اممممممممممممممم

[__BarOna__]

السلام عليكم .............



انا فى حاجة محيرانى و عايزة اعرف ازاى كل واحد فينا عرف سيلك رود




مثلا عن حد يعرفو و لا ايه



او ممكن يكون اول مرة يشوفها فى حياتووو



كل واحد يكتب ازاى عرف سيلك رود


و ايه اكتر لعبة بيحبها

[‏™_AhMeD AkRaM_™]

اول مرة شوفت فيها سيلك رود كنت في 3 اعدادي في السيبر اللي جنب البيت

[zapoza]

خوي في المدرسة قلي في لعبة نازلة و ايش رايك نلعبها ... و من ساعتها و انا بلعبها و هوا بطل (( كلام قبل 4 سنين اظن ))

[masterlo66]

انا بلعب اللعبة من 2006 كنت رايح انزل اغانى من السيبر على الكمبيوتر بتاعى من السيبر الى جنب البيت وشوفت اللعبة هناك بس مكنتشى غير واحد بيلعبها بعد ملعبتها وصحابى شفونى بعديها باسبوع كان فى اكتر من 50واحد فى البلد بيلعبها والسيبر مش ملاحق انا بلعبها من 6ابتدائى

[netm0]

في موضوع مكرر في القسم
و دا اقتباس ردي هناك

انا بدات العب سيلكرود من يوليو 2009 ايام ما كانو بيعلنو عن ابديت الRoc و كان ليا 3 اصحابي بيلعبوها قبلي من سنتين كل ما نتجمع و نقعد مع بعض يتكلمو في اللعبه لغايه ما قررت انا كمان العبها

اول ما فتحت اخترت سرفر Pheonix علشان اسمو كان حلو و وصلت لفل 7 (( كنت يوميها منشكح اوي و فاكر اني عملت اللي محدش عملو )) و اخترت الStaff بتاع الwizzard علشان كان شكلو عاجبني

صحيت اليوم اللي بعديه قالي صحبي تعالي سرفر Uranus احنا هناك و هنلفلك و هنشخلعك
قولتلو و التعب اللي تعبتو
قالي تعالي يا عبيط
فقولتلو ماشي


فا قررت العب Wizzard cleric و اعت اللفل .......اللفل...... اللفل ..... اللفل
لغايه ماوصلت لفل 30
قابلت بنت رومانيه كانت لفل 42 المهم اتصاحبنا و كانت كل يوم تيجي تاخدني و تلفلني في الHuns و تعلمني اللعبه لغايه ما شارت عليا شوره عوره
قالتلي انتا كدا ضعيف جدا و لازم تزود شويه في الHp فقولت ماشي

المهم الكاركتر باظ و مسحتو
و قابلت واحد بالصدفه في المدرسه بيلعب سيلكرود قلتلو عايز اعمل شخصيه جديده
قاللي
عليك بالRogue يا هذا انه الانفع لك
قلت ماشي ... توكلنا علي الله

قعد اللفل .....اللفل....اللفل....اللفل تاني
لغايه ما وصلت لفل 72 (( و دا كان اخر يوم في الاجازه يعني من 6 شهور )) و كنت فرحان اووووي و الكراكتر عمل صحوبيات و الناس حبتني و عرفتني و شحنت 2 افاتار علشان اجهز لل Comming soon انني هرجع بعد الدراسه و اوصل لفل 110 و اكون Full nova


و جائت الصاعقه الهوجاء


اكتشفت انني ناسي الSecret answer

علي طول
سجلت في منتدي Silkroad4arab و هجمت علي المشرف بتاع قسم اسال و استشير هناك بي 5 مواضيع

3اتحذفو.... و اتنين مجهولو المصير

إلي ان ايقنت انني خلاص......ضاع الاكونت

و من يوميها ونا معنديش اكونت رئيسي
فا قررت الComming soon تاني

عملت اكونت جديد و كتبت كل بياناتو في ورقه
و شحنت 300 سيلك و جبت افاتار و Devil spirit S و اتفقت مع ابن الحلال يعملي 4.5 Million SP فارم و هبدا كمان شهرين ان شاء الله
الناس في سرفري عرفني بي
netmo (( الRogue لفل 72 ))
Ultimate_War (( كاراكتر نووب لفل 34 معاه الavatar و الdevil spirit S ))
بسلي نفسي بيه كدا لغايه ما ابدا فارم

******************************

بس كدا
هيا دي قصتي في سيلكرود



Comming soon server Uranus

[Algra]

هههههههههههههههههههههههههههههههههههههههههههههههههه ه والله انت شاب زي العسل ... ربنا يبارك لك .

انا بقي ابتديت العب سيلك رود من 2005 شهر 4 تقريبا .. كنت قاعد فى امان الله بلعب Conquer مع واحده زي القمر عرفتني ع اللعبه من شات كتابي .
المهم اخويا الصغير جه في يوم وقالي فى لعبة كذا كذا كذا وفرجني علي كذا فيديو ليها .

مدخلتش دماغي .. راح منزلها من ورايا فكنت كل ما احاول ادخل يقولي You have been Disconnected from the server .
افتكرت ان فى مشكلة عندي فى الجهاز .. مفتحتهاش .. وخصوصا حكاية الكود اللي كان بيتكتب دة كان بيذلني ذلة الكلاب .
كان فى برنامج بئا يا ريس قبل ما rev6 ده يطلع .. فيه عدد اللاعبين فى السيرفرز كنت اكتب الكود ومش ادوس Enter واستني وافضل متنح للبرنامج علشان اشوف مكان فاضي وهوبا انط .
المهم ابتديت في Hera عملت واحد Warrior كان اسمه Rahhal وصلت لـ لفل 8 وكنت همووووووووت واركب حصان .
عمال يمين وشمال لحد ما طلعت 10 وبقيت فرحان وجريت اشتريت حصان ولما نزلت من عليه لاقيته اختفي .
ادور ع الحصان علشان الاقيه !
مش لاقيه
الاكونت ده كان يا معلم كل لفل ارفع 2 Str و 1 int عملت له دليت ^^
في يوم كنت قاعد الفجر لاقيت سيرفر وحيد اسمه Mars فاضي
بقيت كل يوم ادخل فيه
عملت واحد Glavier وكان مهيبر ههههههههههههههههههههه مكنتش اعرف حكاية ال Str و الـ int
عرفت واحد كندي ده ظبط لي كل حاجه وعلمني ازاى اعمل Gap مكنش لسه حوار الـ Farm ده طلع .
كان حلمي اني احوش مليون علشان اشتري Wolf .. عملت اول مليون وانا لفل 21 وجبنا الـ Wolf
والراجل الكندي ده الله يمسيه بالخير
علمني ازاى اساعد الناس وازاي ادي ومستناش مقابل واساعد البارتي حتي لو كنت هموت
لحد ما رحت 77
. فضلت انا ع الحال دة لحد ما جيت اغير الباس !
فييييييييييييين ال Secret لووول
مش فاكرو
وبعدين
اعمل ايه
ده الاكونت مع واحد تاني وانا مش عاوزو يفتحو
يمين شمال لاقيت صاحبي الكندي ده راح سيرفر تاني
وواحد تاني برضه كان صاحبي كندي برضه راح وراه
وانا اتشحورت
رحت اتسليت شوية فى Ecsro وبعدين رجعت علي Persia
ودلوقتي ربنا يسهل اهه داخلين علي lvl 92
وعارف الـ Secret Q الحمد لله

[amrdiabfirst]

نيتمو / الجرا

هههههههههههههههههههههههههههههههههههه
بجد ضحكتونى واحد بيدور على الحصان راح فين والتانى واحده شارت عليه شوره عور
هههههههههههههههههههههههههههههههههه
انا عن نفسى كنت صاحب سيبر
وكنت مقضيها ميدل وايه الدنيا عسل كنت فى 2004 او 2005 تقريباً
لحد لما جه واحد ابن حلال كان جايلى علشان ابعتله الهجره بتاعت امريكا


وقاعدنا جنب بعض قالى بقولك ايه انا هنزلك لعبه اخليلك السيبر ده يشتغل نار قولتله اوعى تقولى كونكر دى لعبه انا بات.........ن منها

قالى لا دى حاجه احسن منها بكتير قولتله ايه قالى استنى يا معلم ضرب فلاشته فى الكمبيوتر بتاعى ونزل قالى اهى سيلك رود استنى بس هنعملها ابديت قولتله عيش دخل قالى بص هوريك الاكونت بتاعى
:flex:
وافهمك اللعبه ازاى وبعدين اشرحلك كان معايا اتنين اصحابى فى اليوم ده قولناله اوك عيش دخل اوب لفل 26


دخل عند التيجر ويجرى ونشوف الجاينت انا واصحابى نقول اوبا الحق واجرى والواد يقولنا بصه انا بضرب ازاى ده كان هيموتنى ومش عارف ايه


وبعد كده عملت اكونت انا الاول واصحابى كانه بيفكره معايا هنتعلم ازاى قشطه لحد كده
مشى الواد ودخلت دماغى اللعبه قاعد اخبط والعب واعمل هنا وهنا طبعاً اول اكونت باظ
منى فى الاس تى ار وكده


لحد لما اتعرفت على بنت فى اللعبه


فهمتنى برضوا الدنيا ايه كانت لفل صغير برضوا بس فهمتنى ابتديت افهم والعب وعرفت مؤخراً ان الواد اللى علمنى اللعبه ده كان بيشتغلنى

اوبببببببا انه كان اكونت تعبان ومهيبر وكل لما يجى يشتغلنا ويفهمنا ان الاكونت بتاعه ده معجزه

ابتديت العب وافحت فى نفسى لحد لما عملت شخصيه نيكور ووصلتها لفل 52 وهنا كانت الفجأه

قفلت السيبر وسبت اللعبه سنتين وقررت ارجع تانى اشتريت اكونت نيوكر بروضو لفل 80 ووصلته لفل 90 ولاقيت المفاجئه التانيه

ان الصينى راحت عليه ولازم اعمل اوربى علشان اعرف اعلى وادينى دلوقتى بعمل اكونت ويزرد كيلارك وبفرمه ووصلت 500 الف لحد دلوقتى وياعالم ايه اللى هيحصلى تانى

[__BarOna__]

شكرا على ردودكو الحلوة و لاكنها لوكلوك خااالص بس حلوة



مين بئة باباه و ممته بيحبو سيلك رود ؟؟؟؟

[Algra]

انا عايش لوحدي بس معتقدتش ان ماما وبابا هيحبو سيلك رود

انا الجيلد بتاعي كله فرنسي ، انا الوحيد اللي مصري في الجيلد
بنتكلم فرنش زي الفل ولسه مش كشفوني
معايا فى الجيلد اكتر من عيلة اب وام وولادهم بيلعبوا مع بعض
الام والله Wizz / cleric و الاب واريور بيعمل Lure للبارتي و اولادهم بقي دلع .. مقضينها بارتي 24/7