فضيحة سيلك رود والله الكلام ده بجد (ارجو التثبيت)

[Flight_Angel]

السلام عليكم ورحمة الله وبركاته

طبعا انا احييك علي طرح الموضوع ربنا يوفقك
لكن لي كم تعليق علي كلامك

اولا اللعبة غير مصممة للعرب دي من زماااااان جدا وبئالها سنين ومش معقولة لعبه بالحجم والشهرة والتكلفة دي يكون المغزي الرئيسي منها هو اهانة الاسلام خصوصا وانها انتشرت في تركيا البلد الاسلامى بشكل رهيب قبل ما نعرفها في الشرق الاوسط اصلا

ثانيا انا فعلا شوفت الصور الخاصة بغافر الذنب واحب اقولك ان في ناس جزاهم الله خير راسلو الـGM وخلاص هي اتمسحت تماما ومن زمان وللي مش عارف يقدر يتأكد من الراجل اللي بينقل من هوتان للدانو هانج هتلاقي ان المربع اللي كان مكتوب فيه دا فاضي فالو هما يقصدو فعلا الاساءة الصريحة مكانوش تجاوبو مع طلبات الناس بمسح العبارة دي من اللعبة

ثالثا الاستورج دا انا شفته مكتوب عليه هذا من فضل ربي وكذا جمله كده مش واضحين فالموضوع غير مقصود بالمرة هما زي ماعاملين في المدن الصيني والمدن الاروبية ديكورات تناسب الحضارتين كان لازم يعملو في هوتان بما انها دولة اسلامية ديكورات بالخط العربي لا اكثر ولا اقل ودا واضح من لبس الـ NPC وشكلهم وطراز المباني

اخيرا اقولك الحمدلله انا غيورة جدا جدا علي ديني ولكن لازم نوزن الامور بالعقل سيلكرود دي لعبة اصحابها لايفقهون شيء عن العرب او الاسلام مادمو اخطئو وصلحو الخطأ دا يبقي خلاص

جزاك الله خير علي الطرح
واتمنالك التوفيق