عايز أسيب البيت

[Mishary Alafasy]

السـلام عليكم

عـارف إن دى حاجة ممكن تستغربوا منهـا بس أنا إتخنقـت من كل اللى انا شايفه فى البيت من معاملة سيئة من الأهل والإخوة رغم أنى أكبرهم سنـاً ولكن لا حب ولا احترام من الصغـار وطول اليوم لو صيام حتى ما فيش أكل الا على قبل العشـاء زى اليوم ده لسه من ساعة الفجر ما كلتـش حاجة لغاية الساعة اللى باكتب فيها المـوضوع ده وعايز أسيب البيت ده واشوف اى مكان تانى بصراحة واتخنقت من سب أبى وأمى لي وابويا بيفضل ابن عمى الكبير عليا عشان داخل كلية وبيحب يتفرج على الهيافات والخيابات ( المسلسلات وسماع الأغانى ) بيحبوا بعض عشان كـده لكن لو اتكلمت على الصلاة فى المسجد او حاجة من طاعة الله - عز وجل - ولا حياة لمن تنـادى انا محتاج مساعدة منكم كلكـم ولو نصيحة واحـدة

لا حول ولا قوة إلا بالله

[worm2030]

بص يا استاذ لو انتا زى ما بتقول كده عشان الصلاه حاول تصلح منهم و متزهقش و ربنا هيعوضك فى حاجه تانيه لو كانت فى الدنيا او فى الآخره

[body1920]

بص يا غالى بصراحة انا مش متدين زيك (نفسى طبعا ابقى متدين ) وعمرى 16 سنة يعنى اكيد صغير جداا بالنسبة لك بس من رايي انه ( اللى ملوش خير فى اهله ملوش خير فى حد ) وانى كنت اخدت فى المدرسة وفى القران الكريم آية بتقول بسم الله الرحمن الرحيم (وَصَاحِبْهُمَا فِي الدُّنْيَا مَعْرُوفاً) صدق الله العظيم يعنى المفروض مهما حصل من والدك برضة لازم نحبه ونطيعه واكيد لو انت تركت البيت دا هيزعله جدااااااا وبالنسبة لاخواتك اكيد هما متضايقين منك لانك اكثر تدينا عنهم فحاول انك تنصح على خفيف علشان ميغضبوش منك وبالنسبة للفطار حاول تفطر لوحدك على خفيف ولما يتحط الاكل ابقى كل مع الاهل

انا عارف ان رايي ممكن ميعجبكش بس انا حبيت اقول رايي يا غالى فى الموضوع

[♥ ♥.•°YoYo°•.♥ ♥]

لا حول ولا قوة الله بالله

انت عملت موضوع زي ده قبل كده

بص انتا شكلك بتصلي ومتدين وبتاع ربنا واكيد بتصلي فى المسجد خلي الشيخ يكلم والدك ويشوف فى اية
وحاجة تانى انت متفوق فى دراستك
ماهو اكيد فى سبب مخليهم يعملو كدة معاك شوف رأيي ورد عليا

[Mishary Alafasy]

المشاركة الأصلية كتبت بواسطة body1920

بص يا غالى بصراحة انا مش متدين زيك (نفسى طبعا ابقى متدين ) وعمرى 16 سنة يعنى اكيد صغير جداا بالنسبة لك بس من رايي انه ( اللى ملوش خير فى اهله ملوش خير فى حد ) وانى كنت اخدت فى المدرسة وفى القران الكريم آية بتقول بسم الله الرحمن الرحيم (وَصَاحِبْهُمَا فِي الدُّنْيَا مَعْرُوفاً) صدق الله العظيم يعنى المفروض مهما حصل من والدك برضة لازم نحبه ونطيعه واكيد لو انت تركت البيت دا هيزعله جدااااااا وبالنسبة لاخواتك اكيد هما متضايقين منك لانك اكثر تدينا عنهم فحاول انك تنصح على خفيف علشان ميغضبوش منك وبالنسبة للفطار حاول تفطر لوحدك على خفيف ولما يتحط الاكل ابقى كل مع الاهل

انا عارف ان رايي ممكن ميعجبكش بس انا حبيت اقول رايي يا غالى فى الموضوع

جزاك الله خير الجزاء على رأيك

المشاركة الأصلية كتبت بواسطة y0y0_we_bs

لا حول ولا قوة الله بالله

انت عملت موضوع زي ده قبل كده

بص انتا شكلك بتصلي ومتدين وبتاع ربنا واكيد بتصلي فى المسجد خلي الشيخ يكلم والدك ويشوف فى اية
وحاجة تانى انت متفوق فى دراستك
ماهو اكيد فى سبب مخليهم يعملو كدة معاك شوف رأيي ورد عليا

جزاك الله خيراً

[kokehk]

بسم الله الرحمن الرحيم

حاول تخليهم يمشوا زيك بالمعروف يعنى خليهم يتفرجوا على برامج دينية وان شاء الله ربنا يهديهم ويهديك الى الطريق المستقيم متسبش البيت ولو ابويك مسمعوش لكلامك حاول انك تهدي ابن عمك ده انت اللى تاثر فيهم ولازم تخليهم يحبوك لان رضا الوالدين مهم جدا لان لو امك وابوك مش راضيين عنك مش هيتقبل الاعمال وبردوا اعمل زى استاذ y0y0_We_Bs ما بيقول وربنا يهديهم ويهدي الجميع ان شاء الله

[Mishary Alafasy]

أرجـو حـذف المـوضـوع