خمس دقائق بس

[pegasus5457]

يا شباب طبعا انا عارف ان اى حد خيش يقرأ الموضوع ويمشى علطول وممكن كمان من غير ميكمل قرايته بس ياريت تكمله حتى وتقعد مع نفسك خمس دقائق بس قبل ما تفتح اللعبه تانى . انا النهارده قررت انى مش حفتح اللعبه ديه تانى وامسح الاكونت بتاعى من اللعبه .انا كنت فى صلاه الجمعه النهارده والشيخ قال جمله هزتنى اوى وهو ان كل واحد فينا حيقف قدام ربنا ويساله عن كل دقيقه قضاها فى حياته وكل مليم جابه منين وصرفه فى ايه وكل لحظه وكل نظره من عنيه بص على ايه فيها وكل كلمه قولتلها اسجلت انتم متخيلين يعنى كل كلمه قولتها عتتسأل عليها وعلشان كده انا قولت طب انا لما اقف قدام ربنا ويسألتى على الساعات اللى قعدت فيها قدام اللعبه وسبت الصلاه وسبت قرايه القران حقوله ايه بذمتك ودينك يا اخى حتقوله ايه فكر كده وعلى فكره انا مش شيخ ولا حاجه ولا متعصب ولا حاجه ناا برده بفوت صلاوات ومش كامل يعنى . وكمان الاسوأ الفلوس اللى ناس بتدفعها علشان اللعبه فى شرا السلكات طب حتقوله ايه يوم القيامه لما يسالك عنها حيقولك متبرعتش بيها ليه لصالح حد فقير ولا خلتها معاك حتى صرفتها فى حاجه تنفعك حيسألك الوقت اللى انت ضيعته فى اللعبه مقعدتش ليه تتعلم على الكمبيوتر حاجه تنفعك ولا برامج ممكن تحتجلها فى شغلك بعد كده ياريت الناس متتضيقش منى انا فعلا مش عارف حقوله لربنا ايه حقوله كنت بسلى وبضيع عينى و نظرى وصحتى وفلوسى وسبت صلاتى و قرأنى وقعدت قدام ( لعبه) ياريت يا شباب كل واحد يقعد خمس دقائق بس يفكر فيها ويتخذ خطوه ممكن تدخل بيها الجنه والله وتمسح كل علاقتك باللعبه وتمسح الاكونت بتاعى علشان متكنش فيه رجعه للعبه وحتقولى انا تعتبت فى اللعبه وقضيت فى وقت وسهر وفلوس حقولك انت كل ما كنت عندك حاجات كتيره فى اللعبه ربنا حيعوضك خيرمنها فى الدنيا وحيبدلك بكل حاجه معاك فى اللعبه حسنات لانك ضحيت بده كله فى سبيل رضى الله يارب اكون حتى عرفت اهدى واحد بس وخليته يبعد عن اللعبه يارب وياريت اللى عنده تعليق يقوله يمكن فى حاجه غلط انا قولتها وانا متشكر للى وصلوا للجمله الاخيره لانى عارف ان كتير اول ميخشوا ويلاقوا ان الموضوع ملوش علاقه باللعبه حيطلعوا من غير ميكملوا سطر حتى .

[khaled007]

بارك الله فيك والله كلامك صح

[aiman8]

يا ريت تقرا الرد بتاعي كويس !!! . بص يا صاحبي . مش معنى ان ربنا هيسالك انت قضيت وقتك في ايه يبقى تقضي وقتك كله تعب وصلاه وقران لأنك لازم هتزهق . يعني انت لازم ترتاح شوية . وبعدين اما تكون قاعد قدام سلك رود شوية احسن من اما تكون قاعد كدة من غير اي حاجة والشيطان يبتدي عليك ويخليك تمارس العادة الس**ية اي تبص على بنات او على مواقع اباحية . وبعدين اما تكون قاعد قدام سلك رود ومتقومش تصلي او متقراش قران ده حرام , يعني قسم وقتك احسن . في النهاية احب اقول < اذا كنت عايز تعبد ربنا صح قسم وقتك بين عملك و اللعب و العبادة بس العبادة الاول طبعا , لكن متجيش تكون بتلعب وتسمع الاذان وماتقومش تصلي وفي الاخر تيجي تقول انا مش هلعبها تاني>
اسف اذا كنت قولت كلمة قبيحة !!! بس اشكرك على الموضوع ...
] السلام عليكم ورحمة الله وبركاتة [ .........

[aiman8]

في خطأ في كلمة >>> او تبص على بنات <<< مش >>> اي تبص على بنات <<< اسف على الخطأ .....

[foly2010]

أنا في شوية كلام مش مقتنع بيهوم
و عل عموم شكراً