التحذيز الأول والأخير للبلوك وأسبابه هنــــــــا

[Black Evil]

بسم الله الرحمن الرحيم
أنهردا فكرت في عمل موضوع يكون ذات أهميه فكرت كتير وفي الأخر أكتشفت حاجه نص الناس اللي في الجيم مش بتاخد بالها منها وهي البلوك
ومعني البلوك هو إيقاف تام لي الحساب الخاص بي الجيم إلي الأبد لانه فتره 100سنه يعني إلي الأبد
وللبلوك أسباب وهيتم شرح الأسباب هنا سبب سبب :-
1- أستخدام برامج غير شرعيه *اللودر*
اللودر :هو برنامج لفتح أكتر من أكونت علي جهاز واحد وذلك حسب قدره الجهاز في فتح الاكونتات وده برنامج غير شرعي أو برنامج محظور لانك بتكسر كل القيود التي قيدها صناع اللعبه في سياسه الاستخدام العادل وده اللي اللعبه عملته وهي منعت اللودر تمام علشان يستطيع كل الناس أنهم يلعبو الجيم من غير أزدحام في السيرفرات والسؤال اللودر بيجيب بلوك ليه الأجابه لان اللودر برنامج غير شرعي بيغير في سيستم اللعبه عن طريق الانترنت وذلك مايره الجي إم ...
2-أستخدام برامج غير شرعيه*البوت الفري*
البوت الفري : هو كل أنواع البوتات التي تنزل علي الأنترنت والمواقع المختلفه وهي تكون أيضاًَ غير شرعيه لان البوتات الشرعيه هي البوتات اللي جاء بها تصريح من شركه جوي مكس نفسها ومثال علي ذلك (S-BOT-T-bot_isr-bot-M-Bot_Sro-king)
دول هما البوتات التي جاء بيهم تصريح تام انهم برامج شرعيه أو بوتات شرعيه بنسبه 100% وغير كده لا يعترف بيه بوت شرعي أبداًَ مهما كان
3-أستخدام برامج غير شرعيه *الميديا المعدله*
الميديا المعدله: طبعاًَ دي أكيد بتكون سبب واضح في بعض الأحيان في البلوك وكان الكلام ده زمان وأعتقد أن ناس كتير أخدت بلوك بسبب الميديا بس الميديا حالياَ مفيهاش أي مشكله في الأستخدام بتاعها علشان مفيش أي تنبيه أو تحذير من الجي إم بي كده فامن الممكن التعامل بيها
4- السيلك المضروب
طبعاًَ كلنا عارفين قصه السيلك المضروب والموضوع بتاع أعمل تسجيل علي موقع واعمل حساب علي الباي بيل وكده وده كله بلوك مع أول حمله لي سيلك رود والسيلك اللي بتاع الفيزا والكلام ده كله بتاخد بلوك بعد 24من الشحن علي الأكونت
5- حمالات سيلك رود
ودي حمالات بتقوم بيها لعبه سيلك رود في أي وقت من غير محد يكون عارف إمتي أو فين أو إزاي علشان تشوف الناس اللي بتستخد أي برنامج غير شرعي وياخد بلوك في ساعتها وأعتقد كله عارف كده لما الجي إم نزل موبس لفل 140 واليوم اللي حصل فيه كام واحد أخد بلوك طبعاًَ مش هتكلم في كلام معروف بس الهدف من كده أن الناس تخلي بلها مش أكتر شركه جوي مكس بتفضل تسيبك تسيبك تستخدم كل البرامج الفري ومره واحده تلقي نفسك لاحول ليك ولاه قوه والأكونت بتاعك موقوف مدي الحياه
اللهم بلغت اللهم فشهد
أنا عملت اللي عليا والباقي علي ربنا ثم علي الاعضاء
كله يحترس من غدر الـGM
هيتم ترك الموضوع مفتوح ولم يتم غلقه حتي يتمكن كل الأعضاء من ترك الأسئله والأستفسارات الخاصه بي موضوع البلوك فقط اي موضوع خارج عن نطاق البلوك هيتم حذفه تماماًَ
السلام عليكم ورحمه الله وبركاته

[_Smile2Hell_]

شكرااااااااااا والله معلومات مهمة للمبتدئين

[| - CreSpO - |]

تسلم

[Black Evil]

الكلام ده للناس اللي متعرفش أو المبتدئين
واللي عاوز أي سؤال يسيبه هنا وأن شاء الله هرود عليه في يوميها

[aymanamer]

اللي شاحن سلك برده معرض انه ياخد بلوك لو استخدم اي بوت او المديا مثلا؟؟

[iSlaM_SolM]

تسلم

[m_eragon_m]

طيب انا حملت قبل كدا بوت فرى والشخصية بتعتى جلها بلوك مفيش حل انى ارجعها ارجو الاهمية

[mizooooo00000]

thx bro

[mc_flurry]

[mc_flurry]

يا كينج اساسا مفيش حاجه اسمها بوتات مشروعه كل البوتات الجوى ماكس بيحاربها لانها برامج غير مشروعه انا عندى الاس بوت واول لما بيشةف الجى ام بيقفل لوحده علشان ميجيليش بلوك وعلى فكرة كل سنه بيحصل بلوك عشوائى من الشركه علشان بخفوا من زحمه الحسابات على الشركه يعنى بالصلاه على النبى كده انت ونصيبك

[carpity]

يعني بمعني اصح الصورة بتتكلم عن نفسها ممكن تلاقي نفسك مسافر
وبص تلاقي نفسك كده
وابقي قابلني لو عرفت تلعب كده
واخر الموضوع حتتحول لكده

[Hitman17]

شكرا على الافادة
بس الكلام ده كان زمان ^_^

[Lury]

شكراااااااااااااااااااااااااااااااا

[:*:•.BiKoŐo.•:*:•]

Thxxxxxx

[GhaiBoba]

تسلم ايدك على الموضوع الجميل دا