ايد واحده لعوده wadcool

[abo hussien]

السلام عليكم ورحمة الله وبركاتة..
اسمحولي يا جماعة اقول رايي في الموضوع ده..
اولا: بالنسبة لموضوع عودة وادد كوول للاشراف .انا باضم صوتي لصوت الاخوة اللي بتنادي لرجوعة تاني..
ثانيا :عندي كلمة لازم اوجهالو بردو.يا وادد يا كوول .مفيش حد في الدنيا مبيغلطش .بس لازم تعرف انك غلطان وتتعترف بكدة وتحاول تصلح غلطتك بكل الطرق.وتستفيد من التجربة ومتكررش الغلط تاني ( دا طبعا لو كنت غلطان )
ثالثا :بالنسبة للاخ اللي راح نقل الكلام .تصرفك يا باشا مرفوض جدا جدا .وده مهما كانت المبررات.وتصرفك يدخل في نطاق الفتنة التي اخبرنا المولى عز وجل في كتابة العزيز انها اشد من القتل .كان في مليون طريقة تعالج بيها الموقف
رابعا : بالنسبة للاخوة مراقبين المنتدى اللي المفروض ان واد كوول غلط فيهم .اي واحد مكانكم لازم يزعل ويعمل زي ما انتم عملتم بالظبط .لكن انا عايز اقولكم كلمتين .لو واحد فيكم ليه اخ او ابن غلط غلطة كبيرة .الصح انو يطردو برة البيت ؟ ولا يعاقبو ويحتوية في نفس الوقت ويعلمو الصح من الغلط ؟
انا باشوفكم كتير بتكتبو هنا في المنتدى ان كلنا اخوات .ارجو التعامل مع واد كوول على هذا الاساس.وعفا اللى عما سلف .ولن اذكركم بالهدف الرئيسي لوجودنا في هذا المنتدى.والامر مفوض لكم في هذا الامر
اسف للاطالة..