ما هو رد فعلك عندما تدخل غرفتك وتجــد ........ ؟؟

[Ahmed shafiq]

أول حاجه
أجوز كل الشباب اللي في عيلتي وفي المنتدي واللي لسه ما إتجوزوش
ثانيا كل المحتاجين هعملهم شركه وأشغلهم فيها علشان يلاقوا ياكلوا بس بعرقهم
هأخد 100 ألف فدان في الصحراء الغربيه وأزرعهم قمح علشان مصر ترجع زي ماكانت من الدول المصدره للقمح بعد ما نعمل إكتفاء ذاتي ومانستوردش قمح
هرشح نفسي في الإنتخابات علشان أتدرج لغايه منصب رئيس الجمهوريه علشان أبقي رئيس وبعدها هعمل الأتي :-
أجيب كل المسئولين المشهورين وأحقق معاهم ( من أين لك هذا )(أعلقهم من ....... )
أمنع وأقفل كل الخمارات والكباريهات الموجوده في البلد واللي بيشتغلوا فيها أعملهم مصانع يشتغلوا فيها علشان يبقوا كويسين واولادهم ربنا يبارك فيهم .
أخلي البلد من البلاد المنتجه ( زراعه وصناعه ) وكل الشباب يشتغلوا والجنيه يرتفع سعره ويبقي زي الأول ( الجنيه الورق يساوي جنيه دهب + عشره صاغ )
نجيب إخواتنا اللي في الخارج ونشغلهم ونستفيد من خبرتهم داخل المحروسه ونلم الشمل مره تانيه بدل ما بيطفشوا من البلد .
أخلي مصر من أروع الدول جمالا في الجناين والنظافه ويكمل المنظر بحبنا لبعض .
يرجع رغيف العيش بقرش صاغ زي ماكان والعشر بيضات بشلن ومافيش ناس جعانه ولا نعتل هم العيال لإن الشغل كتير وكل الشباب مشغولين في إنهم بيشتغلوا براتب كبير جدا .
مش هتلاقي حد في السيبرات مافيش حد فاضي ........يعني مش هتلاقي حد بيلعب سيلك روود

ويارب يتحقق الحلم


شكرا يا أخي علي الموضوع الجميل
تقبل مروري
وتحياتي ليك أخوك م / أحمد