ارفع راسك يا اخي.. فانت زملكاوي !!

[super_man619]

والمدهش أن يمارسوا كل هذا الإرهاب ـ المباشر وغير المباشر ـ علي الزعيم عادل إمام فيرتد ـ والعياذ بالله ـ ويغير ملته من زملكاوي إلي أهلاوي حسب تلك الشائعة التي تتردد بقوة والتي لم ينفها حتي الآن نجمنا الذي سنظل نحترمه ونقدره مهما تغيرت عقيدته‏,‏ فالدين لله والوطن

و انا الي كنت فاكرك عاقل و بتفهم


خلاص حولت الزمالك و الاهلي لمله


يا سبحان الله يعني انت بتقارن انديه باديان

يا شيخ اتقي ربنا

هو ال 1-6 لحست دماغكو ولا ايه

خالد بيب طير البرج الي فاضل ولا ايه

طب خلاص

بما ان دماغكوا اتلحست خالص فا اان عندي ليكو فكره حلوه اوي

قبل ثورة‏1952‏ كانت الروح المعنوية للفقراء والغلابة في الحضيض وجاء عبدالناصر ليوزع الأراضي ويقسم الثروة بما يرضي الله ويقول‏:‏ ارفع رأسك يا أخي المواطن‏,‏ وها هو السيناريو نفسه يتكرر في‏2010‏ علي يد زعيم آخر خالد في كل قلب أبيض هو عميد لاعبي العالم حسام حسن الذي قادنا إلي الثورة والتمرد علي الامبريالية الأهلوية التي مصت دماء الأندية الأخري

انت تعمل بقي زي الي مكتوب هنا بالظبط

بس علي قريطه العباسيه او السرايه الصفرا

انتوا تلموا كل الزملكاويه الي في البلد

و تقلعو هدومكم و تعملو ثوره

و كل واحد في ايده كيس تايد من ابو جنيه و ربع

دليل علي البياض

و تقعدو تشتمو في الاهلي

و تكسروا اي حاجه حمرا في البلد

بس عارف ايه الي حيحصل بعد كده

حتصحوا الصبح علي حفله تسليم درع الدوري للنادي الاهلي و شكرا

يلا بقي ماهو بجملت اقول كل الي عندي علشان اريح ضميري من نحيتك و من نحيه الموضوع الرخم ده

انا بصراحه عاذركم علي عقلكم الي راح فطيس

ماهو الي عمله بركات يطير العقل بصراحه

جون برازيلي في اخر لحظه قدي علي اخر امل ليكم للفوز علي الاهلي و الدخول في المنافسه علي الدوري

و حط وش العميد في الارض

انتوا لولا محمود فتح الله كان زمانكم مغلوبين اربعه

و يوقلك بركات عمل بصباعه مش عارف ايه لجماهير الزمالك و همه كان ماشي عند بتوع الاهلي

و فبركوا الصور و حاجه مسخره

يا راجل اختشي علي دمك

و شوف انتوا عملتواايه في متش اتحاد الشرطه

كسرتوا ام الاستاد

و حسام حسن عمال يلم شويه البلطجيه

الي انتوا بتقولو عليهم لعيبه

و كنتوا بتلعبوا علي ضربات الجزاء علشان مش عارفين تجيبوا جون

و علشان الحكم طلع حقاني

ضربتوه بالجزم

جتكوا البلاوي مليتو البلد