Power & ADMIN & كل شخص يستطيع ان يقرأ

[كورابيكا]

بسم الله الرحمن الرحيم
--------

اولا تحيه طيبة الى كل من يشاهد الموضوع
----

و ثانيا اعرض على سيادتكم موضوع(بل و مشكله غريبة)
---------------

كلنا عارفينpower

و لو فى حد ميعرفش مين هوا بور احب انى اعرفه مين هوا بور

power : هوا الى كان فى وقت من الاوقات و حيد فى المنتدى(مفيش ادمن , مفيش مشرفين و مفيش مراقبين)
و كان بور المشرف الوحيد الى بيراقب على المنتدى(تخيلو شخص واحد يراقب على منتدى)
انا مشرف قسم سيرفرAlps و عندى القسم لا يخلو من المشاكل و فعلا الاشراف مش سهل
ما بالكم لما يكون واحد مشرفalone على منتدى كامل يحتوى على اكثر من 15 الف عضو !!!

power : بور الى اى حد طلب منه اى مساعدة متأخرش عنه.

power : بور الى يعتبر استاذ ليا و لكل مشرف موجود فى المنتدى دلوقتى
هل هناك مشرف موجود حاليا فى المنتدى لم يستفد بخبراتpower فى الاشراف؟
مهو كان المشرف الوحود و اكيد كل مشرف استفاد بخبراته(اكيد)

power : الى كان حاتط ايميله علشان يساعد كل الناس و انا كنت اول الناس الى عمرى ما طلبت منه مساعدة و رفضها.

و اتقاله : ممنوع وضع الايميل فى التوقيع
لية؟
لية ممنوع وضع الايميل فى التوقيع؟
هل انا لما جيت اسجل فى المنتدى لقيت مكتوب فى قواينين التسجيل ممنوع وضع الايميل فى التوقيع؟
بلاش
مين الى قال كدا؟

تم تخصيص ايملات خاصة للجميع المراقبين والاعضاء للابلاغ عن اي مشاكل فى المنتدى او اى استفسارات اخرى ) لن يسمح باى اجابة عن اسئلة البوت او اللعبة نفسها)
طيب مهو الراجل حط ايميلة فى التوقيع

كدا اذنب؟
ماشى
اذنب
المفروض نعمل اية مع الى عمل حاجة غلط؟
نقولو لا متعملش كدا تانى مش نشيله من الاشراف !!!
بلاش
لية التوقيع متعملهوش تعديل و اتحذف الايميل؟
انا لو دخلت حطيت موضوع (مخالف)
حتطرد من المنتدى و الموضوع حيتساب؟
الموضوع حيتحذف طبعا
طيب الايميل لية متحذفش من التوقيع؟
العلم عند الله

نرجع تانى و نقول
power : عمل موضوع للجولد للى عاوز يشترى و مش لاقى

و كان الرد
ممنوع الكسب عن طريق المنتدى

طيب يا جماعة مهو فى قسم اسمه (منتدى بيع الجولد)
سبحان الله
و كان الرد برضو
انت بتستخدم اشرافك فى المنتدى علشان الناس تثق فيك و تشترى منك الجولد
طيب دى حاجة وحشة؟
جميل ان يكون فى شخص موثوق فيه الناس تتعامل معاه بدل ما يجى واحد مش موثوق فية

منتدى منتجات سيلكرود
نثق فية ازاى؟
دا منتدى الى عامله الادمن يا شباب
و الى بيكتب المواضيع دول ناس حاتطهم الادمن و لونهم بالاحمر
لابد الوثوق بهم
(اية الفرق ما بين دول و بور)
ثم مش دا كسب عن طريق الموقع؟
الرد : لالالا دا احنا بنسهل للعميل انه يجد ما يحتاجه دون عناء
تحقيقا لرغبة اكثر من 60 % الاعضاء تقدم لكم هذه الخدمة الجديدة والفريدة من نوعها بعد ان نجحنا فى تحقيق اعلى بيع لكروت A-CASH سابقا من خدمة والتعامل والامان فى البيع
السؤال : ما هو الفرق بين العضو :easy_shopو بور؟
تانى حنقول العلم عند الله

نرجع و نقول power :

بور يا جماعة بكل بساطة كان
مراقبـ عامـ
و كلنا عارفين

فجأه !!
تحول المراقب العام الى عضو مميز بلا حدود
هل هذا عدل؟ بعد كل ما ذكرته؟؟؟
بور : ما سبب تجريدى من الاشراف؟
السبب:
انت عندك 13 سنه و مينفعش مشرف يكون عنده 13 سنه
لازم متكونش اقل من 16 سنه

السؤال: هل الشخص الى يعمل كل ما ذكرته مهما كاااااااااااان سنه يستحق الاشراف not or

power: بس انا معنديش 13 سنه!!
انا 16 سنه
و كان الرد : انا مش مصدق علشان فى واحد قالى انك 13 سنه

power : انا صورت شهادة ميلادى خد شوفها و اتأكد

و فعلا طلع عنده 16 سنه !!

يرجع للاشراف؟
لالالالالالالالا
انت بتبيع جولد
انت بتستخدم سلطتك
انت حاتط ايميلك فى التوقيع
و و و و

السؤال : ما كل هذا؟
العلم عند الله

انا حبيت اعمل الموضوع دا علشان اسباب

1- بور صحبى و حبيبى و ميرضينيش انه يتظلم مهما كان الظالم.
2-علشان اوضح حاجة مهمه للناس.
3-علشان اعرف مين الى اتهم بور بالكذب بأنه عندة 13 سنه.

و علشان
الرد على بور كان كالتالى:
لكن انك كل شوية هتحط مووضع فى المنتدى وتقول كلام مالوش اى داعى ده مرفوض وده ممكن يؤدى اننا نوقف عضويتك لاننا وقت مانحب نرجعك هنرجعك لكن انك تقعد تزن بالطريقة ده صدقنى عمرك ماهتعرف تجيب حق ولا باطل معانا.


هل من يطالب بحقة يتقالة الرد دا؟


و دا كان احد الاسباب الاساسية لكتابة هذا الموضوع لأنى حسيت بعض الدكتاتورية التى اكرها اشد الكره

So

ما هو رد الاعضاء؟

اذا تم حذف الموضوع
اذا تم وقف اشرافى
اذا تم طردى من المنتدى
فاعلمو انى كنت ادافع عن الحق ليس اكثر

و شكرا !!

[egy_fighter]

هترجعونا نتكلم في السياسه من تاني بعد ما كنت اعتزلت :D
بوص يا مان
اولا علشان منكدبش علي بعض المنتدي قائم علي سياسه ربحيه ولو مكنش قائم علي سياسه ربحيه كان انتهي من زمان
هتقولي يعني ايه سياساه ربحيه هقولك يعني الافراد اصحاب المنتدي اللي هوه الادمن يكسبوا من المنتدي عن طريق الاعلانات او تقديم بعض الخدمات مقابل المال زي خدمه ال A- CASH وزي خدمه بيع البوت حاليا
اه ممكن اي فرد اول ما بينشيء منتدي في الاول بيكون الهدف منوا خدمه الناس والاستمتاع انك عندك موقع او منتدي كل يوم بيكبر وكل يوم بيزيد عدد افراده وكل يوم عن يوم بينجح اكتر
لكن بتيجي في فتره من الفترات بتدور علي السياسه الربحيه ولازم تدور عليها
لانك علشان تستمر في تقديم خدمه جيده لمده طويله لازم يكون في تمويل وصرف اموال وعلشان تصرف اموال لازم يكون ليك ارباح
وده اللي حصل في المنتدي
الناس بدات تشتري دومين ويشتروا نسخه منتدي مرخصه وبداوا يخصصوا وقت كبير من وقتهم علشان متابعه المنتدي يعني الموضع خرج من نطاق الهوايه لنطاق الاحترافيه
هتقولي طيب مال اللي بقولوا عن موضوع باور وعن اللي انته بتقولوا:eek:
هقولك الرابط بسيط
الموضوع ان انا عامل خدمه وبدفع عليها فلوس علشان اكسب منها فهل من السهل اني اقبل ان فرد يستفيد من الخدمه مدفوعه الاجر دي ويكسب هوه من وراها
طبعا السؤال صعب
يعني هنضرب مثال زي لعبه سيلك رود نفسها هيه بتقدم الخدمه وهيه اللي انشات اللعبه وهيه اللي عندها السيرفرات ومشترياها ومع ذلك في افراد اخرين بيستفيدوا من اللعبه من غير ما يكونوا اتكلفوا اي شيء في اللعبه نفسها زي المواقع اللي بتبيع جولد او بوت او بتعمل بورلفل فهل سيلك رود بتسيب الناس دي في حالها ولا بتاخد اجراء معاهم
طبعا انا مش مع الادمن او مع باور علشان انته ممكن تستشف من كلامي اني مع واحد ضد التاني انا بس كتبت الموضوع لاعجابي باخلاصك لفرد بيفيد المنتدي والاعضاء وانته كنت واحد منهم
ومع ذلك ان رأي في الموضوع ده ان الاتنين مخطئين وكان الموضوع ممكن يجي بطريئه احسن من كده ويحصل تقريب لوجهات النظر واعتقد ان في هنا من الافراد اللي كانت ممكن تؤدي الدور ده من غير من زعل حد من التاني ((Amr Mando )) وعلي العموم ان شاء الله خير ومش مهم الصفه او اللقب او المنصب المهم انك تكون عايز تخدم من اي مكان وفي اي زمان وان شاء الله يتعالج الشرخ اللي حصل
:(

اذا تم حذف الموضوع
اذا تم وقف اشرافى
اذا تم طردى من المنتدى
فاعلمو انى كنت ادافع عن الحق ليس اكثر:D :D :D طبعا بهزر

[msasa1]

اخى العزيز كورابيكا
انتا تتحدث عن شخص كل المنتدى يعرفو
وانا عن نفسى كنت لسة عضو نشيط نسيت الباس ورد بتاعى
عملت عضوية جديدة وعملت شكوى مفيش اى حد رد عليا
غير باور تحدث معى بالساعات واكثر من مرة على الايميل
رغم انو ملوش اى مصلحة او اى فايدة ممكن تعود منى علية
باور هو الوحيد الى كان يملك معظم باس ورد المشرفين فى المنتدى
لا تكفينى صفحات المنتدى كلو لاتحدث عن باور

[hany_tiger]

مع الاسف واصح انك تروح لصاحب المشكلة يا باور وتورية نفسك واكيد هيعجب بيك زي باق الاعضاء وربنا يسهل ويارب تاخد من وقتك شوية وتروح تشوفة وتحكيلة اوك