اخواني لماذا كل هذة تجاة الاقباط

[MadOmar]

اخي الكرييييم مغاك حق فعلا ان احنا نفكر بعوقلنا ونبطل كراهيه شويه بس انت لو ركزت في الموضوع حتلاقى ان المسلمييين دايما بيقولوا ايد وحده وع بعض وكلنا اخوات ومفييش واحد مسلم بيأذي مسيحي بأي شكل من الاشكال لسبب وحيييييد ان ده دينا مش اكتر لكن في مسيحييين كتييير ومش بقول كلهم فعلا متربييين على ان هم اقليه وان احنا بنكرهم وبنضهدهم مع اننا عمرنا ما كنا كده ولا عملناكم كده احنا فعلااا كلنااا مصرييين واخوات بس انتوا ساعتات بتعوزا انكو تتعاملوا انكم فوق القااااااانون اي حاجه تكون متاحه ليكوا والا تكونا اقليه ومضهدين تبنوا كنيسه في اي وقت واي مكان من غير اي تصاريح قسيس يكون متهم ببلاوي سوده مع ذلك تعملوا مظاهلرات واحتجاجات عشان يطلع من غير مايتحاكم اصلا وحاجات تانيه كتييير فا ياريت فعلا كلنا مسلمين او مسيحين فعلا فعلا نفكر ونبطل كراهيه ونركز عشان نبني البلد دييييييييي

[_Fantastic_]

بجد كما توقعت ان الردود هتكون في قمة الادب و الاحترام من كل قلبي بشكر كل من رد
وايضا بشكر المشرف الحذف ردود مخلافة ... صدقوني يا جماعة احنا لا بتعامل علا ان احنا فوق القانون ولا غير
انا شخصيا بقول. ان الافضل يتم تفعيل دولة القانون بمعني نفرض جدلا ان كنيسة مخلافة هل يصح ان الاهلاي
والرعاع هم من يقوموا بهدهمة....لا الدولة هي من تقوم بهدهمة بس هرجع وقول بكل صراحة وبل فوم المليان ان هناك كراهية تجاة الاقباط دي حقيقة
لا يمكن ان ننكرة..كراهية مش من جميع المسلمين بلقطع بس من شريحة كبيرة .. يجمعاة ارجوكم بجد ضعوا انفسكم
في مكنا من عام 2000 الي عام 2011 اكثر من 150 قتيل من اول حداثة الي وهي الكشح ونتهاء بي احداث مسبيروا

[Mishary Alafasy]

نفـهم كلامك والله، لكـن هنـاك من يـريد التفرقـة، ومعـك حـق فى كل ما قلتـه :)

[iZexo]

لأ من الأخر البتقول إنو بيكرهكو ده يبقى عبيط .. إنو بيضمر وطنو بي إييدو .. و أظن مفيش حد عايز يضمر وطنو إلا لو كان جاسوس ..

أحداث ماسبيرو أنا شايف إنها غلط .. إنتو نزلتو في مظاهرة كانت الأول سلمية و دي كانت تمام .. مع إني مش عارف أهدافها إيه .. الجيش سابكم و ملمسش حد .. بدأ التطرف من الكانو فيها .. يبقى أي حد فيهم يستاهل ياخد فوق دماغو .. صح ولا أنا غلطان سواء كان مسلم سواء كان مسيحي .. ياخد فوق دماغو..

لو الجيش بيكرهكو مثلا مكنش بنا الكنيسة الإتهدد من كام شهر في 25 يوم .. و أظن الكل عارف .. لكن مش كل كنيسة هيبنيها بردو .. هو مش شركة مقاولات ..

إعقلها .. لما تشوف حد بيقول إنو بيكرهكو أو بيعملك وحش .. لكن متفرضش و ما تعممش ولا تقول شريحة كبيرة ..

و بردو زي ما في مسيحيين ماتو في مسلمين أكتر ماتو و في أحداث كتير ..

و مهما إحنا متنا أو إنتو موتو دي أرضنا و عمرنا ما خهنخلص عكس ما ناس منكم بيقولو ..

[MadOmar]

اخي العزيز اشكرك انت على طريقتك المحترمه ثانيا انا مختلف معاااااك جداااا اني في كراهيه بين المسلمين والمسحيين من ناحيه المسلميين عشان احنا كلنا متربييين ان مفيش فرق بين مسلم ومسيحي وصعب جدا انك تلاقى واحد مش مصاحب واحد مسيحييي في شلته او من صحابه بس انا زي ما بقولك في بعض القساوسه بزرعوا روح الفتنه وان المسحيين اقليه والكلام ده وده مش موجوود ثالثا الكنيسه الاخيره مش الاهالى والرعاع الهدوها رابعا انا قلت قبل كده ان الكشح ونجع حمادي مكنتش مشكله طائفيه دي كانت مشكله شخصيه بين عيلتين وبما ان احنا وانتم واحد فعلا وكلنا مصريين مفروض ان اي مشكله بين واحد مسلم ومسيحي منجريييش نقول فتنه طائفيه زي مابيحصل يعني مثلا لو انا اتخانقت في الشارع مع واحد مسيحي والموضوع كبر حيتقاااال ايه .....؟ اكيد ع طول فتنه طائفيه والمسلمين بيتضهدوا المسحييين مع ان في مئات المشاكل بتحصل بين مسلم ومسلم ومحدش بيجيب سيرتها وشكرااا اخي الكريم ع الحوار الراقي

[SoOHisokaOoS]

تمام يا معلم وربنا كلامك مظبوط

[Just_Warrior]

بص يا بوب انت بتقول ان شريحة كبيرة من المسلمين بيكرهو المسيحين وكلامى اصاد كلامك فى مسيحين بيكرهو المسلمين
وانت تقول ان المسلمين بيربو ولادهم على كراهية المسيحين وانا بقلك ان فى مسيحين بيربو اولادهم على كراهية المسلمين وان هما القلة المستضعفة فى الارض
وللرد على الكلام دا
انا كنت رايح مع واحد صاحبى اسمو مايكل مستشفى ملحقة بكنيسة
فا واحنا راكبين التاكس السواق يبقولى ( انت اية اللى موديك فى مستشفى مسيحى وانت مسلم...روح لدكتور مسلم احسن)
انا قلت ( عادى انا بروح للدكتور الاحسن)
السواق قالى (يابنى بلاش دا المسيحي يوم ميكون قلبة صافى من نحيتك هيبقى لون الأسفلت دا)
طبعا كل دا وصاحبى مايكل موجود
انا قلت (النبى صلى الله علية وسلم وصانا خير بأقباط مصر فإن لهم زمة ورحمة)
نزلنا من التاكسى وبقول لصاحبى متزعلش ياض دا شكلو راجل عبيط ومش معنا ان فى واحد من فئة معينة وحش يبقى كلهم وحشين
صاحبى قالى دا على اساس انى اعرفك من يومين ؟؟ احنا متربيين مع بعض ياض وعيب لما تقولى الكلام دا و استنى عليا بس لما نطلع للدكتور وانا هوريك حاجة فلة
المهم وصلنا المستشفى واول لما دخلنا على الدكتور وسلمنا علية
سأل صاحبى اسمك اية
اسمى مايكل
ومين دا اللى معاك؟
دا اخويا
المهم و الدكتور بيتكلم مع صاحبى ..صاحبى سئلة اية رأيك فى اللى حصل فى إمبابة؟؟
الدكتور: هما المسلمين كدا ديما همج واغبياء لازم يولعو الدنيا مش كفاية كمان ان دى بلدنا واحنا سيبنهلهم
__________________________________________________ _____________________________
بعدها خرجت انا وصاحبى واحنا بنضحك على السائق و الدكتور و سعتها تيقنا ان مش معنا ان واحد من فئة معينة وحش يبقى كل الفئة وحشين
وعرفنا ان فية ((((قلة)))) من مسلمين بيكرهو المسيحين وان فى ((((قلة)))) من مسيحين بيكرهو المسلمين
بس اكتر حاجة عرفتها ان انا وصاحبى لسة اصحاب وهنفضل اصحاب بإذن الله
(((((م____س____ل____م)))))

[kero_kerokk]

كل دة كلاك لكم سعت الجد بناكل بعض
يا ريت نعقل شويه

[Dnjoan]

حضرتك بوص اقرب مثال المنتدى بتعنا مبجيش اولك انت مسيحى ولا مسلم مسيحى مش هكتبلك مسلم هكتبلك و مش باولك موضوعك وحش علشان انت مسيحى ولا مسلم و حضرتك المشرفين مبيهتموش انت مسلم ولا مسيحى اثبتلك ولا مثبتلكش حضرتك المنتدى ده ذى مصر كده قعدين مع بعض فى سلام و امان احنا الاعضاء هنا فى مصر انت موطن سواء ايه كان دينك مبهتمش انت بتتعمل مع الشخص الى اودامك بس و موضوع ماسبيرو ده فى يد خارجية هتستفاد من الفتنة لو حصلت فى مصر اعدائك على الابواب مستنين اي لحظة ضعف يستغلوها

[مايكل ماكرم]

ياجماعة انتو مكبرين الموضوع لية كدة المسلم والمسيحى ايد واحدة بس اية المسلمين الابرار بمعنى المسلمين اللى مخهم حلو وطبعا زى مكلنا عارفين ان البلطجية والجيش ايد واحدة
بزمتكو انتو متعرفوش اللى حصل عشان مشغلين القنوات المصرية روحو اتفرجو شوفو هولندا قالت ان الجيش المصرى اعفن جيش ههههههههههههه معلش ياعنى
اللى متعرفهوش ان ربنا بيحب يظهر الحق اتكدب عليكو لان فى فيديو اتنشر واحد كان ماشى بقلم فية كاميرا وصور كل اللى حصل من البداية للنهاية الفيديو دا بيقول اية اولا ان البلطجية دخلو شوارع جانبية والجيش معاهم دخلو العمائر وجابو المسيحين عرفو يمسكو 2 الاتنين دول مؤلكش اطحنو كانو هيموتوا ويعينى واحد بيجرى اتكعبل وقع على وش الرصيف دماغو كانت هتفرقع واية كمان الفيديو كان صوت وصورة الاتنين بيضربو والجيش بيضرب معاهم يحلاوة وكمان فى اتنين بيهدوهم بيقلولهم متموتهمش خلاص كفايا كدة لاحسن حد يكون بيصور ومش هطول عليكو المهم الفيديو وصل لهولندا وكل الدول الاوربية حسب التقارير قالت ان المسيحين على مستوى العالم 3 مليار نسمة المسلمين 1.2 مليار نسمة بزمتكو مش حاسين بالندم على عموم هيا مش فارقة معايا بس حرام اللى حصل وشوفو الجيش المصرى هيتقال علية اية بكرا

[ღ♥:: Beckham::♥ღ]

المشاركة الأصلية كتبت بواسطة مايكل ماكرم عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

ياجماعة انتو مكبرين الموضوع لية كدة المسلم والمسيحى ايد واحدة بس اية المسلمين الابرار بمعنى المسلمين اللى مخهم حلو وطبعا زى مكلنا عارفين ان البلطجية والجيش ايد واحدة
بزمتكو انتو متعرفوش اللى حصل عشان مشغلين القنوات المصرية روحو اتفرجو شوفو هولندا قالت ان الجيش المصرى اعفن جيش ههههههههههههه معلش ياعنى
اللى متعرفهوش ان ربنا بيحب يظهر الحق اتكدب عليكو لان فى فيديو اتنشر واحد كان ماشى بقلم فية كاميرا وصور كل اللى حصل من البداية للنهاية الفيديو دا بيقول اية اولا ان البلطجية دخلو شوارع جانبية والجيش معاهم دخلو العمائر وجابو المسيحين عرفو يمسكو 2 الاتنين دول مؤلكش اطحنو كانو هيموتوا ويعينى واحد بيجرى اتكعبل وقع على وش الرصيف دماغو كانت هتفرقع واية كمان الفيديو كان صوت وصورة الاتنين بيضربو والجيش بيضرب معاهم يحلاوة وكمان فى اتنين بيهدوهم بيقلولهم متموتهمش خلاص كفايا كدة لاحسن حد يكون بيصور ومش هطول عليكو المهم الفيديو وصل لهولندا وكل الدول الاوربية حسب التقارير قالت ان المسيحين على مستوى العالم 3 مليار نسمة المسلمين 1.2 مليار نسمة بزمتكو مش حاسين بالندم على عموم هيا مش فارقة معايا بس حرام اللى حصل وشوفو الجيش المصرى هيتقال علية اية بكرا

احلى حاجة فيك انك سايب كلام الناس الحلو كله وماسك فى ان المسيحيين على مستوى العالم 3 مليار...بس اكيد انت سنك صغير مفهمتش الكلام اللى الناس بتكتبه فى الموضو ع هنا

[MadOmar]

المشاركة الأصلية كتبت بواسطة ღ♥:: Beckham::♥ღ عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

احلى حاجة فيك انك سايب كلام الناس الحلو كله وماسك فى ان المسيحيين على مستوى العالم 3 مليار...بس اكيد انت سنك صغير مفهمتش الكلام اللى الناس بتكتبه فى الموضو ع هنا

هههههههههههههههههه فعلا عندك حق والله

[Maikoo]

يا جماعه يا ريت لو الموضوع يتقفل
و اللى فى القلب فى القلب
ربنا يعدى الايام دى على خير

[! FiRe !]

احيييييييييييييه
يا جدعان القصة عنف ضد النصارى
مش بين المسلمين والمسيحيين
هتدخلو الامور فى بعضيها
عنف من الجيش ضد المسيحيين بس ده الموضوع اللى نتكلم فيه

[Mr_FanToMs]

المشاركة الأصلية كتبت بواسطة _fantastic_ عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

كام واحد مسيحي تعدي عليكم كم جامع هدمنا او مددنا يدنا علية وهو يذكر فية اسم الله كم واحد مسلم اغتلناة وقتلناة حتي في المناسبات

يعني حضرتكم عاوزين تهدموا مساجد ده هو ده اللي ناقص وكمان عاوز اعرفك حاجه

انا كنت مصاحب 4 مسيجين واحد قفل في وشي الباب التاني شتمني في التليفون التالت خلي صاحبه يقولي متكلمهوش تاني ولا ليك اي علاقه بيه والرابع بقوله شوفت المصيبه بتاعت الاقباط مكنشي قصدي حاجه شتمني وكان هايمسك فيا وكانت هاتبقي خناقه لولا الناس هدتنا بس المشكله في اللي شتمني ده بصراحه كر هت حاجه اسمها مسيحيين