حصريا ...إمتحان اللغة العربية المرحلة الأولى 2010

[Eslam_lover]

السؤال الأول: التعبير /
اكتب ما لا يقل عن 650 سطر في احد الموضوعات التاليه:

1-لم يجد الطفل غير الشارع ملجأ نظرا لحالة البلد الهباب..فاتجه إلي السرقة والقتل والحشيش.. حتى نال جزاءه وقبض عليه متلبسا بباكتة بانجو.. اكتب قصته مع تسليم الحِرز للباشا مراقب اللجنة .

2-شهدت بلدنا الحبيبة نهضة فى مجال التشييد والبناء وخصوصا بعد وصول سعر الحديد إلى 6500 جنيه للطن.. اكتب ما يمليه عليك ضميرك على أن يبدأ موضوعك بعبارة أنا باشتغل فى حديد عز .

3-بعد انتشار ظاهرة أكل لحم الكلاب والحمير..من وجهة نظرك تكلم عن هذه الظاهرة ومن المتسبب فيها .... بدون غلط..الورق متراقب.



السؤال الثانى: القصة / من قصة " وعهد الله ما انت داخل الانتخابات" .. اقرأ القطعة وأجب عن الآتى :
(ثم أتى إليه وضربه بالجزمة وقال: انت عايز تترشح فى الانتخابات يا.......؟؟ دانت عايز معجزة..مش كفاية بتاكلوا لحمة ومستورين.. عايزين إيه تانى؟ )

س1 - ما هى اللحمة؟ حدد أقرب معنى خيالى لها

س2 أختر الإجابة الصحيحة :
- مرادف معجزة فى اللغة ( تغيير وزارى – زيادة المرتبات – رغيف العيش)

س3 من خلال فهمك للقطعة أجب عما يأتى :
- لماذ ضربه الرجل بالجزمة وليس بالعصى مثلا؟؟



السؤال الثالث: القراءة / من موضوع ( الزعيم..والفنان.. والقدوة) اقرأ القطعة وأجب :
(وقد نفى الزعيم عادل إمام الإشاعات التى أكدت أنه مرشح لوزارة الثقافة.. وأكد أنه فنان فقط وليس سياسيا
كما أنه يرحب بالتوريث ومقتنع بكل سياسات الحكومة )

س - فى رأيك هل يصلح عادل إمام لوزارة الثقافة أم لوزارة الصناعة ؟؟



السؤال الرابع: النصوص / أقرا النص ثم اجب : من نص ( ماشربتش من نيلها)..

(ماشربتش من نيلها.. جربت تغنى لها.. جربت فى عز ماتحزن تمشى ف شوارعها وتشكى لها )

س1 - بعد رغبة صاحبة النص فى أن تلد ابنتها فى أمريكا لتحصل على الجنسية الأمريكية..اختر..ما المقصود بنيلها فى النص؟ (المسيسبى - الأمازون – يونج يانج )

س2 - هذا النص من نصوص الحزب الوطنى والدليل وجود اسم مهم من قيادات الحزب فى النص.استخرج الاسم..وبوسه ورجَّعُه مكانه

س3 - أكتب مما حفظت إلى أخر الكليب .



السؤال الخامس: الخط العربى / أكتب 20 مرة بخط النسخ و30 بخط الرقعة :

- كوز المحبة اتخرم و طرطش علي كمي...ياريتك تحس بيا و أرحم عذاب امي .
-------------------------------------------------------
_____________________________________

يارب يعجبكو زى ما عجبنى والموضوع منقول الصراحة بس انا ضفت شوية حاجات

[Mohamed1163]

لم ينجح احد
جبت الثانويه 50% درجاتي نهائيه مع غناء سعد الصغير

[MaximumWizzard]

هههههههههههههه جامدة بس صعب سنة

[PaRKouR MaN]

هههههههههههه
تصدق بحسبو بجد :drive1:

[Eslam_lover]

ههههههههههههه

هو بصراحة جامد وعجبنى جدا ودة اللى خلانى اجيبة هنا وأكتر حاجة عاجبانى انه بالرغم من إنه هزار بس هو فى الحقيقة كلام جد 100%

شكرا ليكم ^^

[fetera]

ههههههههههههههههههههههههههههههههههههههههه
انسحب احسن

[Wally]

هههههه

[DeadlY_Wave]

ههههههههههههههههه موضوع معدى شكرا

[TURBO_MiX]

ههههههههههههههههههههه

[XkillermanX]

موضوع جامد و لو جه المتحان ده فى مصر كل الطلاب هايوحشونا مش هانشوفهم تانى هه y.png" border="0" alt="" title="Stitchfacey" class="inlineimg" />

[™ThePuppet™]

ههههههههههههههههههههههههههههه

[ecsroman]

هههههههههههههههههههههههههه

مسخرة ^^ الموضوع دة