ظهرتواا علي حقيقتكم

[Yass.ThMuslim]

المشاركة الأصلية كتبت بواسطة desoky

حاجه غريبه جداا
اكيد بردو انتوا اخدين بالكم منها
افتح اي موقع الاقي الاخوان المسلمين بيقولو نعم للتعديلات الدستوريه
انزل الشارع الاقيهم عاملين استيكرات نعم للتعديلات الدستوريه
ااغير الشارع وامشي في الشارع تاني الاقيهم ركبين عربيات نقل وحطين عليها مايكروفون وبيقولو نعم للتعديلات الدستوريه


سؤال بقي لييه موافقين علي التعديلات فييين كلمه لاء اللي انتوا مشهورين بيهاا
راحت فيين الكلمه دييه من قاموس اللغه العربيه اللي عندكم يا ااخوان
يااااااااااااااااااااا
اخيراا ظهرتواا علي حقيقتكم
انا بقي عارف لييه انتوا موافقين علي التعديلات
لانكم حاليا اكبر كتله سياسيه او حزب سياسي منظم في البلد وبالتالي
انتوا محتاجين ان انتخابات مجلسي الشعب والشوري تقام في اقرب وقت لكي يكون لكم اليد العليا في هذه الانتخابات
مش هو ده بردو المراد يا حبايبي يا حلوين
والله والله والله حلال اللي كان بيعملوا السادات فيكوااا

ازاي ازاي موافقين علي دستور بيدي لرئيس الدوله صلاحيات ( شبه الاهيه )
اييه مقرتوش الفصل الخامس في الدستور اللي انتوا موافقين عليه
وبعدين انا عايز اافهم حاجه هو انتواا مش كنتواا بتنادو باعلي صوتكو وسط الناس وبتقولو
الشعب يريد اسقاط النظام
يعني ايه اسقاط النظام .. يعني ايه نظام دوله
حكومه + برلمان + دستور = نظام دوله

وبعدين عايز اسئل عن حاجه تانيه
يعني ايه ثوره
الثوره تعني
1 ) انتقال السلطه الرئاسيه للمجلس الاعلي للقوات المسلحه ومن ثما انتداب قائد عسكري من المجلس لاداره شئون البلاد او انتقال السلطه لمجلس رئاسي من حكماء البلد
( معني الكلام ده ان القوات المسلحه ممكن تحيل السلطه مجلس رثاسي وترجع مكانها تاني )
2 ) تعيين حكومه لتسيير الاعمال ( وذلك للحفاظ علي امن الدوله داخليا والحفاظ علي عجله الانتاج .. )
3 ) الغاء الدستور ( وديه طبعاا واضحه ومش عايزه كلام )
4 ) انتخاب جمعيه لتاسيس دستور جديد
5 ) اطلاق حريه تاسيس الاحزاب
ده معني الثوره في كتب كليه العلوم السياسيه

نفسي افهم بقي لييه مش عايزين نعمل دستور جديد متهيئلي انا بشرح معني الثوره جاوبتك علي كل الاسئله اللي بدور في دماغك

وبعدين اللي خلاك تعمل استفتاء من اول اسكندريه لاسوان كنت عمل انتخابات جمعيه لتاسيس دستور جديد
يا جماعه حراام عليكواا احنا مش كل يوم بنعمل ثوره خلينا نستفيد من الثوره ديه اكبر استفاده ممكنه

ورغم كل ده انا واثق ومتاكد ان التعديلات الدستوريه هيه اللي حتمشي وده طبعاا بسبب ان الاخوان عددهم كبيير جداا
وده حيبان في الاستفتاء وحتشوفو بعيونكم
وعايزز ااقولكم ان شكل مجلس الشعب يبقي ..
ثلث الاخوان المسلمين ثلث الحزب الوطني ثلث باقي الاحزاب
وترجع ريما لعادتها القديمه

اولا : مش من حقك تغلط فى الاخـــوان ... ومش عارف الموضوع متمسحش لـــيه !!
ثانيا : احب أقولك انك مش فاهـــم أى حاجه فى أى حاجه ..
ثالثا : فييــن المواد اللى فى الدستور .. اللى بتدى الوهيه للحاكم ؟!! ولا كلام وخلاص بالعكس ... الماده ( 77) .. اللى كانت بتسمح للحاكم الحكم فتره غير محدوده .. تم تغيرها .. وبقت الفتره 4 سنين وفترتين بحد أقصــى .. عــرفت بقى انك بتكلم وخلاص ؟!
وطبعا ... الاخوان زى ما انتا بتقول عايزين يبقى هما الاغلبيه لان ده من حقهــم ... لانهم اتظلموا كـــتير ده غــير ان السبب الرئيسى كالأتى ..
انتا عارف معظم اللى بيقول عايز دستور جديد زى البرادعى او ايمن نور الـــخ ... عايز دستور جديد ليــه ؟
علشان لما يعملوا دستور جديد يشيلوا الماده رقــم (2) ... طبعا اللى بيجرى ورا كده مش المسيــحين ...
لا دى فئه اسمهم ... العلمانيـــن وللأسف بيندرجوا تحت اسم الاسلام ... والمسيحيه ايضا .. يعنى يقولك انا مسلم علمانى او مسيحى علمانى ...
عــرفت ليه الاخوان موافقين على التعديلات الدستوريه ؟!! لحمايه الدوله والماده رقم 2
انتا عارف لو الماده رقم 2 اتشالت ايه اللى هيحصل ؟ طبعا هنبقى زى أمريكا ..القمار .. والدعاره .. والبيــره على ودنــه ... ولا ده اللى انتا عايزه ؟!
وبقولك اذا كنـــت مسيحــى وعايز تشيــل الماده رقــم 2 ...أحب اقولك ان الاسلام هو الدين الوحيد الذى يضمن للمسيحين حريتهم الكامــله وعدم الاتجاه اليهم بأى سوء .. وده باعتراف من قساوسه ومعظم المسيحين ..
ودى التعديلات الدستوريه ... وتعديلات جميله جدا ..... ويا ريت تقولى انتا عايز ايه زياده عن كده فى الدستور الجديد .. ما دام انتا موافق على ان لازم يتعمل دستور جديد ؟!! فى حاجه زياده عن كده عايزها !! .. ولا انتا عايز تغير الماده رقم 2 ؟ ...


اظن معتش فى كلام بعد كده ... ويا ريت لا تستهزء بحد .. وتقول رأيك باحترام ...
وطبعا .... نـــــــــــــــــــــــــــــــــــــــــــــــــ عم للتعديلات الدستوريه ... ده رأى .. وانتا كمان من حقك تقول رأيك بس من غير تجريح فى حد ... لان الاخوان عمرهم ما غيروا ولا هيغيروا رأيهم .. والمفروض نديلهم فرصه ومتخفش الاخوان مش بـــعبع ..... الا اذا كانت فى حاجه تانيه خالص فى دماغك ..( تغير الماده رقم 2) او انك ( علمانى )
اه كنت هنسا أقولك أخر مجلش شعب انتا كنت شايف ... اصل انتا بتقول تلت اخوان وتلت حزب وطنى وتلت احزاب تانيه ورجعت ريما لعادتها القديمه ..و احب اقولك ان مجلس الشعب كان 99.9 % حزب وطنى ...
والاخــوان بيقولوا ............ لا........ على الفســــــــــاد
مع العلم ... انا لا انتمى لأى حـــزب .. انا بقول الحـــق ...