

المشاركة الأصلية كتبت بواسطة elhaidi

الى خلاة يأجل الحفلة سنة ماكنش يقدر يأجل كمان اسبوع او حتى كام يوم مش حيجة بردو

لا أننى فوجئت بعدم استطاعتى ذلك بسبب العقد المبرم بينى وبين الشركة المنظمة وعدم غنائى كان سيعرضنى للمسألة القانونية من قبل وزارة الخارجية الأمريكية، لحصولى مرتين على فيزا عمل لأمريكا دون الذهاب وهو السبب الحقيقى وراء عدم تمكنى من إلغاء الحفل

شكلك مقرتش الموضوع كله

[Tau]

المشاركة الأصلية كتبت بواسطة just muslim

علشان انتا من جواك مش عايز تقتنع خالص

تقبل رأي

عادي يا صحبي
بس الصراحة انا واخد منو موقف من ساعة الثورة لما كان بيعيت

[Alone iN The Sky]

تم التصويت بعدو الثورة

مافيش حاجة اسمها المغنيين ماحدش بيكلمهم وانا بيتكلمو عليا

لو كان صادق فى كلامه ومش بيشهر نفسه ان العيون عليه - فا هو غلطان انه بيقلد الناس وبينسى الموتى

انا صديقى مع الالتراس اهلاوى وكان بيدافع عن صحابه من الضرب وللاسف اخد ضربتين فى راسه وجاله نزيف ومات هناك

الناس دى حقوقها لسه مارجعتش

ولسه زعلانين عليهم جدا

اما حد يغنى دى شىء لا يشرف
وهو مسئول عن تصرفاته

انا مش بتكلم انى بحب مغنى

انا مافيش حاجة عندى اسمها بحب مغنى .. وبعدين مين لسه بيسمع اغانى فى وسط القتل ده كله

هو غلطان . ويستحق اللى حصل فيه اوقات الثورة وبعدها

وللاسف هو لسه مستمر بجنى المال والقتلى لسه دمهم عالارض .. اخوانه للاسف

خليه هو والموقع بتاعه يشجعوه - مصر مش بتوقف على حد باعها وقلل من كرامت شعبها

فا يوجد بالخارج ملايين بييرفعو راس مصر والحمد لله وكلنا بنشاهد وياما ناس الغت سفر والغت حفلات ولهو ولعب ومتعة عشان مصر وشغل كمان وغيره وياما ناس حزنت وعملت ما باستطاعتها ولا بيهما اى انسان ولا حتى نفسها

ه خاف من الموسائلة - مش هيتسجن لكن كان هيدفع غرامة وهو نسى اخوانه عشان مايدفعش غراة - لو كان دفع ووافق عالغرامة كان كسب حب ملايين القلوب وشرفنا - لكنه يستحق اللى حصل فيه واللى جاى اكتر مش احلى عليه
وعادى اما يخرج منها انسان كده

[just muslim]

المشاركة الأصلية كتبت بواسطة alone in the sky

تم التصويت بعدو الثورة

مافيش حاجة اسمها المغنيين ماحدش بيكلمهم وانا بيتكلمو عليا

لو كان صادق فى كلامه ومش بيشهر نفسه ان العيون عليه - فا هو غلطان انه بيقلد الناس وبينسى الموتى

انا صديقى مع الالتراس اهلاوى وكان بيدافع عن صحابه من الضرب وللاسف اخد ضربتين فى راسه وجاله نزيف ومات هناك

الناس دى حقوقها لسه مارجعتش

ولسه زعلانين عليهم جدا

اما حد يغنى دى شىء لا يشرف
وهو مسئول عن تصرفاته

انا مش بتكلم انى بحب مغنى

انا مافيش حاجة عندى اسمها بحب مغنى .. وبعدين مين لسه بيسمع اغانى فى وسط القتل ده كله

هو غلطان . ويستحق اللى حصل فيه اوقات الثورة وبعدها

وللاسف هو لسه مستمر بجنى المال والقتلى لسه دمهم عالارض .. اخوانه للاسف

خليه هو والموقع بتاعه يشجعوه - مصر مش بتوقف على حد باعها وقلل من كرامت شعبها

فا يوجد بالخارج ملايين بييرفعو راس مصر والحمد لله وكلنا بنشاهد وياما ناس الغت سفر والغت حفلات ولهو ولعب ومتعة عشان مصر وشغل كمان وغيره وياما ناس حزنت وعملت ما باستطاعتها ولا بيهما اى انسان ولا حتى نفسها

ه خاف من الموسائلة - مش هيتسجن لكن كان هيدفع غرامة وهو نسى اخوانه عشان مايدفعش غراة - لو كان دفع ووافق عالغرامة كان كسب حب ملايين القلوب وشرفنا - لكنه يستحق اللى حصل فيه واللى جاى اكتر مش احلى عليه
وعادى اما يخرج منها انسان كده

ايوا فينك من زمان تغالي بقا

اولا انتا مقرأتش الموضوع كاملا تامر حسني كان هيتعرض للمسائلة القانونية من قبل وزارة الخارجية في الشركات يعني يتحبس علشان حضرتك

ثانيا من حقو يجني المال يعني الواحد لو اشتغل وكسب فلوس يبقا غلطان

ثالثا وهو نزل كرامة مصر ده رافع راس مصر برة واحد بيعمل حفلات كتيرة برة بلدو وناس بتحبو كتير برة وهو مصري يعني بيغني بأسم بلدو ولا هو صومالي ؟؟؟؟ وهما هيقولو ده تامر حسني مغني مصري ولا مغني افغانستاني ؟؟؟؟

رابعا وهو وقف دقيقه اجداد علي ارواح الشهداء في اخر الفيديو لو اتفرجت عليه

خامسا وهو يعملك ايه ينزل التحرير علشان الناس تهزئو وتهين كرمتو ولا انتا مش عجبك حاجة ؟؟؟ واحد شغال وبيكافح

سادسا يعني كلامك ده معناه ان الناس تبطل تاكل عيش وتجيب فلوس وتنزل تحدف طوب في التحرير وتولع في عربية راجل غلبان او تكسر مجل راجل بياكل منو عيش او يروحو يموتو نفسوهم وعيالهم يتيتمو

انا زديت عليك مش علشان انا بحب تامر ولا حاجة لو فكرت في كلامي هتلائيه صح

وشكراااااااااااااااااا

[TheGraVe]

بقولهالك من كل قلبى
بكرهك يا تامر حسنى
و ان شاء الله هنضف
البلد من امثالك و هنشوف
فن بجد زى زمان
و حسنى اللى كنت بدافع عنوا
هحتحصوا ان شاء الله
و على فكره
والله لما كان فى مظهرات 25
كف اديه
خد افاه كله

[Alone iN The Sky]

المشاركة الأصلية كتبت بواسطة just muslim

ايوا فينك من زمان تغالي بقا

اولا انتا مقرأتش الموضوع كاملا تامر حسني كان هيتعرض للمسائلة القانونية من قبل وزارة الخارجية في الشركات يعني يتحبس علشان حضرتك

ثانيا من حقو يجني المال يعني الواحد لو اشتغل وكسب فلوس يبقا غلطان

ثالثا وهو نزل كرامة مصر ده رافع راس مصر برة واحد بيعمل حفلات كتيرة برة بلدو وناس بتحبو كتير برة وهو مصري يعني بيغني بأسم بلدو ولا هو صومالي ؟؟؟؟ وهما هيقولو ده تامر حسني مغني مصري ولا مغني افغانستاني ؟؟؟؟

رابعا وهو وقف دقيقه اجداد علي ارواح الشهداء في اخر الفيديو لو اتفرجت عليه

خامسا وهو يعملك ايه ينزل التحرير علشان الناس تهزئو وتهين كرمتو ولا انتا مش عجبك حاجة ؟؟؟ واحد شغال وبيكافح

سادسا يعني كلامك ده معناه ان الناس تبطل تاكل عيش وتجيب فلوس وتنزل تحدف طوب في التحرير وتولع في عربية راجل غلبان او تكسر مجل راجل بياكل منو عيش او يروحو يموتو نفسوهم وعيالهم يتيتمو

انا زديت عليك مش علشان انا بحب تامر ولا حاجة لو فكرت في كلامي هتلائيه صح

وشكراااااااااااااااااا

قصدك انك منتظر حد يدافع عن الشهداء عشان انت تيجى ضده صح ؟

بص يا استاذ

انا مش هتكلم عن صديقى الجامعى اللى مات فى الاستاد - هو مات راجل كان بيحمى غيره
انت بتدافع عن مغنى بيغنى فى عزاه ممرش على موتهم 3 ايام

وهو كمان بيغنى فى موتهم
الناس تقول ايه !!! ده الامريكان اللى كانو بالحفلة هيقولو ده مغنى ماعندوش دم حقيقى ... وللا انت فاكرهم مش بيحسو زى بعض الناس عندنا ؟

تامر يكسب فلوس ماشى - بس ده وقته ؟
لو عايز يأجل يأجل حتى ولو كل سنة لحد ما تتعدل
لو هيتحام يتحاكم - رغم ان امريكا ماتقدرش تسجنه لانها دولة واحنا دولة ولازم السجن يكون عن طريق قاضى مصرى وده مش هتحصل عشان مغنى الغى حفلة بسبب موت ابناء بلده - لكن هو بيحاول يخرج من الفضيحة بأى شكل
وطبيعى فى قليل هيكونو معاه مثلك
انا مش ضدك ومش ضده

لكن ارجوكم - كفاية بقى كلام عن تامر وعن الاغانى وفكرو شوية فى اخواتكم
فكرو فى اللى وهما بيموتو بيقلو انا هنا بدافع عن حقى وعن حق غيرى المصرى
انت ماقدرتش تنزل ماشى - مانعك مرض او مانعك اهل او شغل او اى شىء - لكن فى غيرك مش مانعه شىء وبينزل عشانك

الصح انك تدعيله - تدعيله ان ربك يعتبره شهيد وليس مقتول
ماقلتلكش تنزل تضرب - الثورة ماعلمتكش يعنى ايه سلمية ترفع ورقة تعبر فيها عن نفسك ؟ وللا انت متعلم الطوب بس وبتتكلم عالخراب ؟
بور سعيد ماتو عشان طوب ؟

انا مش هكتر كلامى معاك
انت انسان محترم وواضح انك عايز تعمل مشكلة مع الناس اللى بتدافع عن الموتى والشهداء

لذلك انا هتجنب الكلام معاك وهبعد عنك عشان مش عايز يجيلى مرض النسيان
مش هنسى اهلى وبلدى

وخليك فى الغناء واللهو .. بكرا تندم انت واللى بتعشقه موت وبتقوله انا اسف
انا اسف دى لربك ولبلدك ولشخص مات وحقه مارجعش من القاتل
مش من مغنى جيه يغنى فى الميتم بتاع اخوك او ابنك او امك او ابوك

عيب بقى
عيب بقى يا اخى احترم نفسك

[DeadlY_Wave]

Tamer Hosny Haters <3

[Solitaires]

خلاص سيبتوا كل حاجة و مسكتوا فى تامر و الحفلة

سبحان الله