فى الجــــون .. وفى السياسه .. وفى الأخلاق .. وفى كل شىء

[_DIDO_]

السلام عليكم ورحمة الله وبركاته

أولا : أزيكم جميعا واحشنى بجد جدا جدا خاصة ان القسم العام هنا انا بقول عليه بيتى بجد وبرتاح لما بكتب فيه وبدخله ولو مجرد التصفح

ثانيا : الف الف مبروك لكل المصريين

من فترة ونفسى أكتب موضوع نفسى أكتب عشان حابب ابقى متواجد بس ملقتش فكرة معينه أتكلم فيها او الصياغة نفسها مالقتهاش

بس لقيت نفسى تحديدا بعد مالجو هدى شوية بعد أفراح المصرييين بفوز منتخبها الكروى والسياسى والأجتماعى والأقتصادى

ماهى موش مباراة فى الكورة وبس لاء مبارة فى كل شىء وأكيد كلكم كمصريين وغير مصريين عارفين قيمة الفوز لبلادنا

كل اللى عايز اقوله :

عمرنا ماشككنا فى انتمائنا للبلد دى بس الفكره هى صورتنا قدام الغير والحمد لله بتظهر يوم بعد يوم بشكل أفضل من رائع

عمرنا ماشككنا فى قدرة شبابنا على التعبير والوصول الى الهدف

دروس كتييييير اتعلمناها من الكورة ماهى اصلا موش كورة وبس دى كانت كل شىء بيدور حواليها

بعض النقط هتكلم عليها والكل اتكلم عليها فى الوقت الحالى وياريت ايضا اللى يدخل يتكلم ويقول رأيه :

1- موش معقول مباراة كرة هى اللى عملت كده فينا بالرغم انه موش عيب اننا نحتفل بفوز بلدنا مادام هو تعبير عن الأنتماء

2- القصة بتبدأ من سنين وسنين ممكن اكون معصارتهاش بس سمعت زى اللى سمعوا هى علاقتنا كعرب ببعض وحالات

التفوق او انا بسميها ( النعرات ) تقدر تقول ع الكلمة دى زى ماانت عايز كل بلد عربى حابب يقول هو مين وبس انما نحن او

كل بقت ممنوعه

3- لما خرجنا من تصفيات كأس العالم بشكل مشرف ولكن الأهانه والمساس بأخلاق المصريين كانت دى الهزة ومحدش ينكر

ان كلنا كان الحزن مالى قلوبنا كان زى مايكون فى شرخ والشرخ ده موش من الكرة لاء من التصرفات اللى كان عليها

علامات استفهام ؟ ليه العرب او البعض منهم بيتعاملوا مع المصريين بالشكل ده ؟ ليه الماضى ييتنسى ؟ ليه كل واحد بيحاول

جاهدا انه يهزمك لمجرد انه موش هيقبل الهزيمة منك حتى ولو أنت افضل منه وتستحق ده ولو حد غيرك فاز يقوله الف

مبروك

4- خرجنا من المونديال ورئيسنا كرم الأبطال رفع المعنويات روحنا بعدها أنجولا وكنا كل مباراة قاعدين بنتفرج واحنا حاطين

أيدينا على قلبنا ولحد مافوزنا وفازت كل مصر

5- رفضت الجزائر الهزيمه بشده لمجرد انها اتهزمت من دوله اسمها مصر ( لا يذكروها ) ولا ينطقون بـأسمها

6- شاهدت بعيونى فرحت الشعوب والدول والجاليات العربية والمصرية فى كل دول العالم

7- الكل اعترف وشهد لفوز مصر ليس بالبطولة فقط ولكن بااشياء كثيرة : الأيمان والأخلاق الهدف والتواصل والصبر

والكفاح ثقة فى قدراتك الجماعيه فى الأداء التواحد والأجماع ع الهدف الواحد

8- من الفوز ده قولت الدنيا لسه بخير لقيت كل المصريين فرحانين الكل فرح عشان هو مصرى موش عشان بطولة فى الكورة

9- صورة المصريين أبهرت العالم نجاحنا ده خلى الكل يبص لينا من تانى ويعيد حساباته امام العقليه المصرية

10- الأستاذ الكبير" أبراهيم حجازى " أكن له كل التقدير والأحترام الراجل ده بيتكلم ع الفطره وراجل من الملاييين اللى

بتحب مصر جدا بيقول الحق حتى ولو على رقبته رجل عسكرى ومن ثم رجل رياضى ومنه صحافى وهذا هو الرجل

المصرى الراجل ده من وانا صغير تقريبا وانا فى الأعدادى كنت بنزل كل يوم أربع أشترى مجلة رياضيه اسمها :

( الأهرام الرياضى ) كان احد العوامل اللى بشريها هو الراجل ده لأنه مقالته مكنتش فى الرياضه وبس

انما كان كلامه ان الرياضة ممكن تعمل ايه وممكن نعمل ايه عشان نوجه الشباب للهدف الصح راجل دايما بيدافع عن قضايا

كتير انا بفتخر بيه أولا كمصرى وبيه كشرقاوى ابن بلدى اتمنى انكم تتابعوا الراجل ده

11- مواطن ( جزائرى ) وهو فعلا اقدر اقول عليه ونعم بجد الأخ ده بعتلى على البريد فى ( الفيس بوك )

مرتين يوم ماتش ( أم درمان ) وقالوا انتم ملعبتوش كورة عشان الجو كان سىء وقالو انتم ناس محترمه وطيبه

ويوم ماتش ( بنجيلا ) قالى أنتم تستحقوا كل الاحترام وقالى انه بيحب المصريين لأنه فى المقام الأول عربى وبينتمى لأحد

أفرع العروبة الكبرى وهى ( مصر ) وقال كلمة بشكل كبير كانت فرحة ليا بعيد عن الماتش قالى انا ليا الشرف انى بتكلم

معاك يايحيى

كل اللى عايز اقوله من الموقف ده ان الناس كلها موش وحشه ولما يكون فى حد وحش يبقى احنا لازم نبين ليه أحنا كويسين

قد ايه وحتى ولو مقدرناش نظهر ده مسير الزمن يظهره وده حصل لما أدينى الجزائر بل والعالم كله درس فى السلوك

والأخلاقيات جيل ملتزم وده الطبيعى من شعب مصرى مسلم عربى

12- شبابنا اللى أحتفل بفوز مصر هو اللى عليه الدور الوقتى انه يقول اننا الأفضل والأحسن موش هقول نعمل مبادرات

ولا احنا فى أنتظار شىء شايف انه صعب يحصل فى الوقت ده ولكن أتمنى من الجميع انه ميردش وميجريش وراء

استفزازات اى حد ممكن يغلط فيك احنا اكيد كرامتنا فوق كل شىء كمصريين ولكن الرد بالأحترام بالأثبات بالعقل وليس

بالتعصب

وكون انك عايز تثبت انك مصرى وبتحب البلد دى يبقى تعمل موقف يضعف اللى قدامك ويأثر فيه موش العكس

مينفعش خالص ان حد يغلط فيا باى شكل انى اغلط فيه

13- لما نقول أحنا عرب دى موش كلامى ولا بمزاجى ده زمن طويل وأكيد أجيال وراء أجيال لازم تعرف ده

والعرب موش بمزاجهم هيبقى واحد مسيره هيجى اليوم واللى موش مؤمن بالكلمة دى غصب عنه هيقولها على مرىء ومسمع

من الجميع ده موش بمزاجكك تقول انت عربى ولا لاء

14- هم جزائرين بس ليسوا ( عرب ) ده الفرق ولازم نفهم ده كويس لاحظت ان الجزائرين اللى بيغلطوا فينا هو موش
منتمين بالمرة لبلدهم ولا لأكثر مليون شهيد ضحى عشان الجزائر

15- كل مصرى عليه حمل كبير انه يثبت للكل ويفضل ثابت على كل موقف كويس وصورة هو رسمها بتلقائيه قدام العالم

16- كل عربى عليه يعرف اننا كمصريين بنحبهم وبنحترمهم وهنفضل تواصل معاهم لأننا واحد ومننفعش نكون غير كده

17- العالم الغربى يتدخل فى شئون العرب كل يوم وكل ساعه الرجاء عدم السماح للتدخل فى شوئنا وأعطاء الفرصه ليهم

18- عشان محدش يقولى بتفلسف وبقول كلام انا باكد للكل انى ليا اصدقاء من ( الجزائر - والأردن - وتونس ) وكلهم

بيحترمونى وبينقلوا ليا أحترام البقية لى

لما تكون راجل ناجح فى مجالك وبتتعب فيه والكل بيسمعك وبيقدرك وبيحييك على اعمالك يبقى ده من هنا التواصل

الحمد لله ماشى بخطوات كويسه فى مجال المزيكا ومنها الكتير بيسمعونى وفخور ان شغلى بيتشغل فى بلاد عربية كتير

من هنا ده الأنتصار كل واحد فينا قادر يوصل

لما تنزل موضوع فى منتدى بتناشد وتشرح فيه الوضع أكيد الكل هيشوفك

لما تعمل صورة كويسه فيها التوحيد وفيها الحب أكيد الكل هيشوفها

لازم نقول أحنا مين والكل طبعا فى غنى عن ده بس لازم نقول تانى وتالت بالفعل وبالكلام

19- روح النصر جوا كل فرد فينا وكلنا بنملك العزيمه والأصرار

20- تواحد كل المصرييين ده شىء مهم جدا جدا بنثبت للعالم انه برغم الأحداث الفردية والعابرة اللى اننا وقت الجد بنبقى

وفى الفرح واحد وفى الحزن واحد

21- " مصـــر " ليست أم الدنيا بل أب لها مصر بكلمة تتقال بيرتجف ليها قلب وبتنزل الدموع من كتر عشقنا لبلدنا

المصريييييين فوق رأسى بكل طوائفهم وبكل دياناتهم كلنا واحد لأحد أفضل من أحد

عزيمتنا وقوة ايمانا والتحدى والوصول للهدف انا ماشوفتش فى بلد زى ده

كل واحد بيفتخر ببلده وده من حقه بس بجد مع مصر الفرق كبييييير

مصر فى : الجون وفى الفن وفى السياسيه وفى كل شىء

محلوظة هامه : مصر موش بتحب أولادها وبس لا اللى بيحب مصر أكتر هما أولادها برغم كل شىء ( الحدق يفهم )

انا هشد خط ومعناه ان كلامى خلص بس كل اللى جوايا مانتهاش بس تركت لكم البقية فى هذا الموضوع ......

-------------------------------------------------

اسف جدا جدا ع الأطالة وأتمنى من الجميع المشاركات الجاده والمميزة
وانا فعلا مكتبتش الكلام ده من فراع وأكيد الكل يعرف انى مبنزلش موضوعات من فترة طويلة أولا انا رجعت كتبت الموضوع ده لأنى بحب القسم العام جدا جدا وثانيا لأنى كنت عايز اوصل ليكم شىء انا شايفه مهم ومؤمن بيه
وربنا وحده اللى يعلم انا موش منزل الموضوع ده لأى غرض ولا كنت محضر ليه بالعكس كل كلمة قولتها وكتبتها هى طلعتك من جوايا تعبر بكل حريتها وأرداتها الخاصه بيه
ممكن يكون الموضوع موش مرتب ولا منسق بس بأحساسى وصفت جزء بسيط من اللى عايز اقوله

=================

مش هزعل لو الموضوع اتنقل لا ده المفروض يتنشر اكتر و اكتر

[super_man619]

موضوع جااااااامد جدا
و قريت معظمه
بس مقدرتش
علشان عايز انام
و موضوع حيوي جدا و يبقي السؤال
لو ماكنتش الكوره يبقي (ايــــــــــــــــــــه)

[No_Rules]

شكرا على المووضوع بس طوويل اوى الموضوع :(

مقريتوش كله

قريت معظمه :)

Thanks

[EL_Banditto]

انا الى فهمتو من الموضوع انو بياكد اننا ناس محترمين مش زى ناس عوزا الحرق بجاز .....
بس على العموم شكرا على الموضوع الطيب

[ronaldo20074]

شكرا!!!!!

[™KeroMan™]

مشكور