جميع مايخص الكمبيوتر بأخر اسعارها بتاريخ 26 /10 + اى استفسار عن مشاكل الكمبيوتر

[seta.man]

وفوق كل ذي علم عليم
عندي مشكله هتجنني والي هيجنني فيها اني عاجز عن حلها وبشد في شعري من الصبح
النهارده جالي رامتين اورجنال ddr2 كل واحده واحد جيجا وكارت شاشه msi 512
ركبتهم عندي مع العلم ان جهازي معقول نسبيا يعني بروسيسور تلاته كاش اتنين وبورده g31
بعد ما ركبتهم الكارت بيقرا تمام 512
الرامة بتقرا واحد جيجا بس شلت رامه لقيته قرأ واحد جيجا برده حطيت الي شلتها وشلت الي كانت موجوده برده قرأ واحد جيجا بس
قلت يمكن من كارت الشاشه ساحب من الرامات (مع انه المفروض يسحب من الرامات قليل وده في حالة ان الكارت بيبقى upto )
شلت كارت الشاشه خالص قرأ تمنمية وشوية كسور يعني الكارت البلت ان سحب من رامه واحد جيجا وبرده مش قرأ التانيه
وغيرت السوكتات وعملت البدع
زهقت جبت رامه 512 دي دي رام تو ركبتها مع واحده من الواحد جيجا
برده قرأ واحد جيجا بس غيرت مكان الخمسمية واتناشر بمكان الواحد جيجا
برده قرأ واحد جيجا بس (يعني المشكله مش من السوكت نهائي)
حاجه تجنن يعني وبصراحه مش عارف الرامه باصتها كام عشان دي اروجنال كل المعلومه المفيده الي فيها انها واحد جيجا ومش مكتوب اي حاجه تانية مفيده
بس معتقدش انها من باص الرامه برده عشان لو من الباص مكنتش هتشتغل
مع العلم ان الرامتين دول كانوا شغالين في جهاز سيرفر والجهاز كان شغال زي الفل


ادي المشكله كلها
نوع الرامات kingxconn وعليها شيبات من النحيتين متصنعه بضمير مش اي كلام