حاجه جمده موت

[mody204]

حبيبتي أنا حأطلب بيتزا ، عايزة حاجة ؟



هي:

لا يا حبيبي



هو :

اوكي



هي:

ولا اقولك ..؟



هو:

ها ، أطلب لك كمان ؟



هي:

مش عارفة



هو :

مش عارفة اذا كنتي عايزة ؟



هي:

لا



هو:

انتي جعانة ؟



هي:

يعني



هو :

يعني إيه يعني...؟



هي:

يعني مش متأكدة اذا كنت جعانة ولا لأ.



هو:

الواحد لما بيكون جعان بيعرف



هي :

لأ بس يمكن اجوع بعدين



هو:

يعني اطلب لك بيتزا؟



هي:

طيب واذا ما كنتش جعانة وقتها..؟



هو :

ما تاكليش



هي :

بس ده كدة يبقى تبذير



هو:

خلاص ، تبقي تاكليها بكرة



هي:

و اذا ما كانش لي نفس آكل بيتزا بكرة؟



هو :

مش محتاجة نفس ، الواحد عادي ممكن ياكل بيتزا كل يوم



هي:

انا لا .. أنا مش باكل بيتزا الا لما يكون عندي نفس للبيتزا



هو:

طيب بلاش ، أطلب لك حاجة تانية؟



هي:

بس أنا مش عايزة حاجة تانية



هو:

يعني عايزة بيتزا؟



هي :

لا



هو:

يعني مش عايزة حاجة؟



هي:

لأ برضه



هو :

جننتيني ، طب أعمل إيه؟



هي:

اطلب انت لنفسك



هو:

الحمد لله ، اخيرا .. ماشي ..



هي :

بس اطلب بيتزا بالتونة



هو:

نعم ؟ انا مش بحب البيتزا التونة



هي:

بس انا بحبها



هو:

وانتي مالك ؟ هو انا حاطلب ليا ولا ليكي



هي:

ليك طبعا



هو:

طيب أطلبها ليه بأة بالتونة...؟



هي:

يمكن اجوع لما يوصل الاكل



هو :

وبعدين؟



هي:

يا سلام ، يعني تفتكر آكل حاجة مش عاجباني؟



هو:

ليه هو انتي – أصلاً - عايزة تاكلي؟



هي :

ليه لأ ؟



هو:

يا مثبت العقل .. هو أنا حاطلب بيتزا لي , عشان احتمال انتي تاكليها اذا كنتي جعانة؟؟



هي:

بالضبط



هو:

وأنا بلاش آكل؟



هي:
يمكن وقتها أكون مش جعانة







ملاحظة



محكمة الجنايات قررت تبرئة الزوج من تهمة

"قتل الزوجة مع سبق الإصرار والترصد"

وتحويل التهمة إلى ..

"قتل الزوجة دفاعاً عن النفس"

منقول
:p :p :p :p :p :p :p :p :p :p :p

[wawa]

gamda.....

[hellman]

الموضوع مكرر

بس القصة فاجرة بصراحة
هههههههههههههه

[maxman141]

جامده اوىىىىىىىىىىىىىىىىىىىىى

[mody204]

مشكرين علي مروركو

[The_Tornado_]

جامده

[Spiderman244]

ههههههههه شكرا

[hany_tiger]

عندة حق القاضي يحولها برائة

[pepopnd2010]

ههههههههههه كويس انة اكتفى انة يموتها بس و القاضى ليه جق الراجل كان حينتحر

و مشكور على القصة الجامدة دى :)

[mody204]

العفو يا مان
ومشكورررررررر
علي مرورك
انت و كل الي كتابو ردود

[mody204]

المشاركة الأصلية كتبت بواسطة hellman عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

الموضوع مكرر

بس القصة فاجرة بصراحة
هههههههههههههه

ممكن تجبلي الرابط بتاع الموضوع الاقدم من ده