حلقة من حلقات توم و جيري ابكتني دوما وليس دمعا

[Eslam_lover]

ملحوظة : انا بكلم الأعضاء الرجالة اللى بتفهم .... لا للتافهين

كلمة حق

فى البداية بغض النظر عن الموضوع دة أحب أوضح شوية حاجات مهمة جدا .

يا باشا منك لية يكون فى معلومك إن أقوى سلاح بيأثر عليا وعليك هو الإعلام هتقولى إعلام مين بس وتقعد تهزر يبقى انت لا مؤاخذة مش عايش او ممكن تكون عايش بس بلا هدف ومش بتفهم حاجة .

عموما انا هديك شوية حاجات كدة تعرفك يعنى أية سلاح الإعلام :

الأفلام الإباحية (نسبة تأثيرها على الشباب والبنات قوى جدا)
و الأفلام العادية الأكشن والرعب والخيال هى فى الأساس أفلام عادية وشيقة لكن شوف تأثيرها على الأطفال عامل إزاى لانها فيها قيم وعادات مش بتاعتنا كعرب مسلمين هما بيحاولو يغرزوها فينا علشان نبقى زيهم ونضيع ومن ضمن نتائجها إنها بقت فى الأفلام العربى تقليدا ليهم لانهم أصبحو قدوة بالنسبة لينا وقدرو يوصلو للى هما عايزينو فى إنك تكره بلدك ودينك كمان واوعى تكون فاكر إن التأثير لازم يكون للكبار بس تبقى غلطان يا ريس لان هدفهم الرئيسى بجد الأطفال لان انت ممكن تشكل شخصية طفل زى منتا عايز لكن مينفعش تشكل شخصية راجل كبير عاقل بدليل إن تعليم الصلاة فى الصغر أفضل بكثير من إن واحد عايش طول حياتة مش بيصلى وبعدين يقرر يصلى وأكيد فى كتير مننا حصلتلة حاجات زى كدة , فلازم نعرف إن الأطفال هما الهدف الرئيسى علشان كدة لازم يقنعوهم بأشياء وقيم معينة والطفل بيبقى فرحان وهو بيشوفها بس للأسف بتكبر معاه , فلازم هما علشان يوصلو للطفل يدخلوا له من إتجاهاتة اللى بيحبها زى الكرتون والأفلام واللعب ....إلخ .

دة بالنسبة للإعلام بشكل عام .


بالنسبة للموضوع بقى :

اولا/ للناس اللى بتقول الحلقة دى مش موجودة الكلام دة غلط 100% لانى فعلا شفتها بعينى والكلام دة فعلا حصل فيها .

ثانيا / الراجل اللى كتب الموضوع مش هو اللى بيقول كدة يعنى سواء الكلام دة صح او غلط مينفعش حد يقول علية جاهل .

ثالثا / انا بلاحظ انكم لما بتجتمعوا على شيئ بتفضلو وراه إلا قلة منكم طبعا , يعنى موضوع عادى جداا ومفهوش أى حاجة لكن أتقلب لموضوع انتقاد لشخص كاتب الموضوع مع انة مش هو اللى كاتبة !!! علشان تعرفو أنكم مش عايشين زى ما قلت , انتو بس كل واحد يطلعلى يقولى كانى ومانى فى المواضيع الكويسة إنما المواضيع اللى متصلحش إنها تكون مواضيع ممكن تدخل تقول مشكور !!!!!

كان الصح يا باشا انت وهو انك تدخل لو الموضوع عجبك خير وبركة معجبكش يا متردش يا ترد رد محترم ممكن تقول بصراحة انا مش مقتنع بالكلام دة بس شكرا ......هو دة الإحترام اللى انتم مفتقدينه

ممكن بقى ترد على صاحب الموضوع إذا كان هو اللى مألف الموضوع من دماغة والكلام غلط 100% .

-----------
بصراحة أتخنقت من التفاهة وقلة الأدب اللى فى المنتدى