[ شرح ] طريقه عمل الايبوت بالنظام الجديد وسبب عدم الخوف من البلوك

[Hard_2_Die]

السلام عليكم ورحمه الله وبركاته

طبعاً الموضوع باين من عنوانه

انا هشرحلكم إزاي الاي بوت شغال

بصوا يا شباب سيلك رود الي انت شايفها دي كلها بجلاله قدرها عباره عن شويه ارقام غريبه وعجيبه

بتتبعت للعبه الي انت فاتحها علي الجهاز عندك فيظهرلك كل حاجه حواليك

فالسيرفر بيبعت شويه بيانات مسميه بي (packets) واللعبه بترد علي السيرفر ببيانات تانيه مختلفه عنها إسمها (packets)

علي سبيل المثال لو انت فتحت party matching فاللعبه هتبعت للسيرفر بيانات بتطلب فيه البارتي ماتشينج الي موجود عندها في السيرفر فيقوم السيرفر يرد علي اللعبه ويبعتلها البارتيهات الي معموله .
--------
مثلا انت جيت تمشي
فاللعبه بتبعت للسيرفر إحداثيات الخطوات الي انت عملتها ويقوم السيرفر رادد عليها ويأمرها بتحرك الشخصيه
-------------------

طب تعالي بقي نطبق الكلام ده علي الاي بوت و HS الجديد

- سيلك رود بتطور حمايتها يوم بعد يوم ضد البوتات الفري والغير رسميه يعني انا بتكلم عن اي بوت غير ال S-bot
فهي عملت نظام جديد ان أي حد يستخدم بوت يجيله ديس كونكت وده بسبب ان اي بوت فري بيستخدم الارسال والإستقبال المباشر يعني يرسل للسيرفر بنفسه إحداثيات الحركه الي عاوزها بنفسه ويخلي الكلينت يستقبلها علشان ينفذها
فالهاك شيلد بتاع اللعبه بيقفش الحركه دي لانه بيراجع إرسال الكلينت للسيرفر وإرسال السيرفر للكلينت فبيلاقي إن الكلينت مبعتش حاجه ومع ذلك إستقبل بيانات علشان كده بيجيلك ديس كونكت

فالمبرمج الي بيبرمج الاي بوت مكنش عارف حل للحكايه دي ومش عارف يتخطها فوصل لحل جميل وزكي جداَ
وهي
إنه يعمل عااازل بين الكلينت والسيرفر والهاك شيلد
طب يعمل كده إزاي
اقولك انا يا سيدي اولاً يخلي الايبي بتاع اللعبه ايبي لوكل يعني 127.0.0.1 وطبعاً مش أي حد هيفهم يعني ايه لوكل غير اصحاب المواقع والمنتديات (بس عامه لوكل يعني محلي يعني لو انت عملت موقع علي الايبي المحلي محدش غيرك هيشوفه) بمعني أصح فصل اللعبه عن النت نهائي
هو انت بتشتغلنا ياعم ما احنا بنفتح وبنلعب عادي
هقولك اه بتفتح وبتلعب معايا بص يا سيدي
وظيفه HS انه يفتح كلينت مباشره بالطريقه الطبيعيه علشان يتخطي بيه نظام الهاك شيلد في إنه يراجع البيانات المرسله من الكلينت للسيرفر ومن السيرفر للكلينت

طيب بعد ما نجح في إنه يضلل الهاك شيلد ناقص إيه
مش ناقص حاجه عمل هو حاجه ظريفه جداً
خلي الاي بوت
يستقبل البيانات بتاعت السيرفر بطريقه غير مباشره بقي ياخدها من HS ويقوم الاي بوت باعت البياانات دي للكلينت الي هو سيرفر محلي
تعالي نشوف طريقه ارسال وإستقبال البيانات الاصليه (الي من غير بوت)

إرسال
Client ---> HackSheild--->server
إرسال رغبات اللاعب ----> مراجعه الطلبات ----> إرسالها الي السيرفر
إستقبال
server--->Client----HackSheild
إرسال البيانات من السيرفر ----> ارسالها الي اللعبه ---> مراجعه تنفيذ البيانات كما أرسالها السيرفر



بص معايا دي طريقه إستقبال البيانات (في حاله إستخدام البوت)
server --->orginal Client -----> Hack Sheild ----->HS------Ibot----clinet
طريقه إرسال البيانات
Client --->IBOT----->HS----->Orginal Client---->Hacksheild ----Server

ال Orginal Client ده الكلينت الي بيفتحه ال HS
فمثلاً
عاوز تفتح البارتي ماتشينج بتدووس في الكلينت E تفتح القايمه بتاعت البارتي
الكلينت الاي بي بتاعه محلي
نفس الاي بي بتاع الاي بوت
يعني الكلينت بيبعت البيانات للاي بوت مش للسيرفر
الاي بوت ياخد البيانات من الكلينت يبعتها لHS ويقوم الHS باعتها لي Orginal Client ويقوم ال Orginal Client بإرسال الرغبات بطريقه شرعيه للسيرفر يراجع الهاك شيلد العمليه يلاقيها ماشيه بطريقه شرعيه
فيستقبلها السيرفر ويرسل الرد للOrginal Client (وطبعا HS مراقب البيانات الي بتتبعت لي Orginal Client فيقوم باعتها تاني للاي بوت والاي بوت يبعتها للكلينت الي مفتوح علي اللوكل)

علشان كده الاصدار ده أأمن إصدار نزل من الاي بوت
يارب تكونوا فهمتوا الفكره كلها

ملحوظــــــــــــــــــــــــــــه اوعي تستخدم ال IBOT بعد الاب ديت الي جي يوم ال 3 جي محدش عارف ممكن يطوروا في الحمايه إيه

يارب الموضوع يتم تقيمه :)

[AL0N3CowBoy]

الف شكرا على الموضوع الجميل دة يا باشا !!!

[xXxmErOxXx]

موضوع عظمه بس انا مستنى المشرفيين الى فى سلك رود 4 عرب يقتنعوا بيه علشان لو اقتنعوا بيه همشى بيه
تقبل مرورى

[kiro alsohagy]

والله يا باشا جهد زى الفل وشرح عسل ربنا يخليك يا شيخ طمنتنا على الاكونتات .

[semry]

شكرأ ياباشا هى وجهه نظر برضو ممكن تكون صح وممكن تكون

على العموم تشكر لانك بتفكر فى الناس وعملت الموضوع والشرح الجميل ده

مشكوررررررررررررر ياسعاده الباشا

[MoST_WanTeD]

تمام شكرا علي الشرح بس احب اضيف حاجة مفيش اي بوت ولا فري ولا بفلوس joymax موافقة عليه الحوار كله ان مبرمجين ال sbot عارفين يعدو الهاك شيلد من غير الحوارات دي

[E_L_BR_E_N_S]

شرح جامد جدا وانا متفق علي كلام الباشا الكبير بتاعنا MoST_WanTeD وربنا يكفينا شر البلوك

[golden]

واللة يا رجلة البوت علي هكر :w orthy:

[™_MoameN_™]

تشكر يا باشا

[_Sasuke_]

بجد شكراا على الموضوع الجامد ده

[mosta1598]

شكرا يا باشا على الشرح

[yami&yugi]

اممم طيب ياصاحب الموضوع الكل بيقول ان الكلانيت اتعملوا ابديت..طيب انا لسه شغال بالاي بوت النسخه القديمه الي قبل حكايه الـHS server. ومن غير disconnect.

فيه خطر ؟

[Hard_2_Die]

مع نظام الحمايه الجديد أكيد توقع كل خطر والله أعلم

[TrHell]

المشاركة الأصلية كتبت بواسطة ميرو عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

موضوع عظمه بس انا مستنى المشرفيين الى فى سلك رود 4 عرب يقتنعوا بيه علشان لو اقتنعوا بيه همشى بيه
تقبل مرورى

+1

[yami&yugi]

المشاركة الأصلية كتبت بواسطة Hard_2_Die عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

مع نظام الحمايه الجديد أكيد توقع كل خطر والله أعلم

غريبه..ليه انا الوحيد الي في العالم بستخدم الـIBot النسخه القديمه وولا مره جاني Disconnect

يمكن لاني مطبق شرح الأخ BlackEagle عن ايقاف عمل الهاك شيلد في الموضوع ده :

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]