ليه تسوء سمعة بلدك فى اللعبه ؟؟

[جاك سبارو]

فى كل زمان ومكان من بداية الالعاب الاونلاين فى مصر تلاقى ناس مننا بتسوء سمعة المصريين لو لاقيت سكامر يا اما تلاقيه مصرى اوتركى ملهاش تالت وحاجات كتيير اضطريت احذفها احتراما لطلب الاعضاء السؤاال ليه تبقى وحش اوى كده ؟؟ ليه منبقاش احسن ناس واحلى معاملة ؟.ليه كده تحرمونا ليه من ان الواحد يتشرف انه مصرى فى اى لعبة لدرجة لو فى بيعه ولا حاجة تتكسف تقول انك مصرى لا يتقال عليك سكامر وكل شوية يطلع جلوبال يحذر من فلان المصرى .. والعجيب ان علاقة المصرى مع المصرى سيئة جدا الا مارحم الله علشان مش نعمم فى ناس محترمين بس للاسف الوحش بيغطى على الحلو تلاقى المصرى لما يتعامل مع الاحنبى يلوء لسانه بكلمتين حفظهم ونبقى فى بارتى واحد مثلا وتيجى تكلمه يرد عليك بأرف ويمكن كمان يسمعك خمسات . يا جماعه لازم نتغير .. لازم نبقى اجمد ناس حتى فى الالعاب كلنا لازم نساعد بعض واللى يعرف واحد وحش يا ريت يحط اسمه علشان نعرفه ونقاطعه يمكن ربنا يهديه ..سامحونى ان كنت طولت عليكم بس حبيت افضفض معاكم .
على ما نتوصل لحل جذرى ونهائى لموضوع النصب : اتبع الاتى :
1- التركيز الشديد عند عرض بضاعتك والتاكد من الثمن المعروض .
2- التأنى الشديد جدا عند الضغط على زر اتمام عملية البيع .. ليه ؟ قابلت نوع جديد من النصابين فى البداية يحطلك المبلغ ويدوس اوكى فتدوس انت كمان فيفتحلك invite friend فيلبخك ويروشك فتيجى تدوس اتمام البيعه يكون غير المبلغ .. والله نفس طريقة سرقة الموبيلات من المحلات واحد يلهى البياع والتانى يسرق .
3- عدم البيع او الشراء فى حالة اللاج او فى الاماكن المزدحمة ..هيكون فى تهنيج جامد وهتخسر كتيير .
4- حاول تتعرف على ناس موثوق فيها .
5- ولو واحد حاول ينصب عليك وظبته قوله الجملة دى : اكيد انت مصرى . والله هتوجعه اوى . واكيد هيقولك what يبقى اسمه دونجل و يعملك ؟؟ يعنى مش فاهم لغتك هههههه
امور بسيطة بس هتوفر عليك تعب الاعصاب ..
وفى انتظار مقترحاتكم وارائكم ..

[Th3EnD]

والله عندك حق

[TUNNER§]

من الاخر انا مش عجبني الجمله دي " سمعة المصريين سكامرز ونصابين وشحاتين عواطلية حتى فى الالعاب "

انصحك تشلها .. وزي ما في ناس وحشه في كتير كويسين ..

[جاك سبارو]

المشاركة الأصلية كتبت بواسطة tunner§ عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

من الاخر انا مش عجبني الجمله دي " سمعة المصريين سكامرز ونصابين وشحاتين عواطلية حتى فى الالعاب "

انصحك تشلها .. وزي ما في ناس وحشه في كتير كويسين ..

على فكرة اولا شرفت الموضوع
ثانيا دا موقع مصرى وكلنا اخوات ولازم نبين عيوبنا بصراحة من غير ما نلون الكلام.ومتنساش انى مصرى قبل اى شىء وحتى لو الكلمات شديده بس دى الحقيقة للاسف .
وانا قلت الا مارحم الله علشان فى محترمين انصحك تعيد قراءة الموضوع هتلاقى طلبك ..شكرا

[Black_Sword]

الله ينتقم تلاقي واحد يقول انا مستعر اني مصري :(

[™~So_Bad~™]

كلامك مظبوط بس صاح شيل الجملةالرخمة ديه

[thelove00]

زى ما فى ناس وحشه اكيد فى ناس كويسين بس ممكن نقول اغلبيتهم كدا بس الجمله ديه يا ريت تشلها

[tigher]

لازم كل واحد يبدأ بنفسه و بعد كده يدور على الناس التانيه

[man2hell]

صح والله عندك حق طب نعمل ايه ؟

[1MEDO1]

انا محبش اقول علي نفسي كدا انا مش مع الموضوع مع كل احترامي ليك و اهتمامك

[fayman]

انتا تعرف في كام واحد كل يوم ععمل \n [GM]WTS 100SILK=50 M

اكتر من عشرين واحد كل يوم في هوتان

[MaLeK_EGY]

عند حق فى الكلام الى قولنوا مفيش كلمة عاوز تعليق لما يجيى واحد مصرى يقول لواحد تركى 1m كدة شحات

[^^divo^^]

عندك حق بس فى ناس كويسه بردو وياريت كلنا نغير من نفسنا الاول

[Sosma]

السلام عليكم

بصراحة و من غير كدب انا من كم يوم جالي SOS bow و عايز ابيعة قلت لواحد اول مرة اشوفو عشان يشترية و خلاص كلو تمام و سألني انت منين قلتلو انا من مصر تخيلو قالي اية ................. شتمني شتيمة وحشة و مبقاش عايز يشترية.
رغم اني مكنت حنصب علية واللة. س مش حقول غير حسبي اللة و نعم الوكيل على النصابين

[جاك سبارو]

هحكيلكو على اخر افتكاسات النصابين .. قلت ابيع ارنب فيه 14 يوم فجالى 2 مصرين فى يومين ورا بعض ويقولو لى تبيعو ببليون مع انى بقول 250 مليون قلت خليه وراه يمكن ناوى يتبرعلى او يساعدنى سالت على جنسيته قالى مصرى قلت صباح الحوارات قالى الارنب حطيته قلت له جولد حطلى coin الصراحة مكنتش عارف دى ايه بس من باب الاحتياط رفضت البيعه قاللى انت نوب قلت ماشى رحت دورت لاقيت فى انواع من الكوين دى اقلها البرونز دى يا سيدى تساوى 100 مليون بس قلت يا سلام على النصب يعنى لو انا مش عارف ان المليون 6اصفار كان زمان الارنب طار بس ربنا ستر ولسه اختراعات المصرييين لا تنتهى .. ايه احساسك يا نصاب وانت شايف ضحيتك بتتألم .. حسبى الله ونعم الوكيل