| مـنـاقـشـات عـامـة حـول سيلك رود أون لايـن [ خاص بمناقشات احوال اللعبة وعن كل شىء جديد يتم طرحه فى اللعبة مؤخراً ] |
 |
|
|
أدوات الموضوع | انواع عرض الموضوع |
02-08-2010, 04:26 AM
|
#1 | ||||||||||
  
|
السلام عليكم ورحمه الله وبركانه  بدايه اسمي احمد من اسكندريه عضو قديم ف المنتدي ومسكت اشراف السيرفر الخاص من فتره طويله ف المنتدي هنا سبت اللعبه بعد ماجبت اللي عاوزه منها ودخلت ع البريفت سرفر وجبت اخره لحد ماقفل واقصد ecsro بس و دخلت ع السيرفرات الكوري والفيتنامي و التيلاندي بس عطي بلوك للايبهات الخارجيه المهم اني سبت اللعبه وانا شبعان منها جربت كل البوتات حتي بوتات متسمعش عنها قبل كده جربتهاواكنت ديه هوايتي ف اللعبه اني اجرب برامجها لانها بتوريني اد ايه البشر كسالي وانا منهم ندخل ف الموضوع  لو بتدخل في موقع علي انترنت بيكون ليك اهداف معينه او مش شرط طيب لو بتلعب لعبه مش هيكون هدفك ع الاقل ان تستمتع يعني اللعبه بتخلص لما تكون خلاص استمتعت سواء بمكسب او خساره في ناس متعتها ف المكسب و ف ناس متعتها ف الوقت الحلو لكن ف الاخر اللعبه نهايتها مكسب ليك مش عليك  طيب من غير لف ولا دوران هل سيلك رود او طريق الحرير جت عليك بمكسب او استمتاع والسؤال موجه للشباب اللي بيلعبو اللعبه حسب نظامها الطبيعي مش بهدف الربح او الاستغلال مش هتكلم علي نظام اللعبه لانه مليون في الميه مليان اخطاء انما انا بوجه سؤالي لكل واحد شايف في نفسه راجل هل انت تقدر تقفل اللعبه ست شهور هل انت تقدر تقول لصحابك لأ مش لاعبها طيب ملناش دعوه خالص انت راجل وسيد الرجاله وبتلعبها بمزاجك طيب كسبت منها ايه اول حاجه بسطتك اد ما خنأتك؟ مكتفاك بحبل عشان تلعبها ولا انت مش عاوز تشوف انك ممكن تعمل دليت للفولدر من الكومبيوتر و من حياتك في ناس عاوزه تجربها جديده في ناس مخلصاها من سنين في ناس خدو بلوكات بس ف الاخر سبحان من له الدوام شوف اد ايه ضاع منك بسببها بس شوف صح يعني هتسأل نفسك السؤال ومتردش بقمه السلبيه ولا حاجه طيب منقول انك ممكن انك تجيب درجات احسن تدخلك حاجه احسن تعيشك بعد كده في حاجه احسن طيب انت تمام و مش محتاج حاجه هل انت مش محتاج حاجه عشان مش محتاج ولا لانك مش شايف انك محتاج انا مليش هدف ورا الموضوع ده الا اني احاول افهم ايه نهايه اللعبه مظنش نهايتها اخر لفل ولا ان يكون عندي بلايين ولا اني اكون احسن واحد ع السيرفراو اجيب السلاح الفلاني او اكون واخد الفورتسات كلها او ان محدش يعرف يموتني ف البي في بي او ان يبأ عندي كل الافاتر لان وقتها هكون اكبر خسران ف حياتي نهايتها انك تعرف اد ايه هيا تافهه وممله و مكرره هل هيا ديه النهايه اللي تقبلها انك تضيع جزء من حياتك عليها؟ وقولولي ايه نهايتها حسب نظركم  واشكركم علي مشاركتكم لي في الموضوع |
||||||||||
|
التعديل الأخير تم بواسطة احمس ; 02-08-2010 الساعة 04:38 AM
|
| إعلانات google |
|
|
|
02-08-2010, 04:38 AM
|
#2 | ||||||||||
  
|
أنا ممكن أعتقد أن صرف المقابل على اللعبة ليس حرام ..... ممكن يكون مضيعة وقت صح ... لكن شرعيا ليس حرام ؟؟ لماذا حرام ؟؟ نحن مثلما نشتري لعبة من أي محل ألعاب .... نشتري لعبة سيلك رود لكي نتمتع إن كنا نجد المتعة فيها ........... يعني أنا أشبه لما يتدفع فلوس عشانها ... كأنك بتدفع فلوس لشراء لعبة عادي من محل ........ و شكرا |
||||||||||
|
|
|
02-08-2010, 04:39 AM
|
#3 | |||||||||||
 
|
اقتباس:
|
|||||||||||
|
|
|
02-08-2010, 04:56 AM
|
#4 | ||||||||||
 
|
لا طبعا صرف الفلوس حرام وبلاش نبرر الغلط انت فى يوم القيامة ربنا هيسالك ضيعت فلوسك فى ايه وضيعت وقتك فى ايه ومستخدمتوش استخدام صحيح ليه وبلاش كله واحد علشان يبرر غلطه يقولك حلال اسال اى حد هيقولك حرام حتى كل اللى بيلعبوا عارفين انا سبت اللعبة من زمان لان مش بحب ان صاحب اللعبة يتامر علينا ويخليها زحمة زى ما نكون كلاب تحت رحمته وبيفضيها يوم علشان الناس ترجع تلعب طب وليه واحد يتحكم فينا طز فيها لعبة مش هموت يعنى لما اسيبها ولو عايز تكمل كمل فى السيرفرات الخاصة لو مش قادر تسيبها |
||||||||||
|
|
|
02-08-2010, 05:06 AM
|
#5 | ||||||||||
|
انا متفرعتش للنحيه الدينيه بس لو دخلنا لها و قت ماهنتسأل عن عمرنا فيما افنيناه او ضيعناه وقولنا علي الفتره ديه لعبه مش هتكتب لنا او فلوسنا اخدناها منين وصرفناها علي ايه برده اكيد لو قلنا اللعبه مش هتكتب الا علينا عموما ربنا اللي بيحاسب و الملايكه هيا اللي بتنفذ واحنا اللي ملناش قوه وقتها. |
||||||||||
|
|
|
02-08-2010, 05:31 AM
|
#6 | |||||||||||
|
اقتباس:
|
|||||||||||
|
|
|
02-08-2010, 06:00 AM
|
#7 | ||||||||||
 
|
واللة يا احمس كل الناس عارفة الكلام دة بس مع الاسف دى ادمان مش عملية احسن منتا ممكن تعمل اكونت هتعلية ماشى عليتة بقيت لفيل 110 وبعدين هتلبسو احسن لبس لبستة وبعدين نفسك تاخد الفرست يا سيدى خدتها هتفضل كدة لحد ما تلاقى نفسك بتفتح الاكونت بتاعك مش لاقى حاجة تعملها وناس كتير كدة تفتح ومتعملشى حاجة اما من حيث حرام وحلال اكيد هى حرام منتا بتجهد نفسك قاعد على طول مش بتريح جسمك اعرف ناس مش بتنام بسببها عنيك نظرها بيضعف من شاشة الكمبيوتر منتا كل دة مش فى دماغك اوك متعة مزاج طب واية الفرق بقة بينها وبين السجاير طب مالسجاير حرام الفلوس بقة انا ردى عليها بسيط لو الانسان تعبان فى القرش الى بيجيبو هيعرف قيمتة مش هيرمية على لعبة وبالاخص لو وراة مسؤلية ونبى مهما يكون عمرة ما هيصرف جنية عليها واخيرا كلمة لكل الناس الحمد للة انا راجل وبمشى نفسى مش لعبة اللى ممشيانى وكل سنة وانتم طيبين |
||||||||||
|
|
|
02-08-2010, 07:08 AM
|
#8 | ||||||||||
|
مع احترامي لرأيك ...انا معترض معاك في حجات و متفق في حجات اولا: قصص او المغامرة للالعاب ال mmorpg ملهاش نهاية الموضوع مش انك تعمل احسن كركتر او تجيب اخر لفل . ( عشان كدا مفيش لعبة نفس نظام سيلك رود ليها نهاية, و لو لاحظت ان كل فترة هتلاقي حاجة جديدة بتنزلupdate يعني عشان متحسش بملل) الموضع المقصود منو المتعة وغير كدا انت بتعمل صحاب من دول ممكن مكنتش تعرف عنها حاجة وممكن تتعرف على واحد يكون في نفس الشارع او المنطقة بتاعتك يبقى انت كدا كسبت صاحب ولو بتقول انت مش لاقي حاجة تعملها في اللعبة ( طيب ماتعمل Gold مش احسن ! ) معاك بلاين ملهاش عدد اتكلم مع صحابك ( في اي موضوع ) ثانيا: موضوع الصرف على اللعبة او أي لعبة online انا مش هتكلم فيه ,عشان اتكلمنا فيه كتييير في اكتر من موضوع ثالثا: موضوع ان اللعبة تلهيك عن الصلاه او المذاكره دا اكيد غلط كبير ( ومفهوش نقاش) رابعا: انا اعرف ناس اخدا Silkroad على انها شغل ( بتعمل منها فلوس كويسة جدا جدا ) خامسا: اللعبة مش مؤذية للدرجة دي - و لو اللعبة وصلة لمستوى الادمان عند حد يبقى برضو دا تقصير من الاهل - اما او واحد فوق 18 سنة مفتكرش انو ممكن يدمن اي لعبة online ملحوظة صغيرة : في فرق كبير بين حب و ادمان ( وطبعا الفرق واضح ومعروف ) واغلبية المجتمع العربي بيسمي الحب الشديد ادمان ودا غلط سادسا: موضوع ان اللعبة بتضيع وقت من حياتك , زيها زي لو وقفت في الشارع مع صحابك او خرجت معاهم او بتتفرج على التلفزيون او بتسمع اغاني او او او او او ... كلو بيضيع وقت ( بس معلش مش كل حياتك هتكون شغل ومذاكرة ومش كل حياتك بتكون لعب وطنطيت ) دي تقربيا افكاري وتعليقي على الموضوع بتاعك ( معلش هيا مش مترتبة بس دا الي انا كنت عاوز اوضحو وارجو احترام رأيي) |
||||||||||
|
|
|
02-08-2010, 07:23 AM
|
#9 | |||||||||||
|
اقتباس:
 وتعليق رفيع ازاى برنامج البوت بيثبت ان الشعب كسلان ده معمول عشان حاجتين اولا ان الexp مش بتتحرك اصلا ثانيا عشان تبقى كسبت وقت وانت قاعد بتذاكر او فى الشغل مش معنى كده ان اللى بيستخدم بوت ده تيت كمان البوت بيخليك تعمل اللى انت عايزو و ترجعلو كمان يومين مثلا وانت منفض للعبه خالص تلاقيه جاب لفل جديد تروح تلعب pvp بالحاجات الجديده مش دى متعه برضو! |
|||||||||||
|
|
|
02-08-2010, 07:34 AM
|
#10 | |||||||||||
 
|
اقتباس:
بصراحة انت قولت كل حاجة ممكن تتقال و خصوصا ان حياتي كلها عمرها ما هتكون شغل و مذاكرة على طول و مش هتكون لعب على طول لاني مش على طول قدام سيلك رود دا يدوب وقت قليل اوي للاسف صاحب الموضوع بيتكلم على ان كل اللي بيلعب الجيم يكون مدمن ليها و مضيع الدنيا كلها علشانها و الله لو حضرتك بصيت لاي حد عمرك ما هتلاقي الا نسبة قليلة اوي مموتين نفسهم علشان اللعبة لان معظم اللي بيلعب شباب و بيعرف يفكر انا مثلا عمري ما صرفت ولا مليم على الجيم و ايميلي لفل 100 و في ناس كتير كدا مش الناس كلها مضيعة حياتهم على الجيم لو حضرتك قولت ان في ناس كتير كدا اقولك تبقى دي غلطتهم طالما في ناس بتلعب و مش عاملة اللعبة هي حياتها يبقى الناس التانية هي اللي غلطانة لان دا اختيارها و بالنسبة للوقت كاني باعمل اي حاجة تانية زي ما Zero_Code قال و اخيرا باحيي Zero_Code على رايه لانه قال كل حاجة و شكرا |
|||||||||||
|
|
|
02-08-2010, 08:10 AM
|
#11 | ||||||||||
  
|
صراحه كلامك زي الفل وانتا 100 100 والف شكر ليك |
||||||||||
|
|
|
02-08-2010, 11:40 AM
|
#12 | ||||||||||
|
صباح الخير عليكم كلكم وليه فكرت اني اقصد المدمنين انا اقصد شباب اللعبه الجداد وشبابنا اللي بيموت نفسه انه يدخل السيرفر ويستني الابديت بفارغ الصبر اقصد الناس برده اللي ملهاش ربح مالي من وراها وفي شباب كتير عاقله و قادرين يتحكم في اللعبه بطريقتهم بس برده ف الاغلب من شبابنا المصريين تحت 20 سنه في منهم عاقل و في منهم اللي كان بيزوغ من المدرسه عشان يلعبها وفي اللي بيزوغ من دروسه وياخد الفلوس يشحن سيلك و في اللي معندهوش جهاز شغال 24 ساعه ف البيت ولو عنده معندهوش نت بينزل السيبر يلعبها اصحاب و اصدقاء اللعبه كتير بس انت مش شايف ان اكتر اللي بيصحبو فيها بيبأ عشان مصلحه ليه او شراكه واكيد في برده ملهومش مصلحه الكلام عموما كان بغرض معين وياريت كلكم تردو علي السؤال من فضلك ايه نهايه اللعبه؟ |
||||||||||
|
التعديل الأخير تم بواسطة احمس ; 02-08-2010 الساعة 11:45 AM
|
|
02-08-2010, 01:04 PM
|
#13 | ||||||||||
|
لا لا .... الواحد ممكن يلعب .... و برده يحافظ على وقته و كل حاجة هو عايزها ...... يعني هية لعبة زيها وي كل حاجة ... و مفيش حاجة لو لعبنا .... بس المهـــم نتذكر دايما انها لعبة مش اكتر .... و ميزدش اللعب عن حده عشان مينقلبش لـ ضده و بـــس |
||||||||||
|
|
|
02-08-2010, 02:22 PM
|
#14 | ||||||||||
|
كلكم بتقولوا مش بتضيوا وقتكم والي بيقول اللعبة مش مؤذية للدرجة دي - و لو اللعبة وصلة لمستوى الادمان عند حد يبقى برضو دا تقصير من الاهل - اما او واحد فوق 18 سنة مفتكرش انو ممكن يدمن اي لعبة online وانتوا كلمك اساسا 24/7 علي اللعبة  |
||||||||||
|
|
|
02-08-2010, 03:30 PM
|
#15 | ||||||||||
|
اللعبة يا حمس ملهاش نهاية لان لو ليها نهاية محدش هيلعبها بجانب ان الباشا مش هيكسب منها لو ليها نهاية وطبعا بيكون فى تحديث وحاجات جديدة عشان تشد الناس ليها وطبعا هو بينجح فى كدة ردى بقة على الناس الافاضل انا كان عندى سيبر كان العيال بتهرب من مدارسها ودروسها ويجو يلعبو اللعبة هنقول لسة عيال عادى كان واحد متجوز وعندو بوت واللعبة هى حياتو 24 ساعة فاتح الاكونت بتاعة طبعا فى ناس بتشوف مصلحتها بردة وكدة بس لو قلنا الى بيلعبها مصريين 100 فى المية 60 منهم عاوزين هى دى وبس حاجة تانية فى حياتهم لا وياسلام لو فى بوت هريح الايادى يا جماعة يااااااااااة دنا هسيب الاكونت 24 ساعة يلفل اة طبعا لازم الحق اعمل حاجة ههههههه ونبى مش دة بيحصل ولا بردة كلام |
||||||||||
|
|
|
| يتصفح الموضوع حالياً : 1 (0 عضو و 1 زائر) | |
|
|
المواضيع المتشابهه
|
||||
| الموضوع | كاتب الموضوع | المنتدى | الردود | آخر مشاركة |
| نهاية الظلم والساديه (نهاية ضباط وعساكر امن الدولة) الاسماعيلية | ™_Ramses_™ | بـعـيـدآ عـن سـيـلـك رود | 13 | 07-03-2011 06:36 PM |
| نهاية pk :S | hema_alroby | Bellona | 2 | 29-09-2010 08:14 PM |
| !!!!!!!!! .....يا لها من نهاية ..... !!!!!!!!!!! | xlegendx | بـعـيـدآ عـن سـيـلـك رود | 18 | 21-03-2010 03:48 AM |
| نهاية ال سرو كنج | dark_fox | قسم المواضيع المكررة و المخالفة | 13 | 19-05-2009 07:50 PM |
| افتراضي save file nfs undercover حتى نهاية اللعبة | Sneezy | بـعـيـدآ عـن سـيـلـك رود | 2 | 22-04-2009 08:16 PM |
.gif){kind=icon}
العرض العادي
