مدرسه Silkroad online

[Geucanda]

نيجي بأه لشرح ال quests او المهمات

المهمات هي عبارة عن طلبات يطلبها منك اشخاص اللعبة بتنزلهم لا يتمتعوا بأي ذكاء يعني زي الكمبيوتر بالضبط ويدولك مهمة تتوقف على الليفل بتاعك وساعات بيكون ليها متطلبات تانية يعني تكون منفذ مهمة قبليها


عشان كده يفضل انك تاخد المهمات بالترتيب

الاشخاص اللي بتنزلهم اللعبة اسمهم NPC او non playing character ودول بيكونوا في المدن الرئيسية وال ferry او المعدية اللي بتعديك الانهار

مش بس ال NPC يطلق عالاشخاص اللي بتنزلهم اللعبة بيطلقوا برده على نوع من ال thieves وانا هشرحلكوا انواع ال thieves بس مش دلوقتي لانك مش هتعرف تعمل trade غير من اول ليفل 20

نتكلم بأه عن المهمات

انا هنا جايبلكم الصفحة اللي هتلاقوا فيها كل المهمات اللي مختصة بالمدينة الاولى ودي من ليفل 1 لخد ليفل 20
اتفضلوا من هنا عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

وبكده يبقى انا سيبتكم لبر الامان لحد ما توصلوا ليفل 20 عشان نبدأ بأه الشغل والبيزنس مع بعضنا بأه


بعد لفل 20

اول حاجه خلص جميع كويستاتك في المدينة الاولى

اظن بتنتهي بجلد النمر الابيض وتجميع عيون الشاكجي ومهمة قتل 600 منهم

ودي لما تخلصها بتوصلك ليفل 22 على اقل تقدير

بمجرد ما توصل ليفل 22 تركب حصان وتنطلق للمدينة التانية عبر الطريق الشمالي اللي من فوق ده

بلاش الطريق اللي من جوا الجبال

وطبعاً وانت ماشي بالحصان لازم تزود دمه

واكيد هتخاف من شكل الوحوش اللي هناك وده طبيعي

ولو الحصان مات ولقيت نفسك بتنضرب ( استنى الوحش يضربك متهجمش عليه غير لما يهجم عليك ) اضرب الوحش اللي بيضربك واكيد هتقدر عليه واذا لقيته طول معاك اضغط ال TAB وانطلق فيه

واركب حصان تاني وانطلق لحد ما توصل المدينة التانية

تيجي على مكان اسمه dimensional door وده هتلاقيه في وشك اول ما تخش من البوابة الشرقية للمدينة على شكل كورة زرقا كده تضغط عليها وتختار اول امر وهو معناه انك تخلي المدينة التانية نقطة الوصول اذا مت او اذا استخدمت اي scroll

وتبدأ بأه يا سيدي كويستات المدينة التانية اللي حالاً

شرح التجارة

لو عايز تبقى تاجر تروح عند اي الراجل بتاع التجارة وده هتلاقيه موجود في كل المدن

في المحل هتلاقي 2 NPC في واحد منهم بيبيع شارة خضرا دي بتاعة التجار

انت تشتريها وتلبسها

وتروح عند الراجل بتاع الاحصنة ..تشتري حصان او جمل على قد اللفل بتاعك وتركب الحصان

طبعاً باه انت عاوز تحمله حاجات تبيعها

تروح سيادتك لمحل التجارة برده ... فاكر الراجل اللي جبت منه الشارة

مش ده بأه ... التاني اللي قاعد جنبه ... هتلاقي حاجات حطها في الحصان

وخلي بالك متحاولش تخلي التجارة 5 نجوم مثلاً ... اياك ... لان هيطلعلك 5 حرامية .. ممكن يطحنوك من ضربة واحدة

خليها في الاول نجمة واحدة ولو انها مش هتكسبك كتير

انت لو خدت تجارة اكتر من نجمة واحدة هيبقى في فرصة للحرامية الحقيقيين اللي شخصيات وبيلعبوا زيك انهم يقتلوك

لكن التجارة ام نجمة واحدة بيطلعلك حرامية زي الوحوش تمام وفي نفس اللفل بتاعك او اقل شوية

كده تمام

تطلع من باب المدينة و وتتوجه صوب المدينة التانية

وخد بأه عندك النقط دي

حاول بقدر الامكان متمشيش في الطريق ... خليك وسط الشجر او كده يبقى احسن كتير عشان مفيش حرامي لاعب يضربك

هتقوللي طب ما انا طالع تجارة نجمة واحدة

هقولك ما هو الحرامي مش هيعرف يضربك بس الحرامي ده بيطلعله حرامية وحوش على قده وهيسيبوا الحرامي ويتشتطروا عالبردعة

وخد عندك

لو لقيت في السكة حرامي على حصان بني غامق او حصان ابيض او طور

خد بعضك واجري ... واحتمال متلاقيش وقت تجري اصلاً

ربنا يوفقك يا بني

مع العلم صافي ربح التجارة نجمة واحدة في لفل زي اللفل بتاعك يخش في 50 الف دهب

انت لما بتعلى في اللفل الحقيقي بيزيد فلوس التجارة ام نجمة واحدة

يالا

انا بدعيلك طول السكة
ولاكن دلوءتي لو انت فوق لفل 40 حتي لو نجمه وحده الثيف يضربك

ارجو التثبيت للاستفاده الشامله

وعايز اسمع ردود حلوه :)