|
||||||
| بـعـيـدآ عـن سـيـلـك رود [ هذا القسم مخصص لمختلف المواضيع البعيدة كليا عن مجال الألعاب ] |
 |
|
|
أدوات الموضوع | انواع عرض الموضوع |
30-06-2010, 12:50 AM
|
#1 | ||||||||||
  
|
بسم الله الرحمن الرحيم النهارده يا احلى واجمل اعضاء في الدنياااااا جيبلكم حاجه يا رب تعجبكم قصه شاب صعيدي بيحب بنت استايل تخيلو انتو بقى ايه الحوارات اللي ممكن تدور بينهم من غير كلام كتيررر تعالو نشوف الحوارات اللي دارت بينهم هههههه : : : الحلقة الاولى واليوم الاول اولا التعريف بالبطل :احمد ولد الحاج هريدى واحمد ده يا جماعه لسه جاى من الصعيد طازه (ممنوع الزعل لكل الصعايده) نبتدى بالحلقة الاولى احمد: لو سمحتي حضرتك...ممكن براية نور: ههه احمد حضرتك بتضحكي على ايه ممكن اعرف يعني لو سمحتي نور : مش عيب شاب في سنك يطلب براية ..ده احنا في جامعة احمد : طيب معاكي شفرة...عشان المحاضرة هتبدأ خلاص نور : ايييييه..ايه شفرة دي..ممكن تسكت لو سمحت احمد : حد معاااااااه براااااااااية....او قلم زيااااااادة..ردوا نور: انت اكيد مجنون وطي صوتك الطلبة كلها بتضحك عليك احمد :ويضحكوا ليه ولاد الدزمة دووووووووول نور: خلاص خلاص انا هنقل المحاضرة وبعدين اديلك تصورها احمد : بس انقلي كويس ..وياريت تنظمي الكراسة (اثناء ما المحاضرة شغالة ونور شغالة كتابة واحمد هيموت عشان مش معاه قلم) احمد: يا انسة خطك زفت زفت..انتي مش مسطرة الصفحة ليه ...وفين التاريخ الهجري .يادي النيلة عليا وعلى الجامعة نور : انت مالك ومال خطي مش كفاية هديلك تنقل مني وهتعطل انا احمد : ليه وانتي عربية اصلك علشان تتعلطي..هما البنات متعطلين خلجة نور : انت انسان قليل الادب...بجد مش بتعرف تكلم البنات ازاي احمد : لأ يا شيخة والنبي المرة الجاية تبقي تجيبيلي الكتالوج بتاعك (نور عشان رقيقة سكتت ومش عرفت ترد على بجاحة احمد وانتهت المحاضرة ) اثناء خروج الطلبة من المدرج...احمد حب يستظرف بس بطريقة غبية شوية احمد وسط حشد من الطلبة بنات وولاد وكأنهم قطيع من المواشي هررررررررررررررررررر...وضحكته سمعت كل اللي ماشي (نور بتحكي مع زميلتها من كلية تانية على احمد ) نور : بصي يا هالة الولد ده....فضيحة فضيحة يعني...وحكتلها على اللي حصل هالة : تلاقيه شاب تحفة...مش باين عليه استايل خالص..ده لابس بدلة وكرافت نور : بس تعرفي شكله وسيم اووووي...حاسة انه طيب وعلى سجيته هالة :اوووو...ده وسيم؟...ده مش حاطط نقطة جيل على شعره حتى..شعره منعكش جدا نورا ستي سيبك هالة: على رأيك خلص اول يوم في الجامعة وقبل النهاية بدقايق احمد: يا استاذة يا انسة فين المحاضرة عايز انقلها هاتيها يلا يلا بسرعة نور : تنقل ايه يابني دي عشر ورقات غير في رسومات وجداول احمد :ومالهم يعني عشر ورجات انتي هتخلفي وعدك ولا ايه نور : انا مقلتش كده بس في حاجة اسمها تصوير..اسرع يعني احمد: هه اصور ايه بخطك الزفت ده..شوفي ...زفت نور: حقيقي انا غلطانة وكلام هالة باين عليه صح...بعد اذنك..اوف سابته ومشيت .....وقال احمد: عليكي يا شيخة وعلى هالة وعلى الجامعة كلتها....وبرضه خطك زي الزفت عاوزين تعرفوا اليوم اللي بعده حصل في ايه تابعوا معايا بقى قصة حب احمد الصعيدي ونور البنت الاستايل اليوم الثانى و الحلقة الثانية وجه اليوم التاني....ولسة الحياة الجامعية لم تؤثر على تلاميذ الثانوية العامة...بس مع بلدياتنا احمد ...ماشية عكس خالص...مش عارف يتأقلم عليها وتعالوا نشوف الايام والحياة الجامعية هتعمل ايه في احمد وهيتعامل معاها ازاي كان ميعاد المحاضرة الساعة 8 صباحا...كان احمد واقف قصاد المدرج من 6 الصبح مش عارف ليه ونبتدي الحلقة التانية يا جامدين احمد:ديب ديب ديب انتوا يا ناس يللي هنا...افتحوا الباب الساعي : يا فتاح يا عليم يا رزاق يا كريم احمد: ماترش ميا يا راجل قصاد المدرج عشان تستفتح الساعيا كابتن المحاضرة لسة الساعة 8 مفيش دخول دلوقت احمد:هدخل يعني هدخل..عليا النعمة هدخل هاااا الساعي: قفل الباب في وشه ودخل جوا احمد ا ابن الدزمة انت هتضيع عليا المحاضرة شكلك احمد: اما اروح اجيب كوباية شاي سخن مولع الراجل: تؤمر بأيه يا فندم احمد : شاي خمسينة بنعناع الراجل: ايه ايه...مفيش نعناع احمد: ومفيش نعناع ليه الراجل : هو كده مفيش نعناع على الشاي ..النعناع لوحده احمد يب هات نص كوباية شاي ونص كوباية نعناع الراجل: خد فلوسك اهي احمدب والشاي ابو نعناع فين الراجل:اوووف احمد:اوووف على دماغك...ابن دزمة صحيح كان فات حوالي ساعة ونص وهو واقف في الكافتيريا عشان يشرب شاي قرر انه يرجع للمدرج عشان يلحق مكان وبالفعل حجز مكان وخرج تاني عشان يجيب شاي من كافتيريا تانية...ونجح انه يجيب المرة دي ..دخل المدرج وفجأة لقى مين اعد مكانه ...مين مين مين....لقى نور فارشة كل حاجتها وبتشرب كابتشينووووووووووووووووو احمد : بصوت لا يطاق....ايييييييييه ده يا هانم...هي وكالة من غير بواب نور :وطي صوتك من فضلك انا بتكلم بهدوء وبأدب احمد:هي دي طريجتي..عاجبك ولا مش عاجبك نوريب انا مش هقوم احمد: هروح للعميد يجي يقومك نور:ههه احمدتضحكي على ايه يا باردة نور: لم نفسك احمد: شايفاني مبعتر في الارض ولا اييييييييه نور: مش هتحضر...هههههه احمد ليا الطلاج لأحضر غصب عنك وعن عين والدك.... وفجأة سمع صوت الدكتور بيناديله ونكمل الـــــــــــــالاسبوع اللى جاى يا رب القصة تعجبكم ولسا ليها باقى كتير و ان شاء الله كل اسبوع حلقتان جداد ماشى يا احلى اعضاء باى بعد اسبوع هكمل حلقتان جداد سلام باى وعلى فكرة القصة ديه بقلم احمد حلمى الممثل الكبير و شكرا |
||||||||||
|
|
| إعلانات google |
|
|
|
30-06-2010, 01:09 AM
|
#2 | ||||||||||
 
|
repeated ^^ |
||||||||||
|
|
|
| يتصفح الموضوع حالياً : 1 (0 عضو و 1 زائر) | |
|
|
المواضيع المتشابهه
|
||||
| الموضوع | كاتب الموضوع | المنتدى | الردود | آخر مشاركة |
| يوميات شاب صعيدي بيحب بنت استايل قوي في الجامعه حلقات متجدده | ™_MIZ0_™ | بـعـيـدآ عـن سـيـلـك رود | 1 | 20-08-2010 07:05 AM |
| يوميات صعيدي بيحب بنات استايل اوي في الجامعة(حلقات متجددة ) | teto0 | قسم المواضيع المكررة و المخالفة | 6 | 05-07-2010 05:32 AM |
| يوميات صعيدى بيحب بنت استايل | Buffy_Wizz | بـعـيـدآ عـن سـيـلـك رود | 44 | 30-01-2009 05:09 PM |
| صعيدى بيحب بنت استايل اوى اوى فى الجامعه -= متجدد =- | _iMuslim_ | بـعـيـدآ عـن سـيـلـك رود | 109 | 08-12-2008 02:37 AM |
.gif){kind=icon}
العرض العادي
