سؤالين !!

[Be Cool]

فى البداية احب اعرفكم بأسمى محمد

سؤالين دايماً بفكر فيهم بدور ليهم على جواب مش لاقى, ياريت حد يقدر يفيدنى بخصوصهم

السؤال الاول هو عن التسير والتخير

انا ديلوقتى قبل ما اجى الدنيا ربنا عارف انا هعمل اية فى الدنيا وامتى هتولد ووووو وعارف كمان انى هشرب حشيش ومش هصلى وهشرب خمرة كمان مش كل دة ربنا عارفة من قبل ما اجى الدنيا؟؟ وطبعاً مقدرش اغير فى علم ربنا المسبق ليا, وبكيدا هدخل النار !! ودة مش عدل لأنى انا انسان ومقدرش اغير فى علم ربنا المسبق !

هبسطها اكتر

ربنا عارف ان محمد هايدخل النار وعارف ان محمد هيدخل النار من قبل ما محمد يجى الدنيا، أي ان الله (بصفته مطلق العلم) عارف بنسبة 100% أن محمد هايدخل النار مهما حاول ومهما فعل، طب دة معناه انى مسير مش مخير

- لو كنت مخير يعني فى احتمال انة ادخل الجنة وأخالف علم ربنا المسبق عنى، بس فى الحالة دى هتسقط صفة العلم المطلق ودة لا يجوز

2- لو قلت أني مسير، يعني مش هعرف اغير علم ربنا المسبق عنى مهما فعلت، ولو معرفتش اغير علم ربنا المسبق ليا ف دة ظلم لأن ربنا كيدا عاقبنى على حاجة هو عارفها واختارها ليا مسبقاً وانا مقدرش اتحكم فيها او اغيرها

المشكلة أنه خيارين مفيش ليهم تالت، يا إما ربنا ميعرفش انا هعمل اية واية مصيري ودة بيتناقض مع صفة العلم المسبق او ربنا يكون عارف انا هعمل اية فى الدنيا قبل ما اجى الدنيا وفوق دة مقدرش اغير فى علم ربنا المسبق عنى, ودة ظلم وربنا عدول.

السؤال التانى

لية ربنا خلقنا؟؟

اية هى الفايدة المنطقية اللى هتفيد ربنا من خلقة للبشر؟؟

فى قدامنا خيارين

الخيار الأول : الله يحتاج للبشر، وعلشان كيدا خلقهم.

الخيار الثاني : الله لا يحتاج للبشر، ولكنه خلقهم على الرغم من ذلك.

من المستحيل منطقياً أنة يكون فى خيار تالت،

لو اخترت الخيار الأول "الله يحتاج للبشر، وعلشان كيدا خلقهم "، كيدا نفيت صفة الكمال عن ربنا ودة لا يجوز لأن ربنا كامل

ولو اخترت الخيار الثاني "الله لا يحتاج للبشر ولكنه خلقهم على أي حال"، ودة مخالف لكلام ربنا لأن الله لا يخلق شىء عبث " عبث يعنى حاجة ملهاش لازمة "، وغير كيدا المنطق السليم لازم اعطى مبرر وسبب منطقى على اى حاجة اقوم بصنعها.

ياريت حد يفيدنى بخصوص السؤالين دول لأنهم محيرينى

شكراً

[ღ♥_ akeml _♥ღ]

بارك الله فيك