خاص لحضرات المشرفين اللى بيحذفم مواضيعى

[mido_91_2006]

السلام عليكم ورحمة الله وبركاتة


على فكرة الموقع دة بدا ياثر معايا جاااااااااااااااااامد يبقى انا عامل 3 مواضيع مواضيع جامدة والكل مستفاد منها
ويتحذفم غير انى كنت عامل فى موضوع فى sjsro old بمناسبة مشكلة فى البوت بتاعها ومستنى الرد والناس كلها بتتناقش في الموضوع اجى انهاردة واشوفة الاقيه الموضوع بقى مغلق بجد بجد والله انا متشششششششششششكر جدا على المعاملة دى وبصراحة انا ما كنتش اتوقع الكلام دة يحصل من الموقع اللى انا بدات عليه كدة ومشككككور بردة للمشرف انه بيحذف المواضيع وما اقولوش الا كتر الف خيرك
واللى بيحصل دة والله هيخلينى ما احط اى موضوع من عندى تانى وهستخسر اى حاجة فى الموقع دة
ويا حضرات الاعضاء انا لو غلطان فى حاجة حد يقولى الغلط مش عيب العيب انه تكرار الخطا
وانا اشهد عن نفسى والله ما عملت اى حاجة تخلى ال 3 مواضيع يتحذفم دة غير طبعا اللى سبق من زمان
يبقى انا بتعب نفسى وادور على مواضيع حلوة واجيبها هنا وفى الاخر يبقى جزاتى يتحذف
على فكرة انا ما يهمنيش الموضوع دة يتحذف ولا ما يتحذفشى علشان خلاص الموقع دة انا اخدت فكرتى عنة
ويا رب ما يحصل فى اى عضو اللى بيحصل معايا دة ومش هقول الا الف الف الف شكرا
مستنى اى رد من اى عضو او حتى اى مششششرف وكفـــــاية كدة على الاخر

[VioletHell]

واللهي عندك حق الناس هتستخسر تحط حاجه في المنتدى بعد م المواضيع بتاعتهم تتخذف

[هتلر]

ههههههههههههههههههه
مشرف القسم
هيقولك
ينقال الموضوع الى قسم الشكوى
وبعدين
قبلنى لو حد سال فيك
اسال مجرب

[Ğ_Unit0]

يا رجالة استهدوا بالله بس

لو موضوع مش مخالف و انت قارى القوانين الخاصة بالقسم أو القوانين العامة للمنتدى التى وافقت عليها عند التسجيل بعضويتك .

و متأكد بعدم مخالفتك للقوانين و موضوعك فى المكان السليم .. فأكيد المشرفين مش هيمسحوا الموضوع .. لأنهم عارفين القوانين كويس ^^

و فى الاخر برضوا لو انت لقيت ان موضوعك مش مخالف وكل متعمل موضوع يتمسح فتقدم بشكوى أو استفسار .. فى القسم الذى تسمح فية مشاركات مواضيعك و هيرد عليك واحد من المراقبين او المشرفين او الادمن .

سلامى خير كلامى

:D

الهوارى

[TheGhostFish]

فعلا والله مواضيعي اتحزفت والي متحزفش مغلق وممكن اجبلك الروابط بتاع المواضع المغلقه المشكله اني الموضوع عليه تقيم 5 نجوم والردود بتبقي اكتر من خمسين رد واللهش

[WadCool]

شباب ظهرت في الايام الاخيرة غضب الناس من حذف المواضيع

علي فكرة انا كمان عملت اكتر من موضوع واتحذف وكنت غاضب من المشرفيين

بس رحت سالت محمد (عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]) قالي الموضوع بتاعك متكرر اعتذرت له وقلت انا الغلطان

لاني لو كنت عملت سيرش (بحث) عن الموضوع كنت لقيته ومعملتش زي

تاني حاجه مواضيع البرامج حذف من غير كلام لان في بعض الاعضاء معندهاش ذمه ولا دين بتنزل مواضيع متفيرسه او متبتشه

لو المشرف نقلها قسم البرامج معناها موافقه من الادارة يبقي انا اذيت غيري من الناس من غير ما اقصد يبقي تحذف

لو حضرتك كنت حاطط سكان بدخل وبنزل الموضوع وبجربه وبعد كده بنقله لكن من غير سكان وموضوع في غير مكان بيحزف ده لحمايتك مش عشانا احنا

بالنسبه لمواضيع التعصبيه ( الاديان (كرة القدم والانديه ( الماتشات العربيه ؟ بمعني ماتش بين دولتين عربيتين (تامر وعمرو ) كل ده المشرف لازم يحذفوا لان في تعصب وممكن ينتج عنه اساءات

طبعا حضراتكم عارفين معانا ناس اقل من 15 و14 سنه ومش عارف ممكن ينتج عنه ايه

معانا بنات لازم نحافظ عليهم من اي اساءه

كمان حضرتك ممكن في لحظه واحده وتخسر عضويتك حتا لو معاك 1000 مشاركه وغلطت مرة واسات او لفظت لفظ تخسرها

اخر حاجه احبها اوضحها احنا يا شباب كل مشرف في القسم بتاعه بيتمني المشاركات تزيد والمواضيع تكتر

تفتكر هتعمد امسحلك حاجه ؟؟

استاذ خالد لما ادالنا الحذف اداهولنا عشانك انت مش عشان نحذف عمال علي بطال

ليك حق تسال اتحذف ليه اظن محمد والهواري الاتنين مشكورين قالوا ليه بيتم الحذف

لكم ارق التحيات وشكرا واسف علي اطالتي في الرد

اترككم في رعايه الله

[Alone iN The Sky]

معلش معلش

لما يكون لعبة من موقعها الرسمى ولعبة مشهورة عالمية او برنامج عالمى وبيكسب فلوس منه
يبقى مش ممكن هيعملو عليه فيرس او هيخسرو كل الناس

وياسلام بقى لو لعبة مساحتها عاليه
يبقى ماحدش هيعملها سكان وماحدش هيرفعها ولا حد هيستفيد منها فى المنتدى لانها ممنوعة
والكل هيقولك لا ياعم هو انا اتعب فى الموضوع عشان غيرى يستفيد وبعدين يمسحوه ويقولولى مافيش رابط وانت وانت وانت
طب ما انا خلينى اتفرج من بعيد من غير ما اعمل مواضيع ولا اشارك وهما اللى خسراتنين

والكلام ده اتقال هنا كتيييير وناس مش بتعمل مواضيع كتير

من اول العضو الجديد لحد العضو مميز بلا حدود فيهم بيقول كده
مش ذى الاول ذى ما الدنيا عارفة المواضيع قلت

اللى بيتمسح اكتر من اللى بيتعمل


وعلى فكرة اكتر كمان للكل

فى مواضيع مهمة بتكون مكررة و99% من المنتدى محتاجين الموضوع لكن بيتمسح عشان مكرر رغم ان الموضوع بيكون مكرر من سنتين زماااااااااااااااااااان وماحدش يعرف عنة حاجة لكن بنحتاجة الايام دى بس للاسف يقولك مكرر

طب مكرر حرام عليك هو مساحتة صغيرة وصاحب المنتدى مش هيزعل لانة مساحتة صغيرة مش هيحمل كتير من المنتدى بس الافادة هتكون اكبر بكتير اوى

والمفروض لو فى بجد قرارات صح ترضى الناس كلها

زى ما بيقولو ممنوع من غير روابط اسكان

يدو الاعضاء حقها فى انهم ممكن يكتبو

التحميل على مسئوليه العضو وليست على مسئولية المنتدى

وبكده اللى خايف ماينزلش واللى مش خايف زيى انا انزلها وانظفها من الفيرس واشتغل بيها والناس تشتفاد ولو حد كويس هيرفعها نظيفة للكل


انا لو قلت لى صاحب المتدى عايز امسك مشرف ولاقيت موضوع حلو الناس مستفيده منه ومن غير رابط اسكان

هاجى على نفسى وهكون كويس وهعمله رابط سكان وارفعة للاعضاء بس عشان خاطر المنتدى والناس تعرف انى مشرف شغال
شغال مش انى امسح مواضيع
لا شغال معناها الصح انى اعدل الغلط وافيد الناس عشان تحبنى وعرف انى قد كلمة اشراف


وكمان عشان الناس تعرف ان الاعضاء اهم حاجة فى المنتدى وراحتهم فوق الكل

سلام وارجو الفهم قبل الرد والتسرع

كل حاجة بالعقل مش بالسلطة والمكانة

[noty2009]

فعلا انا اخر يوم عملت فيه موضعين الموضوع اتحذف بعديها بربع ساعه بدون اى سبب و انت لو سئلت اى مشرف هيقولك مكرر كأن الكلمه دى لزقه فى بوقه و تلاقيه اساسا ميعفرش هو مكررر ولا لا و بيوق مكرر على اساس ايه و يغلق الموضوع بدون سبب الحكاية بقت سمك لبن تمر هندى :D:D:D:D