أفضل الطرق للوصول إلى لفل 100

[Whispers]

[ بداية هبدا معاكوا من الاول خالص وهو انه اهم حاجة تكون مستقر من البداية على بيلد تكون انت مرتاح فيه وفيه هنا فى الموقع مشاركات كتير لشرح كل البيلدات للشخصية اللى عايز تعملها بعيوبها ومزاياها وانت ما عليك الا ان انت تختار البيلد المناسب ليك ويكون مريح ليك نفسيا وتتوكل على الله وتعمله وتعمل فى حسابك انك ما تعملش اى بيلد تانى وتفضل ماشى مع الشخصية الى النهاية لأن من اخطر العيوب اللى بيعملها المصريين والعرب هو عمل شخصيات كتير جدا فى كل السيرفرات وده اسمه تضييع كبير جدا فى الوقت والمجهود .. وبعد ما استقرينا على السيرفر والشخصية تبتدى تشوف ايه هى امكانياتك .. لو تقدر تجيب سيلك وبوت وجولد يبقى هتوفر على نفسك وقت ومجهود كبير جدا لكن اذا ما قدرتش مش مشكلة وبمساعدة اصدقائك فى السيرفر هتقدر تعمل كل حاجة بس المشكلة انك هتاخد وقت اطول .. وهنا فى حاجة مهمة احب اقولها .. عشان تكون شخصية محبوبة فى السيرفر وليك اصدقاء كتير ويساعدوك بحب لازم تتعامل مع كل اللى حواليك بذوق واخلاق ومتغلطش فى اى حد مهما كان وطبعا بلاش النصاحة فى انك تنصب على الناس لان كل الطرق النصب اصبحت معروفة للجميع فهتخلى منظرك وحش قدام الكل من البداية فحاول تتجنب ده لانه مالوش لزمة خالص .. وطبعا بلاش تقعد تقول للى رايح واللى جاى انا عايز جولد لانه فى مليون طريقة شرعية وكويسة تجيب بيها جولد وكتير كمان وهنتكلم فى كل الطرق دى ان شاء الله فى مراحل قادمة .